راكوبة ابريش

يا حذيفة مهلا علي بنت السعودية لقد كانت واقعية جدا في تعاملها مع هذه المصطلحات

وتاني هام الراكوبة الجميلة باهلها وناسها خلوها رائقة وحلوة وما تفسدوا علينا هذه البهجة

ولو سمحتو انسو الموضوع وخلونا نسرح ونمرح فيها زي ما ندور

تحية طيبه ..اولا يجب علي ان احي واشكر صاحب البوست واشكر جميع البزلوا وابدعوا تسلموا ..ياودالدقناوي وعبدالحي اشكركم على تنذيل صور عاداتنا وتقاليدنا اما ياعبدالحي هل يكون في (سعن) في بشاقرتنا.. ويا ود الدقناوي راكوبتك حلوه شديد ماشفتها الى في الخلاء عند المزارعيا ..زي راكوبتك دي والله انا زمان جلست فيها واكلت وشربت وشربت الشاي وتونسته فيها لمن كنت بمشي بسرح بغنمنا وبزرع اعطيك العافيه زكرتنا زمن جميل شديد اما الانسه البتعوس في الكسره شوقتني الى شطه بليمون ومعاها بصل ابيض وملاح ام رغيغه وكسره ..,وللمره الثانيه اشكر صاحب البوست.
تقبلوا مشاركتي معكم ..

تحية ليكم ياخي حذيفة واختي بنت السعودية ويا حذيفة هدى اللعب فكلام بنت السعودية وبطحانية كلام حقيقى ما يستبهلو ولا بتريقو فهم ما شافو البلد وما بيعرفو الحاجات دى وهم الان يعرفون معظم هذه الحاجات وهذه محمده تُحسب للمنتدى

17-الضقل :- لعبة شعبية من عصا اوحطب (ورد والرد يكون ابزرد )
18- الطاب :- الجبيرة من خشب متساوية وحبل
19- الكُـــده :- جنى الدوم وهي لعبه شعبية (ابواها اباه واكل الفطيرة خلاها)
20-الكنجال :- هويحمل علىه الحطب في الدواب
21-البردعة:- هى مصنوعة من الصوف وتوضع على ظهر الحمار ويحلس عليها الراكب
22- اللِبدة :- تصنعم الصوف اوغيره وتوضع على تحت السرج على ظهر الحمار
23- البرابندي:- هو يصنع من الحديد ويتخدم لربط الحمار او الدواب
24- المرتيق :- نوع من صفق القصب تاكله الاغنام
25-الورتاب :- هو ما تبقى من اوراق القصب
26-النجامة:- الة تستخدم للبصل وغيرها
27-الضويلم :- هو يصنع من الخشب او العود لكي يمنع صغار الماعز والاغنام من الرضاعة
28-الصُرار :- هو يصنع من البعر اللين زائد خيوط زائد ماء لبن ويوضع على ضرع الاغنام والماعز
29-ام مارغيب:- هي ثمار توجد الاشجار مثل شجر اللعوت
30- المُطالة :- نوع من الكسرة يحفر لها في الارض وتغطي بى اناء
31-الجُبين :نبات صغير مدور يوجد به شوك
32- ام تكشو:- هي نوع من الملوخية الناشفة
33- التُبنة :- هي انا لحمل اللبن (الحليب )

ونشكر الاخوة اللذين شاركونا في حل بعضها منهم فاروق سعد ودمريم والعمدة خليفة

منتدي ولا برنامج البيت الكبير لابراهيم البزعي

حسب الرسول مبارك كتب:منتدي ولا برنامج البيت الكبير لابراهيم البزعي

ياجنابو
الاثنين معا

تحية ليك ياشباب
سؤال للجميع وللاخ عبد الحميد التوم هل الشول دى عندها ايى زكريات في الفقداب ونسالك عن عاقتك ببعض الشخصيات امثال
نور الجاز وام العول ود السوق وبنت الصندل ومريحيكا

سلام شباب وانشاءاللة طيبين
واسفين عن الغياب
لكن دى راكوبة ولا دكان ودالبصير

شكرا لك بت السعودية لنعتي بي ابوالفهم واحسب ان هذا اطراء لا استحقة.
ومعكم في الراي بعدم تعكير الجو الجميل في الراكوبة , لانو لو مسكت شرارة في الدهسير والقش حقها دا بتبقي رماد ساي . وما بنلقي فيها عنقريب هباب ولا سعن ,اللهم الا لدايات وصاجن ود الدقناوي.
ثم يبدا اخونا فقدابي مرة اخري في جلب الفلكاب والقش وحبال السعف لاعادة الوضع كما كان علية وربما يحتاج الي كشف .ودا لوما كورك ياابو مروة.
و(نلتقي لنرتقي ) .
كسرة:
ياود القناوي قرقريبتك ماعجيبة(قرقريبة2009)
كسرة ثانية:
ويا حسبو ويا اسماعيل سؤالكم دا وجهو لفقدابي.

