لماذا خرج نادي الهلال

اعزائي السلام عليكم ورحمة الله وبركاته ورمضان كريم بعد , تابعنا نحن الهلالاب خاصة والشعب السوداني عامة كيف خرج نادي الهلال دعونا نعرف ما هو السبب الذي اخرج نادي الهلال العريق من هذة الدورة وبهذه المهازل هل كان السبب اداري او مشكلة الموسم كما يسمونها هي السبب دعونا نعرف من خلال مشاركات الاخوة خاصة الهلالاب امثال ابو روان وبوكا وغيرهم فهم ادرى باوجاعهم .

لك التحية اخي العزيز جعفر ونعزيك ونعزي انفسنا فى هذا الخروج الذى هو بطعم العلقم فى حلوقنا من بطولة كانت فى متناول اليد لولا الاخطاء التى صاحبت مسيرة سيد البلد هذا الموسم والتى اري ان المتسببين فيها هم ثلاثة ,الارباب وشداد وصراعاتهم وعنترياتهم وتصفية حساباتهم والتى كانت على حساب الهلال الفريق .والارباب بابعاده للاسد فوزي من دائرة الكرة وهو الذى يعرف كيف يتعامل مع لاعبيه ويبعدهم عن التأثر بالصراع الاداري. والمتسبب الثالث فى خروج هلال الملايين هو السيد ريكاردو فى اصراره على عدد معين من اللاعبين, وعدم اتاحته للفرصه للاخرين حتي فى منافسات الدوري الممتاز فكانت هذه النتائج الكارثية خصوصا فى خط الدفاع .والله من فتحت عيونا وعشقنا الهلال ايام كان دفاعه فوزي وشوقى والاسيد والمر ما شفت دفاع للهلال بهذا المستوي المتواضع .المهم يا احبابي انه هلالنا نهواه ونعشقه ونهيم فى هواه فى كل الظروف والاحوال وسلمت يا صاحب المقام الرفيع مع محبتي .

خروج مخزي وما بشبه الهلال
ساعود للكتابة حول الموضوع
معليش ياشباب الهلال القادم احلي

خروج نادي الهلال من البطوله الافريقيه كان متوقع لعده اسباب لخص بعضها ابو روان واضيف عليها بان الجميع اشترك في هذا الخروج المزل اداره لعيبه جهاز فني اعالام رياضي وبالاخص الاعلام الرياضي وهو السبب الاول في النكسه برفعهم لكثير من الشعارات وان 9نقاط في المقبره مضمونه واليابان جاك فريق من السودان واخطا الجهاز الفني العب بالاسماء فقط وخير دليل علي ذلك نجاح زرياب وجيمي ناتالي ومشاكل الاتحاد العام كان لها اثر نفسي

يا استاذ خليك عاقل وشجع صاح والله تبارى الهلال دا تخسر قضاياك كله ما تقول انت بتسرح
خلاص نساهم معاكم
1ـ شيلو صلاح بره
2ـ جيبو الديبة اسمعو الكلام
3ـ اقتدو بالزعيم وما تكابرو
4ـ صلاح دا تانى شيلو بره
5ـ اهتمو بفريقكم وما تشتقلو بالزعيم بالأعلام بتاعكم
6ـ استفيدو من الكتبتو ليكم دا

يا كاربينو والله من الزعل ما قدرنا نفرق بين جيمي ناتالي وجيمي مانديلا غايتو ناس الاستديو التحليلي في دكان السيد النعيم ساكتين ساي

والله بس عايز امشى دكان السيد النعيم عشان اشوف بقولو شنو ناس ايوب والسيد وصالح
لكن ما بطلعو الا المريخ اتقلب حتى تلقاهم فى العمود
حاقدين حقد
المهم يازول الموضوع ما بستحق كدة ناس الهلال سووووووووووووووها شينة شديد ما راعو للجمهور
خلاص دور لينا على موضوع تانى الحمام الميت ما تشقلنا بيهووووووووووووووووووو

karbino كتب:والله بس عايز امشى دكان السيد النعيم عشان اشوف بقولو شنو ناس ايوب والسيد وصالح
لكن ما بطلعو الا المريخ اتقلب حتى تلقاهم فى العمود
حاقدين حقد
المهم يازول الموضوع ما بستحق كدة ناس الهلال سووووووووووووووها شينة شديد ما راعو للجمهور
خلاص دور لينا على موضوع تانى الحمام الميت ما تشقلنا بيهووووووووووووووووووو

