التحية للأهل الكرام أبناء الكرام بالبشاقرة

الأخ إبن العم الأدمن / العبيد الطيب عبدالقادر وجميع الأهل بالبشاقرة شرق ،
السلام عليكم ورحمة الله وبركاته ،
أنا أخوكم هشام مبارك عبدالرحمن أحمد دفع الله من السريحة وودت أن أساهم مع أخوة لي تجمعنا معهم صلة الرحم ، وأرجو أن أتواصل و اتراحم مع الأهل عبر هذه النافذة الأثيرية ،
و يسعدني جدا أن أشارككم في منتداكم الرائع هذا ، وهو خطوة متقدمة جدا نحو التقدم و الرقي ، والبشاقرة بلدنا الأول والبشاقرة مرتبع الحفاوة و الكرم ، بلد العز و الترحاب ، لكم مني كل الود ، ونسأل الله لكم التوفيق ، وددت أن ألتقي معكم أخواني ، و أن تكون هذه بداية تواصل معكم أرجو أن تتقبلوني عضوا معكم ، ودمتم !

Admin الخميس أكتوبر 30, 2008 2:17 pm

الاخ العزيز ابن العم والخالة هشام مبارك

بصراحة ليك وحشة شديدة

وانت غير غريب علي المنتدي انت منه وله وبه

واتمني ان نري اسهاماتك ودرر من كتاباتك القيمة

واتمني لك اقامة طيبة بيننا

وهذه فرصة عظيمة للتعرف علي شباب البشاقرة عبر المنتدي

وللمزيد من المعرفة هشام خريج جامعة الخرطوم قانون

ومن دفعة حنتوب ومقيم بالسعودية

ابوعزام

فقدابى الجمعة أكتوبر 31, 2008 5:21 am

الاخ الاستاذ والشيخ /هشام مبارك
سلام من الله عليكم ورحمة من عنده وبركاته
الاااااااااااف التراحيب ونورت المنتدى ونحن فى انتظار مشاركاتك
فقدابى

عبدالحى الضو الجمعة أكتوبر 31, 2008 10:41 am

اهلا ومرحب بك هشام مبارك فى منتدى البشاقرة وكما اعلم انك من المميزين فى منتدى السريحة وترتيبك ال 8
فى منتداكم الكبير على ما اعتقد ولا اقول لك سوف ننتظر مساهماتك بل محتاجين ان تنضم الى قائمة المشرفين وان تعمل فى اخراج
منتدى البشاقرة بصورة زاهية كما فى منتداكم الراقى والمشرق Laughing

( ود البشاقره )

الأخ إبن عمي الأستاذ الصحافي أبو عزام ، سلام من الله عليك ولك الود ، والله أنا أيضا كم مشتاق إليكم و إلي ضحكاتكم الملئية بالمرح ، ويا ليت أيام حنتوب تعود مرة ثانية لنخبرها بما فلعت بنا الغربة ، وإنشاء الله عما قريب سوف نحل ضيوفا عليكم لكي تبحثوا لنا عن وظيفة معكم حتي نسكب لقمة العيش مع أهلنا الطيبين بعزة و شموخ وننفك من هذه الغربة و الذلة ، وكيف أخبار أخونا المهندس السر أحمد أبو عبدالرحمن تحياتنا ليهو ولجميع الأهل دون فرز ، بالمناسبة شاهدتك قبل أيام في التلفزيون مع أخونا مصطفي إبراهيم الذي قدم من غونتنامو ، لك التحية أخي العبيد الكلام كتير نتركه إلي حين آخر ،

الأخ إبن عمتي فقدابي لك التحية و أنت تملأ الأماكن والأركان مشاركا و مداعبا ، ومجرد ما شفت أسمك عضوا في هذا المنتدي تبسمت مع نفسي و قلت ود عمتي ده ما خلي ليهو بلد كدي أنشوفوا في منتدي التكينة و الكاملين الخ .. لك ألف تحية و مشكور علي الترحيب.
الأخ كاربينو في منتدي البشاقرة و الأخ ود البشاقرة في منتدي السريحة لك التحية و جزاك الله خيرا علي هذا الإستقبال الحار و مشكور جدا جدا ونحن والله سعدنا بك كثيرا في منتدي السريحة ، نتمني من الله أن يديم المعروف بيننا و أن يصل بيننا جسر المحبة و التراحم و التلاقي علي أثير إسفيري علي حد تعبير الأدمن ، لكم التحية جميعا وبارك الله في جهودكم و نفع بها البلاد و العباد ، آآآمييين .

