بشاقرة نفر


انضم إلى المنتدى ، فالأمر سريع وسهل

بشاقرة نفر
بشاقرة نفر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
المواضيع الأخيرة
» منأشدة للاحياء المنتدى
راكوبة ابريش Emptyالأحد أغسطس 16, 2015 2:23 am من طرف ود النيل

» المنتدى مهمل
راكوبة ابريش Emptyالأحد أغسطس 16, 2015 1:44 am من طرف ود النيل

» صباحات ...... غادة فؤاد السمان
راكوبة ابريش Emptyالإثنين أبريل 07, 2014 4:32 pm من طرف غادا فؤاد السمّان

» ليش بسكر الجوال تخاف من الهواء البارد حول الف ريال - قصيدة
راكوبة ابريش Emptyالثلاثاء فبراير 26, 2013 12:46 am من طرف محمد احمد عويضة

» الصديق أبو إدريس الرجل الذي فقدناه
راكوبة ابريش Emptyالجمعة نوفمبر 23, 2012 10:52 am من طرف ايهاب عبدالفتاح محمد

» من المحسى للاهل بالبشاقرة شرق
راكوبة ابريش Emptyالجمعة نوفمبر 23, 2012 9:33 am من طرف ايهاب عبدالفتاح محمد

» بشائر الفضل الإلهى فى العقيدة
راكوبة ابريش Emptyالأحد فبراير 12, 2012 10:02 am من طرف انورفؤاد

» فقيد البشاقرة
راكوبة ابريش Emptyالخميس سبتمبر 29, 2011 3:25 am من طرف ود الفعج

» عــــــــــــــــــــــــــــدنا
راكوبة ابريش Emptyالسبت أغسطس 06, 2011 2:25 pm من طرف Admin

بحـث
 
 

نتائج البحث
 


Rechercher بحث متقدم

التبادل الاعلاني
مارس 2024
الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
25262728293031

اليومية اليومية

المتواجدون الآن ؟
ككل هناك 7 عُضو متصل حالياً :: 0 عضو مُسجل, 0 عُضو مُختفي و 7 زائر

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 400 بتاريخ الثلاثاء يونيو 19, 2012 6:41 am

راكوبة ابريش

+20
bshagrawi
حـمـدتو
الفاتح الطيب
آفكو
abdelgayoum
noska_17
عبدالحى الضو
huzyfa
عبد الحميد التوم
ابو روان
اسماعيل مصطفى بابكر
Boka
Admin
حسب الرسول مبارك
ود الدقناوي
البادرابى
قاسم ابراهيم
البطحانيه
النحلة
فقدابى
24 مشترك

صفحة 1 من اصل 6 1, 2, 3, 4, 5, 6  الصفحة التالية

اذهب الى الأسفل

راكوبة ابريش Empty راكوبة ابريش

مُساهمة  فقدابى الخميس أكتوبر 08, 2009 10:32 pm

كدى يا البادرابى تعال بى جاى خلينا نميز الراكوبه دى وجيب معاك كليقت قصب من طرف زريبة جدى احمد
وانت يا الدقناوى جيب معاك العتله .يا ابو القاسم امش الغابه اقطع لينا شعبه قويه وطويله ا
الراكوبه دى شايفه ادشدشة خلاص واتشلعت احسن نصلحا ونساوى الواطه بى شوية رمله اها يا ود التوم جيب معاك برش ولا سباته عشان باقى جايننا ضيوف جداد ولازم نوريهم الراكوبه دى وكل الحاجات الفيها من ادوات بنستعملها او كلمات قديمه لها معانى يمكن تكون انعدمت وغير معروفه الان
يا بت السعوديه شايفك دائما بتسألى عن بعض الكلمات
اول حاجه . ابريش دا اسم قفر ( قفر ) دى ذاتا دايره ليها شرح يعنى لقب لى شيخ البشاقره عليه رحمة الله
كدى اعرفى لينا الحاجات الفى الراكوبه دى
1 / الديناب
2 / السلوكه 3 / الجرايه 4 / المحويب 5/ التبروقه 6 / المشلعيب 7 / الحنكول 8 / السعن (بكسر السين والعين ) 9 / الحرحاف 10 / السلبه
يلا ورينا شطارتك انتى والبطحانيه
البقيه تاتى ان شاء الله
فقدابى

فقدابى
فضي
فضي

عدد الرسائل : 268
العمر : 56
تاريخ التسجيل : 31/05/2008

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  النحلة الجمعة أكتوبر 09, 2009 6:47 am

مشكور على الموضوع جداً لأنو بخلينا نتعرف على تراث بلدنا أكثر (والما عندو قديم ما عندو جديد )(ومن نسى قديمه تاه) في بعض الناس بشوفوا انهم متحضرين عشان ما بيعرفوا الحاجات دي واحياناً حتى لو عارفين بينكروا معرفتهم بها وأنا بشوف إنها ثقافة وثقافة ثرية جداً.