.........................................................................................
غايتو ياكاربينو كلامك كلو تناقض .مرة داير تمش دكان السيد النعيم (عشان تستمتع بالنقاش مع هلالاب البشاقرة وتنهل من ثقافة اسياد البلد).ومرة تقول دور لينا موضوع تاني.
باكد ليك اصلو الوصيفاب ديل بتكلمو عن الهلال اكتر من ناديهم ولو مغالطني اقراء الصحف الحمراء وبعدين اقول ليك حاجة والله لو نحن خلينا الكلام عن الموضوع دا انتو مابتخلوه.
وختاماً هاردلكم خسارة مبارة النيل الحصا حيصا اتنين صفر والبقية يوم الخميس وهاك التوالي رقم 6 دا..

والله يا بوكا اكان عندكم نادى زى المريخ ما عارفكم تسو شنو والله كان قومتو الدنيا كلها
هسه انت ما خجلان من ابو الهل دا قايتو تانى الا نتناقش فى هلال رمضان لكن فريقكم انتهى يا ابو النسب
القريبه ما عندنا نسيب هلالابى وغالاط كده مفروض تندسو اليومين ديل بعدين ما مجبورين على كده
ونحن خايفين على نسايبنا من الضغط والسكرى و انتو صغار لسه قايتو اكان المهازل دى حصلت على المريخ ما كان
انتظرناكم تكاونا كان قلبنا معاكم
بعدين ما بناقض انا عايز اسمع كلامهم طبعا بكونو مشقولين بالمريخ وانا عازرهم لانو المريخ اليومين دى صحى بشقل

انتو ياهلالاب عارفين الهلال خرج لية لكن بتكابرو ساي
ومافي داعي نجاوب ليكم نحن لانو كلامنا ما بتسمعوه
لان الصفوة مابقولوا الا الحقيقة.
لكن المشكلة مافي خروج الهلال من البطولة الافريقية
المشكلة في الايام السوداء الجاية عليكم وربنا يستركم
وانا اري ان هذة الايام ستبدا من مباراتكم مع السوكرتا وسيد الاتيام وبلو راسكم من هسي......
****************
اللهم انصر الزعيم اليوم علي الشبيبة ولاتشمت علينا الهلالاب.
ااااااااااااااااامن.

اللهم لا شماته وشربتو من نفس الكاس والكفندراليه السنه الجايه محمداكم ماشفتو سته هلال كادقلي وهدف صالح عبد الله الراسي

الشماتة كيف يا استاذ بعدين كاسك دا شربت منة براك المريخ مشى احسن من الهلال انتو جيتو اطيش تجى تقول نفس الكاس
بعدين والله الناس فى البشاقرة قايلين المريخ غالب من كواريك ناس الهلال الكلام دا للمغتربين بس لانو هلالاب المنتدى عارفين وفى بعض الناس كانو بكوركو مع الجماعة
الحمدللة مريخنا طار وريح ناس كتار شديد ونحن غير راحتكم ما عايزين حاجة
قال هلال كادقلى

وازيدك من الشعر بيت يا كاربينو نحن زاتنا المغتربين لو رخيت اضانك كنت سمعت كواريكنا جايبها البحر يا اخي الشفناهو منكم السنة الفاتت لما سيد البلد انهزم من النجم بطل الكأس يخلى الواحد يكورك ويصفق وينبسط كمان وكما تدين تدان .

ما بتخجلو كمان انتو ذاتكم يا مغتربين انتو مفروض تشجعو الفريقين لانكم فى غربة وتكونو وطنين ذيادة عن الزوم وتفهمو
ناسكم الفى البلد دى
والله للشفناهو دا لو لعبنا مع اسرائل انتو تشجعو اسرائل
اعوذ بالله منكم ومن حقدكم

الاخ /كربينو وكل عشاق الاحمر الوهاج بل كل عشاق المستديرة فى السودان
يا اخوانا كفانا مهازل وذل وهوان و وجع فشافيش ودفع المليارات فى الفاضى
ادارات تعجبك فى الحجج والتصريحات والمهاترات 0 اجهزه فنيةلا فايده منها ولاتستفيد ولا تتعظ من الاخطا السابقه
انتم السابقون ونحن الاحقون والمره الجايه ح نكون جاهزين لى كل المشاركات
يا كوره عليك السلام فى السودان