بشاقرة نفر
المواضيع الأخيرة
» منأشدة للاحياء المنتدى
الأحد أغسطس 16, 2015 2:23 am من طرف ود النيل

» المنتدى مهمل
الأحد أغسطس 16, 2015 1:44 am من طرف ود النيل

» صباحات ...... غادة فؤاد السمان
الإثنين أبريل 07, 2014 4:32 pm من طرف غادا فؤاد السمّان

» ليش بسكر الجوال تخاف من الهواء البارد حول الف ريال - قصيدة
الثلاثاء فبراير 26, 2013 12:46 am من طرف محمد احمد عويضة

» الصديق أبو إدريس الرجل الذي فقدناه
الجمعة نوفمبر 23, 2012 10:52 am من طرف ايهاب عبدالفتاح محمد

» من المحسى للاهل بالبشاقرة شرق
الجمعة نوفمبر 23, 2012 9:33 am من طرف ايهاب عبدالفتاح محمد

» بشائر الفضل الإلهى فى العقيدة
الأحد فبراير 12, 2012 10:02 am من طرف انورفؤاد

» فقيد البشاقرة
الخميس سبتمبر 29, 2011 3:25 am من طرف ود الفعج

» عــــــــــــــــــــــــــــدنا
السبت أغسطس 06, 2011 2:25 pm من طرف Admin

بحـث
 
 

نتائج البحث
 


Rechercher بحث متقدم

التبادل الاعلاني
نوفمبر 2017
الإثنينالثلاثاءالأربعاءالخميسالجمعةالسبتالأحد
  12345
6789101112
13141516171819
20212223242526
27282930   

اليومية اليومية

المتواجدون الآن ؟
ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 400 بتاريخ الثلاثاء يونيو 19, 2012 6:41 am

قالو المشكلة مافى الالقاب

استعرض الموضوع السابق استعرض الموضوع التالي اذهب الى الأسفل

قالو المشكلة مافى الالقاب

مُساهمة  ود النيل في الأربعاء سبتمبر 09, 2009 4:41 am

بسم الله الرحمن الرحيم
الاخوة الاعضاء فى المنتدى كل سنة وانتم طيبين والعيد مبارك عليكم وانشاءالله السنة القادمة نكون عرفنا اسماء كل من البطحانية وبت السعودية وكرزاى مود الحقيقة 0 لان والله ياجامعة الخير ينتابنى شكوك بان هذه ألالقاب اسماء وهمية لاولاد يدعون بانهم من بنات هواء ماعارف السر فى ذلك شنو وهذا ان دل انما يدل على انه نقص فى شخص هولايى ال1ين يدعون بان هم بنات لان والله ماممكن ان يكون هنالك عضوء فعال من بنات حواء يقدم بفكرة ما انزل الله بها من سلطان وهو يطلب بان يكون هنالك ركن لتبيض الوجه وتصفيف الشعر والكريمات انا ماعرف يا عبدالحى دا منتدى ولا مركز تجميل انا لما طلبت من بنات حواء توضيح اسمائهم لكى يتجنبا مثل هذه الادعأت 0 وانا ماعارف السر شنو فى عدم معرفت اسمائهم اذا كان كان هنالك مبرر مقبول احسن نعرفو عشان مانخوض فى الموضوع دا كثير وعيكم الله مثل هذه الطلبات قدموها فى جريدة له ولها او فى مجلة سيدتى مش تطلبها فى منتدى بخص مدينة البشاقرة شرق وبعالج قضائا هامة مش كريمات وتصفيف شعر والقريق لقدام ياء عبدالحى وانا بطلب من الادمن يطلب من هاولائ بنات حواء توضيح اسمائهم والا يقوم بحجب اسمائهم من المنتدى
ود النيل
اذهبوا فانتم الطلقاء Basketball

ود النيل

عدد الرسائل : 42
تاريخ التسجيل : 05/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قالو المشكلة مافى الالقاب