(الديناب -السلوكة -الجراية- المحويب -الحنكول -الحرحاف)والله العظيم ما عارفة فيها ولا وحده
أما التبروقة أعتقد إنها حاجة متعلقة بالكسرة
المشلعيب ده بعرفو ده ثلاجة زمان يعني بيحفظو فيه الأكل بيكون معلق في السقف
السعن مشهور وهو لهز الحليب ليطلع منه اللبن والزبده وهو من جلود الحيوانات
أما السلبة دي في المثل السوداني البيقول (فلان يخلي روحك سلبة) يعني طويلة من فهمي للمثل فأعتقد إنها حاجة طويلة لكن هي شنو وتستخدم في شنو الله اعلم(ومن قال لا اعلم فقد أفتا)
شوف شطارتي عرفت أربعة المفروض أكون سفيرة للتراث السوداني
بس في كلمة في الموضوع (كليقت )كأنها كلمة أعجمية معناها شنو

تقبل تحيات النحلة التي سوف تنتقل من زهرة لزهرة لتتعرف اكثر على تراث خليتها
النحلة
النحلة
فضي
فضي

عدد الرسائل : 202
العمر : 43
الموقع : المدينة المنورة
المزاج : في قمة السعادة
تاريخ التسجيل : 12/08/2009

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  فقدابى الجمعة أكتوبر 09, 2009 1:19 pm

النحله
بنت السعوديه
فائق شكرى وتقديرى
ها نحن نلتقى فى الاراء والافكار وكلامك يدل على انك انسانه فاهمه وذات فكر و وعى عميق
بارك الله فيك ولكى
اما النتيجه خليها لما نشوف رد البطحانيه ( وين الثنائى ) ؟؟؟؟؟؟؟؟؟؟

فقدابى

فقدابى
فضي
فضي

عدد الرسائل : 268
العمر : 56
تاريخ التسجيل : 31/05/2008

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  البطحانيه الجمعة أكتوبر 09, 2009 1:55 pm

والله مو بس {كليقت} كلمة أعجميه أنا بالنسبه لي كل الكلمات أعجميه {ههههههههههه}
والله يافقدابي ما فاهمه ولا حاجه من دا كله غير {البرش} لأني شفتو وكمان ماشفتو شفتو بس في صورة قديمه لجدتي وهي قاعده عليهو .. بصراحه عمري ماشفت السودان وحتى الراكوبه بس بسمع عنها.
بتمنى إني أسافر السودان وأعرف الحاجات دي , يعني من باب إنها من التراث السوداني , بس بظن إنو في أكترها إنتهى صح ولا لا ...؟
ع العموم ياريت لو تفهمني معاني الكلمات دي {وأكون لك من الشاكرين}

Embarassed Embarassed

بالنسبه لإختيار الحشرات أختار{النحله13 }يعني عشان أختلف عن بنت السعوديه.....

تحياتي Embarassed
البطحانيه
البطحانيه
برونز
برونز

عدد الرسائل : 104
العمر : 33
الموقع : جدة
العمل/الترفيه : طالبه
المزاج : روقان ع الآخر....!
تاريخ التسجيل : 12/08/2009

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  قاسم ابراهيم الجمعة أكتوبر 09, 2009 4:47 pm