حسب الرسول مبارك الأحد نوفمبر 02, 2008 7:59 am

يا هشام مبارك مرحب بيك وسط اهلك واحبابك في البشاقره ونثمن لك مجهودك الرائع في منتدي السريحه انت ومحمد بساطي واجتهادتكم لكن قريبك ابوزر عثمان عامل للمنتدي طناش

جزاك الله خيرا يا أخ حسب الرسول علي الترحيب و أنا لي عظيم الشرف أن أشارك أهلي الطيبين في البشاقرة في منتداهم ، وفعلا و الله فقد لاحظت عدم دخول الأخ أبو ذر و كل دفعاتنا في حنتوب منهم الأخ كمال جادين و النذير و النعيم و فاروق و مصطفي و العبيد تنير ونصرالدين عبدالواحد وعبد المجيد ، و كثير لم تسعفني الذاكرة علي ذكرهم ، أرجو من الله أن يجمع الحبايب و يديم التواصل .

ود الدقناوي الإثنين نوفمبر 03, 2008 1:45 am

السلام عليكم جميعا رواد المنتدى وكل عام وانتم بخير ، آسف جدا للانقطاع بسبب الاجازة في شهر رمضان وانشغالي في العمل في هذه الفترة بالذات ، ولكم العُتبى حتى ترضو .

التحية برسلها عبر المنتدى لاخونا وزميلنا هشام مبارك وليك وحشه يا هشام وده بعتبروا تقصير مننا جميعا خريجي مدرسة حنتوب .
( بعدين طالب منك تشوف الصورة وتشبه بعد كده )
مرحب بيك في المنتدى البيت بيتك والمنتدى منتداك انت في دارك حللت سهلا

لكم التحية جميعا

التحية برسلها عبر المنتدى لاخونا وزميلنا هشام مبارك وليك وحشه يا هشام وده بعتبروا تقصير مننا جميعا خريجي مدرسة حنتوب .
( بعدين طالب منك تشوف الصورة وتشبه بعد كده )

ود الدقناوي / السلام عليكم ورحمة الله و بركاته ،
مشكور جدا علي الترحيب و جزاك الله خير ، لكن توهتني بالصورة دي بس غايتو بنقر نقر
( الصورة دي بلا شك لولد النعيم أحمد الخليل ) ولا كضبا كاضب ، أرجو الرد .

حسب الرسول مبارك الإثنين نوفمبر 03, 2008 7:24 am

يا هشام كتر خيرك خليت ود الدقناوي يكتب قبل كان بتاوق ويتخارج

ود الدقناوي الإثنين نوفمبر 03, 2008 8:11 am

التحية والتقدير للاخ حسب الرسول شكلك يا حسبو ما اطلعت على مشاركاتي قبل شهر رمضان ، على كل حال أنا اول يوم ادخل المنتدى بالتقريب لي شهرين من المنتدى .
والتحية لك اخي هشام بخلي العبيد يدلك على صاحب الصورة لانو هو الوحيد من رواد المنتدي الذي شاهد صاحب الصورة .

ولكم التحية احبابي رواد المنتدى

يا ريت أكون فعلا ساهمت في مواصلة الأخ ود الدقناوي للمنتدي ، وكتر الله خير الجميع ، بس يا ود الدقناوي كان تورينا أنت منو ودي صورة ولدك ، عشان ننبسط ليك يا أخيى ، والله الأسماء المستعارة دي في منتدي السريحة عامله لينا إشكال و كتبت عنها كتير لكن طالما ده إختيارك نقول معليش و نتواصل معاك و إنشاء الله مصيرنا نعرفك .

