وارغو 1000000 حبابو

والله ياهلالاب بعد دة الا تشوفوا ليكم مكان تاني.
وارغو وصل ومخططكم فشل.
والجوهرة الافريقية عنوان للنقلة المريخية
والوكيل المضروب حقق المطلوب .
ورئيس لا يعرف المتاريس .
و كالعادة يصنع الزعيم الاحداث الكبيرة .
وارغو ومرق سماء وارض
ودي صورة توضح الفرق

http://www.alnsri.com/upload/uploads/mergbarsha-new.gif

انشاء الله وارغو دا يضوي ليكم
وبعدين ياخ لاعب صرفت عنه النظر اندية ابطال افريقيا الهلال والاهلي اكيد
حيمشي الكونفدرالية وانتو ماصدقتو لمن عرفتو الهلال والاهلي بفاوضو في الراجل جريتو كعادتكم ورفعتو السعر والجماعة دبسوكم في الموضوع بمبلغ خرافي لانو ادارتكم مستجدة وبتاعت اعلام ونفخة ع الفاضي وكدي النشوف اخر وارغو دا شنو هل سيجلب للمريخ الممتاز المحجوب بامر الهلال 5 مواسو متتالية وال6 في السكة؟ وخليك من الظهور في ابطال افريقيا دي حلم بعيد المنال غايتو الكونفدرالية محمداه ويمكن لو شد حيلو يبقي(نصير شمة)اما كان الافضل لجمال الوالي ان يدفع نصف هذا المبلغ لدارفور والنصف الاخر للايتام بولاية الجزيرة التي ينتمي اليها .(3500مليون دولار سعر وارغو)

يا بوكا قول ليك كلام غير دا .
دكلام عاجز.
وانتو دارفور دي وقت اعتو قيد الرباعي المحلي (ريتشارد و مهند وعمر وما عارف الرابع منو) بي مليارين ما كانت بها مشاكل ولا شنو ولا اتزكرتوها هسي.
وارغو وقع لاربعة سنوات قادمة مقابل 2 مليون و600 الف دولار.
ودي لو بتحل مشاكل الهلال بنديها ليهو تقول لي دارفور.
انتو حاتكونو معزبين معانا ستة سنة لقدام
هؤلاء الثلاثة سيشكلون المثلث الرعب المريخى فى الموسم القادم
وارغو وايداهور كمقدمه هجوميه والعجب من خلفهم وما ادراك ما تمريرت العجب
بصراحه مقدمه هجوميه صعبه ستنهار معها اعتي الفرق وان غدا لناظرة قريب.

يا قرش وارغوكم دا بكون ذي غيرو سجلتو كثير وما استفدتو منهم واحد جاب ليه قون في الزمالك عادو تسجيلو مع انو الموسم دا ما جاب حق الشقه الموجره ليهو الي هذا الوقت لم ينج الاحتراف في السودان سوا تجربه قودوين ولذلك التهليل والفرحه لجلوها لحدي ماتشوفوا الحاصل عشان ماتندمو علي قريشاتكم الكتار الدفعتوها دي

يااستاذ
وارغو دا هداف دورى ابطال افريقيا والمرشح لنيل جائزة الكاف كاحسن لاعب فى بطولات افريقيا المختلفة منافسا ابو تريكه واحمد حسن وفلافيو ومامبوتو.
تقول لي قودوين القعد معاكم 3 سنة حتي ظهر
قايتو موسرتو بيهو ناس الاهلي وهسي ناس الاهلي عارضنو بي نصف القيمة حقتو.