فقدابى كتب:كدى يا البادرابى تعال بى جاى خلينا نميز الراكوبه دى وجيب معاك كليقت قصب من طرف زريبة جدى احمد
وانت يا الدقناوى جيب معاك العتله .يا ابو القاسم امش الغابه اقطع لينا شعبه قويه وطويله ا
الراكوبه دى شايفه ادشدشة خلاص واتشلعت احسن نصلحا ونساوى الواطه بى شوية رمله اها يا ود التوم جيب معاك برش ولا سباته عشان باقى جايننا ضيوف جداد ولازم نوريهم الراكوبه دى وكل الحاجات الفيها من ادوات بنستعملها او كلمات قديمه لها معانى يمكن تكون انعدمت وغير معروفه الان
يا بت السعوديه شايفك دائما بتسألى عن بعض الكلمات
اول حاجه . ابريش دا اسم قفر ( قفر ) دى ذاتا دايره ليها شرح يعنى لقب لى شيخ البشاقره عليه رحمة الله
كدى اعرفى لينا الحاجات الفى الراكوبه دى
1 / الديناب
2 / السلوكه 3 / الجرايه 4 / المحويب 5/ التبروقه 6 / المشلعيب 7 / الحنكول 8 / السعن (بكسر السين والعين ) 9 / الحرحاف 10 / السلبه
يلا ورينا شطارتك انتى والبطحانيه
البقيه تاتى ان شاء الله
فقدابى
تحية ليك ياود الخالة وسلامي اليك من ارض الرياض وسلامي لجميع سمار المنتدى
ونحن جاهزين وقطعنا الحطب من الغابة وجبنا الشبعة وجاين في الطريق خلى الجماعة يجهزو الحفر
يابت السعودية غايتو عندك اجابتين و1/2 صحيحات

بكرة اروع
قاسم ابراهيم
قاسم ابراهيم
فضي
فضي

عدد الرسائل : 361
العمر : 50
الموقع : الرياض العليا شارع الثلاثين
العمل/الترفيه : الرياض
المزاج : الحمد لله رائق
تاريخ التسجيل : 16/05/2009

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  البادرابى السبت أكتوبر 10, 2009 3:54 am

سلام سلام عقر البكار اختى حباب محمد وليد اموى انا من زمان اقول الراكوبة الشلعها شنو والدهسير دا الكسرو والظاهر عماس هو الشال الجريد لاانو على والحاج قال انا شفت واحد كسر الراكوبة وكتل كلبى ودى قال فيها على دعوة قوية منها ( الكتل كلبى انقطع تيرابو وبى ساس المرض الليقوم فى عقابو الكتل كلبى تنقطع الليد والكراع ويفضل القدوم الكتل شكيتو شكية بقدرة الخلاق تمسكو الصرعة والجنية الكتل كلبى لايضوق حنه ولا ضريرة ولاتاشيرة الكتل كلبى يخطتو تمساح حجير بابية -------

عشان كدا الصيانه عايزة ناس وانا بكلم اول شى معدوم تسوى لينا ملاح سبروق وحسوه وبوقنية وبخلى عزله بت الترير تسوى ملاح ام بقبق وشاربوت وفاطمه بت على ابوريش تسوى ملاح ام شعيفه ---وعاد حنان يجى لابس البرطوش حقو ---ومن اليوم يبدا التصليح يا ي
البادرابى
البادرابى
فضي
فضي

عدد الرسائل : 180
تاريخ التسجيل : 23/04/2008

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  ود الدقناوي السبت أكتوبر 10, 2009 8:58 am

مشكور فقدابي على الاضافة ( طبعا ما لينا لي بنت السعودية والبطحانية ) يعني على حسب معلوماتي بنت السعودية بتعرف شوية شوية وما شافت بس سمعت لكن البطحانية لا شافت ولا سمعت .

اولا قبل ما نمشى نصين الراكوبة نكلم محمود ود عريبي يمشي الغابة يقطع لينا مروق علشان نسند بيها الراكوبة
ثانيا أنا بمشي لي علي ود ستنا ( علي ود الماحي )علشان أجيب منو العتله وبغشى الدوي اشتري لي بلح والتعل اشتري لي لالوب وبقطع البحر علشان اجيب لي صفصاف من الجزيرة وممكن كمان اسوق معاي أمحدنور (محمد نور سراج النور ) علشان يطلع فوق يربط لينا الراكوبة .

