مقطع دوبيت يحث على الهجرة

[b]البلد الابوك عمدو وجفوك ونظارو
زى المتلى قاعد فيهو شن اخبارو
اخير الخترة فوق جملا تكب فقارو
ماخالقنا زول المولى واسعة ديارو

الاخ العزيز يوسف صديق اولا تحية تحية طيبة من المولى عز وجل ابعثها لك من ارض السودان ارض المليون ميل مربع وكيف حالك واحوالك انشاء الله السعودية تكون مشرفاك .
ثانيا:-
مرحبا بك فى المنتدى ونتمى لك اضافة حقيقة
ثالثا :-
منو القال ليك البلد ابتك انت ماسمعت قول الشاعر
وللاوطان فى دمى كل حر يد سلفت ودين مستحق
شاعر اخر
بلادى وان جارات على عزيزة
واهلى وان ضنو على كرام
الاخ العزيز الدوبيت الذى سردته يدل على ان البلد صحنة ماشالك ولكن نقول لك الماعون واسع بشبع مائة بس انت ماقلت بسم الله عشان كده قلت البلد ابتنى لا والله البلد ما ابتك وما بتلقى مثلك
انت البلد فى اشد الحوجة لك لك من العقول النيرة
وفى الختام نتمنى لك حياة عملية سعيدة وربنا يحقق مقاصدكم

اذهبو فانتم الطلقا

يوسف صديق يوسف كتب:[b]البلد الابوك عمدو وجفوك ونظارو
زى المتلى قاعد فيهو شن اخبارو
اخير الخترة فوق جملا تكب فقارو
ماخالقنا زول المولى واسعة ديارو

الليلة الصعيد جاب الهبوب مقلوبة
ذكرني القعاد والجلسة في الراكوية
يا جبت ملا فرح ام زينوبا
با اندفن هناك لاكفن لاطوبا

اختر آجنا في بلاد الغربة يا اندفن با جيت حازما

الاخ يوسف لك

خالص التحايا

اوعدت فاوفيت

ابوعزام

لك التحية ود النيل على المرور والله كلام بنقولو نبرر بيهو هجرتنا لكن بلدنا والله ما بتنفات ورغم كل شئ يظل السودان هو الحضن الدافئ والبيت الكبير ولك(اشواقى) وتحياتى
وشكرا للاخ العبيد ابو عزام لك اجمل التحايا وكثير السلام ودعواتكم معانا

والله يا شباب البشتغل فى السودان دا محظوظ بس بكون
ما البشاقرة والا الجزيرة الهجرة بقت جماعية والبلد هنا لو ما عندك واســــــــــــــــــــــطة
ما بتشتغل
ما تتقريف ساى يا ود النـــــــــــــــــــــــيل
البلد لو ماعيشتك ما بتقعد فيها
واسأل الطفشو من البلد دى واحسن الكوادر هاجرت

قال بلدى والا ملى بطنى
البلد لو ما ملى بطنك دا بلد شنو