الراحل المقيم الاستاذ/ مصطفى سيد احمد

Boka Bashagra كتب:لو سردت لينا تعليقاتك او ذكرياتك مع الاغاني دي

BOKA

نعم كنت سوف افعل هذا ولكن خفت من الاطالة وان لا اعمل شوشرة للقارى 0 وحتما لى عودة لتوثيق تلك الزكريات الزمن الجميل وكل الاغنيات التى تربينا عليها وعلمتنا معنى الحرية ومعنى حب الوطن الواحد وبالتاكيد السرد يحلو فى هذا المضمار 0


تحياتى سهاااااااارى

شكرا لك اخي سهاري على هذا البوست التوثيقى للفنان القامة الاستاذ مصطفى سيد احمد له الرحمه صاحب الدرر والروائع , كل اغنية تنافس الاخري, فنان كان يستطيع ان يلحن الجريده زي ما قال مره. واغنيات ود سيد احمد تلامس شغاف القلب وتنساب عبر الدواخل كانت ايام يا حبيبنا بخاري ونحن نردد اغانيه ونعيشها بكل احاسيسنا ومشاعرنا .رحم الله مصطفى الذى رحل عن دنيانا فى عز الشباب غايتو فى حياتي ما بكيت على زول ما بعرفه معرفة شخصية زي ما بكيت مصطفى والراحل والى الدين -الوالى الغالى -ربنا يرحمهم ويغفر ليهم الاتنين بقدر ما اسعدوا الملاين من عشاقهم.

ابوروان


البركة الشفناك طيب ساي

يا اخي ما طول الغيبة

وبالمناسبة المرة الجاية لو ما جبت معاك النذير ما تجي

من جديد جيت تاني تكسر صمتي بهذه الباقة الرائعة من الاغاني ياسهاري الف شكر وشكلك كدى ماخليت لينا حاجة نشارك بيها حتى الصورة شلتها ....شكررررررررررررررررررا.

الرومانسي كتب:من جديد جيت تاني تكسر صمتي بهذه الباقة الرائعة من الاغاني ياسهاري الف شكر وشكلك كدى ماخليت لينا حاجة نشارك بيها حتى الصورة شلتها ....شكررررررررررررررررررا.

مرورك يا الرومانسى يعنى المشاركة واحساسك باغنيات الراحل يعنى النطج والوعى والادراك وهما اجمل مشاركة منك 00
مشكووور على المرور
تحياتى سهااااااارى

اعضاء المنتدى الاف التحايا..................
كان يوم امس 17\1\2009 هو ذكرى وفاة الراحل المقيم مصطفى سيد احمد وقد كتب هذا البوست الخاص بالسيرة الذاتية العضو المميز عثمان على(سهاري) ..... فالتحية لي سهاري ونتمى له العودة الى رحاب المنتدى ....ونسأل الله المغفرة والرحمة للمبدع مصطفى سيد احمد...............

يا الرومانسى والله ما قادر اوفيك حقك ومهما قلت فيك انت اكثر من رائع ومبدع كونك تحفظ هذا التاريخ الذى خطف منا اروع مبدع
فى تاريخ السودان --نعم 17/1/2009 -هو تابين الراحل المقيم / مصطفى سيد احمد -- رقم 13
نعم يا رومانسى هذا التاريخ محفور فى الزاكرة وهل تصدق فى هذا التاريخ 17/1/2009 - كنت مستاجر استراحة وداعى فيها كل الاحباب والاصحاب لنستمع للراحل مصطفى من غير اى تداخل من اى مغنى اخر وكان الحفل بكل مكبرات الصوت من ساوند سيستم وعمل اكليل من الزهور والورود وصور لمصطفى باحجام كبيرة لخليدا لزكرى هذا الرائع والمبدع المتفرد 0
تسلم اخى / رومانسى ان عملت حاجة استفزيتنى بها وجعلتنى ادخل هذا المنتدى بعد طول غياب مرغما 0

كل التحاية والتقدير لكل الاخوان والاعضاء القداما والجدد الذين التقينا بهم او لم نلتقى بهم من غير فرز ومن غير تحديد
بس اسميحكم عزرا لكى أرسل سلامى ابن عمى عبد الحى الضو واهمس فى اذنك ان تواصل هذا النشاط والحضور فى المنتدى
مع خالص تحياتى لكل الاهل

دمتم بالف صحة ومليار من العافية

تحياتى سهارى

والله بتبالغ يا بن عمى الا اهبشوك فى مصطفى سيد احمد حتى نشوف صورتك
واصل عليك الله ما نقوم نجيب ليك ABCD
ادورك تانى

