ركن التعــــارف

تحية ندية لكل اخوتي احباب منتدانا العامرباذن الله ونرحب بالاخوه الذين انضموا للقافلة ونتمني ان نري قريبا كل شباب واهل بشاقرتنا وما حولها وهم يسجلون حضورا بيننا حتي نثري المنتدي بالمشاركات القيمة .
وبالنسبة لاقتراح بعض الاخوة بان تقتصر المشاركات فى المنتدي على اصحاب الاسماء الحقيقية وقفل الباب امام اصحاب الالقاب والكنية فانا بشوف انه مافى داعي لان نتعسف فى تطبيق شروط الانضمام لهذه الدرجة نحن يا جماعة فترنا من شيل اسامينا دي اكتر من اربعين سنه وهى معانا خلونا نرتاح منها شويه ونحن نسبح فى هذا الفضاء الاسفيري لانه فى ناس بتحب تكني باسم واحد من فلذات الاكباد وناس تانين عندهم لقب محبب لنفوسهم وللناس مافى داعي نحرمهم وفي الاخر القصد انه الناس تعرف شخصية عضو المنتدي عشان كدا انا بقترح هذا البوست ركنا للتعارف كل واحد مننا يدخل ويعرفنا على نفسه وبلاخص اصحاب الالقاب والكنية .
وابدأ ليكم بنفسي :
اخوكم عبد الحي دفع الله احمد
السعوديه الخفجي - الاشتهرت من دخلها صدام وهي زي المعيلق ولا كاب الجداد للما شافها -

الاخ باوروان لك مني خالص التحية

المفترح جميل ونتمني من الاخوة المشاركة للتعريف بالاسم الكامل في هذا البةست حتي نعرف نعضنا جيدا

وقترح جميل يا ابوروان

اما الادراة فانها غير ملزمة بحذف عضوية اي شخص دون الرجوع الي الاعضاء
والادارة بدورها ستسعي لمعرفة اي شخص باسم رمزي
وهناك من نعرفهم عن طريق ايميلاتهم

ولكن نقول ان المسالة غيرمزعجة وسيتم حلها

اها يا ابو روان بعد الصورة الاسم افتكر وضح يا ريت نرتاح من سهااارى دا منو اها عرفتوا سهااارى









تحياتى سهااااااااااااااارى

استجابة لضابط مرور المنتدي اللواء ابوروان

نفيدكم بالاتي

سكوك --- هو النذير ابراهيم السعودية
البادرابي ----- هو امين احمد العبيد السعودية
ابرجة ----- هو العبيد الطيب البشاقرة
ود امجودة ---- محمد حمد محمد الامين البشاقرة
ابكديرات----- مصطفي العوض السعودية
الدفعلابي ----- عبد العظيم محمد توكر السعودية
فرفور ----- محمد احمد القاسم امضريوة
ابوذر ----- ابوذر عثمان خالد امضريوة
ود التوم ----- عبدالحميد التوم السعودية
ابو احمد ----- اديب خليفة عباس مدني
محمد عزيز---- هو محمد عبدالعزيز اسماعيل

اما الاتية اسماءهم لم نتحصل علي اسمائهم الحقيقية وعليهم التبليغ عن انفسهم قبل ان يتم الاجماع علي امر بشانهم من قبل العضوية

بابية
كربوش
التلب
الطيب

اها يا ابوروان رايك شنو

ولكن برضو قالو سمح القول في خشم سيدو يا ريت لو اي واحد جاء وعرف نفسو وهنا يكون اجمل

ويا ريت نكتب الايميل والتلفون

مشكور يا المشرف العزيز اوفيت وما قصرت لانه بالجد الواحد بيلاقى اسامي قدر ما تخمن ما تصدق معاك واستجابة لاقتراحك حا نسجل الايميل ونرحب بالاضافه على الماسنجر لكن التلفون دا خليهو بعدين لما تجينا زين ونبقى كلنا شبكه واحده عشان المسكولات ما ترقد هبطرش
abdelhey@hotmail.com

ابو روان كتب:مشكور يا المشرف العزيز اوفيت وما قصرت لكن التلفون دا خليهو بعدين لما تجينا زين ونبقى كلنا شبكه واحده عشان المسكولات ما ترقد هبطرش
abdelhey@hotmail.com

بالله عليك يا مشرف شفت ليك زووول با ناشف وماسك فى الريالات بيديهو واسنانو ذى ابو روان

ياعمى خليها على الله والله ما بتتلمة ولا كان رجعنا من زمان كونك تسمع صوت عزيز دا بالدنيا

ويا سعادة المشرف يديك العافية 0 وبعد ما عرفنا عن لقب سهااارى ياريت الاخوان يرحبو بكل

انسان يدخل زاير او عضو نقابلوا بكل ترحاب ونفرش الارض زهور وورود لكل الحبايب البدق

ابوابنا وكمان نخلى ابوابنا فاتحة للجميع 0 وبعدين بعد منقوم بواجب الضيافة من نحر الانعام وثمار بلدنا

نسأل عن اللقب اذا وجد او الاسم اذا كان غير معروف او ما من ابناء البشاقرة فلمنتدى يرحب بكل

الناس من غير تحديد00
يقول الله سبحانه وتعالى في سورة الحجرات: (يا أيها الناس إنا خلقناكم من ذكر وأنثى وجعلناكم شعوبًا وقبائل لتعارفوا إن أكرمكم عند الله أتقاكم )
ولكم خالص ودى واحترامى
تحياتى سهااااااااااااااااارى

يا ابوروان انت وين وفي واحد اسمو الدنقلاوي لاقيهو ما يمرق منك وخليهو يديك كل الاوراق الثبوتية والا قطعو وصل تلاتين الف

الاسم:نجم الدين عثمان البشرى0اللقب/فقدابى 0 العنوان0 fgdabi@live.com

مرحبا بالاخوان عثمان على ومحمد الفاتح ونجم الدين عثمان فقدابى وتحياتي عبرك لكل اهلنا فى الفقداب واتمني ان يستمر التواصل عبر المنتدي

يا ايخ نظام غيب تعال ما بجي

اها هسي في داعي تلمهم كوم واحد كدي


دا في داعي ليهو

لك خالص الشكر والاحترام اخى عبدالحى وسوف تصل تحياتك لى كل الاهل بالفقداب والام الرؤم البشاقرة لكن فى واحدما اظن الم فيهو

والله يا ادمن نحن المنتدي دا ما بيمسكنا منو الا الشديد القوي, عشان كدا الغياب دائما بكون لاسباب قاهرة نرجو المعزرة .ويا فقدابى صالح الضي قال ما تخلى زول فى الحله الا تسلم عليهو .

الاخ ابو روان لك التحية ياخى الزول دة انا ما لامى فيهو فترت خلااااااااص مرة فى دكان عوض مرة فى دكان انس مرة راكب عجلة مرة كدارى مرات كارو غايتو ما خلليهو رغيفةفى فرن

زولى دا شوف مكان اكتر كوشتينه مسخنه وين وبتلقاهو لابد فيها . وقول ليهم جرو لينا معاكم ان شاء الله دو, والله شوق شديد للمة الحلة تحياتي للشباب من على البعد وتشكرات يا فقدابي يا مرسال الشوق .