والله غلطان يا قرش نحن ناس بنتكلم بملاين الدولارات ما تتكلم مع ناس الالوف ديل ياخى ديل ما قدرو على ناس الاشانتى
مصاريف عشان العبو معاهم يا ريت لو سكتو ساى من فضيحتهم دى واصبر شوية لو ما بنك السودان طبل رئس النادى
ياخى ديل متبعين خبر حارقو دا اكثر من ناس المريخ
قال دارفور ومدارس

الجماعة ديل بقو يهضربو ساي
لكن اقول ليك الضرب علي الميت حرام.
ودي اهداف اينمبا رقم 1 و3 و 4
لانو رقم 2 قطع فية الارسال .
http://www.alnsri.com/upload/uploads/eny_googs.wmv
ودي ضربة الجزاء العملها المعز مع وارغو وماحسبوها
http://www.alnsri.com/upload/uploads/wargopen1.wmv

هو الكلام على القون رقم 2 الزول دا جهجهم من ما امسك الكورة اقوم بى 4 منهم ولقاهم قاعدين ساى
النصيحة ليك يالله انا كنت واقف مع الهلال يومها لكن وارغوووووووووو دا من ما امسك الكورة بلقى نفسى
ومن غير ما اشعر بشجع فى الزول دا التقول عارفو جاى المريخ

يازول دي دايرة ليها درس عصر
الزول دا بشبة لعبنا عديل كدا , المابخليك تشجعو شنو
اتوقع بعد عام من لعبه فى المريخ
ان تتنافس عليه اكبر فرق الدوريات فى اروبا
هذا اللاعب مكسب وبرضو دي مادايرة درس عصر

كدي بالله يالوصيفاب اقروا كلام الصحفي الرائع الطاهر ساتي عن صفقة وارغو:ولنا عودة بعدها:
كالعير في البيداء يقتلها الظمأ والماء فوق ظهورها محمول ..هكذا وثق لسان العرب أبلغ الوصف للناس في الحياة .. يصلح وصفا لكل زمان ومكان ، ولكل حال يقتله البؤس واليأس رغم توفر عوامل الفرح والأمل لا فوق ظهره فحسب ، بل تحت قدميه أيضا ..وكأن الشاعر يومئذ وصف مستقبلا سيكون فيه وطن كل شئ فيه يحتضر بداء الغباء واللامبالاة ، رغم أن دواء الذكاء أقرب اليه من حبل الوريد ..!!
** بالله عليكم ، هل الأفضل لنادي المريخ حاضرا ومستقبلا أن يدفع جمال الوالي تلك الملايين من الدولارات ثمنا لبناء فريق من الأشبال ينشأ على حب النادي والإنتماء الصادق اليه ، الى أن يقوى عوده ويصعد ويواصل العطاء ، أم الأفضل أن يدفعها عدا نقدا لوارغو القادم من بلد و ناد لا يختلفان عن المريخ وبلده إلا بمقدار ذكاء يتقن تخطيط خارطتهما الرياضية ، وإرادة تجيد تنفيذ تلك الخارطة ..؟؟
** ثم ، أليس مستفزا بالله عليكم ، للضمير الإنساني والوازع الأخلاقي ، أينما وجدا ، بأن يموت بعض أهل السودان جوعا في الجنوب ، مرضا فى الشمال ، فقرا في الشرق ونزوحا في الغرب ، في زمان ، بل في لحظة تهطل فيها خزائن رأسمالية سودانية ملايين الدولارات تحت سمع وبصر وكالات وفضائيات العرب والعجم على رأس لاعب نيجيري لايحمل عصا موسى لرياضة السودان ووكيل يجلس بجانبه بلا مصباح سحري ..؟..أليس معيبا أن نظهر للعالم ب : لسنا فقراء ، بيد أننا طبقات يسحق بعضها بعضا ، بقلب ..« كامل القسوة » ..؟
** دع عنك بؤساء البلد في أركان البلد الاربعة ، دعهم فى وادٍ روح الرياضة السودانية لم ولن تشاطرهم أحزانهم وآهاتهم ولو بمباراة داخلية لفريق ما يذهب ريعها لطفل في معسكر كلمة يقتات لبن منظمة غربية تنظم ليلة طرب في بلدها لإنقاذ حياة ذاك الطفل أو آخر في الطينة ، دع عنك عملا كهذا لم ولن تحدث بها روح الرياضة السودانية نفسها ولو إمتلأت مساطب ملاعبها بجثامين فقر وفقراء أهل الأرض ، لأن الهم الإنساني أو الغم الوطني لم ولن يجد طريقا بعد لضمائر رياضية ما هي إلا بقايا ضمير الدولة الأموية التي كانت تهدى الغرباء سيوفا من ذهب تخصم قيمتها من حياة رعية تقتات من ..« بيت النمل » ..!!
** فلتكن كلمة الإحتراف غطاءً لمايحدث ، ولكن تلك كلمة يراد بها باطلا حين تحدق في قمتي الكرة السودانية على أرض الملعب وتجد نصف هذه من دول سيكافا ونصف تلك من دول الساحل والصحراء ، حتى كاد مجرد رؤية لاعب وطني بينهم يتطلب من الجمهور استجلاب مجاهر.. كيف يتذوق الوالي وجماهيره أوالأرباب وقاعدته طعم انتصار تحققه عقول وسيقان منتخب الاتحاد الإفريقي فى مباراة سودانية والسوداني فيها مجرد مشاهد جالس على المدرج أو فوق تلك « الكنبة » ..؟..هل هكذا الإحتراف في أندية العرب والأفارقة التي تخرج الهلال والمريخ من أية منافسة بكأس الحزن و..« التبريرات الفطيرة ». ..؟..هل نصف الأهلى المصري من نيجيريا وجاراتها أم نصف النجم الساحلى من العراق وأخريات ..؟..اللاعب الاجنبي في أندية أي دولة رياضتها ذات وعي وسيلة لتحقيق غاية تطوير اللاعب الوطنى ، ولكن هنا ، حيث كل يسبح عكس تيار الوعي ، صار اللاعب الأجنبي هو ..« الغاية » ..!!
** كل هذا العبث ، مرده أن مقاليد السلطة الرياضية ذهبت فى غفلة زمان لذوي الخيال الضيق الذين يبتهجون لعقد إحتراف هم يمثلون فيه الطرف الشاري لوارغو النيجيري ، ويتجاهلون أو يجهلون كيفية التخطيط الاستراتيجي لتحويل شكل ومضمون ذاك العقد بحيث هم يمثلون فيه الطرف البائع للعجب السوداني ..وفي الجهل أوالتجاهل ..« مكمن الداء » ..!!

