وصـف المرأة فى أغاني الحقيبة

المرأة فى اغاني الحقيبة

اغانى الحقيبة وصفت المرأة وصف جميل
وصفتها بالادب والحشمة والعفاف
وصفت العيون والشعر وكل ما يتعلق بجسم المراة وشكلها ومشيتها
والحبيبة فى غناء الحقيبة درة مصونة يصعب الوصول اليها
لذلك ابدع شعار تلك الفترة فى الوصف

اقيس محاسنك بمن

يالدر الماليك تمن

نور عينى نور الزمن

ماشفنا فى طول الزمن

سواك بدر فى داخل كمن

الانوار يتزاحمن

فى خدودك اخد امن

ومن فاهك يتبسمن

بروق فى بروق يتقسمن
دى الدنيا ام جنة عدن

شفنا ملاك لابس بدن

انسان لكن مفردا

حاز النور حاز اللدن

بين جناين الشاطئ ... بين قصور الروم
حي زهرة روما ... و أبكي يالمغروم

درة سالبة عقولنا ... لبسوها طقوم
ملكة باسطة قلوبنا ... تبيت عليها تقوم
الطريق إن مرت ... بالخلوق مزحوم
كالهلال الهل ... الناس عليها تحوم

شوف عناقد ديسا ... تقول عنب بكروم
شوف وريدا الماثل ... زي زجاجة روم
القوام اللادن ... و الحشا المبروم
و الصدير الطامح ... زي خليج الروم

خلي جات متبوعة ... الصافية كالدينار
في القوام مربوعة ... شوفا عالية منار
موضة آخر موضة ... هيبة غير زنار
روضة داخل روضة ... غنى فيها كنار

شوف جبين الهل ... ضو فوقو فنار
منو هل الشارع ... منو بق و نار
طالعة ما بتتقابل ... زي لهيب النار
تحرق البتهابل ... و البعيد بي نار

يا مداعب الغصن الرطيب
في بنانك إزدهت الزهور
زادت جمال ونضار وطيب

أظنها كانت ماسكة غصن شجرة
الزهور ازدادت جمال من يديها

بدور القلعة

السيوف ألحاظك تشهرا
للفؤاد المن بدرى انهرا
اخفى ريدتك مرة و اجهرا
نار غرامك ربك يقهرا


صيدة غيرك مين الجسرا
تستلم افكارنا و تأثرا
حال محاسنك مين الفسرا
يالثريا الفوق اهل الثرى


الصدير اعطافك فترا
النهيد باع فينا و اشترى
الشعر اقدامك سترا
رقيصيبو قلوبنا البعترا

عالى صدرك لى خصرك برى
فيه جوز رمان جلى البرا
الخطيبة و ردفك منبرا

العيون النوركن بجهرا
غير جمالكن مين السهرا

هاهو الرائع محمد بشير يقول : في الأوصفوك ..
بداية الوصف : بالبدر أو بالزهر هم ما انصفوك !
،،،،، ،،،،، ،،،،، ،،،،،
يبرق ثناك في غيهب الليل الحلوك ..
أظرف شمايلك زاملوك ..
وهم أكملوك ..
أدبك هبة ..
فيك موهبة ..
شكل الظبا ..
وطبع الملوك ..
يا جميل لو .. أنصفوك ..