مُساهمة  مصعب معطى في الأربعاء سبتمبر 09, 2009 8:01 am

انا ما معاك ياود النيل
خلى الجماعة يعملو الدايرنو
وهناك اقتراح بان يسمى المنتدى المقترح للشعر والماكياج باسم (منتدى ماروكو للتجميل )ويتم تعيين مشرف من الثلاثى اياهم
كما يجب على اى عضو ان يتبرع بما يستطيع من الفازلين والصابون والكريمات (كريمات قدر ظروفك)مامعانا
وماشابه ذلك
مع الابتعاد عن الكريمات المحظورة والمخالفة للمواصفات
كما يجب ن يكتب على صفحة هذا المنتدى المزمع قيامه (ممنوع الدخول للرجال قطعيا)

نعيش ونشوف
الناس فى شنو

**قف**
انت يالرادار ماناسينك لكن قالو شاتوك برة ’كدى اركز وابقى شارك ولاقينا وياما فى الجراب...
استغفر الله
avatar
مصعب معطى
فضي
فضي

عدد الرسائل : 210
العمر : 31
تاريخ التسجيل : 19/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

قالو المشكلة ما فى الالقاب

مُساهمة  ود النيل في الأربعاء سبتمبر 09, 2009 8:34 am

لك كل الشكر والتقدير اخى مصعب على مرورك واول مرة اجد من منك الموافقة فى تناول قضائا مهمة بتطرق وتر حساس يتمثل فى انعاش المنتدى بمواضيع تضيف للمتلقى معلومات جديدة ينير بها عقله وعقول الاخرين و صنع مواضيع جديدة تعالج قضائا مدينة البشاقرة شرق . اختراحات فارقة متمثلة اضافة ركن فى المنتدى متعلق بتصفيف الشعر وتبيض الوجه والله دا كلام كبير جدا على بنات حواء الائى يرفضن بتوضيح اسمائهم . وانا بقول ليكم لما توضحو اسمائكم نحن حا نفكر فى كيفية قيام ركن خاص بالتجميل
وشكرا
ود النيل Basketball

ود النيل

عدد الرسائل : 42
تاريخ التسجيل : 05/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قالو المشكلة مافى الالقاب

مُساهمة  ود الدقناوي في الأربعاء سبتمبر 09, 2009 8:58 am

ود النيل ومصعب براحة ختو الكورة في الواطة
البنت كتبت طلب ومن حق اهل المنتدى القبول او الرفض بس أنا عايز اسألكم سؤال هل انتم قراءتم الطلب البنت قالت ليكم
(حابه يكون في قسم {للعنايه بالبشرة والشعر} وقسم تاني {للديكور} )
أن شايف انو طلبها ما فيهو حاجة يا جماعة العناية بالبشرة والشعر اصبحت علم من علوم الطب وتدرس في ارقى الجامعات في العالم ومثل هذه المواضيع أصبحت مهمة خاصة لينا نحنا السودانيين نسبة لموقعنا في الكرة الارضية ومناخنا الذي يحتاج لمثل هذه المواضيع وبعدين الموضوع بصراحة مهم فيه تصحيح للمفاهيم المغلوطة وتثقيف لبناتنا حتى يبعدوا من الاستخدامات الخاطئة للكريمات ومستحضرات التجميل التي اصبحت تسبب كثير من السرطانات .
وموضوع الديكور أن شايف أنو ما فيهو حاجة لانو يضيف شئ من الجماليات لمنازلنا .
بعدين يا جماعة يا جماعة المنتدى ما لجنة شعبية حكومية لتلبيه الطلبات صحيح من خلالة يمكننا طرح ومناقشة مواضيع تفيد وتهم البلد ومن خلاله يمكننا أن نحقق ما نصبو اليه لكن لابد من أن تعم الفائدة الجميع وفي النهاية سمي منتدى ( ثقافي - اجتماعي )

مع احترامي وتقديري لكم
avatar
ود الدقناوي
فضي
فضي

عدد الرسائل : 350
العمر : 46
تاريخ التسجيل : 05/08/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قالو المشكلة مافى الالقاب

مُساهمة  البطحانيه في الأربعاء سبتمبر 09, 2009 2:20 pm

بصراحة عمري ما تخيلت إنو في ناس متعلمين وبيفهموا بالطريقة دي ......! سبحان الله
بس أثبتوا وبجدارة إنو {القلم مابزيل بلم}
ونعم التعليـــــــــــــــــــــــــــــــــــــــــــــــــم ونعم الفهـــــــــــــــــــــــــــــــــــــــــــــــــــــــم

وبصراحه مستحيـــــــــــــــــــــــــــــــــــل أستمر في منتدى فيه أعضاء أمثال.......و.......