والله يا بوكا حننتنا عديل خلاص بقيتو مصلحين اجتماعين وخلاص الفقر جاء للجنوب هسة بعد قروش وارغو
انا احسن اضم لى لاعب كارب والا اضم لى 4 عجايز الحكمة هنا يا ابو النسب
بعدين القروش دى لا بتغنى ولا بتسمن من جوع قول وديناها الجنوب حتعمل لية شنو عليك الله
هل القروش دى بتحوق فيهم وهل حيذهب الفقر من الجنوب
اظن الطاهر ساتى ما عندو موضوع اليوم داك قال النهبش الناس ديل
بعدين الجنوب بقروشو لكن ماكلنها براهم

يا بوكا انت والطاهر ساتي.؟
اذا كنتم تتباكون علي اهدار المال في مثل هذة الصفقات متعللين بمشكلة دارفور والنزوح والصراع حول منطقة ابيي والفقر المدقع الجاثم علي اغلبية الشعب السوداني , فحديثكم مردود عليكم.
خلاص كتاب السياسة بقوا فالحين وفاهمين كمان في الكورة اكتر من ناس الكورة . والله الطاهر ساتي دا لو عندو عمود يومي في الكورة كلامو دا ما نقبلو , خلي كمان بكتب في السياسة.
بعدين الحاجة الفايتة عليك وعلي الطاهر ساتي وعلي كل كتاب الهلال ماعدا القليل انو العمل الزي قام بة جمال الوالي (استثماااااااااااااااااااااااااااااااااااااااااااااااااااااااااااااااااااااااااااااااااااااااااااار)ولا الاستثمار في الكورة مافي !
لقد قام الوالي باستثمار المبلغ الزي سيعود بفوائد كثيرة علي الكورة السودانية وخاصة ان وارغو عمرة 19سنة يمكن ان يعوض هذا المبلغ اذا تم تلميعة وتسويقة بصورة سليمة.
ولو ترتبت اي خسارة مالية من هذة الصفقة لا قدر الله اذا اصيب اللاعب فان الامر لايتعدي كونة نوع من (الrisk) الموجود في اي نشاط تجاري.