بعدين بقول لى أمي نحنا عندنا فزعة راكوبة بت ابريش اشلعت وما شين نصينا الروب الليلة محجوز
وبجيب ليكم معاي أمي زينب بت حوه علشان تسوي لينا الجبنة

يلا يا جماعة

يا ريت البشاقرة تكون الراكوبة ونحن أمثال هولاء جزاءهم الله عنا كل خير ،نشكرهم ونتذكر بالخير من بقي منهم ونترحم على من توفى منهم بقدر ما قدموا لنا وللبشاقرة
ود الدقناوي
ود الدقناوي
فضي
فضي

عدد الرسائل : 350
العمر : 52
تاريخ التسجيل : 05/08/2008

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  حسب الرسول مبارك السبت أكتوبر 10, 2009 1:07 pm

حرم كلامكم دا غير الاسامي ما فهمت فيهو حاجه لكن عجبني كلام علي ود الحاج في كلبو زي نمه الفرجوني في كلبو
حسب الرسول مبارك
حسب الرسول مبارك
فضي
فضي

عدد الرسائل : 330
العمر : 48
العمل/الترفيه : محام
تاريخ التسجيل : 08/06/2008

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  البطحانيه السبت أكتوبر 10, 2009 1:23 pm

شنو يا الدقناوي والبدارابي , إحنا قلنا أشرحوا مش تزيدوا الطين بله

بـــــــــــــــــــــــــــالغتوا عديل كده

هههههههههههههه
البطحانيه
البطحانيه
برونز
برونز

عدد الرسائل : 104
العمر : 33
الموقع : جدة
العمل/الترفيه : طالبه
المزاج : روقان ع الآخر....!
تاريخ التسجيل : 12/08/2009

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  النحلة السبت أكتوبر 10, 2009 1:29 pm

حرام عليكم يا البادرابي وود الدقناوي انا لسه ما خلصت من كلام فقدابي دخلتوني في دوامة الآن نترجم كلام منو فيكم

شكلي كدة حا استسلم يا فقدابي راكوبتك بقت قصر في شارع الشانزلزيه
النحلة
النحلة
فضي
فضي

عدد الرسائل : 202
العمر : 43
الموقع : المدينة المنورة
المزاج : في قمة السعادة
تاريخ التسجيل : 12/08/2009

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  فقدابى السبت أكتوبر 10, 2009 3:40 pm

النحله/ البطحانيه /ابو القاسم / البادرابى / ودالدقناوى / جنابو حسبو
فى راكوبة ابريش
يطيب معناكم , والبلا ما جاكم , وتوب العافيه ينشرا فى سماكم . ويلا نحل الشفره لى ضيوفنا الما شافو حاجاتنا دى
الكليقه / حزمه او ربطه
الديناب / مبنى صغير من الجالوس او الطين بجوار الغرفه الكبيره
السلوكه / آله من الحطب تستخدم فى حفر الحفره فى الاراضى الطينيه لزرع البذور
الجرايه / آله من القنا فى راسها قطعه معدنيه تستخدم فى حفر الاراضى الترابيه لزرع البذور
المحويب / قطعة حبل بطول مترين او تلاته امتار تربط بها البقره من ارجلها الخلفيه مع بعض لمنع حركتها اثناء ساعة الحلب
التبروقه / سجاده مصنوعه من السعف شكلها بيضاوى
المشلعيب / يصنع من السعف فى شكل شبكى ويربط متدلى فى العرش لحفظ الطبيخ او اللبن من الحيوانات او التلف
الحنكول/ عصاه شبه مقوسه
السعن / يصنع من الجلد لخض الحليب او اللبن
الحرحاف / آله من الحطب مقوسه تمام ترمى بها الحيوانات فى عملية الصيد
السلبه / حبل متين مصنوع من الصوف او القطن 0
اما النتائج لحدى ما يجى استاذ سراج
كدى يا جماعه افتحو لينا صوانيكم النشوف فيها شنو
فقدابى

فقدابى
فضي
فضي

عدد الرسائل : 268
العمر : 56
تاريخ التسجيل : 31/05/2008

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  قاسم ابراهيم السبت أكتوبر 10, 2009 5:15 pm