والله تسلم يا ابن عمى ويديك العافية والله مقصرين معاك لكن انت عارف المشاغل والجرى ومتلومين معاك حد اللوم
نرجو السماح والحمدلله القاعدين نشوفكم من خلال المنتدى 000 اتمنى لك ولافراد اسرتك الكريمة كل الخير والصحة 0
والله الفترة طويلة جدا مأتقابلنا فيها نتمنى نشوفك بخير يا ود الدقناوى 0الواحد مش عارف ليك اى تلفون يتواصل فيه معك
برسل ليك تلفونى فى الخاص فتك بالعافية 0
مصطفى سيد احمد بصحى فينا كل قديم بدينا زاد المستقبل والحاضر بتحسس الوتر البوجع والببكى
لك الرحمة بقدر حب الناس ولك الرحمة بقدر روعة وجمال كلماتك والحانك واداك لك الرحمة بقدر احساسك بالغبش والتعابة
لك الرحمة بقدر انتغاءك وحزفك من الاشعار لتاخذ المضمون من غير خلل فى النص والامثلة كثيرة 00

بينى وبينك

كل ما تباعد بيننا عوارض .. كل ما هواك يا طيبة مكنّي
تلد الغربة القرب الواحد .. وبيكي أسمي الشوق وأكنّي
لما أفوتك من دون خاتر .. أو دون خاتر مني تفوتي
بلقى حبايب في كل حتة .. وكل بيوت الفقرا بيوتي
لا غيرت وراكي الجتة .. ولا بدلت ملامح صوتي
لا غفلني وهادن فني .. غامل المدن الما عرفتني
وتبن الصبر الشوقو مصوبر .. في الأرياف الكم وفّني
وبالإحساس الجاك مستعجل .. جيت متأنّي
للأطفال الناشفة ضلوعا ..
ونازفة .. بغني ..
أهدي دموعا .. وأطمّن روعا ..
ببسمة بكرة الماها تمني .. ولا مصنوعة
بتمرق منها .. تدخل مني .. شديرا فروعا .. تميد متّنّي
تكوفت فيها نسيمة حنّي
تلاقي طيورا الما ممنوعة .. تجول وتغنّي
عديل لا راجفة ولا مفزوعة .. خطاها نبياً داخل الجنّي
أغني لشعبي ومين يمنعني ..
أغني لقلبي إذا لوعني
مخير دربي الما رجعني
إذا طلعني نخلة القرب .. واللا الغربة الكدرومية
بتنـزل غنوتي بي قمرية
أو وقعني في بطن الجب .. بطلع يوسف بالأغنية
أغني .. أغني
أغني الناس الما بتسمعني
المني بعيد المبعد عني
الإيدي في إيدا .. وإيدا بتبني
في دنيا جديدة .. اليوم راح تدني
وأريت غنواتي في ناس شغالة
تكون سندالة وعود طورية
ضراع رجالة .. كتاب أطفالا ..
وجملة بالا الما مقرية
سدة مالا وبقة فالا
في ليلة الدخلة على اسمى قضية
حبيبة قلبي يا سودانية
يا أسمى معاني .. في زول بعاني
يا ود ضكران .. يا بت دغرية
وانا إن سامعاني .. فضلت أغاني غبش فقرية
حويتك منك .. يا دافعاني براحة إيديا
كما الأشواق .. ويا جابداني .. برفق عليّ
ما بتحير بين الفوق وبين الناس التحتانية
إلا مغير .. واللا عقوق .. واللا كفيف الإنسانية
ومنك وين يا كاشفة عينيّ
بنور الإلفة .. ضيا الحنية
وحلم العالم ناس تنسالم .. والبني آدم صافي النية
والأطفال الناشفة ضلوعا
إنمرتق روعا .. وجاتنا تغني
غناوي البكرة الكم مسموعة
سماع بلاّل .. في الدنيا الصنّي
حسيس طمبارة مع نقارة
صفقةّ حارة ودارة تهنّي
زفاف اغرودة .. نهار العودة .. أو زغرودة في ليلة الحنّي
فيا حلتنا عليك ترابك
وإنت شبابك زينة الجنّي
أحلى عروس البلد اللتنا .. واللا الغبش الرابة تهنّي
واللا هدير المدن التصحى وتمحى ضلام الحاصل عنّي

مافى عوجة يابن عمى وما بيناتنا المسافة
انتو اصلا ناس خطابة وناس قيافة
بنسمع مصطفى كان بعود او ربابة
بننسى همنا وحزننا والكأبة
وكل ما نقول ما بنوفيهو بالكتابة