عيـــــــــــــــــــد ســـــــــــــــــعيد

أعلنت عدة دول إسلامية رؤية هلال شهر شوال، الاثنين، أنّ الاثنين 29/9/2008 يوافق اليوم الأخير من شهر رمضان المبارك. و ثبتت رؤية هلال شوال مما يعني أنّ الثلاثاء هو أول أيام عيد الفطر.

كـــــــــــــــــــل عـــــــــــــام وانتم وجميع اهلنا واحبابنا بالبشاقرة وانحاء العالم في سعادة وصحة وتقدم
وتقبل الله منا ومنكم الصيام وصالح الاعمال, وطبعا دا اول عيد للمنتدي فالتحية الخاصة للاخ المشرف والاعضاء.
الواحد ماقادر يوصف شعوره وهو بعيد في هذه المناسبة العظيمة عن البشاقرة الحبيبة وكل الاخوة المغتربين اظن عندهم نفس الاحساس .في اللحظة دي بتذكر مراسم العيد وعاداتنا السمحة الصلاة في الميدان والنوبة واحمد الجيلاني شايل الطاقية حائم لجمع المساعدات للفقراء وحاج عثمان يالعباس يجلس علي كرسيه .وعقب انتهاء الخطبة مباشرة يمسك المايكرفون احدهم ليدعوا الجميع للمشاركة في الاعراس وعقب ذلك تبادل التهانئ بداءاً من الميدان ومن ثم الفطور بــ(الروب والتقلية والسلج )في اول بيت يلاقيك زي (بيت الاخ صبحي ) وبعد ذلك تبداء الحوامة و دخول البيوت من طرف حتي تتلاشي اللياقة البدنية وتفتر الاقدام ولاتقوي علي المشئ وعندها تستلقي في اقرب بيت من بيوت الشلة وهاك يانوم لمن يصحوك للغداء ومرات النومة تكون حلوة تجعلك تضحي بالغداء حتي تصحي مع المغيريب وانت مهوي والجوعة كاتلاك لكن الخير باسط تاكل لمن تشبع وتشربلك كوباية شاي .وبعد المغرب تستقبل الاهل والاصداق في رد لزيارات الصباح ويدور شاي المغرب (شاي اللبن المقنن) اااااااااااااااه يازمن
تعالوا نتذكر ايام العيد بكل تفاصيلها , الاعراس وباقي البرامج الحلوة .واتمني ان يسجل كل عضوء (مغترب )ذكرياته مع العيد لانو ناس السودان بكونو غرقانين ومافاضين للمنتدي (الله يهنئهم)
[img]https://i.servimg.com/u/f36/13/06/88/94/15931611.gif[/img]

اول اهنئكم بعيد الفطر وكل عام وانتم بخير 00000000000العيد مبارك عليكم العفو لله ولرسوله حتتا اعفو منا 00000000000كان العيد وكان زمان وكانت البراءه والصلاة كانت فى ترس الجزولى وكان الامام الشريف ابراهيم يرحمه الله وكان بعد الصلاة الخطبه واذكر كان يقيف ويقرا وكانو يمسكو ليهو العمه عشان يقرا نفرين هم عبد الحى الجزولى وابو كساوى عافاهو الله 00 وبعد الصلاة نجى شله نفطر فى اول بيت كان الوضع عادى ادخل اى بيت 00تقليه ولقمة وشعيريه وشاى سادة وكان زمان الحناكيش يسوو دمعه 0ومن ثم نعيد على كل الحله حتى حفر الله معانا والعصر الكورة 000اخخخخخخخخخ يا حليل زمان وناس زمان وريدة زمان 000000000وكل عام وانتم يخير

الاخوة سمار المنتدى الاعزاء
كل عام والجميع بألف خير وصحة وعافية وعيد سعيد وانشاء الله يعود علينا سالمين تامين لامين وسط الاهل والاحباب والاصدقاء 0اما يا اخ بخارى عن العيد فى البلد له طعم خاص وذكريات جميلة
قريب يوم داك ما طول
مضت ايام ياااا حليلا
بقت احلام بتتأول
بوكا
اذا قلب الفتى اتحمل مصائب ا لدهر والامه ارى الصبر الجميل اجمل
(هذا حالنا فى العيد فى بلاد المهجر)
البادرابى كل سنة وانت والاسرة بخير تحياتى لى كل ناس الرياض و عيد مبارك عليكم
فقدابى

كل عام و انتم بألف خير و عيد سعيد و مبارك عليكم جميعا
صحيح إن العيد قد فق الكثير من نكهته و طعمه القديم إلا أن الابتسامة والخواطر الطيبة و المباشرة الحلوة ما زالت موجودة و البلد بخيرها لكن يبقى الماضي بأصالته وحنيته المتدفقة واللامحدودة هو الذي ينقصنا
الحياة في الماضي كانت طاعمة على صعوبة وسائلها ولكنها اليوم بائسة برغم سهولة وسائلها ...............لكن يبقى إنسان البشاقرة هوهو

التحية ليك يا ببادرابي وليك يا فقدابي لجميع إخوانكم في ديار الغربة وليك يا بخاري
لكن يابارابي أنا برضي أضيف صورة رائعة ما زالت عالقة بذهني منذ الطفولة
أن جميع ناس الوسط و قليل من الأطراف يبداون رحلتهم إلي ترس الجز ولي من باحة المسجد العتيق في موكب بهي تتخلله أنات النوبة بإيقاعها ألدراويشي الطروب وقرن حسون الذي يعزف أعذب لحن ممزوج بطعم ألحنية الدافقة مع ابتسامة و فرحة عميقة ترتسم على محيا الجميع هذا الموكب الرائع و بعد المشاركة في الصلاة والخطبة يعود أدراجه الي باحة المسجد خصوصا جيران المسجد والقريبين من صحنه ليلتقي الجميع حول مائدة شهية هي العصيدة بالتقلية و الروب ثم يتفرق الجميع ليعاودا ذات الحلقة كل ايام العيد لكن الوجبة تتحول الي الغداء مع ضيوف المسجد
هذا المشهد يلبسني بكل تفاصيله فآسي لما مضي من ماضي غير أني أعود بأمل ان أرى ولو مشاهد رمزية
و........... ما هبت الصبا إلا شممت منها ريح زيد كما قال سيدنا عمر رضي الله عنه
الأخ السر احمد اسحق يبلغك تحياته ويبارك ليك العيد ولجميع الإخوة ......للتواصل تلفونه 00249 120906182
وكل عام وانتم بمليون خير

طبعا الاخوة الكرام تذكروا شيئا من ذكريات العيد في الحلة وانا بضيف عليهم حاجة جديدة وان كان لم اعشها لكن النقل والوصف الدقيق من اخوة كرام جعلها ترسخ في ذهني وهي العيد في الغربة وخاصة السعودية والرواية عن ود الشامي والعهدة علي الراوي .
ومسرح الرواية هم اهلنا الدفعلاب في الغربة وقيل ان ود الشامي سافر لهم في العيد وعندما وصلهم في العيد وجدهم جميعا في حالة حزن عامة وكل من وجده كان مستلقيا علي سريره وينظر في الجدار وفي سقف البيت ومنهم من يبكي ويزرف الدمع ومنهم يكتم احزانه
وحينها قال ود الشامي قولته الشهيرة

دفعلاب

قايلنها دي الغابة

قومو شوفو عيدكم

تاني بتجو

الاخوة المغتربين كل عام وانتم بخير وربنا يحقق اماني الجميع.
وزكرياتكم دي مابتخفف عليكم بل بزيد اوجاعكم زيادة
والحل الوحيد تجو راجعين البلد دي ....

يا ناس المنتدي كل عام وانتم بخير والسنه الجايه ان شاء الله ربنا يحقق الاماني لكن والله البشاقره بقت كبيره والناس بقت كسلانه بيت بيتين والكوتشينه
الحله بقي مافي زول بلفها كلها الا حسين القاسم ربنا يدهيو الصحه والعافيه لكن الظاهر نسيتو عمنا حسون وقرنه المشهور اللهم ارحمه واغفر له ونوبه جقود ربنا يمد في اياموا وفطور الجامع وتقبل الله صيامكم وقيامكم وياناس المدينه ومكه ماتنسونا من الدعواءات