قال الله تعالي {"خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ}

إنسحـــــــــــــــــــــــــــــــــــــــــــــــــــــــــــــــــــــــــــــــــاب

إتحضــــروا
avatar
البطحانيه
برونز
برونز

عدد الرسائل : 104
العمر : 27
الموقع : جدة
العمل/الترفيه : طالبه
المزاج : روقان ع الآخر....!
تاريخ التسجيل : 12/08/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قالو المشكلة مافى الالقاب

مُساهمة  محمد عبد الوهاب السريحة في الأربعاء سبتمبر 09, 2009 2:54 pm

شكرا ود النيل علي الموضوع بس روق وكل شئ بالنقاش المثمر ياتي اكله ...ويا البطحانية ما عشان تم الانتقاد تنسحبي يجب ان تكون هناك مناقشة لافكارك وعليك الاقناع لا الانسحاب لان راي فرد لا يمثل راي البشاقرة .... البشاقرة منتظراكم جميعا بدون خلاف ....
اما وجهة نظري ان اهل البلد الواحدة يجب ان تزال كل الاستار والاقنعة لان اكيد اسماءنا حلوة اكثر من المستعار والمخاطبة تتم علي العلن دون التستر ....اخيرا ربنا يوفقكم بس دعو الخلاف ..

محمد عبد الوهاب السريحة

عدد الرسائل : 5
العمر : 42
تاريخ التسجيل : 05/09/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قالو المشكلة مافى الالقاب

مُساهمة  النحلة في الأربعاء سبتمبر 09, 2009 4:42 pm

يا ود النيل الراجل بشم ريحة المرةعلى بعد 000000معقول الى الآن ما عرفت من الاسلوب او من الحوار انو نحنا النواعم ولا مطنش وعايز تشكك فينا علشان نطلع
وانت يا مصعب اريتك ما راجل اختي معقول بتكره البنات لهذه الدرجة مسكت منك الخشب وبعدين رايك شنو نجيب بسطة ونبيع ملابس علشان نتم الناقصة
وبعدين انتو ما فهمتو الموضوع ثقافة المرأة للاعتناء بما ذكر مهم جدا احسن من وحده تطلع في التلفزيون وشها كله زيت ما في نضارة ما في صفاء وبعدين كريماتكم البتقولو عليها دي هي السبب لانو ما في معرفة من المصادر الموثوقة
ولو كان المنتدى يخص البشاقرة اظن يا مصعب المريخ والهلال ما حيبنو ليكم مدارس ولا وارغوووووووووووووو حا يحترف في منتخب البشاقرة

مع تحيات بنت السعودية
avatar
النحلة
فضي
فضي

عدد الرسائل : 202
العمر : 37
الموقع : المدينة المنورة
المزاج : في قمة السعادة
تاريخ التسجيل : 12/08/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قالو المشكلة مافى الالقاب