وتقبلوا مروري....

البطحانية

ما قلنا روقو المنقة

والراكوبة رائقة بي اهلا

الموضوع اتركيهو بالجنب

وافتحي صفحة وتصافح مع حذيفة وغيره

--------- دى عين عدييييييييييييل -----------
بسم الله الرحمن الرحيم
قل هو الله احد * الله الصمد * لم يلد ولم يولد* ولم يكن له كفوا احد * ( صدق الله العظيم )
يا عين يا عنيه يا كافره يا نصرانيه
عين الصبى ، شرا غبى ( جنابو واسماعيل )
عين الفتا ، قدت الواطا (...........)
عين العجوز ، قدت الخروز ( اظنو الدرديرى ولا ابو هاله )
راكوبتنا لمت فيها شعفوفه كان ما سوينا ليها حبة كجره وزيادت فلكاب كان مرقت بى هناك للفقداب
يلا النشوف انا فكى كارب ولا كلام ساى.
1/ الفلكاب . شنو؟
2 / شعفوفه . شنو ؟

فقدابى

التحية ليكم واللة
يافقدابي الشعفوفة دي جابة عبدالعزيز شكلو
لاكن عندى كوليقات قصب
شكلو حاجيبم ليك
هههههههههههههههههههههههههههههههههههههههههههههههههههه

يابت السعودية هل حقيقة نسيتي الشعفوفه ؟.
لا اعتقد ذلك لكن بزكرك ليها
و بيني وبينك كدا ان حسيت بيك يا بت السعودية وكأن مشلعيبك (مشلعيب اللبن) معلق وضبانو يسوى جو وغنمك مصررات وعاقلات وجنبهم بهمن داير متين يفكو لية الصرار عشان يكبس علي الضرع وانت حامده شاكره والزريبة في قفي الراكوبة مزروبة بي شوك وشدر كتر وبي جوة عاليه من بعر البقر ومليانه روس(حتي مادايرة تديه للزبالين) وفي القاطوع طرقة رهيفه بايته لمن لونا بقي ابيض مابتنفع الا يخمرو بيها العجين وكورة الروروب من البارح اسمها فى الغسيل وطبق الويكه مشرور فوق الراكوبه شالو الهواء والويكه فى الحوش مشتتة والطبق مرق للجارة التالتة وانتي تسالي فيهم (النبي ماشفتن طبقي) مع انو تكون في واحة نامت بيهو والبقرة ساربه بالليل والعجول تصيح وتكورك دايرة اماتا وفي الراكوبة جداده طايره من النهره النهرتيها ليها وانت تقولي في سرك أريت كان ما نهرتها دي دخلت كرعيها فى العجين وتديها دعوة كاربة وبهناك ضبانه واقعة فى زيت مسحة الصاج وواحدة ملككة في الطايوق وتنوني كان تمرق والشبشة مراقبة الوضع كان تلقي طريقة فيها .
كسرة:
نستميح الاخوة فقدابي وابو القاسم عزرا للاجابة علي سؤال بت السعودية.
انا اعتقد والله اعلم وبما انك قلت ان الشعفوفة هي المطر الشديد ومعاه رياح شديدة وتاتي من عدة اتجاهات.
ان اسم الشعفوفة اتي من التشعف(بكسر الشين) وهو الزول الشعرو كتير وغزير وغير مهتم بة لدرجة تلقي كل شعرة طايرة في اتجاة.

يا حزيفه كلامكم دا الزمن عفا عليه خليكم واقعيين شويه

ياحذيفة بت السعودية الحاجات حسب معلوماتى انها جادة ما بتعرف الحاجات دى وهي غريبة عليها ووالمنتدى جعلها تعرف المحراكة والراكوبة والشعفوفة وغيرها فارجو ورجاء ورجاءً ورجائ نقفل هذا الموضوع ونبداء من جديد والنقاش والمهاترات مافي ليها اى داعى فنرجو ان تمسحو كل القديم في وجوهنا وعفي الله عن ما سلف
ولكم تحياتي

يا أخ حذيفة لك كل الشكر والتقدير على هذه الإجابة الرائعة على سؤالي وحقيقة صورتها تصوير بلاغي كان غاية في الإبداع وقرب الصورة أكثر

الاخوة ود الدقناوي وابو صهيب لكم العتبي حتي ترضو ولكل المتداخلين.
ومع ذلك اعتقد ان البوست السابق ليس فية اي نوع من المهاترات فهو تصوير للوحة براكوبة ابريش وبما ان الاخت بت السعودية معنا داخل هذة الراكوبة فلتعتبر ان كبسولة الزمن قد عادت بها الي الوراء قليلا لاجترار بعض الزكريات .
ويا بت السعودية لكي العتبي حتي ترضي وان كنا اخطانا في حقك فيجب علينا ان نعتزر.
كسرة :
ياحسبو نعم هي اشياء عفا عليها الزمن ولكنها ستظل في دواخلنا نبراسا نهتدي بة لغد افضل لان صداها ماذال يملاء المكان.