ياجوهر صدر المحافل روحي معاك اتلطفيله
مالدور الفي حليه رافل في حكمك لقلوبنا قافل
كالظبي الفي مقيله غافل تارة يميل والتانية جافل
وجه ينور والبدر آفل فوق للبدر يزيد نفيله
*
ليك جوز عين نعسان وكاحل زي وجدي اللي جسمي ناحل
بحر الشوق ماليه ساحل بنسب نوحي علي البلابل
وانتي القمره بتنسبيله
*
الغصن البتنى مايل طيره ينوح بي غصنه مايل
أهوى نسيم لي فكري شاتل الأسد الفي القيد يناتل
يتأكد ماليه كاتل غير مكحول ظبي النتيله
*
المرنوع بي كنفه هادل درعه يميل بي خصره جادل
أنا نايم والليل سادل شرط الحاكم يبقى عادل
مايمنع طيفك يغازل أنا في الحب لي روحي بازل
داخل قلبي ليك منازل يا لايم لاتبقى هازل
هل عاشق يسمع لعادل خلي نصيحتك عني زيله
*
يوقد شوقي ودمعي هامل جمر الحب لي جسمي شاعل
كيف لا تشعل في مشاعل لو الدهر بي حالي جاهل
في الأنجم أسأل سهيلة
*
أنا في الريد مالقيت وسائل غير بث النسمات وسايل
أغرب شيء وعجبنا سايل حلم الصاحي ودمعه سايل
لو شكيت في أمري سائل البدري كونك مثيله
*
يوقد شوقي ودمعي هامل جمر الحب لي جسمي شاعل
ضاق بي الكون مع إنه ماهل دمي يخضب للأنامل
هل يرضيك كدا ياجميله .....

هناك تعريفات لمعنى الشيء الجميل أو للجمال
هناك رأى أن الفن قد ظهر من أجل ان نتذوق الجمال ...وإن لم يكن الفن للإحساس بالجمال والتعبير عنه فلا فن ...فالجمال هو السمو
فبما ان المرأة جمال فالشعر هو الفن الذي يتذوق هذا الجمال !!!!!!!!!!!!!!!!!!
(أفتخري حواء )

لله در الشعراء في ما قالوه في المرأة

ولله درك يا ناقل الموضوع بارك الله فيك

ولله درك ياست الكل 000000000000000

منظر شئ بديـــــع
ما أاحلى الــــــغزل
بدر الكون علــــــى
غصن البان نــــزل
تيه في التيه رفـــــل
نجم اللـــــــيل زهى
و بالبدر احـــــــتفل
موفور النفــــــــــــل
ساح نام في الكــــفل

رد الاحلام ياجميل واصحى
قوم نقضى الليل فى ضفاف النيل ننشد الفسحة
شوف جمال الليل يا جميل اصحى
و اسمع البلبل و لهجته الفصحى
الغصون ماخدات مع النسيم كسحة
والطبيعة تخيل ثوبها كاسى النيل من جمال مسحة
عير كلامى معاك ياجميل لمحة
قوم معاى و ميل قامتك السمحة
كل شىء ميسور والظروف سامحة
منظر النوار يغنى عن انوار ولى الظلام يمحى
ديك شواطى النيل بالسرور طافحة
لابسة بدرى التم وللنجوم لافحة
شتلة الياسمين مايلة بصفحة
ميلها بيشجيك و من شذاها يجيك كل حين نفحة

التحية ليك يا بادرابي
وانت تتحدث عن غاني الحقيقة
نشارك بـقصيدة: حور الجنان
سيد عبد العزيز

مـن حـور الـجنان أم أنـت إنسان الكمال
هـل أنـت الملاك جيت تورى الناس الجمال

سـبحان مـن نشاك حسنه وفى غاية الكمال
يـهـواك الـجنوب وإلـيك يـنقاد الـشمال
وما أظن يحصوا حسنك لو يحصوا عدد الرمال
بـى إيه يقدروك يا ملك ملوك عصر الجمال

سـلطان بـهجتك مـحروس بجيوش الجلال
ويـغار مـن صـفا حسنك صفا ماء الزلال
فـى مراية خدودك أشوف تأكيد سحر الحلال
وأشـوف فى سما حسنك كل يوم يسطع هلال

صفا ماء الجمال فى مجال جمالك راق وجال
زى مـاء الـحياء فـى عيون ربات الحجال
مـا فـعل الـسلاح تـفعل عـيناك الـنجال
مـكسور الـطريف كـسر قـلوب الـرجال