مشكور يا فقدابي على هذا الموضوع الرائع
شوفي يابت السعودية غايتو انت نص نص في الحاجات دي وبطحانية دى خليها ساكت لا شافت لا سمعت (حسب روائتها عشان كدا تجهز دفتر وتسجل الحاجات دى
1- المخلاية
2- القرقريبة
3- الحق بضم الحاء
4- المرحاكة
5- النتاك
6-السويبة
6-المطمورة
7- القاطوع
8- الخرج بضم الخا
9- القربة بكسر القاف
10- اللدايات
11- الوقاية بكسر الواو
12- القرقاب
13- الطاقة
14-المُجداع
15-السحارة
16-الدوكة
17-الضقل
18- الطاب
19- الكُـــده
20-الكنجال
21-البردعة
22- اللِبدة
23- البرابندي
24- المرتيق
25-الورتاب
26-النجامة
27-الضويلم
28-الصُرار
29-ام مارغيب
30- المُطالة
31-الجبين
32- ام تكشو
غايتو يا بطحانية zero out of thirty two الا تنقلي
ويابنت السعودية three out of thirty two

طبعا بصراحة كتبت هذه الاسماء ومع مجموعة من ابنا البشاقرة في الرياض منهم خليفة ود الحاجة وصلاح ابو حسن ( حاج جلب ) وابراهيم رابعة .

واثناء كتابة هذه الاسماء كان ود الحاجة وحاج صلاح ومن خلفهم ود رابعة يدندون وكان على الايقاع عبد العزيز حسونة باغنية التي تغنى بها المرحوم الخال مالك ود ابريش ومعه في الكورس صلاح ود وادي النبي والمرحوم حسن موسي طيب الله ثراه والطيب كوته وعبد الباقي حمد وابراهيم المبارك

الحجروك حبي وعملوا السبب حُبي
كيف تنزع الصورة المرسومة في قلبي
يا فرحي وهناي يا بهجة وطبي
فيك أملى ومناي فيك بجيد غناي
ما بعيشق سِواك وليه مني متخبي
أنا لي فيك غاية هي مُنيتي وكسبي
من صدك كفاية وكيف يرضيك جفاي
يالحسنك حواك بحبك وحات ربي
يا نيراني زيدي يا مهجتي التهبي
أنا صبحي ومساي في عل وعساي
لو في الطيف أراك ياللي البدور تسبي
يالبيك إنتشاي ولجنك يزيد طربي
لا تهمك أساي وما تسمع وشاية
حاكمني في ضراك وريني إيه ذنبي
إيه يعني المِـرايه مع خـدك الذهـبي
أنا من دون دراية أهتف بيك براي
قدامي ووراي حبك أعلن حـربي
يالغصنك ثناك وكيف من هواك سلبي
فيك واضع ثنايا وفي لحاظك فنايا
فيك نزلت عنايه جاغريو عُمـره مجبى
قاسم ابراهيم
قاسم ابراهيم
فضي
فضي

عدد الرسائل : 361
العمر : 50
الموقع : الرياض العليا شارع الثلاثين
العمل/الترفيه : الرياض
المزاج : الحمد لله رائق
تاريخ التسجيل : 16/05/2009

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  فقدابى السبت أكتوبر 10, 2009 5:44 pm

ابو القاسم / انت الروعه والهاله والابداع

التحيه للاخ ابو احمد ( ود الحاجه ) قايد الاسطول فى جمعية الرياض . ربنا يمتعو بالصحه والعافيه والتحيه والتحيه للاخوه فى الكورس حاج جلب و ودرابعه والتحيه لى ضابط الايقاع الاخ المريود ود التومه 0والله لو تصدقو الان دموعى سايله وبقيت زى فرفور فى برنامج اغانى واغانى 0 ( ما عارف دا حنين للبلد ولا انا بقيت بكاى )
انا غاتو حليت 31 يا ابو القاسم والباقى كلمه الكنجال
والعاوز بخره ( ايململنى )

فقدابى

فقدابى
فضي
فضي

عدد الرسائل : 268
العمر : 56
تاريخ التسجيل : 31/05/2008

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  النحلة السبت أكتوبر 10, 2009 5:58 pm

لكن ما بالغت يا قاسم ده تراث ولا قاموس عجمي طيب اتحداك حعرف لي كم واحدة
القرقريبة دي بتاعت العواسة من السعف يمكن
الخرج للدواب بيضعو فيهو الحاجات زي الشنطة حالياً
القربة دي منطقة اسمها خشم القربة
السحارة اعتقد انها صندوق لفظ الاشياء
أم تكشو دي بعرفها سألت عنها قبل كدة هي الملوخية الناشفة
الجبين دا الجبين اللي في الانسان يعني جبهته
لو شاطر حل الباقي معاك ناس يعني ملوك وانت بتكتب