[b][center]معليش يا حذيفة إمكن أنا وأبو القاسم فهمناك خطأ وبنت السعودية هي الفهمتك صاح ونتمكى أن تدوم المحبة بينا جميعاً
وستظل راكوبة فقدابي لامانا كلنا تحت سقفها .

وبهديكم يا حذيفة وبنت السعودية هدية بسيطة بس ساميه في معناها أتمنى أن تقبلوها مني

فقدابى كتب:--------- دى عين عدييييييييييييل -----------
بسم الله الرحمن الرحيم
قل هو الله احد * الله الصمد * لم يلد ولم يولد* ولم يكن له كفوا احد * ( صدق الله العظيم )
يا عين يا عنيه يا كافره يا نصرانيه
عين الصبى ، شرا غبى ( جنابو واسماعيل )
عين الفتا ، قدت الواطا (...........)
عين العجوز ، قدت الخروز ( اظنو الدرديرى ولا ابو هاله )
راكوبتنا لمت فيها شعفوفه كان ما سوينا ليها حبة كجره وزيادت فلكاب كان مرقت بى هناك للفقداب
يلا النشوف انا فكى كارب ولا كلام ساى.
1/ الفلكاب . شنو؟
2 / شعفوفه . شنو ؟

فقدابى

يا ربي

دلا يكون الفكي ضلالي

يافقدابي ارجوك احكي لينا قصتك مع فكب ضلالي

وتاثير البيئة في انجاح دورك في تمثيل هذه الشخصية

الدقناوي تذكر فكي ضلالي

huzyfa كتب:يابت السعودية هل حقيقة نسيتي الشعفوفه ؟.
لا اعتقد ذلك لكن بزكرك ليها
و بيني وبينك كدا ان حسيت بيك يا بت السعودية وكأن مشلعيبك (مشلعيب اللبن) معلق وضبانو يسوى جو وغنمك مصررات وعاقلات وجنبهم بهمن داير متين يفكو لية الصرار عشان يكبس علي الضرع وانت حامده شاكره والزريبة في قفي الراكوبة مزروبة بي شوك وشدر كتر وبي جوة عاليه من بعر البقر ومليانه روس(حتي مادايرة تديه للزبالين) وفي القاطوع طرقة رهيفه بايته لمن لونا بقي ابيض مابتنفع الا يخمرو بيها العجين وكورة الروروب من البارح اسمها فى الغسيل وطبق الويكه مشرور فوق الراكوبه شالو الهواء والويكه فى الحوش مشتتة والطبق مرق للجارة التالتة وانتي تسالي فيهم (النبي ماشفتن طبقي) مع انو تكون في واحة نامت بيهو والبقرة ساربه بالليل والعجول تصيح وتكورك دايرة اماتا وفي الراكوبة جداده طايره من النهره النهرتيها ليها وانت تقولي في سرك أريت كان ما نهرتها دي دخلت كرعيها فى العجين وتديها دعوة كاربة وبهناك ضبانه واقعة فى زيت مسحة الصاج وواحدة ملككة في الطايوق وتنوني كان تمرق والشبشة مراقبة الوضع كان تلقي طريقة فيها .
كسرة:
نستميح الاخوة فقدابي وابو القاسم عزرا للاجابة علي سؤال بت السعودية.
انا اعتقد والله اعلم وبما انك قلت ان الشعفوفة هي المطر الشديد ومعاه رياح شديدة وتاتي من عدة اتجاهات.
ان اسم الشعفوفة اتي من التشعف(بكسر الشين) وهو الزول الشعرو كتير وغزير وغير مهتم بة لدرجة تلقي كل شعرة طايرة في اتجاة.

حذيفة انت شارب شنو

شارب ليك عجين مخمر ولا شنو

لكن شكلك مربياك حبوبتك

هوى آآآآآآآآآآناس ها
ضارو النار
وكتلو الدعتا قبال تعتا
وادفنة الفتنا بره الدار
وسو النقده
غنو أكان نفوسكم تهدا
من صقعى النهار الحار
وطيو خاطر الحردان
واقسموا النبقة للفقراء
وامرقوا جميع على الجيران
لى حق الجار
وماتتصنتو الدباى
هو دا الحداث وما سواى
ودلا الحقار
وكان ما ساى
تعالوا على على بس جاى