ود الدقناوي الإثنين نوفمبر 03, 2008 11:41 pm

السلام عليكم رواد المنتدى جميعا

العفو أخي هشام لم يكن قصدي كما فهمت من ردك . قصدي بس احلي الموضوع واخليك تفكر شويه وانت كلك نظر وانا اشهد لك بروحك الطيبة والمرحة من ايام حنتوب . بعدين انا من اول رسالة شاركت بها نزلت اسمي عليها.
على كل حال هذه صورة محمد أبوذر الشيخ ادريس عثمان بعدين ود الدقناوي لان جدي عثمان لقبه الدقناوي في البشاقرة مشهور بهذا الاسم .

لكم مني خالص تحياتي وتقديري

أهلا و سهلا يا أبو ذر ، الحمد لله اللي عرفنا اللقب ، و ألف تحية وشوق ليك يا أخي ، وماشاء الله تبارك الله علي الولد إنشاء الله ربنا يبارك ليك فيه و يجعله من أبناء الإسلام الصالحين ، آآآمييين ، لكن والله الشبه برضو بالأخ النعيم كمان مو بعيد ، والله كنت عاوز أقول الولد ده ولد فاروق جماع ، وسبحان الله كلنا أهل و الحمد لله .

حسب الرسول مبارك الثلاثاء نوفمبر 04, 2008 11:12 pm

يا ود الدقناوي كويسه جاتك منك براك قلت قبل رمضان الناس جهزو الابري حق رمضان الجاي لو ربنا احيانا ومبروك محمد ابوزر وما طولو الغيبه

Admin الأربعاء نوفمبر 05, 2008 12:18 pm

الاخ هشام

اجمل حاجة في موضوعك مرقت لينا ود الدقناوي

والمنتدي الطبي راجيك

واقول لي هشام ارجو منك دعوة ابناء السريحة للمساهمة

في هذا المنتدي بجانب زيادة مساهماتك

عبدالحى الضو الأربعاء نوفمبر 05, 2008 2:47 pm

انا ذاتى قلت رمضان جاء ولا شنو من ما شفت ود الدقناوى عاينت فى السماء فوق قلت النشوف هلال رمضان ظهر Twisted Evil

ما هلال رمضان احمد السيد Evil or Very Mad

هاهاهاها

حسب الرسول مبارك الخميس نوفمبر 06, 2008 6:36 am

يا كاربينو انتو عقده الهلال في اي حاجه مدخلنو الدكتور مشغول بالجامعه لكن طلع ليكم بحث في الصميم يا ادمن قسم المنتدي لي مشرفين وخلي ود الدقناوي مشرف الصحيه

عبدالحى الضو الخميس نوفمبر 06, 2008 7:05 am

يا حسبو حصلت تورية فى الكلام
لذالك وجب التوضيح

حسب الرسول مبارك الخميس نوفمبر 06, 2008 7:09 am

يا كاربينو ود الدقناوي كاتب عن الفشل الكلوي والبحث جيد ومفيد في الوقت المناسب بعد ظهور الحاله السابعه في البشاقره بهذا الدا اللعين شفانا الله واياكم دايرين الموضوع يتوسع شويه ورمضان احمد السيد هلالابي عشان كده انت دخلتو في الموضوع

عبدالحى الضو الخميس نوفمبر 06, 2008 7:43 am

ود الدقناوى لو داوم على المنتدى الطبى بس ما عايزين منه شى بس ما اغيب ذى الفترة الفاتت دى
الادمن ذاتو بالغ مفروض اقسم المنتدى بعد كده وعايزين نغير الفرش وستاير المنتدى العيد جاء بعد كده

حسب الرسول مبارك الأحد نوفمبر 09, 2008 3:09 am

يا ود الدقناوي الكلام ليك ورينا اهتماماتك

التحية للأهل الكرام أبناء الكرام بالبشاقرة

التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

رد: التحية للأهل الكرام أبناء الكرام بالبشاقرة

الإثنين	الثلاثاء	الأربعاء	الخميس	الجمعة	السبت	الأحد
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30