تلميع شنو وتسويق شنو ياقرش البتغشو بيهو في الناس دا بالله ارحمو انفسكم
شوية وارحمونا من الخداع والتخدير البتمارسو فيهو دا .
قال الموتمر الصحفي برعاية شركات دفعت مبلغ بــ300الف دورلار
بالله اختشو ولو مابتعرفو تنجرو خلونا نوريكم النجر كيف .
ببساطة ماذا تستفيد هذه الشركات المزعومة من هذا الموتمر اللهم الا تكون
دي شركات الالسيد جمال الوالي وبعدين ماتمسك لي في افكار مزمل ابوالقاسم
دا بضيع فهمك .وبعدين ياخ عليك الله شركاتنا دي قادرة تدفع الضرائب خلي
رعاية الموتمر الصحفية الرياضية؟؟؟؟
ارغو الانتظار حتي يوم 18ديسمبر لتحديد المصير

يا بوكا مزمل ابو القاسم صحفي كبير يتمني كثير من كتاب الرياضة ان يكونوا مثلة.
وهذا لايمنع ان نقول افكارنا وتحليلاتنا وان تطابقت مع افكارة وتحليلاتة.
لكن مافي شي بفك الارتباط بينا الا مبارة القمة القادمة وشيلو شيلتكم.

يا بوكا اسمع الكلام ذى الاستاذ وبطل كتابة عن موضوع الهلال
هسة انت اكان عندك كلام اتكلم عن الهلال مالك ومال المريخ وقروش الوالى ووارغو
شوف الهلال عادل مع الاتحاد الاسباب وعدم خروجة مهزوما لكن بينى وبينك الاسباب كتيرة احسن تتكلم عن المريخ
بعدين اللقاء بتاع وارغو كان فى روتانا سينما انتو فى ليبيا الغزافى مانعها والا شنو كان العالم كلو بشاهد فى الحدث
حاجة اخيرة ناس مانشستر داسين وارغووووووووووووووووووووو فى المريخ ودافعين القروش هم
حاجة خارج النص
ولدنا كيييييييييييييييييييييييييييييييييييييييييييييييف

يادوب فهمت تطابق الافكار )الوصيفية( كيف ياقرش .
واصلاً حسب فهمي ماف ارتباط لانو اصلاً ماف مقارنة .
خمسة سنين يوم وراء يوم بصبر شديد منتظرك انا
(واحد وصفو ليهو حاجة ممتازة ماقدر يصلها 5 سنين)
صحي الاختشو ماتو ياكاربينو والله البشوف كلامك يقول
شلتو الممتاز السنة الفاتت مايقول ليكم خمسة سنين (شمومة)
سؤال :ماهو الفرق بين الوصيف والموصوف والوصف؟
في حال الاجابة علي هذا السؤال ستحصل علي وصفة فعالة
تستعمل عن طريق حاسة الشم (وصفة شمومة يعني)تساعد
علي التكيف علي تحمل الصدمات العنيفة

الممتاز ياهو فرمالتكم يابوكا وحدو قريب ان شاء الله
والله المفروض تخجلو انتو لانو ليكم 78 سنة ماجبتو ليكم كاس من برة مقابل خمسة كاسات للمريخ (سيكافا1 + سيكافا2 + كاس الكؤوس الافريقية(مانديلا) + دبي الزهبي + كاس الشارقة).
وبعد دا لسانكم طويل, ونحنا الممتاز شلناهو قبل كدة وفي مرة شلناهو 3 سنة علي التوالي( انتو الوقت داك كنتو وين).
لكن ياالله ليكم انتو الماجبتو كاس من برة ومااظن تجيبوة بعد كدا.
ونحنا في طريقنا لتفجير الصففة الثانية وانتو اقعدا بخسوا
الزعيم في طريقه لاحداث ثاني صفقاته التاريخية والتي ستؤكد ان المريخ فارق التعاقد مع انصاف
المواهب والعاطلين عن الموهبة ويا يوم 17 ماتسرع كان نشوفكم بتقولوا شنو بعد نشيل كاس الممتاز.
قايتو اتوقع هروب للهلالاب العكاليت الفضلو.