مُساهمة  عبدالحى الضو في الأربعاء سبتمبر 09, 2009 5:12 pm

انا غايتو بقيف بعيد وبعمل شخيط
وانا ما معاكم يا مصعب ويا ود النيل
يا ود النيل انت قاعد تقيب عن المنتدى كتير بتظهر ذى( اب لمبة) فى الخلاء
والبطحانية مواصلة طوالى وحركت لينا المنتدى هى وبنت السعودية وكريزى مود
يا خوى نحن عاجباتننا وانا عرفت اتنين بنت السعودية والبطحانية. وكريزي مود بنت السعودية قالت بتجيب خبرها وبتكلمنى
لكن اخوك حلفوهو ما اكلم زول وانت لو بتركز فى واحدة ظاهرة فيهم
بعدين يا ود النيل المنتدى مفروض يكون جامع لكل شئ ومنتدانا دا ناقص شديد وين مطبخ حواء ووين الاسرة
هسه لو كان مطبخ حواء شغال كان استفدنا من طبق اليوم
بعدين نحن رجال عايزين نستفيد من هذة الثقافات لكى تساعدنا فى الحياة الزوجية وانت لسة ما عرست
افرض زوجتك ضربت ليك تلفون وقالت ليك جيب معاك( دابراملا)وجيب معاك( توب جل)او (ليمون جل)
طبعاٌ انت بتمشى الصيدلية عدل وتفتكرهم ادوية ولا ما كدة يا بنت السعودية
يا زول البطحانية دى لو انسحبت جد جد بتكون سببها انت يا ود النيل ويا ....
وفى الختام كلنا بنبقى بطاحين


دا كلو عشانك يا .......ثقافى واجتماعى


عشان خاطرنا ترجع
ناس عداد رسائلها 51 وناس 37 فرق يا ود النيل
avatar
عبدالحى الضو
ذهبي
ذهبي

عدد الرسائل : 563
العمر : 38
الموقع : Blu Nile State
العمل/الترفيه : lead.Sales Supervisor
تاريخ التسجيل : 11/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قالو المشكلة مافى الالقاب

مُساهمة  النحلة في الأربعاء سبتمبر 09, 2009 5:34 pm

كدة يا عبد الحي وكلامك عين العقل
وان شاء الله تجد ما يفيدك من مواضيع المرأة ويفيد رواد المنتدى جميعا
وبعدين انا روحي رياضية وبتقبل النقد البناء وليس الهادم

تقبل تحياتي بنت السعودية
avatar
النحلة
فضي
فضي

عدد الرسائل : 202
العمر : 37
الموقع : المدينة المنورة
المزاج : في قمة السعادة
تاريخ التسجيل : 12/08/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

قالو المشكله ما فى الالقاب

مُساهمة  غازى امام عثمان في الأربعاء سبتمبر 09, 2009 7:00 pm

التحيه لكم جميعا.. يا اهل البشاقره نحن فرحنا وقلنا المنتدى ده يجمع بيننا ويكون بيت كبيييير
يسع الجميع بكل الوان الطيف وكل التوجهات وكل الافكار ( من الجنسين ) ورغم التعدد
والاختلاف بلا شك بنلتقى فى حب البشاقره ورفعة البشاقره وليعمل كل منا بما يناسبه
وما يقدر عليه وبرضو مساهمه منه مقبوله . لكن ان نقوم باعتراض مساهمة اعضاء نشطين بالمنتدى
ونحبط همتهم بنقد حاد وبه شى من السخريه دى شينه منكم وانتو اكبر من صغائر الامور دى
والمنتدى برجى منكم مساعده وعون ومشاركات للامام لا للخلف وبعدين تعالو انتو البنات ديل
ما قالن ليكم واعترفت واحده فى مقال وقالت انهن من ضلع اعوج ان جيت تصلحو انكسر
احسن تخلوه فى حالو ولو جينا لى مشاركاتهن والله ما شاء فهى دينيه وقيمه جدا وبعض
المشاركات المقدره وعن الاقتراح بفتح قسم للعنايه بالبشره وقسم للديكورات والله زى ما قال ابن
عمى الشى دى اصبح علم يدرس ولو جينا نقيمو بالماديات فقد قامت شركات تخصصت فى تلك
المجالات ومن باب المعرفه لا اكثر كان قصدهن ان يسهمن ويفيدن اخوات لهن فى هذا المجال
ونعلم سلبيات الاستعمالات السيئه ونتائجها والاضرار ناهيك عن ان هناك من لا يعرف ما
يناسب بشرته وهناك بشره دهنيه واخرى كذا وتانيه كذا وكل له خصائصه وله ما
يناسبه ودى بحر عريض وبالجد نحن دى شهر ما لينا فيهو نفقه وبرضو كتر خيرهن دى
القدرن عليهو خلونا نحن النقدر على مجالاتنا البنفهم فيها وهن من هنا ونحن من هنا
وبقولو وراء كل رجل عظيم امراه وخلونا ناخذ المفيد من كل مشاركه سوا كانت
من ولد او بنت وما نجرح مشاعرو وكلنا بنكمل بعضنا ولا للتجريح لا للحقد نعم للتضامن
والتعاون لنتقدم وبنقول دى هفوه صغيره وعدت .
وعن انسحاب صاحبة المقال ما عندها عذر بعد السمعتو مننا ثانيا المنتدى للجميع
لا حكر على احد او فئه وفوق هذا كله لنضع البشاقره نصب اعيننا لو عملنا كده ما اظن اشياء زى دى
بتحطم همتنا وعزيمتنا واتمنى ان اكون وفقت فى ما اصبو اليه وكلكم نظر ونعين خير بعد المقال.
تخريمه :- انتو يا ودالنيل ومصعب ما لقيتو الا امات ضلعا اعوج وجيتو تكسرو اقصد تصلحو
ما تمشو على اللادار اللقتكم واختفى ؟؟ و التحيه لكم جميعا والسماح السماح والله نتايجو
كلها خير وليكن من اجل البشااااااااااااااااااااااااااااااااقره . ودمتم سالمين

