راكوبة ابريش

سلااااااااااااااااااااااامات
ممكن تقبلوني ضيفة جديدة في الراكوبة ؟
وسلامي ليك يا فقدابي يا غالي.

لك التحية يا كاريكا ونحن منتظرين واقفين في الشارع منتظرين
وحمد السلامة يابت الهادى
لك التحية
وابقي لى جو
ويا سلافة الفن ولهفة البتغني دى هدية من الله والله بدى الجنة
ويلا شد حيلك في راكوبة جدك كدى امشي جيب لينا حطب من الغابة وما تطنك شوكة البسى نعلاتك

بشاقراوى /عبد الحى
مشكورين على الاضافات الجميله دى
النحله / مشكوره 0وتابعى باقى الكلمات بعد مداخلة رواد الراكوبه وخاصه البطحانيه
الاخ / كاريكا 0 الف مرحب كدى اكشف لينا قدحك دا وابقى قريب وما تبعد
الابنه / سلافه 0مرحب حباب بت البشرى وابقى داخله ومعاكى صينيه من بت اب كوع
فى راكوبة ابريش راحة البال و ضل المغيال ونغمة فال

فقدابى

[quote="فقدابى"]بشاقراوى /عبد الحى
مشكورين على الاضافات الجميله دى
النحله / مشكوره 0وتابعى باقى الكلمات بعد مداخلة رواد الراكوبه وخاصه البطحانيه
الاخ / كاريكا 0 الف مرحب كدى اكشف لينا قدحك دا وابقى قريب وما تبعد
الابنه / سلافه 0مرحب حباب بت البشرى وابقى داخله ومعاكى صينيه من بت اب كوع
فى راكوبة ابريش راحة البال و ضل المغيال ونغمة فال

لك الشكر يا فقدابي بالجد اسعتنا شديد بالراكوبه ومن معك جادل وابدع

بسم الله
سلام من العدارة لى الغابه ومن قوز سعدة لى بابيه
ياابو منتصر ممكن تقبلونى ضيف على راكوبة
جدنا ابريش
العداره الفوق فى السلم عيشك ازيل الالم
امنه ام الجنا ياكريم ربى ترحمها ترحم امها الولدته وفى قوز سعده وضعتا
وتبعد حنان من فجتا وحلاته فاتته بتول خالتى المقلبانى انا وداخته
التومه ابوك تقيل يالتومه
شتتى الخرفان يا ام امير خلى قلوب الصبيان تطير
الغباشه فوقك تقول ضرير ولا بت السودان اصيل
التومه ابوك تقيل يا التومه

مرحب حباب الدفعلابى وطولت الغيبة
ابقا داخل لى جوا الراكوبة دائرا ليها كليقه كليقتين من العدارة
ابو التومه الله ايديه العافيه
كلم كجة خلى يحلب الغنم وتعال يا الكبيك سوى الشاى دا خلى الجماعة يشربو شاى مغنن
ياجماعة وين مارشال ولا ماسك ليه مويه اسقى في الطماطم
ياحاتم وين ابوك مشا يصرر الغنم ولا شنو
ديل اهلى وديل اخوالى وديل خالتى

مرحب حباب ود طوكر
ابواتك قبيل ايديهم تحجا وتعدل المايل
ياريت لو تتكلم لينا عن القصيده السابقه ومن هو شاعرها والاسماء المذكوره والمناسبه

الهجليجه : شجرة اللالوب
منتالا : من ناحية او من جهة
الدعت :العقارب
الرواقه : نوع من الطين اصفر اللون يتخدم لتنقية المياه العكره ( سبحان الله )

فقدابى

سلااااام هووووووووووووووووووووووووووووي
أنا جيت بدور اتونس لي ونسة ونستين معاكم
عساكم بخير وبدور اشكركم
علي فنجان جبنتكم
على ونستكم وعلي جلستكم
وذي ماقلت هي راكوبتي وإنتو أهلي
بس حليل سيد الراكوبة (علي ابريش).
وفي صعيد آخر ممكن تنادوا كلتوم تدينا حبة شعر
دقيقة بس بمش وبجي تااااااااني (هوي) حضروا لي نمة حلوه