تقبل تحياتي
النحلة
النحلة
فضي
فضي

عدد الرسائل : 202
العمر : 43
الموقع : المدينة المنورة
المزاج : في قمة السعادة
تاريخ التسجيل : 12/08/2009

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  ود الدقناوي الأحد أكتوبر 11, 2009 8:57 am

التحية لك اخي ابو القاسم وانتا تسطر لنا أحلى واجمل الكلمات في قاموس بلدنا حيث تذكرنا بي ايام الطفولة والتى نحسبها أجمل فترة قضيناها في حياتنا وسط هذه الكلمات وامكن نحنا آخر جيل مرت عليه هذه الاشياء الا القليل منها فهو باقي حتى الآن بس بصراحة في كلمتين يعني رائحات مني وهي الكنجال والمرتيق .
عبرك بحي كل من ساهم معك ونشكرهم على المشاركة الجميلة فردا فرد ا
تحياتي لهم جميعا (ود الحاجة وحاج صلاح وودرابعة والصديق العزيز عبدالعزيز حسونة (كانت لنا ايام)
ونترحم على عمنا مالك ود ابريش وحسن موسي ومن على البعد نرسل تحايانا للخال عبدالباقي والطيب كوته وابراهيم مالك وصلاح .
بس عندي إقتراح يا ريت يا ابوالقاسم لو كل يوم تكتب لينا بوست من خلال وجودك مع هذه الكوكبة ( ذكريات من الماضي الجميل) وتستضيف أمثال ود الحاجة وغيرهم من المعاصرين للزمن الجميل وياريت يكون الثؤثيق بالفيديو وأظن الجوال ما خلا حاجة بعد كدة .
ويا ريت تنزلوا كل الاغاني التي كان يغني بها مالك ود ابريش
نشكرهم للمرة الثانية ويا ريت الجلسة تتكرر وتحاول تسجلها
ود الدقناوي
ود الدقناوي
فضي
فضي

عدد الرسائل : 350
العمر : 52
تاريخ التسجيل : 05/08/2008

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  البادرابى الأحد أكتوبر 11, 2009 10:01 am

الحكم سارتانا ورجال الخطوط بالجلابية عابدين الافندى والصايد التانى فاضى اللاعبين الحارس عبد العزيز اسماعيل فى الدفاع بابكر عبد الله وحريقة والشريف ابو شراء وعبد الباقى حمد وامام عثمان فى الوسط

على الكجيك
الفاتح بقوش


فى الهجوم

ابوكساوى ( ربنا يعافيهو )
بقرى ( الله يطول عمرو) ومحمد طاهر عثمان وبرسم------ولنا عودة قوية
البادرابى
البادرابى
فضي
فضي

عدد الرسائل : 180
تاريخ التسجيل : 23/04/2008

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  البطحانيه الأحد أكتوبر 11, 2009 10:59 am

ياجماعه ياناس غيروا لينا شويه عشان نشارككم
أو جيبوا لينا حاجات سهله
البطحانيه
البطحانيه
برونز
برونز

عدد الرسائل : 104
العمر : 33
الموقع : جدة
العمل/الترفيه : طالبه
المزاج : روقان ع الآخر....!
تاريخ التسجيل : 12/08/2009

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  Admin الأحد أكتوبر 11, 2009 12:18 pm

يا جماعة ععلي باليمين عندي ملف اجهز فيهو لي نشرة عشرة كلفتو سريع سريع عشان الحق اجيب قالة دهسير وفلكاب اصلح بيها راكوبة ست النفور بت حسن ود عامر

يا بو القاسم خلي شلتك ددي تجيب لينا
-- اغنية يا قمير شيلولة هوي
-- اغنية الريلة حي الليلة يا شمس الضحي

قول الاغاني دي خليفة وهو حاظها

وانا في رجاك

يا ناس المنتدي بعد ترقيع الراكوبة علي اجيب ليكم سعن بن عجيل مليان روب وبي سمنو وعازمكم فطور


وابقو قراب
Admin
Admin
Admin

عدد الرسائل : 484
تاريخ التسجيل : 20/04/2008

https://bshagra.mam9.com

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  حسب الرسول مبارك الأحد أكتوبر 11, 2009 1:09 pm

يا ادمن بت عجيل ما عندها ملاح لوبه هازا الروب
حسب الرسول مبارك
حسب الرسول مبارك
فضي
فضي

