كلنا بنعرف مصطفى سيد احمد ،،

ذلك الرجل القامة .. الفنان الانسان ..

الذي تفرد في غنائه وفي انتقاء مفرداته .. فاخرج لنا اغنيات كانت وما زالت تعبر عن واقعنا واحزاننا وتكفكف دموعنا وتتكلم بلسان حالنا وترسل الرسائل الى محبوباتنا .. وكأنها قيلت لنا خصيصا..

انه مدرسة قائمة بذاتها .. وحديقة جمع ازهارها وورودها من كل البساتين ..

فهما قلنا .. لن نوفيه معشار حقه ..

لذا .. اكتفي بدندنة بعض اغنياته عرفانا له وتعبيرا عن عجزي من اطرائه ..

واليكم هذه النرجسة من بستانه وافر الظلال ...




الـــحـــزن الـــنـــبـــيـــل


وبقيت اغني عليك
غناوي الحسرة والاسف الطويل
وعشان اجيب ليك الفرح
رضيان مشيت للمستحيل
ومعاكي في آخر المدى
فتيني يا هجعة مواعيدي القبيل
بعتيني لي حضن الاسى
وسبتيني للحزن النبيل

ومشيت معاك كل الخطاوي الممكنة
وبقدر عليها وبعرفا
اوفيت وما قصرت في حقك
ولا كان عرفة غيرك اصادفا
وقدر هواك يجيبني ليك
جمع قلوبنا وولفا
وكتين بقيتي معايا في اعماقي
في اعماق مشاعري المرهفة
لامنك ابتدت الظروووف
لابيكي انتهت الاماني المترفة

ندمان انا
ابدا" وحاتك عمري ما شلت الندم
ما اصلو حال الدنيا
تسرق منية في لحظة عشم
وانا عندي ليك كان الفرح
رغم احتمال اساكي يا جرح الالم
كان خوفي منك جاي من
لهفة خطاك على المواعيد الوهم
اهو نحنا في الاخر سوا
باعنا الهوى
ماشين على سكة عدموبقيت اغني علــــــــــــــــــــيك
غناوي الحسرة
والاسف
الطويـــــــــــــــــــــــــــــــــــل..