دعم الرياضة وخصوصا نادي التحرير

الســـــــــــــــــــــــــــــــلام عــــــلـــــــيـــــــــكــــــــــم
يا جماعة تعرفون أن نادي التحرير العريق فاز بكأس الدورة هذا العام وسيشارك في كأس السودان لذلك يحتاج منا الي وقفه جامدة علمنا بأنه سوف يمثلنا جميعا . :quee

بما ان نادي التحرير البشاقره متصدر دوري الاولي بودراوه وهو اتحاد فرعي ويحق للاتحادات الفرعيه المشاركه في كاس السودان فلنقف جميعا مع نادي التحرير وبما انني رئس نادي الشباب الرياضي الغريم التقليدي لنادي التحرير تحدثت مع الاخ ياسر مصطفي امس الاول حول تكوين لجنه لدعم التحرير وسنكون في نادي الشباب اول المشاركين حتي يرفع نادي التحرير اسم البشاقره عاليا ونتوقع ان تكون المباره الاخيره في كاس السودان الهلال الخرطوم والتحرير البشاقره طبعا المريخ بكون طار من التحرير ان شاء الله

اولاً مبروك لنادي التحرير بطولة الدرجة
الاولي ودراوة .شنو ياحسبو ماتقولوا لينا
اتحاد ودراوة بقي محلي عشان نجيب ليكم
محترفين من الجماهيرية؟
وتاني مبروك للتحرير التمثيل والي الامام

يا عبد الحي الهلال من باب المداعبه ما سمعت بعمك الخزين الاعلامي الشعبي رحمه الله عندما يعمل دعايه لاحدي المطاعم في الافتتاح بقول المطعم للهلالاب فقط واذا كان شلنا الهلال الدعم بجي اعتبرني شلتا الهلال برا الموضوع ورونا شطارتكم ايها المريخاب

انسوا العنصرة الرياضية وادعموا فريق التحرير مادى اومعنوى ديل داخلين حرب ضروس والبقاء للاقوى

لدعم نادى التحرير يجب ان نتكاتف جميعا للدعم وخاصة الاخوة المغتربين و ارجو ان تبدا ادارة نادى التحريرباستقطاب الخيرين لان المنافسة شرسة وستبدا قريبا أقترح باقامة مهرجان رياضى وليلة ثقافية ايام عيد الاضحى المبارك ودعوة فرقة كوميدية وأسال الله التوفيق

يا ابو سامر مرحب بيك ونتمني دوام المواصله الموضوع ما ساهل تكاتف الجميل افضل لكن الفرقه الكوميديه غير مجديه الحقنا باقتراح ثاني يكون افضل

يا جماعة انتو قايلين المغتربين خامنها
(الجاتكم تختاكم يا المغتربين اى زول معول عليكم)
المغتربين يتبرعو لكن ما نركز عليهم كتير ناس السودان هنا لو سخو والله الشباب يجد الدعم
يا استاذ اجمع التبرعات من ناس بحرى
وعين واحد للخرطوم وواحد امدرمان
وناس الولايات شوف ليك رقم تلفون لتحويل الرصيد
واسعى فى الموضوع طوالى من بكرة وورينا الحاصل شنو

الا نعمل شحده رصيد زي ناس المريخ
لكن يا كاربينو الاعضاء 105 في 10جنيه بتعمل حاجه
خاصه لو كانت شهريا للمحتاجين من الطلبه للمرضي للمعوزين
صندوق تكافل من المنتدي بعمل حاجات كتيره

يا استاذ فى ناس فى المنتدى ما قادرين يشاركو بكلمة او بالاحرى رد فهل تتوقع ان يدعمو
اخير تشحد يا اخوى وكان بقيت على حكاية العشرة الشهرية سجلنى اول زول
سبحان الله