مسدار شوق للبلد

مساديرك رايعه دايما بتزكرنا ابن الخال علي ود الحاج من ميزة علي ود الحاج دايما هو ينظر مره واحده للنساء ازكر مره قال جيت داخل البشاقره وفجاه بنت فتحت الباب وشافها وعجبتو بس ما قدر انظر ليها تاني وقال لي نفسو علي اخوي بيناتنا مافي غباين ماخليتنا في مشتول الجنينه نعاين الشوفتو تخون المو خائن مشكور ود التوم زكرتنا شرب الشيخ وجلسات ابو النسب نرجو ان تواصل الابداع

رباية الكبار..
ترباية ما بتنقاس
من طينة بحر..
بسندو فوقو الراس
لينة طبع ..
رضعت حكر مو كاس
عزة وفضيله..
وسادة للفراس
شدة و حزم..
ترس الدميره الساس
مشهود بالكرم..
ما بنخرو الوسواس
سند التواقى
خليل مع المحراس
مطمورة الدرت
سيف الضهارى وفاس
سباق اللوارى
سقف الاهل كدباس
بطوف بالديار..
حشاهو من حراس
ابواب القبيلة ..
اوتاد بلا ترباس
قنديلها البضاوى.
دليل برا اجراس
ضى برق الشرق
فى وميضو فايت الماس
يطمن الحارى..
ويرحمن المحتاس

مشكور يا ود التوم على هذا الابداع الرائع
ومشكور يا ود الشرب ووثق لينا من على ود الحاج شوية
وياوليد شكلو الطيب جاب شيطان الشعر والدوبيت والمسدار
فلكم منى التحية

الاخ/ ود الشرب
حاشانا الخيانه وبقول لى ابو النسب ياخى شوف العين ما كتلو غزال
الاخ /ابو الطيب 0 مالا الهبوب جات مغلوبه الظاهر عليك اتاثرت بى ناس الطايف
ابوهاله .الايام دى ايام بداية الدرتيه ربنا ينجح الحصاد وان شاءالله ربنا يحلنا جميعا من الغربه ونعود تانى ونعود تااااانى من اول

فقدابى

شكرا ودالتوم وليد علي المسادير وشكرا للاخوة المتداخلين ود الشرب وقاسم وفقدابي علي المرور.
وبماسبة مسدار اخونا ود التوم الذي ذكر فية القو وانتشارة بالخلا يزكرنا بايام جميلة مازالت عالقة بالبال اذ ان لهذا القو طعنة حارة وكم كنا نتجنبة في المسير لما لة من راس مدببة حادة . وبالرغم من ان الرياح هي العامل الرئسي في انتشارة الا اننا ن كنا نقول ان الاعراب الذين ياتون بالحمرة علي ظهور حميرهم هم من يتسببون في انتشارة في الحلة ولكن لهم العتبي حتي يرضو واليهم هذا المسدار وللبلد.
الحمرة فوق ضهر الحمير جبالا ماشا كسيدا
بي تمساحية بي كنجال مكربا سيدا
واحدين للشرب وواحدين للمقاريت والبشاقرة وجيدا
باعو الفي النصيب وابتاعوا اكلو عصيدا
ودكان ابو النجا كان لهم نغمة سمح ترديدا
شبعو وفرحو ورجعو يغنو قالو قصيدا