واقول للاخوان استوصو بالنساء خيرا

غازى امام عثمان

عدد الرسائل : 32
تاريخ التسجيل : 18/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قالو المشكلة مافى الالقاب

مُساهمة  النحلة في الأربعاء سبتمبر 09, 2009 7:36 pm

مشكور يا خال غازي على إلاضافة وان شاء الله نكون عند حسن ظنكم

بس للاسف البطحانية شكلها ما بتتقبل الاهانة علشان كده انسحبت .
avatar
النحلة
فضي
فضي

عدد الرسائل : 202
العمر : 37
الموقع : المدينة المنورة
المزاج : في قمة السعادة
تاريخ التسجيل : 12/08/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قالو المشكلة مافى الالقاب

مُساهمة  فقدابى في الأربعاء سبتمبر 09, 2009 10:38 pm

الاخ / ود النيل
الاخ / مصعب
الاخوه والاخوات سمار المنتدى الاعزاء
تحية واحترام
اولا. نحن فى شهر عظيم شهر خير وبركه وروحانيات فلنسمو بانفسنا عن صغاير الامور وتوافهها ونتقى الله فى انفسنا ثم فى بعضنا . وما اعتقد يا ود النيل انو فى انسان بيكذب ويفسد صيامو فى هذا الشهر ويدعى خلاف ما هو عليه .ثم ما يهمنا هنا المواضيع الهادفه والقيمه بغض النظر عن من هو الشخص الذى كتبها فاذا عرفنا هذا الشخص كان احسن واذا لم نعرفه استفدنا من الموضوع .

ثانيا . كل المنتديات بها اقسام تخص المرأة ومفروض نشجع اخواتنا على ذلك وليس العكس
اخيرا .ارجو من الاخت البطحانيه ان تكون عند حسن ظنى بها وألا تحرمنا من ابداعاتها . ورمضان كريم

فقدابى

فقدابى
فضي
فضي

عدد الرسائل : 268
العمر : 50
تاريخ التسجيل : 31/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قالو المشكلة مافى الالقاب

مُساهمة  abdelgayoum في الخميس سبتمبر 10, 2009 3:21 am

السلام عليكم و رحمة اللـه و بركاته

لكم مني دعوه هل من مرحب فياذا نعم تفضل لقراءتها واذا لا رد تحية الاسلام وكفاية

احرص على احترام الرأي الآخر , وناقش بشكل غير جارح , احذر من أسلوب الاستهزاء بالتعليق

فنحن نختلف بالثقافات وبالقدرة على صياغة الأفكار ...

فاحترم ذلك بداية كل موضوع جديد ,كنت أنت عين الرقيب والناقد لنفسك ...

لتصل في النهاية إلى موضوع ضيق ولا ينتقدك عليه الآخرون

جامل الأعضاء المساهمين يومآ بأي كلمة في مواضيعهم ..

