فريق الوحدة البشاقرة شرق بالمنطقة الشرقية

بسم الله الرحمن الرحيم


السلام عليكم ورحمة الله وبركاتة

جمعية أبناء البشاقرة شرق بالدمام بمناسبة تكوين فريق الوحدة البشاقرة شرق والسريحة
بقيادة الكابتن فواد عبد القادر وقد كان يوم امس بداية الدورة بالمنطقة الشرقية والحمد لله
فاز فريقنا فريق الوحدة في مباراتة الاولي واحرز الهدف الاول اللاعب عبد الله إسبلت
ود المقاريت والهدف الثاني انس ويتكون الفريق كل من اللاعب فواد عبد القادر الخضر
واللاعب عثمان حسين الطيب واللاعب ازهري فتح الرحمن واللاعب انس احمد العبيد
واللاعب احمد حسب الرسول واللاعب صفوان ابراهيم واللاعب محمد حسين واللاعب
نزار محمد المبارك

انتو غلبتو

اتحاد جدة

ولا فريق عادي

الاخوة المغتربيين السلام عليكم ورحمة الله تعالى وبركاته انشاء الله تكونو بخير وصحة جيدة
الفكرة جميلة لكن الظروف بقت صعبة خلوها الكورة فى السودان ناس انس ماجبو حاجة دايرين تعملو بها شنو الا رياضة للجسم
وشكرا
اذهبو فانتم الطلقا

الاخ /ود النيل
خالص تحياتى
يا اخى الكوره شى مهم ومربح جدا يعنى لو لقينا شوية اعلام من الاخوه فخر الدين حمد ومامون عثمان وابو العبيد والعبيد الطيب 0يعنى شوية تلميعه وصجه فى الجرايد يومين تلاته 0وباكر تسمع بى انس السعودى تم تسجيلو بمبلغ ترندينار جنيه ريال دولار سودانى وللفريق القومى كمان

قال الكوره فى السودان قال

فقدابى

السلام عليكم
الف مبروك لفريق الوحدة واتوقع ليهو مستقبل رائع
لكن لمن تذكر اللاعبين اذكرم كلهم لانك نسيت الكابتن احمد عبد الوهاب ولا ماعادينو؟
واتمنى ليهم التوفيق

الاخت / الغامضه
مشكوره على المداخله 0وعذرا للاعلامى احمد عبدالوهاب بالرقم من اننى لم اعرفه حتى الان .اتمنى له التوفيق0
الاخ عبد الحى0
نحن لم نختلف فى ان الكوره فى السودان اى كلام وهى لا تساوى ثمن صحيفه واحده رياضيه .ناهيك عن المبالغ الطايله التى تدفع للاعبين فى التسجيلات والمصروفات الاخرى.
مع خالص تحياتى

فقدابى

بالمناسبة كل الردو على الموضوع دا ماعندهم قضية بالكورة ولاحتى لعبوها
ود النيل ود الضو ويوسف والمغمضة وفقدابي . عايز اعرف الفقداب فيها كورة
وانت يا يوسف ما شفت نزار ولا وميسي بحرز الهدف بالكعب .
والكلام ده لي admin فريق الوحدة غلب كسلا . يعني ادروب . بس ادروب راقي شوية
ارجوووووووكم لاتزعلـــــــــــــــــــــوووووا

الاخ / عثمان حسين
الله لا جاب الزعل 0اخى العزيز كيف تكون فى الفقداب كوره وهى لا توجد حتى فى العاصمه ( الخرطوم ) ؟؟؟؟؟؟؟؟؟؟؟؟؟
مع خالص مودتى


فقدابى

اخوتى السلام عليكم .بالنسبة لفريق الوحدة ياشباااااااااااب المفروض ترفعو معنو ياتهم وتشكروهم على انو سجلو اسم البشاقرة من ضمن الفرق الموجودة لدى سفارة السودان بارض الحرمين الشريفين. مش تسيئو ليهم ده لعبهااااااااا وين وده عندهم كورة والكلام ليكم كلكم .وياريت من بده بتنزيل الاسامى يكمل كل الاسامى التى بكشف الفريق وحتى ادارة هذا الفريق. ولكم ودى وتقديرى ودتوكر000000000000000000000000000000

اولا نهني فريق الوحدة بالمنطقة الشرقية بمناسبة الانتصار الثاني على التوالي بعد فوزه علي فريق النيل الذي يمثل منطقة مدني وبالتالى انهزمت كسلا في المبارة الاولي وانهزمت مدني في المبارة الثانية وهذه سمعة جيدة للبشاقرة والسريحة معا وياخي يوسف صديق انت بتقول كلهم عجائز الرياضة لا تعرف العاجائز ولا تعرف الا العطاء ووالدليل ( لاعبين تعدو الاربعين وهم يلعبون ومنهم من نعدا الثلاثين وهم في سوداننا كثر لا داعي لذكر اسمائهم وانت تقول نزار محمد المبارك مالو نزار هو لاعب صغير وانشاء الله يستفاد منه كثيرا
(واسف لذهاب ردى الى زاوية الكرسي الساخن)

اولا الاخ العزيز عثمان حسين تحية طيبة
الكورة شن جابت فى السودان خليها فى البشاقرة وانت زاتك عملت شنو فى الكورة غير الرفس والضرب وانت قلت كل الكاتبيين ماليهم علاقة بالكورة راجع نفسك واسأل الناس اللعبو فى الهدف والذمالك ولذلك نحن لما كتبنا عن فريق الكورة بالسعودية قلن الفكرة جميلة ولكن هنالك اشياء اخرة يجب منكم الالتفاف بها ومن الاحسن أن يكون هنالك تمرين او تمرينين فى الاسبوع
وليس فريق كورة كامل يشغل بالكم من الشغل وانتم فى غربة وطلعتم من البشاقرة من اجل هدف معين كل الاسر منتظراكم به وهو التحصيل المادى وليس التحصيل الكروى . وعليك الله يا عثمان الكورة نحن الما ء لعبنها عارفنها انها اخلاق اولا ثم رياضة ثانيا . وانشاءالله تكون اخلاقك اصلحت وخليت المشاكل
وشكرا,,,,,,,
ود النيل
اذهبوا فانتم الطلقاء

ياناس شنو القلبتوها مشكلة دى

وبعدين ود النيل دا مالو
ياخى ناس فى الغربة دايرين يروحو عن نفسهم شوية انت مالك

يلعبو كورة يلعبو بلى يلعبو سكسك شنو المشكلة ,هسى انت لعبتها فى البحر فى زول قال حاجة
ولا عدم موضوع والسلام
الرد الحار دا بجيب ليك زول وبقول ليك الدخلك بين الفولة وقشرتها شنو
غايتو ياود النيل بتفتش للتدوير فتيش
عجبــــــــــــــــــــــــــــــــــــــــــى