اشربي سلافه جبنتك الراكوبه راكوبتك ام خالناسيد الراكبه وزي ما قال ابو النسب ما دوامه وما بدوم خربانه يادار الخراب والبوم مادوامه وكتير الاندمر قدامه والمقدور بقع في السبعه التملي ايامه دي الدنيا زي ما قال ود الحاج وكت عليك تسبب لا بتتصايق ولا بتكضب عوضك كوم تراب تلبب وكت عليك تسبب لا بتتكضب ولا بتتغابه اكفيك قمري الغابه مره ارش ومره اجيك بالارض اتحابه

بسم الله
يا ابو منتصر \ القصيده هى اغنية القمر بوبا للموسيقار محمد وردى
وتمه التاليف من زمن الفورموست بلسان (ودالشرب) ابو يحي
والاسماء المذكوره هى
1- امنه = المرحومه امنه يوسف احمد دفع الله
2- الجنا = المرحو الخال الحسين عبدالله الصديق
3- امها = المرحومه حبوبتنا الشمه
4- حنان = الخال عبدالرحمن عبدالله الصديق
5- التومه = الخاله التومه العبد يوسف
6- ابوك = جدنا العبد يوسف احمد دفع الله
7- ام امير = خالتنا رقيه ناصر ابريش
ويا بنت اخوى سلافه ابقى داخله لى جوه واليوم
معزومه جبنة شراغيش معاها مطاله وام مارغيب
ويا ابوصهيب قول لكجه الليله كتر اللبن اشان سلافه
تانى تبدر للراكوبه ويا ودالضو تعال مارى وشم
ريحة القنانه اشان تفك ليك الصداع
وياريت يافقدابى العبيد الطيب
يجلس لينا مع الخال على الحاج
ويكتب لينا شويه عن راكوبة ابريش



معاها مطاله وام مارغيب كمان

الاخ / ود الشرب
خالص تحياتى
اخى كلام على ود الحاج كلام ظريف وكلو حكم ومواعظ ويحتاج الى وقفه كبيره فارجو منك ان تتحفنا به
الابنه / سلافه
سلام خاص وكتير 0 خالتك عندها العجب العجاب 0جيبى لينا منها شويتين تلاته
الاخ /الدفعلابى
كتر خيرك على التوضيح والشراغيش غناهم ما ليهو حد 0نتمنى ان نستمتع كل مره بى واحده من اغانيهم
الاخت / النحله
تحيه طيبه 0 تعب شديد , لكن ما مشكله ( طبعا ابو محمد دفعتى فى حنتوب )
الشراغيش :اهل ابوالقاسم
مطاله : نوع من الخبز يصنع فى الارض الصلبه بعد تحميتها بالنار او الجمر
ام مارغيب : ماده صمغيه تفرزها بعض فى شكل ثمار ذات طعم طيب
تخرررررررررررريمه
نحنا لى وطنا عهودنا ديمه وفيه
نحنا ارواحنا تفدى ناس سعاد وصفيه
ما فينا واحدا بمد ايدو وترجع ملويه
بنخاف من لوم ست السوار اب ليه

فقدابى

نحنا أهل الراكوبه في الجامعة ("في يوم واحد برلوم,
من اهل العوض كان مضروب في عينو
وكان في واحدمن الحناكيش سألوا قال ليهو:
الضربك في عينك شنو ؟
رد قال :لكزني منتلاب في كبيدة البياض
الحنكوش ما عرف ولا كلمة من الكلام القالو ,
فقرر إسأل عن كلمة واحده إنشاء الله ,
يسأل منو ؟

المنتلاب : هو العجل
كبيدة البياض:هو نن العين (السواد الذي يتوسط العين ).
البقية قادمة إنشاء الله

فعلا ياابن خالتي الاغنيه القمر بوباوهي التومه ابوك تقيل زمن الفورمست زمن الشرغوشه زمن ناس مريم ايام لن تعود يافقدابي والقصيده ناقصه كتيرمثلا
امنه ام الجنا ياكريم ربي ترحما
وترحم الشمه الولدتا
الفي قوس سعده وضعته
واحلاته بتول فاتته
المعزباني انا ودخالتا
العداره الفوق في السلم
قصبان عودك منظم
امتكشو ريحتك يالبرم
القنقرايه عيشك مدردم
رحمة الله الماكبير
الغنم براغن اشير
الصرار فوقن تقول ضرير
اضبحي الخرفان يا ام امير
خلي قلوب ناس كمال تطير
انتي ريحتك لبن ضان تقيل
ول روب وغباشه خمير