ليدركوا جمال الإنتساب الحقيقي لمنتدانا...قرب نفسك من الآخرين بأخلاقك الرفيعة , وما يشجعنا

في الكاتب هو أخلاقه ... وطيبته .. وتشجيعه للآخرين ...

وليس اسمه أو مركزه في المنتدى كعضو أو كمشرف ..!

abdelgayoum

عدد الرسائل : 61
العمر : 33
الموقع : الصين الشعبية
تاريخ التسجيل : 28/06/2009

معاينة صفحة البيانات الشخصي للعضو http://WWW.GOAN SPORT.NET

الرجوع الى أعلى الصفحة اذهب الى الأسفل

اى حاجة يا البطانية ألا الانسحاب

مُساهمة  ود النيل في الخميس سبتمبر 10, 2009 6:37 am

بسم الله الرحمن الرحيم
الاخوة ثمارالمنتدى
السلام عليكم ورحمة الله تعالى ؤبركاته
تعقيبا لكلمانا الفايت نرجوء من البطحانيةان تتقبل النقد البناء وليس فينا انسان كامل وكلنا نتقبل النقد وانا اذا اخطاة ولقيت من انتقدنا اقدم له طبق من ذهب واشكره لان الزمن الفينا دا نادر جدا تلقى انسان يقول لك انت صاح وانت مخطى وانتى يا البطحانية نحنا ما قلنا ليك انتى مخطية بس عارضنا الفكرة ولكى العتبى حتى ترضى وبقول ليك اعلانك للانسحاب غلط كبير واتمنى ان تتراجعى عن انسحابك عسى ولعل ان تفيدى المنتدى بمسهماتك النيرة
وعليك الله يا البطحانية ما تنسحبى وبرضو بكرر لكى العتبى حتى ترضى
ملحوظة :-
(برضودايرين نعرف اساميكم الحقيقة)
بت السعودية سعر الجامبو بي كم وكم وجاب ليك الخبر دا منو ولو لقيتى طريقة حدثينى بالعروس الفيزاء انا ما بتنفع معائ هنا فى السودان انا الحمدالله شغال كويس وانا اشك فى عبدالحى هو الكلمك

نتمنى أن تكون البطحانية رفعت انسحابها
وشكرا
ود النيل Basketball

ود النيل

عدد الرسائل : 42
تاريخ التسجيل : 05/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

جيناكم يا حبايبنا

مُساهمة  قاسم ابراهيم في الخميس سبتمبر 10, 2009 9:48 am

ياجماعة الخير
شنو نغيب يومين نلقاء فيه انسحابات .........
ياود النيل المنتدى منتدى الجميع واي حد عندو راي ويا مصعب شنو غبت وجيت شادي وداخل حامي ونقول رمضان كريم ونحن مع راي اي واحد فقد نختلف معاه وقد نتفق معاهو والمنتدي يسع الجميع ونشكر الجميع على المساهمات الانسحابات ذي ما ذكر اخوتنا الانسحاب يعتبر هزيمة يا بطحانية
ود النيل بقول ان الفكرة ما مقبولة لديه ودا راي
وبعتذر وبقول ليك لك العتبي حتي ترضي
وما يكون ردك يا بطحانية
اعتذارك ما بفيدك ودموعك ما بتعيدك
العملتو كان بيدك انا ما لي ذنبي فيه
ورمضان كريم
avatar
قاسم ابراهيم
فضي
فضي

عدد الرسائل : 361
العمر : 44
الموقع : الرياض العليا شارع الثلاثين
العمل/الترفيه : الرياض
المزاج : الحمد لله رائق
تاريخ التسجيل : 16/05/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قالو المشكلة مافى الالقاب

