ود السريحة البشاقراوى

ازجى لكم التحية الاهل والاحباب داخل وخارج بشاقرة الخير . واهنى نفسى واهنئكم على متلقى التلاقى منتدى البشاقرة شرق العامر ومزيدا من التقدم انشاء الله. واعرفكم على شخصى الضعيف
الاســـــــــــــــــــــم : ياسر عبدالمنعم على الجاك النعيـم
مسقط راس الاجداد: البشاقرة شـرق
الاقامة الحاليــــــــة: سـريحة عامـر

فهل مـــــــن مرحــــــــب؟؟؟؟؟؟؟

الاخ / ياسر
مرحبا بك عضوا فاعلا في منتدي البشاقرة وابقي لي جوه
فانت ود البشاقرة السريحاوي وليس ودالسريحة البشاقراوي.
وتقبل ســــــــــــــــــــــــــــــــــــــــــــــــــــــــــــــــــــــــــــــــــــــــلامي......

مرحب بيك وبكل الاهل والاحبة فى بيتك وديارك
نتمنى ليك التؤفيق وربنا يجعل الترابط بين سريحة جدى والبشاقرة
وتكون الالفة والطيبة والمحبة والمحنة هى شعارها

الشكر اجزله للاخوة ادمن - حذيفة -سهارى على كرم الترحاب ونتمنى التواصل بمشية الرحمن ولكم منى عاطر شكرىوتقديرى .

ودمتم

لك خالص تحياتى ووافر احترماتى . اخى ود الدقناوى على حفاوة الترحيب . وفعلا الدار دارنا ولكن الاستئذان مطلوب ...

اما بخصوص طلبك . للاسف الشديد ذكريات المرحلة المتوسطة درستها فى الغربة فى دولة قطر مع الاسرة وكم تمنيت ان احيكها لك لوكانت فى السودان كحكاية الف ليلة وليلة ....

التحية لكم ايها الاخوة الكرام وانتم فى مسعاكم من اجل لم شمل ابناء البشاقرة فى الشتات وكل من ينتمى لهذه البلدة الطيبة باهلها وعامرة بشبابها وبنيلها وزرعها وضرعها.
اخوتى ابقوا عشرة علي البلد والخرطوم زاحفة عليها واوعى البلدات الخلوها الاجداد تضيع
وبقول لى ود السريحة تحياتى لجميع ناس الهوى

نحمد الله علي الظهورمرة اخري في المنتدي سعادة السفير عبدالرؤوف ونقول لك نتمني ان تواصل الكتابة لنستمتع بكتاباتك .
بالنسبة للبلدات مع البشرية الزايدة دي ما اظن يكونن في تاني لي قدام , لانو العرس داير ادبل والدبل دايرالثالثة والرابعة, والعندو اربعة يطلق واحدة بعد مايكون جاب منها سبعة او ثمانية ويخش فى الخامسة.
باقيلك ديل بتحوق فيهم الواطة خليها البلدات.
عبارة التحية القلتها لي ناس الهوي دي مافاهمينها انت قاصد بيها الهوي بمعني الكتاحة والعجاجة, ولا الهوي بمعني الناس اليدها لاحقة وقرارها نافز ومابتغلبهم حاجة, ولا الهوي بمعني الحب والجوي, ولا الناس الزين يسكنون منطقة السريحة وماجاورها.
وانت لو قاصد المعني الاخير دا الا تسجلها لينا تسجيل مع رابط .
وفي الختام لك تحياتـــــــــــــــــــــــــــــــــــــــــــــــــــــــــــــــــــــــــــــــــــــــــــــي...... ......