عدد الرسائل : 330
العمر : 48
العمل/الترفيه : محام
تاريخ التسجيل : 08/06/2008

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  Admin الأحد أكتوبر 11, 2009 1:38 pm

حسب الرسول مبارك كتب:يا ادمن بت عجيل ما عندها ملاح لوبه هازا الروب
ط


بت عجيل الله يرحمها

لمن ماتت سعنها ما فضي من الروب

واللوبة دا كان التحلية

وقت تذكر البرياب
Admin
Admin
Admin

عدد الرسائل : 484
تاريخ التسجيل : 20/04/2008

https://bshagra.mam9.com

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  النحلة الأحد أكتوبر 11, 2009 1:52 pm

لكم كل التحايا أخواني Admin وحسب الرسول
لكن للأسف ما جيبتو حاجة جديدة نفس الألغاز واكعب منها بقينا زي الأطرش في الزفة هههههههههههههه
تقبلو مروري
النحلة
النحلة
فضي
فضي

عدد الرسائل : 202
العمر : 43
الموقع : المدينة المنورة
المزاج : في قمة السعادة
تاريخ التسجيل : 12/08/2009

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  قاسم ابراهيم الأحد أكتوبر 11, 2009 6:00 pm

نشكر كل من ساهم في هذه الراكوبة والتحية ليك يافقدابى قائد مسيرة هذا البوست الرائع وانشاء الله نحن في الرياض مع وجود خليفة وحاج صلاح وضابط الايقاع عبد العزيز نسجل عدد من الحلقات تسجيلية وتصوير فيديو وتشاهدو قريبا تحكي عن الجيل السابق ونعتبرهم انهم الفائزين لانهم عاصر جيل ود ابريش وجيل عمر ودعلى وحتي عباس وعابدين وفتحي ويا حليل لما المندلين يدق الاعمى شائل المكسر وطبعا الان معي حاج صلاح الان وهويسرد لنا اجزاء من اغاني رعيلنا الاول
نبداء بعمر على الله يارحمه ويحسن اليه
بداء عمر ودعلى وهويشكل ثناي مع احد ابناء المزاد واسمه محمد عبد الحفيظ وكذلك شكل ثناي مع عبد القادر ود تنير وسجلو في الاذاعة اغنيتين (نذكرهما في الراكوبة القادمة بعد ان نتاكد ) وكان معه في الكورس على ودناصر عبدالله له الرحمة والد اخينا خلف على والفكي ود على اخو عمر الله يرحمه ومرات معهم صالح ود وادي النبي وحسن موسى الله يرحمه وعبد الباقى حمد (الحافظه ) والطيب كوته وود المبارك وقد قال حاج جلب كنا نشاركهما في الكورس في الفترات الاخيرة لعمنا عمر ود على ويشارك معه ايضا المهندس التاج الطيب واخرين وقد كان مجيدا لاغاني الحقبية وخاصة اغاني اولاد شمبات ومرغني المامون ومنها

دمعة الشوق

حكم حُبّي أرعى نجم الليل
يا دمعة الشوق كُبِّي
نسمة الأسحار لي لقاء الهبِّي
أنا مساهر ونومي متخبي
انتحل جسمي والمحال طِبّي
مصدرو الزهرة الفي نواحي سُهيل
الى :-
حين قوامو يميل للغصون يسوي
وازدهار مَحيو اللي البدور يُخفي
في جبينو تشوف حِكمة الربِ
زي سواد حظي جوز نواعسه كحيل
***********
يابديع الزي وأزهر اللّونِ
ياخفيف الروح يا سما الصونِ
خلقك مولاك زِينة للكونِ
حبّب الأرواح في هواك ياجميلِ
*******

عهدي بيك ياجميل دأبك الحُلم
أرى هجرك لي نيّر الظلم
وإنت عارف نوع حبي ليك سِلمي
شوقي مهما ازداد برضي شايفو قليل
وانا شوقي مهما ازداد برضي شايفو قليل
قليل قليل قليل

