التخطيط العشوائى

بسمالله الرحمن الرحيم
نتاول فى هذه الزاوية همجية البنيان العشوائى الذى يقوم فى البشاقرة من ان يقفوا فيه المسوليين بالبشاقرة شرق وعلى راسهم الجنة الشفبية بالمدينة وهذا البنيان يقوم على التخطيط العشوائى من مرعاة الشوارع لذلك نجد ان هنالك منازل من غير شوارع يصعب فيها السير بالعجلة مثال لذلك الذوقاق بتاع ناس حاتم عثمان رحمة الله هذه الاخطاء اخطا قديمة من جدودنا ولكن العيب ان نلاحظ الاخطاء نهارا جهارا ونحن لانحرك ساكن . وهذه الاخطاء تسبب مشاكل بين الاهل بالبشاقرة . والسبب الريسئ هو الطمع الزائد فى شراء الاراضى ولذلك نجد ان الذين يملكون الاراضى يشددون الخناق على المشترين البساط فى دخلهم حتى يتمكن الواحد من امتلاك قطعة ارض صغيرة فى مساحة تحدد بى 400 متر لازم يدفع اربعة مليون وهذا سعر كبير ولذلك نرجوء من القايمين على امر البشاقرة ان يكون هنالك سعر مناسب وان يكون هناللك تخطيط للاراضى حتى لاندخل فى مشاكل الشوارع مرة ثانية
وشكرا :,,,,,,
ود النيل

التحية للمدافع الفولاذى ودالنيل
لكن الحلة يقومو يخططوها الا تفوت الحسيناب بى هناك وتدق فى جزيرة محمود وتشطف البقر (بضم الباء والقاف)

على فكرة الحلة كلها قدّام مخططة بس إنت ما عندك خلفية
لمن تجي تشتري ارضك الجديدة حا تلقى إنو التخطيط
موجود فيها وحاتقدر تمرر سيره بدل متمرر عجلة

الاخ/ ودالنيل
اولا:-
نحمد الله علي عودتك للمشاركة بعد ان سجلت وزغت.
ثانيا:-
لقد تناولت في موضوعك التخطيط العشواي شي مهم جدا يهم كل اهل البشاقرة ولكن طريقة تناول الموضوع فيها نوع من عدم الوضوح للفكرة .
وزكرت ان هنالك منازل من غير شوارع علي حد قولك ودللت علي زلك بشارع اوزقاق ناس عثمان رحمة الله . والكل يعلم ان هزا الشارع ومعة مجموعة من الشوارع الضيقة نتجت كنوع من التخطيط العشوائي وهي اخطاء قديمة كما قلت ولكن لم تشير الي اهمية اصلاح مثل هزة الاخطاء في المستقبل كمثال سيئ للتخطيط.
وايضا قلت انك تلاحظ اخطاء جهارا نهارا تسبب مشاكل بين الاهل بالبشاقرة ولم تاتي الينا بمثال واحد يدعم ملاحظتك .تم اتيت بالطامة الكبري وزلك بجعل الطمع الزائد في عملية بيع الاراضي كسبب في عملية سو التخطيط وانا اعتقد ان هزا السبب ليس لة اي دخل بعملية التخطيط العشواي من قريب او بعيد .
او انك تشابة عليك البقر فقمت بعملية خلط بين موضوعين وانت لا تدري .
فقمت بكبسلة موضوع سعر الاراضي في موضوع التخطيط العشوائي لزلك لم تستطيع ان توضح بالظبط مازا تريد ان تقول.
لزا ننصحك بالتركيز عند كتابة مواضيعك.
ملحوظة:-
هنالك اشكالية بالنسبة لي في كتابة حرف ال .... لمشكلة في لوحة المفاتيح لزا ارجو المعزرة.

حتى لا نحبط ود النيل من كتاباتة ومواضيعة الجميلة وكل ما يسفر عن تطور البشاقرة
نرجو ان لا ناخز علية بعض الاخطاء الطفيفة ان وجدت
الغريبة يا ترتر شارع الجزارات الذى يؤدى الى المركز شارع فسيح وحتى لو عايز تلف فية بسيارتك يمكنك ذالك

يا التريتير اسمح لي ان اقول لك انك تقوم بمجاملة ودالنيل .
لان موضوعة فية شي من عدم الوضوح او سو الصياغة.
(لانو بالطبط كدا لحدي كلمة جدودنا ماشي كويس لكن بعدها بدا عدم الوضوح وسو الصياغة)

انا لااقصد الشراهة في مسالة بيع الاراضي بالبشاقرة كموضوع منفصل بقدر مااقصد ارتباطة بالتخطيط العشواي. يعني علي ودالنيل ان يبين لنا كيف ان غلا الاراضي يتسبب في عملية التخطيط العشواي.

سلام من الله عليكم
يا خوانا كلام ود النيل دا حقيقه ومفهومه لاى شخص بصورة او باخرى وفعلا الناحيه الماديه كان لها دور كبير فى عدم تخطيط الاراضى بصورة سليمه يعنى عندى ترس مساحته واحد كم2 مطلوب ان يكون به عدد 2 او 3متنزهات فاضيه والشوارع لازم تكون بعرض 5 او 6 امتار وعشان استفيد من كل المساحه وتجيب لى قروش اكتر اعمل نائم على المتنزهات والشوارع انساها ولو عملت شارع ما اوسع من 3 امتار لا رقابة لا لجنه ولا هيئة مساحه وتخطيط وهاك يا مصاريف 0الكلام دا طبعا بالنسبه للاراضى قبل الخطه الاسكانيه
ودمتم فى رعاية الله
فقدابى

والله يا عبد الحي كلام ود النيل واضح كوضوح الشمس فى كبد السماء
وانت خليت الحمار وقنبت تفتش للبردعة
يعني الراجل لمس وتر حساس جدا وهو مسالة التخطيط العشوائ تقوم انت تقلب الموضوع لصياغة وما عارف ايه انت عاوز تمتحنه فى مادة اللغة العربية ولا انت استاذ ونحن ما عارفنك
كدي لمن تجي البشاقرة حاول تزور كدا الاحياء الجديدة وحاول تقارن بينها وبين القديمة ستجد ان هناك ليس فروقات كبيرة وبمرور الزمن ستتحول الى زقاقات هذا ان لم تكن هناك قوانين رادعة للمخربين
اما ما ذكره الاخ فقدابي فهو ضارب فى جزور الحقيقة ولازم تكون هناك مساحات عبارة عن منتزهات فى كل مربع وليس حي لكي يلعبوا اولادنا ويمرحوا بدل لعب الشوارع وتعرضهم للخطرمن جري العربات

انت يامحمد ودالنيل دا بتدافع لية كدا نسيبك ولاشنو.
يعني هسي الكلام دا لوكان لي ودالدقناوي كان شلتا لينا عكاز عديل كدا.