وارغو حبابو
يسلم الجابو

يا حذيفة الجماعة ديل كتلم الغيظ
عشان كدة بيقولوا وارغو حمام ميت الجماعة ديل كانوا باكيتن في وارغو
ديل لو جبت ليهم ميسي - رونالديونو - فيغو - أفضل اللاعبين في العالم يقولوا حمام ميت
الجماعو ديل ما قالوا كولبالي ماسور كبيرة
وبعد ما عرفوا المريخ تراجع عن الصفقة الثانية قالو دايرن نسجلوا (ما قالوا ماسورة )

لا تجاد السفهاء بما يقولون

انو قالوا وارغو حـــــــــــا يحضر نهائي المريخ بطل الممتاز من عام 2008م الي نهاية الدوري الممتاز الي الأبد انشاء الله
والجماعة قالوا لو حضر وارغو ما حا يلعبوا المبارة
سالوهم ليه
المعز قال حلمت أن
العجب منفرد بالكورة قال لي شوفت وارغو ؟
قلت ليه لا لا قال لي هو في المقصورة الريئسية شوفوا قمت عاينتا ليهو لقيت الكورة قوون ؟
وتكررت من لاعبي المريخ الـــ14 ففاز المريخ 14- صفر ؟ قالوا ليه كيف يكونوا 14 هدف وهم 11لاعب ؟
انت ما قلتا أي لاعب قال ليك وارغو فوق عاينت ليه الـ3 أهداف دي جات كيف ؟
قال لان المريخ بدل 3 لعيبة ؟
ها ها ها ها

يا الزعيم مالك فقدتا المنطق مسمعتا بالراي الفقهي في تعريف السفيه قالوا (هو مبزر ماله فيما لا فائده فيه ) السفهاء منو نحن ولا انتو غايتو بتسجل وبتشطب زي غيرو والتوالي السادس جاكم بلو راسكم

انت يا حسبو عايز تتونس ساى الهلال انتهى ماعندو حاجة لو لاقهو تحرير البشاقرة بدرن معاهو
حنغلبكم لكن ما بنتشرف لانو الهلال منهار
ناس افراحها ذايدة وناس بتألمو

يا كاربينو خلي التحرير
الفوليل ديل لو لعبنا معاهم انا وانت والزعيم بنديهم المعلوم.
وصواريخ زوما هوك الجابت المطرة في بورتسودان ستنطلق يوم 17 لدك الجخنون في العرضة شمال.
ورسالة طمبل وصلت للولد وقال الباقي ابوة الي حيشهد كسر الرقم القياسي للهدافين.
يايوم 17 ما تسرع عشان نزند الحمام المدروخ.
رسالة اخيرة لاخوانا كان عندهم باقي كلمات وفصاحة احسن يمرقوها هسي قبل يوم 17.

بجي الخريف واللواري بتقيف ويوم 17 قريب

يااستاذ نحنا لعيبتنا من كوريلا 2008 ومرسيدس class E وليكزيس وهمر ولي فوق.
لواري شنو وخريف شنو
الكلام دا خلي النقولوا ليك نحن لانو لعيبتكم من لوري الكشمبة وتيبر الطيب عبدالقادر ولي تحت.

هذا الوارغو الذى انتقدته وسائل الاعلام النيجيرية والعالمية واوسعته شتما لانه فضل الاحتراف فى فريق صابرين من اجل الدولارات التى اعتقد بانها سوف (تغطس حجره) وتلحقو ايبولا اقصد ايفوسا.
ملحوظة:انشاء الله وارغو يبقى ليكم مزمل ابو القاسم.

ز