شوقي مهما ازداد برضي شايفو قليل
والله يافقدابي عندى هنا باللحن مع حاج صلاح جلسة ولا غير
وايضا عمر ود على يغني اغنية حليل آمنه
منها
حليل امنه تلبس الخمري
تتل ايدا لى ودار عمري
وايضا يغني وعمر ود على
زيدني فى هجرانى ......الخ
وبكرة نواصل
يافقدابي كان حافظ اغنية خالك مالك رحل الحبيب
رحل الحبيب بدرى خلى الدموع تجرى
الحكمو الاله يجرى
طبعا يغنيها على اللحو وغناه في زواج اخينا ايمن نجيب بالسريحة

مالكنا ود ابريش
غدا يابت السعودية نبداء في حل القاموس الاعجمي وجهزي ورقة وقلم لانو اجابتك الجاوبتيها ما تعمل اي شي في الراكوبة.
وغدا ترقبو المفاجاة

بشاقرة في قلوبنا
قاسم ابراهيم
قاسم ابراهيم
فضي
فضي

عدد الرسائل : 361
العمر : 50
الموقع : الرياض العليا شارع الثلاثين
العمل/الترفيه : الرياض
المزاج : الحمد لله رائق
تاريخ التسجيل : 16/05/2009

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  البادرابى الإثنين أكتوبر 12, 2009 1:14 am

احلى سريقا من مصطفى ودتنير مظبته كان عندما يبنى يغنى يابت ام تلكلك بشتت ليك العليف من شجرتك----

ولقيمات متن وحلاقة سعد وكان فى البشاقرة ثنائى مكون من طه القاسم والتاج الطيب وكانت عندهم اغنية مشهوره تقول ----
جيت مارى العصير بطريق الريح بى عينى بشوف عنب البشاقرة البيا

البشاقرة شرق المولى عظم شانها الزول والجمال فارشنو فوق حيشانها

ومن قبلهم كان الثنائى عبد القادر ود تنير وعمر ودى على

وكانو مشهورين باغنية السائق الفيات قوم بى واخد سندا بالدرب التحت
والبقية تاتى----------
البادرابى
البادرابى
فضي
فضي

عدد الرسائل : 180
تاريخ التسجيل : 23/04/2008

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  Boka الإثنين أكتوبر 12, 2009 6:26 am

التحايا كيمان لكل من ساهم في بناء راكوبة ابريش
قلنا نجيب لينا حصيرة ولا دهسيرة قبال ما نستظل بضل هذه الراكوبة.
................
عمل جميل جداً ومبعث لرواقد الذكريات الخالدة عن بشاقرتنا السمحة وايام
جميلة عشنا بعضها وعايشنا البعض منها بالسماع والرواية ,وربنا يحفظ الحافظين
لذكريات حلتنا ويوسع في ايامهم حتي يحكوا لنا كل ماعاشوه وماسمعوه وماعاصرو منذلك الابداع
.............................
الشكر الجزيل للاخوة قدابي وبادرابي وقاسم علي هذا التطواف الجميل
تخريمة :كتبت قبل كدا موضوع عن العم عمر ود علي لكن للاسف المشاركة
كانت ضعيفة برغم من ان عمنا عمر ودعلي عليه الرحمة لم يبخل علينا بابداعه
فواجب علينا ان نخلد ذكراه وذكري المبدعين من امثاله الرحمة لمن سبق والعافية لمن بقي منهم
Boka
Boka
فضي
فضي

عدد الرسائل : 239
العمر : 48
الموقع : http://boka-bashagra.blogspot.com
تاريخ التسجيل : 19/05/2008

http://boka-bashagra.blogspot.com

الرجوع الى أعلى الصفحة اذهب الى الأسفل

راكوبة ابريش Empty رد: راكوبة ابريش

مُساهمة  ود الدقناوي الإثنين أكتوبر 12, 2009 3:04 pm

نتمنى ان تجمعنا الراكوبة ونستظل تحت ظلها ونكون يداً واحدة من أجل بشاقرتنا

التحية لكم جميعاً وأنتم تسطرون أروع الذكريات ونخص بالشكر صاحب البوست

رائكم شنو في الراكوبة دي يا فقدابي والبادرابي وابوالقاسم ما تستاهل ليها جبنة


راكوبة ابريش SFW81325
ود الدقناوي
ود الدقناوي
فضي
فضي

عدد الرسائل : 350
العمر : 52
تاريخ التسجيل : 05/08/2008

الرجوع الى أعلى الصفحة اذهب الى الأسفل

صفحة 1 من اصل 6 1, 2, 3, 4, 5, 6  الصفحة التالية

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى