تثبيت موضوع للنقاش

الاخوة سمار منتدي البشاقرة الاعزاء لكم التحية والتقدير
يلاحظ ان هنالك عدة مواضيع مطروحة للنقاش منها موضوع مشاكل الجيل الحالي من طرف محمد حمد , و مشكلة عدادات الدفع المقدم والمديونية من طرف الاخ حبيب الله عبد الوهاب , ومشكلة اراضي مشروع زائد الخير من طرف الاخ احمد عبد القادر , ومشكلة احداث احلال وابدال في جسم اللجنة الشعبية من طرف الاخ سهاري , ومشكلة اختفاء منظمة البشاقرة الخيرية التي ولدت لتختفي من طرف الاخ حبيب الله عبد الوهاب , و بعض المشاكل الجانبية الاخري...؟؟؟؟
مع اهمية هذة المواضيع وحساسيتها والفائدة الكبري في حلها لمصلحة البشاقرة ومع الاحترام الكامل لكل الاراء التي قيلت فيها , الا ترون معي ان طرح المواضيع بهذا الشكل فية تشتيت للاراء وجعل بعض المواضيع معلقة الي اجل من غير حل .
علية اقترح (مجرد اقتراح) ان يقوم المشرف بتثبيت موضوع واحد للنقاش حسب اهمية وسخونة الموضوع لابداء الاراء حولة وبجدول زمني حتي نصل الي الراي السديد مع الاخذ في الاعتبار ان تاخذ هذة المواضيع اكبر قدر من دائرة اهتماماتنا داخل المنتدي من اجل رفعه وطنا البشاقرة ..
ولا رايكم شنو.
نحن الما انجمع لى فارغة كور لمتنا.
تعلو على مقاليد السمــــات همتنا.
نحن الفى القري مابتنغفر زمتنـــــــا.
تيجان الملووووك تعمل حساب عمتنا.

وختاما تقبلوا ســـــــــــــــــــــــــــــــــــــــــــــــلامــــــــــــــــــــــــــــــــــــــــــــــــــــــــــي .............

بعد الشكر
كلامـــــــــــك دا ياحذيفة من يوم اشتركت معاكم داير اقولو لكن قلت الواحد احسن يقوم بتاجيل الاقتراحات الزي دي شوية رغم اهميتها البالغة وربما بدون ماذكره حذيفةسنقوم بانفسنا بنسف المشروع واجهاض هذا المولود الذي نامل في ان يسهم في تقدم اهلنا ومنطقتنا.
وبالاضافة لكلام اخونا حذيفة ليه عايز اعرف لي شنو المشرف تارك الموضوع طلق ساكت مع انو لازم تكون بصمتو ظاهرة في اي موضوع سواء بالتعديل او ابراز الاهمية (بعد التشاور مع صاحب الموضوع)وعلي لن يتم حذف الموضوعات بشكل ديمقراطي بين الاعضاء .وبكرر واقول مسؤلية المشرف كبيرة جدا ويحتاج لمساعتكم فلاتبخلو عليه ولاتتعبوه بالاضطرار للتعديل الكتير.وفي النقطة دي داير اعرف امكانية تعديل الموضوعات بواسطة الاعضاء بتم كيف ؟ .وياريت الناس تتفاكر في بوست جديد حول شكل المنبر والتحاور فيه والموضوعات التي ينبغي ان نعطيها الاولوية في منتدانا وشؤوط النشر وحفظ حقوق المنشورات و............
وكمان ياريت المشرف يقوم برفع الموضوعات التي يري هو اومجموعة من الاعضاء انها مهمة .وتوضع عناوينها اعلي المنتدي بالوان تختلف عن الالوان الاساسية للمنتدي.وممكن يتم رفع موضوع اواتنين اوتلاتة علي اكتر تقدير في الفترة الحالية ليكون التركيز اكبر والفايدة اكتر.علي ان يلتزم الاعضاء بالنقاش حولها(مجرد راي)
وللتاكيد علي ماذكره اخونا قرش اعلاه في تشتيت المواضيع في اركان المنتدي.بتواجهني مشكلة لمن اجي اطلع علي المواضيع او المداخلات الجديدة او اي جديد لازم افتش المنتدي ركن ركن عشان اعرف الجديد شنو,ودي بفتكر حاجة ماعملية لانو غالباً الناس ماعندها زمن تفتش كل المنتدي وليست كل الاركان تمثل تقع ضمن اهتمامات كل الاعضاء , فارجو التداول حول الموضو باعجل ماتيسر وسريع عشان ما تطششو بينا برانا مطششين
ودمتـــــــــــم

الاخوة الاعزة سلام عليكم

اولا بخصوص المقترحات من العضوية اتمني ان تكون هذه المقترحات في مكان واحد حتي يتم جمعها العمل بها .
الاخ البخاري الذي ذكرته من مقترحات من صميمي عمل الاخ حذيفة وهذه مهمته وهو متخصص في هذا المجال اما المشرف الفيهو مكفيهو من مشغوليات ولكن هذا لن يعفي من مسؤلية المنتدي وتجدني متعبا جدا في متابعة المواضيع مدي ملاءمتها مع المنتدي مراجعة ذلك وتعديل بعضها .
ختاما انا احتاج الي جهودكم جميعا وملاحظاتكم لان المسالة صعبة جدا وخاصة هناك تغيير في دوام العمل واحيانا اغيب ثلاثة اربعة يام عن موقع العمل في ماكن اخر وهذا يتطلب مساعدة الجميع