اسال عن صديق او قريب

خطرت لي فكرة واتمنى ان تنال رضاكم وهي عبارة عن فتح جسر تواصل وسؤال لكل من يفتقد صديقاً أو حبيباً أو قريبا أو زميل دراسة غيبته عن الانظار اسباب الحياة إما بحثاً عن عمل أو أي مسببات أخرى .
الانترنت وسيلة سهلة للاتصال والتعارف مع سعة الانتشار وامكانية الوصول
فكل من له غائب يفتقده ويريد أن يسأل عنه يتفضل هنا لربما يجتمع الشمل مجدداً

الفكرة جميلة ورائعة ونتمني ان تجد الاهتمام من الاعضاء وهذه الفكرة تمثل جزء اصيل من انشاء هذا المنتدي وهو التواصل مع الجميع

فكره حلوه والله . شخصيا افتقد زميل من ايام سنين الدراسة الاولى اسمه ابراهيم عبد الله ابراهيم ود الحكيم
زاملنا فى سنة رابعة من اولاد فطيس وابوه كان الحكيم - على قول حبوباتنا - وكل الشله وناس الدفعه بيعرفوه بس مافى زول عنده منه خبر اتمني ان اجد من يعرف عنه اى شئ .

الفكرة كما قال المدير حلوة جدا و انا اضع يدي على يد صاحب الفكرة لانها تمثل احد اهم الزوايا الاجتماعية التي انستنا اياها مشاغل الحياة التي تمضي بنا بايقاع جنوني
احي الجميع و على راسهم احي ابا روان و البادرابي
للتوصل مع الجميع
kawaaridna@gmail.com

السلام عليكم أخى العزيز ابو روان
لك منى اجمل الامنيات وللاسرة الكريمة.
طال البعاد جدا وافتقدت اخباركم والجديد فيها خاصة بعد ان صرتم وصرنا اباء واصبح الهم امر اخر.
الرجاءالتواصل 0023675056688بانقى
ودعامر

تمام والله شايف بدينا نقطف ثمار فكرة الاخ البادرابي . لقينا لقينا حتة خبر عن زميل دراسة قديم من مشرفنا الغالى وبرضه كمان لقينا وسيلة تواصل مع زميل وصديق وقريب فرقتنا الايام واحد رمتو شرق والتاني غرب
الدبلوماسي ود عامر لك التحيه واتمني ان يظل حبل التواصل ممتد . ويا حبيبنا حبيب كيفك يا غالي وانت لسه مع قواعدك ديك يا اخوي ما تخليني ابو روان ساي شايف ابا روان دي تقيله شويه

اخى عبدالحي يا ابو روان
والله مشتاقين لاخباركم واجواء البشاقرة الجميلة
ارجو الافادة ان كانت لديكم اي اخبار عن الزملاء خاصة الزميل حسن العربي زميل الدراسة بالجامعة.
اتمنى ان نلتقي في اجازة في السودان .ساقضي بعض الوقت من اجازتى بالقاهرة وباريس ومنها الى حلة موسى ثم العودة الى بانقى ان شاء الله في شهر يونيو المقبل.ان كنت ستكون في السودان في هذا الوقت ارجو الافادة.
تحياتى لكم ولجميع الاخوة ابناء البشاقرة.
وعبركم التحية للسد المديرلمحاولته الطيبة فى التنقيب في تاريخ البشاقرة واتمني ان الستمرار في ذلك.

الاخ عبد الحي
لك التحية و لبقية سمار المنتدى الرائع و الرائعين
انت بالذات عفيناك من الكنية لانك اصبحت مكشوف للجميع
ياخي بالمناسبة دي انا اسال عن صديق قديم من ايام حنتوب ما لاقيتو اسمه المسلمي عبد الله بلال من اولاد غرب الجزيرة حسب اخر الاخبار هو الان في المملكة العربية السعودية معاه الصديق عبد المولى الخليل عبد المولى من اولاد ود الجترة (غرب الجزيرة) ياخي نم تشوف لي اخبارم و عنوانم
تيحاتي الي جميع الاخوة بالمملكة خصوصا ســـــــــــــــــكوك و الاخ النيل ابراهيم و ياسر عبد القدار و غيرهم
للتواصل تلفوني 0912207459

الحبيب حبيب الله جاري البحث عن اصحابك الذكرتهم لكن والله ناس حنتوب ديل براهم كوم عندي منهم كميه من الاصحاب الما شفتهم ولا سمعت عنهم من ختينا اخر ورقة فى امتحانات الشهاده وخصوصا الناس الما واصلو منهم فى التعليم غايتو الواحد كل ما يلاقى ليهو زول من حله تانيه يقعد يسال فيهو بتعرف فلان وعلان مرات تلقى خبر عن زول عزيز فارقتو يا حليل ايام نجومي.
الدبلوماسي الانيق ود عامر قلت لى العوده من باريس لحلة موسي ربنا يخليك يا غالي وتصل بالسلامه

بسال يا جماعة عن اساتذتنا الذين تتلمذنا على ايديهم فى اولى سنين الدراسة من غير ناس البشاقره الاساتذة محمد عثمان والفاتح ام دقرسي وعثمان صديق وقرشى العبد لله ومحجوب ونور الدائم ومحمد الحسن كشه وعثمان حسن وبابكر والباقر واكتر مدير صارم وحازم اقابله فى حياتي الاستاذ عثمان ود الازرق لهم جميعا ولكل من علمني حرفا اسمي ايات التقدير والعرفان واتمني من كل من يعرف عن واحد منهم خبرا ان يعلمنا به مع محبتي .