ود الواح .. شخصية فى وجدان البشاقرة..

لاشى فى يتحرك فى ليل البشاقرة الدامس سوى الدفاضع التى تتقافز فى ليالى الخريف المعطرة برائحة الطين والزرع .. وشئ من الرهبة والهدؤ .. تتسارع دقات القلوب مع اصوات الرعد المدوى والسحب المتحدية لصمت القرية المطبق..
وتراه, او تسمع اصوات وقع خطواته الخفيفة متحاشيا مجارى المياه ومناطق (( اللُكة)) و تسمع صوت وقع حذائه المهترئ وهو يقاوم الطين المتشبث به .. وبعض نحنة او كحة تغالب التعب والاجهاد..
هكذا هو دائما يتقطع نومه ويتقطع صمته وتتقطع احذيته مشياً .. وهو يحمل حقيبته الطبية و سماعة صغيرة او ميزن تداعبه انامله فى هدؤ.
والكل هنالك ينتظر قدومه يترقب الجميع (ود الواح) طبيب القرية .. وحكيمها ..ووو وأشياء كثيرة .
يدخل فى هدؤ ويولج الباب بهدؤ آخر فالرجل يحترف الهدؤ والصمت.. يقف الجميع فى اجلال ويتسابقون بنفس الهدؤ :

اتفضل يا دكتور احمد..
دقائق ويعود بعدها كل شئ إلى مكانه .. يتحول المنظر ..حاج ((العبيد)) يرقد وهو يرتجف من البرد ويتدلى من ((الحمار)) او الشماعة ((الدرب)) وينسكب على اوصاله بهدؤ .. ودكتور (احمد) يكتب ورقة صغيرة ويخرج بعض الادوية من حقيبته .. ويقولها فى اطمئنان يمتلك الجميع:
حاله التهابيه عادية... فترتاح القلوب ويستريح البال .. وتتسارع الأبتسامات التى توارت خوفاً بالخروج .. ويعلو صوت الشكر والتقدير والدعوات الصالاحات .. بينما ((ودالواح)) يخرج فى نفس الهدؤ الاول ويتوارى فى اعماق الظلمات والكل يتسأءل :
ترى الى أين يذهب الآن ؟؟ هل الى داره ام إلى مريض آخر فى اطراف القرية؟؟
لكن فقط.................................. لا شئ انه ((ود الواح)) دكتور الحلة

الله عليك يا رايع انت دائما تثبت يوما بعد يوم انك تجيد وتحسن اختيار الروائع
واجمل في الحياء ان تعطي دون ضوضاء
ومثل ود والواح كالغيث اينما وقع نفع
وهو يعطي دون كلل او ملل
و اعتقد انه لا احد بسيطيع ان ياتيك في منتصف الليل
واجمل ما يفعله ود الواح اخي الفاتح
انه يعيد بسمة الي ام اشفقها انين طفلها من الم الم به
منتصف الليالي وهي تدرك جيدا لا سبيل لها سوي ود اللواح
انه يستحق التكريم
وتكريمنا له في هذا المنتدي هذا البوست الرائع
ومن هنا نقف اجلالا واكراما له
ونعطيه نيشان الجدارة من الطبقة الاولي

كم انت رائع يا الفاتح
اسلوب جميل لشخص جميل نكن له كل الحب والتقدير
لكن هناك بعض التساؤلات عن شخصية ود الواح
*هل اسمه ود الواح او ود الواحة لاني كنت معتقد انه من الواحة ولذلك اطلق عليه هذا الاسم
* زمان عندما كنا صغار كنا نعتقد انه مصري او خواجة لحمرة لونه فهل له صلة بالمصريين
* انا اعترف اني لا اعرف اسمه الحقيقي غير انه ود الواحة فلذلك يا ريت احد الاخوة يتبرع مشكورا ليضفي على هذا البوست سيرة الرجل الذاتية حتى نعطيه حقه كاملا

العزيز التريتير

اولا الحمدلله الشفناك طيب

تاني هام ود الواح هو احمد بابكر النيل من اسرة عريقة من البشاقرة هي اسرة النيل واسم الواح ياتي يعود الي امه فهي تكني بالواح ولا اعتقد انه اسمها الحقيقي

ملحوظه ليك يا التريتير
عبدالمجيد حسين مزوج اخت ودالواح
وقع ليك ولا ازيدك

سلاااااااااااااااااااااااااااااااام عليكم وبالجد أنا إشتقت ليكم
بس ما عجني موضوع منذ دخولي إلى المنتدى بقدر ما
أعجبني هذا الموضوع
أنا ما عارفه إنتو دون مواضيع الفتح حاتعملوا شنو؟
وبالجد د.أحمد أكبر من إنو أنا أكتب فيهو سطور
بس ليهو مننا أحلى وأرق وأعذب التحايا والتجلى
د.أحمد شعاع الشمس الزهبي
بل هو ضوء القمر الفضئ
لا.........بل هو حنان ناس البشاقره الأبدي

ياسلااااااااااااااااااااااااااااااااااااااااااااااااااااااااام
كلامك زين يا عبد الحي
بس منو تاني؟

يا سلافة شوفى واحدة من بنات حوة
ود الدقناوى اشوف واحد
يا ريت تكونو عرفتو مزبع المنظمة

اجمل ما كتبت علي دكتور القرية
ومشكووووووووووووووووووووور
علي الانتقاء الطيب والاسلوب السلسل
وجزيت خيرا

لا تذكر
كلمة
متصنع

الا وذكر

عزالدين

ولا شنو يا فقدابي

الله عليك يا الفاتح موضوع يستحق القراه ورجل يستحق التكريم والباب مفتوح لسمار المنتدي ورابطه الطلاب والمنظمه الخيريه

شكرا اخى لما سردته عن خالنا احمد...فهو اخ للجميع ومصدر تداوى للناس .صراحة الناس اتعودت عليهوا ... وبتلقاهوا مع الجميع فى وقت الحاره...
فالحقيقة اسمه احمد بابكر النيل فضل الله(ود الواح)

وسمى بهذا الاسم لانو امو اسمها الواح وهى اساسا من المقاريت...
لكم التحية وفعلا نحتاج ان نكرم بعض الشخصيات من قبل البشاقرة

تحياتى النواضر

سلافة الهادي كتب:سلاااااااااااااااااااااااااااااااام عليكم وبالجد أنا إشتقت ليكم
بس ما عجني موضوع منذ دخولي إلى المنتدى بقدر ما
أعجبني هذا الموضوع
أنا ما عارفه إنتو دون مواضيع الفتح حاتعملوا شنو؟
وبالجد د.أحمد أكبر من إنو أنا أكتب فيهو سطور
بس ليهو مننا أحلى وأرق وأعذب التحايا والتجلى
د.أحمد شعاع الشمس الزهبي
بل هو ضوء القمر الفضئ
لا.........بل هو حنان ناس البشاقره الأبدي

اديكي العافية شكرا

يا ناس المنتدي تكريم ود الواح طلع ونسه منتديات علي وزن كلام جرايد ولا شنو

يا حسبو ود الواح يستاهل التكريم ونرجو ان يتبني المنتدى تكريم ودالواح ونحن جاهزين للمساهمة

حينما كتبنا عن هذا الرجل لم نكن نريد التبجح ولا التملق ولا لهو الحديث ..هذا الرجل يستحق تكريم حقيقى وهو اولى به من غيره ... وهذاالرجل يستحق التقدير فهلموا اخوتى لرد العطاء لاهل الوفاء