مُساهمة  عبدالحى الضو في الخميس سبتمبر 10, 2009 6:03 pm

يا عيسى شيخ الطالباب من الانسحاب
والما مصدق البطحانية ظنو خــــــاب
51 رسالة لى 37 شن جاب لى جاب
يا البطحانية العذر نبعثو ليك ارداب
الله اكفينا شر اللوم والعتــــــــــــــاب
ما بنعذر الناس فى الغـــــــــــــياب
كمان جابت ليها انسحـــــــــــــــاب
ود النيل شعرو شــــــــــــــــــــاب
لا بعرف كلاســــــــــــــيك ولا راب
اصلو القمر يخفى النجم ان بـــــــــان
شكيناهو على شيوخ ام ضواٌبـــــــــان
اكان عايز اطفش منى وحنــــــــــان
يا حنان ويا منـــــــــــــــــــــــان
البطحانية تجد الامــــــــــــــــــــان
وترجع لينا ذى زمــــــــــــــــــــان
وتنعل الشيطــــــــــــــــــــــــــــان
وتقراء سورة لقمـــــــــــــــــــــــان
منتدى البشاقرة كيـــــــــــــــــــــان
الله اجنبنا النسيــــــــــــــــــــــــــان
وابلغنا الجنــــــــــــــــــــــــــــــان
ببركة شهر رمضــــــــــــــــــــــان
البطحانية تعــــــــــــــــــــــود الان
ود النيل فى النهاية انســــــــــــــان
امكن كان زهجان او جعــــــــــــان
ما تقولى لى فى كلمات عايزة ترجمـان
avatar
عبدالحى الضو
ذهبي
ذهبي

عدد الرسائل : 563
العمر : 38
الموقع : Blu Nile State
العمل/الترفيه : lead.Sales Supervisor
تاريخ التسجيل : 11/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قالو المشكلة مافى الالقاب

مُساهمة  النحلة في الجمعة سبتمبر 11, 2009 9:09 pm

حبابك عشـــــــــرة بدون كشــــــــرة والف تحيـــــــــــــة
ليك منـــــي ســـــــــلام وعندي كــــلام من بطحانيـــــــة
قالــــــــــت :
قبـــلت اعــــذار وقبـــلت اشــــــعار بس مــافي النيـــــة
شــــاركت الكـــل وقايله الحــــال بقى ميــــة الميــــــــة
راودني ســـــــؤال في نفسي ألحوااااء مــــافي أهميــــة؟
جـــات الفـــــــكرة وللتجميــــــــل سوولي قضيـــــــــــة
قـــــــالوا الحــــــال اصبح فوضى والاقسام بشاقراويـــة
عـــــلم الحـــــال عند ربي والاقســـام نصها كرويـــــــة
البــــــلد الحـــــر ونهر النيــــــــــــل مافيهو بنيــــــــة؟
العنـــــــدو البـــــت والعنـــــــــدو مره تشبة عدويــــــة
مـــــــالكم يا ناس ما تخـــــلو البــــــت تصبح هنديـــــة
سمـــــاحة الوش تخلـــــي الزول يعــــــــــرس ميـــــــة
وللتجميـــــــــــــــل برفع راية خــــــــدوها وصيـــــــة
نحنا أهــــــل ومـــــافي زعــــــل والبيناتنا ماهى شويـة
بــــــعد رمضـــــــان وبـــــــــعد الكــــان للكل هديـــــة
آخـــــــــر قوووول من بطحانية لبطحانية أحلى تحيــــــة


مع تحيــــــــــــــــــات بنــــــــــــــــــت السعوديـــــــة
avatar
النحلة
فضي
فضي

عدد الرسائل : 202
العمر : 37
الموقع : المدينة المنورة
المزاج : في قمة السعادة
تاريخ التسجيل : 12/08/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قالو المشكلة مافى الالقاب

مُساهمة  crazy mood في السبت سبتمبر 12, 2009 5:02 pm

اوف اوف اوف ليه كده البطحانيه تنسحب معقول ياشباب affraid
بصراحه لو إنسحبت المنتدى حيبقى بااااااااااااااااااااااااااااااايخ لأنها كانت{ نوارة المنتدى }

بلييييييييييييييييييييييييييييييييييييييييييييييييييييييييييييز أرجعي وماعليك حقك محفـــــــــــــــــــــــــــــوظ

{راجينك دوام الحال إحنا راجينك دوام الحال......}

Cool Cool Cool Cool Cool Cool
avatar
crazy mood

عدد الرسائل : 54
العمر : 27
تاريخ التسجيل : 16/08/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى