بشاقرة نفر
المواضيع الأخيرة
» صباحات ...... غادة فؤاد السمان
الإثنين أبريل 07, 2014 10:32 pm من طرف غادا فؤاد السمّان

» ليش بسكر الجوال تخاف من الهواء البارد حول الف ريال - قصيدة
الثلاثاء فبراير 26, 2013 7:46 am من طرف محمد احمد عويضة

» الصديق أبو إدريس الرجل الذي فقدناه
الجمعة نوفمبر 23, 2012 5:52 pm من طرف ايهاب عبدالفتاح محمد

» من المحسى للاهل بالبشاقرة شرق
الجمعة نوفمبر 23, 2012 4:33 pm من طرف ايهاب عبدالفتاح محمد

» بشائر الفضل الإلهى فى العقيدة
الأحد فبراير 12, 2012 5:02 pm من طرف انورفؤاد

» فقيد البشاقرة
الخميس سبتمبر 29, 2011 9:25 am من طرف ود الفعج

» عــــــــــــــــــــــــــــدنا
السبت أغسطس 06, 2011 8:25 pm من طرف Admin

» ‏‎ ‎المفاتيح العشرة للنجاح الدراسي
الأربعاء يونيو 29, 2011 4:09 pm من طرف النبهانى

»  نهاية إسرائيل والولايات المتحدة الأمريكية
الأربعاء مايو 04, 2011 3:26 pm من طرف العبيد قسم السيد

بحـث
 
 

نتائج البحث
 


Rechercher بحث متقدم

التبادل الاعلاني
أبريل 2014
الإثنينالثلاثاءالأربعاءالخميسالجمعةالسبتالأحد
 123456
78910111213
14151617181920
21222324252627
282930    

اليومية اليومية

المتواجدون الآن ؟
ككل هناك 7 عُضو متصل حالياً :: 0 عضو مُسجل, 0 عُضو مُختفي و 7 زائر :: 2 عناكب الفهرسة في محركات البحث

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 400 بتاريخ الثلاثاء يونيو 19, 2012 12:41 pm

الراحل المقيم الاستاذ/ مصطفى سيد احمد

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

الراحل المقيم الاستاذ/ مصطفى سيد احمد

مُساهمة  سهارى في الإثنين مايو 19, 2008 7:20 pm

همس فى وجدانى فحرك كل الاحاسيس والمشاعر الجياشة نحو مبدع وقامة من مبدعى بلادى 0
لك التحية اخى / بخارى حبيب الله بقدر تلك الزكريات التى حوتنى فى هذه الليلة وانا اكتب عن هذا المبدع الرائع
مصطفى سيد احمد 0واستميح الاخوان وجميع الاعضاء فى المنتدى ان يسمحوا لى بكتابة سيرته الزاتية وعن بدايات
ولوجه لعالم الغناء وعن اسرته الصغيرة وقريته ومراحل التعليم التى مرة بها وكيف كانت معاناته مع المرض اللعين



مصطفى سيد احمد المقبول مختار

--------------------------------------------------------------------------------



مصطفى سيد أحمد المقبول مختار عمر الأمين سلفاب.

من قرية ود سلفاب ـ الجزيرة ـ عام 1953 م.

قدم جده الأمين سلفاب من شمال السودان ، منطقة الشايقية
وأستقر جنوب غرب

الحصاحيصا على بعد 7 كيلومتر منها ، وغرب أربجى بحوالى 13 كيلومتر
" أربجى القديمة " والتى

تقع آثارها على النيل مباشرة ، ثم تأسست أربجى الحديثة بحيث تكون
القديمة بينها وبين النيل ،

وكان قدوم الأمين ود سلفاب للمنطقة حوالى عام 1700 م.

وأستقر فى مكان قرية ود سلفاب الحالية والتى كانت أصلاً قرية للدينكا ،
أبادهم وباء الجدرى وما

زالت هياكلهم العظمية ترقد تحت تراب القرية ، إلاّ إذا أخرجها حفر المطامير أو أساسات

المبانى العميقة المعاصرة فتخرج مع حفنات من السكسك والخرز .

عمل سكان ود سلفاب بالزراعة المطرية لبعدهم عن النيل ولوفرة الأمطار
وكان ذلك قبل مشروع

الجزيرة ، وبعد قيام المشروع توفر الرى الصناعى والموروث من المعرفة
بالزراعة القادمة
معهم من شمال السودان لذلك كان والده فلاحاً بالفطرة ، إحتقنت دماؤه

بعاطفة الأرض

والزراعة فكان محصلة لها بمصطلحاتها النوبية القديمة فيعتقد فى إرتباط
الحياة فى الأرض

بالنجوم وحركاتها وبالرغم من أنه كان يتمرد كثيراً على التعاليم الرسمية
والجدولة الزمنية التى

كان مفتشو الغيط يطلبون تطبيقها ، إلاّ أنه كان دائماً وقت الحصاد يكون
من أوفر الناس إنتاجاً ..

ولكن كان إعتقاده دائماً أن ذلك يتم فى إطار قاموس الطبيعة .. وتكملة لهذا
القاموس وإلتزاماً به

كليةً كان ينفق فائض الإنتاج على المحتاجين حتى لا يتبقى منه ما يقابل
إنتاج العام

الجديد .. لم يتخرج فى كلية غردون التذكارية بل كان أمياً ولكنه علمنا

ما ما لا نجده فى دور

العلم .



ويقول مصطفى : بل أحمل فى داخلى منه الزاد الذى لا ينفذ فى كل مراحل عمرى ..

ويقول : لدى سبع شقيقات وأخ شقيق واحد توفى فى عام 1970 م ،
وكان عمره سبعة وعشرين

عاماً وكان يكتب الشعر ويغنى وتنبأ منذ وقت مبكر بأنى سأكتب الشعر
أيضاً وأغنى أفضل مما كان

يغنى .. وكان صوته جميلاً ..

وفى حوالى عام 1965 وفى مناسبة زواج أحد أبناء القرية من
فتاة فى قرية " العيكورة "

وفى الحفل الذى أقيم فى هذا الزواج سمعت مغنياً من القرية شارك
فى الحفل يشدو بأغنية

شعبية ميزت منها فى ذلك الوقت " الفريق أصبح خلا .. جانى الخبر
جانى البلا .." وملامح

اللحن كانت مشحونة بالعاطفة .. وفى لحظة صفا ذكرت لشقيقى المقبول
ملامح اللحن

والمعانى التى تدور حولها القصيدة وأخبرته أن هناك إحساساً قوياً يهزنى
فى هذا اللحن وهذه

المعانى وقد وافق ذلك فيه ظرفاً نفسياً خاصاً فكتب نص أغنية " السمحة قالو مرحّلة ".

أثبت هذه المعلومة إحقاقاً للحق وتوضيحاً للغموض الذى قد يحسه

من لهم صلة بالأغنية

القديمة عندما فاجأتهم الأغنية الجديدة .. كانت أول كتاباتى بعد

أن توفى شقيقى "

المقبول " وأول قصيدة مكتملة كانت فى رثائه .

درس الأولية والمتوسطة " المدارس الصناعية " وكان مبرزاً حيث جاء

ثانى السودان على

مستوى الشهادة الفنية ... لم يواصل فى المدارس

الفنية حيث إلتحق بمدرسة " بورتسودان

الثانوية " ومنها لمعهد إعداد المعلمين بأم درمان ،

حيث تخرج فيه وأصبح مدرساً بالمدارس الثانوية

العامة .

إلى جانب ما أشتهر عنه من ممارسته لهواية الغناء ، أيام دراسته بمدينة بورتسودان ،

كان موهوباً

فى مجال الرسم وفنون التشكيل ...عندما لم يسمح له أثناء عمله بالتدريس بالإلتحاق

بمعهد

الموسيقى والمسرح قدم إستقالته وعمل فترة مصمماً للأقمشة بمصنع النسيج ببحرى .

إلتحق بمعهد الموسيقى والمسرح وأكمل خمس سنوات بقسم الموسيقى

" قسم الصوت " إلاّ

أنه لم ينتظر حتى ينال شهادته الأكاديمية .

متزوج وله طفلان " سامر وسيد أحمد " له من الأخوات سبع وشقيق

توفى عام 1970 م "

المقبول " وهو شاعر غنى له مصطفى .

عانى من المرض كثيراً فقد لازمه الفشل الكلوى مدة طويلة " 15 عاماً"

أجرى خلالها عملية

زراعة كلى بروسيا أواخر الثمانينات إلاّ أنه تعرض لإنتكاسة جديدة بداية

عام 1993 بالقاهرة

وإنتقل منها للعلاج بالدوحة حيث ظل هناك يباشر عملية الغسيل الكلوى

ثلاث مرات فى

الإسبوع إلى أن توفاه الله مساء الأربعاء 17 يناير 1996م.

نقلا عن كتاب " مصطفى سيد أحمد/ الراحل فى مسام الخلايا "

للاستاذ/صلاح عثمان ]
__________________
تحياتى سهاااااااااااااااارى

سهارى
برونز
برونز

عدد الرسائل: 104
الموقع: ksa-dammam
المزاج: متقلب مع الظروف
تاريخ التسجيل: 14/05/2008

معاينة صفحة البيانات الشخصي للعضو http://www.sudaneseonline.org

الرجوع الى أعلى الصفحة اذهب الى الأسفل

مصطفي سيد احمد: ياحلتنا (البشاقرة)عليك ترابك وانت شابك زينة الدنيا

مُساهمة  Boka في الثلاثاء مايو 20, 2008 9:07 am

لك التجلة والتقدير اخي عثمان وانت تثري منتدانا العامر بروائع الوثائق عن الراحل مصطفي سيد احمد ذلك المبدع الذي شكل وجدان الكثيرين من ابناء جيلي خصوصا ً في فترة الدراسة الجامعية ومابعدها واصبحنا بعد هذه المرحلة نتفهم معاني ودلالات اغاني مصطفي بشكل اعمق و,كما كنا نترنم بها في مرحلة المدرسة الثانوية دون وعي وادراك لمراميها النضالية وغاياتها الانسانية وفي فترة الثانوية كان الفضل في التعلق باغنيات الراحل مصطفي تعود للاخ ابو روان عضو المنبر فله التقدير.
ومن الاغنايات التي تفتح معها وعينا الثقافي والغنانئ والنضالي أغنية:كل ماتباعد بينا عوارض كل ماهواك ياطيبة مكني .............فهذه الاغنية اري فيها البشاقرة والنضال والاهل والاحباب وكل المعاني الانسانية المشرقة لذلك اصبح لها وقع خاص وذكريات جميلة وحبيبة الي قلبي.
وهناك كثير من الاغنيات التي اسهمت في تكوين وجدان الكثيرين وغرست فيهم حب الوطن والاحساس بالفقراء والمقهورين ومعاناة الآخر جراء الظلم والقهر.
وكمان اغنية طوريتك في الطين مرمية وكوريتك يابسة ومجدوعة........... تثير في الاحساس بالارض والجذور والانتماء والحب والواقعية وكمان بتذكرني الزراعة(بابية) التعب المد ضراع النيل(البحر ) ,والمدن النفطية (الغربة والشتات)....واشياء اخري كثيرة (سودان و بشاقرة).
ونواصل
حتي الملتقي
اهديك مقاطع متفرقة من اغنية طيبة
اشعار:حـمـــــــــــــــــــــــــــــيـــد
اغني لشعبي ومين يمنعني
اغني لقلبي اذا لوعني
مخير دربي المارجعني
اذا طلعني نخلة
ولا القربة الكدروبية
سدت مالا وعقدت فالا
في ليلة الدخلة علي اسمي قضية
حبيبة قلبي ياسودانية
يااسمي معاني الزول بيعاني
ياود ضكران يابت دغرية
وانا ان سامعاني.........
مابتحير بين الفوق
وبين الناس التحتانية
الا مغير ولا كفيف الانسانية
الي ان يقول:
ايا حلتنا عليك ترابك
وانت شبابك زينة الدنيا
احلي عروس البلد اللتنا
ولا الغبش الرابة تغني
ولا هدير المدن التصحي
وتمحي الحاصل عني
.............


عدل سابقا من قبل Boka Bashagra في الإثنين يونيو 02, 2008 11:48 am عدل 1 مرات

Boka
فضي
فضي

عدد الرسائل: 239
العمر: 38
الموقع: http://boka-bashagra.blogspot.com
تاريخ التسجيل: 19/05/2008

معاينة صفحة البيانات الشخصي للعضو http://boka-bashagra.blogspot.com

الرجوع الى أعلى الصفحة اذهب الى الأسفل

مصطفي سيد احمد تاني

مُساهمة  Boka في الخميس مايو 22, 2008 8:26 am

العزيز عثمان لك التقدير علي التواصل واسترجاع الذكريات (ا لزمن الجميل)
لقيت منك مداخلة في زاوية غير دي اتمني يكون التواصل في الموضوع دا متصل هنا في البوست الانت فتحتو حتي تعم الفايدة ونطلع بفكرة وانت لديك الكثير حسب توقعاتي عن هذا الموضوع .
واسمح لي بان اطلب منك اغنية طالما احببتها ولم اجد لها تسجيل سمح ونضيف (زيها) والاغنية القاصدة دي هي للشاعر الجميل الشاب الصادق الرضي غناء العزلة ضد العزلة.
تخريمة:
للمشرف:
في بوست سابق طلبنا مكان الغناء والحاجات الدايرة( داون لود) عشان يكون المنتدي مرجع في الحاجات دي ودا البجيب لينا الاعضاء ويكبر المنتدي.نحن داير منتدي البشاقرة يحقق الرقم القياسي في عدد النقرات (الكليكات).
هاك امسك ياعثمان :
كما يتسرب الضوء شفيفاً

صوب سطح البحر

وهو محملاً بروائح القمر النبىَّ

خلاصة السحر

غناء النشوة الكبرى،

وهفهفة العناصر في تراكيب الضياء،

تتصاعد الأرواح في الأمواج

وهي ترتل الفضة

شيئاً من خواص الماء

خيطاً من دخان الرغو

في همس المزامير

ووشوشة الغناء على شفاه الحور

إذا يسبحن بين القاع والسطح

فضاء الرهبة الصدفية

اللالون

حيث الصمت فاتحة الوجود الداخلى

لدولة البحر وقانون المياه

خذ من شعاع الشمس نافذة

وحلق في فضاءات الغياب

الى رحيل أبدى

لامكان الآن لك

والله يسكن بالأماكن كلها

وجهاً يضوء بالأزقة

شارعاً يمتد في كسرة الخبز- الطعام المستحيل

الى ثياب الفقراء-

ماذا يلوح بالنوافذ؟!

هل ترى منديل عاشقة؟

بلون البحر

دمع صبابة في نهد عاشقة

بطعم النار

يقطر

والعصافير اكتمال للندى

في شرفة الحلم

تسد الأفق

تبحث عن طفولتها بذاكرة الفضاء الرحب

والفجر المُعلب في رفوف الصمت

واللغة الخفية للغناء على مسام العشب

والشجر المخبأ في تماثيل الشجر

الحزن لايتخير الدمع ثياباً

كي يسمى بالقواميس بكاءً

هو شيئ يتعرى في فتات الروح

يَعبُر من نوافير الدم الكبرى

ويهرب من حدود المادة السوداء

شيئ ليس يفنى في محيط اللون

أو يبدو هلاماً في مساحات العدم

الحزن فينا كائن يمشى على ساقين,

دائرة تطوف فى فراغ الكون,

تمحو من شعاع الصمت

ذاكرة السكون المطمئنة

كيف ترفض الجدائل فضة في الضوء

ترفض الفقاقيع التى

مابين امرأة الرزاز

إشارة للريح فى المطر الصبى

إضاءة فى الماء

خيطاً من حبيبات االندى

سحراً

صلاة

هيكلاً

قوس قزح؟!

ذلك سر الكون

أن تبصر في كل حسن

آية لله

والسحر الإلهى المهيب

ذلك سر العدل

أن تتفجر الأشياء,

تفصح عن قداستها,

ترى في الشئ ما كان إحتمالاً

ثم تنفتح الكنوز

الأرض كانت تدخر القمح

لأطفال لها

فقراء لايتوسدون سوى التراب,

قل للذين يوزعون الظلم - باسم الله - فى الطرقات

إن الله في نار الدموع

وفى صفوف الخبز

والعربات

والأسواق

والغرف الدمار

البحر ... ياصوت النساء الأمهات ,

القحط ... ياصمت الرجال الأمهات,

الله حىلايموت

كيف إستوى ماكان بالأمس هواءً نتناً

ريحاًًًً بغيضاً

بما كان هواء طيباً

ريحاً يؤسس معطيات الشارع الكبرى

عبيراً ضد تلك الرائحة

ما أشبه الليلة بالبارحة!

كل ماكنا نغنيه

على شارع النيل

تغيّب,

وانطوى في الموج منسياً,

حطاماً

فى المرافئ أو طعاماً للطحالب

فى إنزلاق الصوت للقاع

وفى صمت المسافات القصيّة

نحن فى ساعة الحزن

وميقات الفجيعة

والفراغ العاطفى,

الوطنى

الآن لن نبكى

ولكن من يساوم بالغد الآتى,

ماذا سوف نخسر

نحن رتبنا بلاداً

لاتقابل غير وجه الذات بالمرآة

إمرأةً هي اللغة الرماد ..

تخون عاشقها ولا تخشى مصابيح النهار ..

لا تثق بالقلب

إن العشق يؤذى

بينما يجدى التحرك فى السكون

فى مساحات الأنا

وعى التكون

وإبتكار الفرد مجموعاً,

يوازى سلطة الإطلاق

تحديد الموضع بالإشارة نحوها بالإسم

تفتيت الهلام

وإختراق السر

فتح نوافذ الأشياء

تكريس التفاصيل الدقيقة

قوة

تنسف الأحلام والذكرى

وأشباه الحبيبات - الدمى والأصدقاء!

لا تثق بالقلب

كى يتصاعد الضوء على كل المساحات

وحدق جيداً

إختر مكانك واحترق حيث انتهيت

أنت منسوب الدم الآن,

وأنت الإشتعال - النار

مجمرة الغضب

أنت إذاً ضياء اللحظة الآتى

أنا أنت

نحن الناس والشارع

والعواميد التي تمتد بالأسفلت

صوتي, صوتك

المشروخ في صدأ المقاعد

وإنهيار البرلمان

لم أقل أن الفضيحة

قد تراءت تحت أكمام الجلاليب

تعرّت في تلافيف العمامة

وامتداد اللحيّة الزيف

لماذا لم تقل ؟!

أن العمارات إستطالت

أفرغت أطفالك الجوعى على وسخ الرصيف!

أنت تعرف أنهم يقفون ضدك

ضدنا

ضدى

أعرف اننى سأظل ضد السلطة اللاوعى

نحن الآن في عمق القضية

مركز النار

وبالهامش تبقى

سلطة اللغة الخفية كى تعلق بالفراغ

نعم سننسى كل ما يأتون من فعل

وقول

سوف نصلبهم عرايا بالمسامير

على بوابة التاريخ ..

ثم نعبى الأيام النسيان

والصمت الخرافى المهيب

لست من نور لتغفر

أنت من طين لتبنى

فأبنى لى بيتاً

لنا

لك

للصغار القادمين

إن يك للعدل فى الأرض وجود

فليكن دمنا هو المقياس

إن تكن السماء مقابلاً للأرض

فلتكن الدماء مقابلاً للأرض

قال الله كونوا

ثم كنا

هل تحققنا تماماً

من وجود الذات في أرواحنا

ضد التكون

وانطلاق الكائنات؟!

نحن نخرج عن حصار العزلة الكبرى

لنكتب عن غناء العزلة الكبرى

ولكنا نصاب بضربة حزن

أوان خروجنا فى داخل الصمت

توثيق: الاغنية منقولة من موقع postpoems
بخاري حبيب الله

_________________
عندى شوق لى نيلنا والاهل والحلة
bokhari habib Alla abbas

Boka
فضي
فضي

عدد الرسائل: 239
العمر: 38
الموقع: http://boka-bashagra.blogspot.com
تاريخ التسجيل: 19/05/2008

معاينة صفحة البيانات الشخصي للعضو http://boka-bashagra.blogspot.com

الرجوع الى أعلى الصفحة اذهب الى الأسفل

لك التحية

مُساهمة  الدنقلاوي في الخميس مايو 22, 2008 8:39 am

لك التحية الاستاذ بخاري ونحن على ثقة كبيرة فيك وانت تثري المنتدي بحلو الحديث فالى الامام حتى نسمو بمنتدي البشاقرة .

الدنقلاوي

عدد الرسائل: 32
تاريخ التسجيل: 18/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

مصطفى سيد احمد الى مالا نهاية

مُساهمة  سهارى في الأحد مايو 25, 2008 5:18 pm

Boka Bashagra كتب:العزيز عثمان لك التقدير علي التواصل واسترجاع الذكريات (ا لزمن الجميل)
لقيت منك مداخلة في زاوية غير دي اتمني يكون التواصل في الموضوع دا متصل هنا في البوست الانت فتحتو حتي تعم الفايدة ونطلع بفكرة وانت لديك الكثير حسب توقعاتي عن هذا الموضوع .
واسمح لي بان اطلب منك اغنية طالما احببتها ولم اجد لها تسجيل سمح ونضيف (زيها) والاغنية القاصدة دي هي للشاعر الجميل الشاب الصادق الرضي غناء العزلة ضد العزلة.

بخاري حبيب الله
الاخ الغالى / بخارى اشكرك كل الشكر على الاطراء الكبير الذى أثقلتنى به واتمنى ان اكون عند حسن ظن الجميع
عزيزى / كلامك ان يكون هذا البست توثيق للراحل مصطفى سيد احمد هذا اقل شى نقدمه فى هذا المنتدى واوفقك الراى واطلب من
كل الاعضاء ان يساهموا معنا فى هذا البوست بتسجيل كل اغنيات مصطفى سيد احمد التى تغناء بها كتابتا أو كتسجيل صوتى
وان يراعوا عدم تكرار الاغنية اكثر من مرة فقط 0 وهذا لكى نتعرف على احساس هذا المبدع الذى تفنن فى كيفية اختيار المدارس
الشعرية وكيف كان له ان يعدل ويحزف بعض الابيات من غير ما يحدث خلل فى النص انه الاحساس المرهف الرائع نعم هوكذلك
مصطفى سيد احمد صوتا جاء ليبقى فكان لهو ذلك بقى صوته عايشا فينا يدغدغ المشاعر ويلهب الحواس وينمى فينا حب الحرية
والوطن ومعنى النضال ونبذ الظلم والتسلط0 فأتى لنا بمدرسة من خيرت شعراء بلادى فماكان منهم الا ان امداه بأروع الاشعار00
نقول بسم الله نبدأ بتسجيل لأروع الاشعار التى تغنى بها (الراحل مصطفى سيد احمد )له الرحة والمغفرة0

********************************
وضاحة أزهري محمد على

الصباح الباهي لونك
وضاحة يافجر المشارق
غابة الأبنوس عيونك
يابنية من خبز الفنادق
شيدتي في جواي صوامع للفرح
وفتحت في دنياي مسارح للمرح
وبقيتي لى سكة وعيون
لاقدرت أطولك شان اجيك
لاقدرت من غيرك أكون
وأنا بيك مالينى الكلام
حركت بيك عصب السكون
جلبت ليك الغيم رحط
طرزت ليك النيل زفاف
حرقت ليك الشوق بخور
وفرشت ليك الريد لحاف
لا السكة بيك بتنتهي
ولامعاك مليت طواف
ياريتني لو اقدر أكونك
وضاحة يافجر المشارق
الصباح الباهي لونك
يابنية من خبز الفنادك
غابة الأبنوس عيونك
******************

في عيونك أبو ذر الغفاري
.,
في عيونك ضجة الشوق والهواجس
ريحة الموج البنحلم
فوقا بى جية النوارس

ياما شان زفة خريفك
كل عاشق أدى فرضة
مافي شمساً طالعه طلت
الإ تضحكى ليها برضو

والغمام الفيكى راحل
فى الصنوبر يلقى أرضو
والصباح إمتد يا ما
كل ما جاوبتى نبضوا

فى عيونك ضجة الشوق والهواجس
نشتهيك ياما نحلم
نحكى ليك عن المسافة
وعن سفن بالشوق بترسم
فى بحيراتك ضفافها

عن ملامح غنوة طلت
فى عويناتك هتافها
وعن حقيقة نهاتى بها
فى أساطير الخرافة

فى عيونك ضجة الشوق والهواجس
ياصباحات الموانئ
حتى لو دربك ترنح
فى مشواير الأغانى
والجرح إرتد بينا
لى زمان الآهة تانى

يا نا لا بنتحاشى صدك
لا بتموت فينا الأغانى
يا غنانا المشتهنو
يانى موعود بزمانه
بى مواقيته البرنو
بإرتعاش صرخة وجودك

يوم يطل ميلادى منو
لما إتوسد صباحك
يا تو ليل يفصلنى عنو
*************************

لمان يجى الزمن الفلانى نجاة عثمان

لمان يجى الزمن الفلانى
سمان بتقطر مطر
درى وتمازج برتكانى
نسطر إسمك يا حبيبنا
فى رموش غيم إرجوانى

ندمن الضحك المعافى
نحى فى الفرح المورد
يا سيمينى وإقحوانى

يا حبيبنا جوه عينيك
عايشة ناس
بتسجل الأيام أغانى

والطريق ما ببقى ساهل
ليك بالمعنى المكانى
لما إتحقق زمانى
بمسح الحزن المعشعش
فى عيونك أسمرانى

يا حبيبنا بتحيا
فى حلم الترابلة
فى العلاقات المعانى
فى البقاسى شقى المسافة
وعايشة فى داخلو وبعانى
لما إتحقق زمانى
بشرق الفجر الحقيقة
والصباح الأبيضانى


عدل سابقا من قبل سهارى في الأحد مايو 25, 2008 9:33 pm عدل 2 مرات

سهارى
برونز
برونز

عدد الرسائل: 104
الموقع: ksa-dammam
المزاج: متقلب مع الظروف
تاريخ التسجيل: 14/05/2008

معاينة صفحة البيانات الشخصي للعضو http://www.sudaneseonline.org

الرجوع الى أعلى الصفحة اذهب الى الأسفل

مصطفى سيد احمد الى مالا نهاية

مُساهمة  سهارى في الأحد مايو 25, 2008 5:27 pm

يا جرح صلاح حاج سعيد

ياجرح عزة هوانا
الساكنة فى حرف الكتابة
أصلوا فى زمن الأسى المشدود
على وتر الكآبة

فى زمان الحرقة والخوف والرتابة
إنكتم نبض الأغانى
وإنبهم حس المعانى
وإنجرح خاطر المهابة

جيتينى فى الزمن الأليم
وقلبى مثخن بى جراحات الهوى
عمرى ضايع فى متاهات النعيم
فى دروب الغربة لا تاب لا قوى

كان عيونك فيهن الوصف القديم
معنى فى الحب إنطوى
وضاع معاك زمن الوسامة
وإختفى الفرح العلامة
لسة يا حزن الملامة
من سنين دربك سلامة
*************************
يا ضلنا يحيى فضل الله

يا ضلنا المرسوم
على رمل المسافة
وشاكى من طول الطريق

قول للبنية الخايفة
من نار الحروف
تحرق بويتات الفريق

قول ليها ما تتخوفى
دى النسمة بتجيب الأمل
والأمل بيصبح رفيق

والأصلو فى الجوف إندفن
لا بتنسى .. لا بنمحى
لا بنتهى منو الحريق

والفينا من آهات اليمة
فى حكاوينا القديمة
لا بيرحل عن عيونا
لا بتخشاه الهزيمة

والقبيل راجنو نحنا
يوم تبشر بيهو غيمة
لما تمطر يوم علينا

الفرح يملأ المدينة
والبيوتات الحزينة

**************************

حاجة فيك هاشم صديق

حاجة فيك
تقطع نفس خيل القصائد
تشده أجراس المعابد

توهتنى .. تعبتنى .. جننتنى

جننت حرف الكلام
وبرضو أدتنى السلام

حاجة فى شرف المدائن
فى غرف كل السفائن
جوه فى عمق المناجم والعيون

حاجة زى ما تكون
محلق فى العواصف
فجأة تهبط فى السكون

حاجة زى نقر الأصابع للوتر
لما ترتاح للموسيقى
حاجة زى أخبار
تناغم من جريدة

حاجة زى وتر الموانئ
لما يصدح لسفينة
حاجة فيك لا بتبتدي
لا بتنتهى

خلتنى أرجع للقلم
وأتحدى بالحرف الألم
وأضحك مع الزمن العريض

وأنسف متاريس الطريق
وأعرف متين أبقى المطر
وأفهم متين أصبح حريق

حاجة فيك
*************************

عجاج البحر حسن بيومى

يراقصنى عجاج البحر
ترعد داخلى الأمطار
يكلمنى تراب الأرض
يشدد قلبى الأوتار

أغنيكم ... أغنيكم

أغنى جذوة النار التى فيكم
وألعن ذلك البرد المدثر
روحكم برماد موتاكم

أغنيكم ... أغنيكم

وأبنى فى عيون الشمس
مملكتى تناديكم
نسوراً تعشق الترحال
فى الآفاق تبغى الكون حرية

فإن شئتم

تعالوا الآن نرقص رقصة البدء

ونعلم أن نمد الكف
نحو الشمس بالدفء

تعالوا أيها الجوعى
تعالوا أيها الفقراء
*************************************
*يا مطر عز الحريق محمد الحسن سالم حميد
***********************
من الواسوق أبت تطلع
من الأبرول أبت تطلع
من الأقلام أبت تطلع
من المدفع طلع خازوق
خوازيق البلد زادت

يفيض النيل نحيض نحن
يظل حال البلد واقف تقع محنة

ولا النيل القديم يا هو ولا يانا
نعاين فى الجروف تِنَهَد ولا يانا
رقاب تمر الجدود تنقص ولا يانا

متين إيد الغبش تتمد
لا قدام ... ولا قدام

تتش عين الضلام بالضو
تفرهد شتلة لا هدام
و لا فيضا يفوت الحد .. لاهدام

عقب يا نيل تكون يا كا
ونكون أهل البلد بالجد
*************************

وجيدة قريب اله محمد عبد الله

بعيد عنى
خطاك ما لامست وجه الطريق
ومشيتى ...... ومشيتى
لا فوق غيمة
لا ظنى ... بعيد عنى
كأنك من وراء صفحة زجاج مبلول
وراك الريح وقدامك
مدى السكة وندا المجهول
أنادى ليك ... وأنادى ليك
وجيدة ..... وجيدة
لا إتلفتي لا لوحتى بى إيديك
أنادى ليك
يجاوبنى المدى الفاتح مدارج الهم
بتبقى وجيدة طعنة سيف
موسدة فى شق السما المرسوم
وسادة دم
وتبقى إيدينا فى إيديك
وفى شعرك وفى المنديل
وفى إيديك بعيد عنى
*****************************
نشوة ريد قاسم أبو زيد

نشوة ريد
إحساس إكليل
وردة وصلك جنة أصلك
نجم الليل الوصل جميل

نحنا مشينا الخطوة الأولى
وإنت معاى مشوارنا بيقصر
بكرة بنحكى الشوق للذكرى

نار الريد الغابت تظهر
الأطفال يا فاطمة بغنو
الأفراح لا بد من ترجع
الأحلام الدونك فاتت
لو واصلنا صباحا بيطلع

نشوة ريد إحساس إكليل
وردة وصلك جنة أصلك
نجم الليل الوصل جميل
*****************************
هردت لهاتى محمد الحسن سالم حميد

سنى على النضال إيدي
سوكي بالهتاف فمي
شوارعك لي دويها على
إذا ما آخر العلاج الكي

مراويدك حمر حمي
هردت لهاتي بالغنوات
وقت يبرد حشاك يمي
من التعب البلا صالح

تفيقي .. تروقي .. تنجمي
تسوي مكانسك المطرة
تضوي البيت وتنحمي
تمرقي صبوحة للجيران

قدح فوق إيد وفي إيد المي
يلاقوك شفع الكتاب
ونصاف وظراف بلا النسمي
يغنولك غناوي الساب
وفي بيوضة ما في سراب

جبال كجمي وفيافي الكاب
تمر بالخضرة منقسمي
فيافي الصحي وبيوضة ..
المراسم فيها مفروضة ..
خضارة يراري شوف عيني ..

على الأبواب قماريها .. طواريها
جواريها .. بقت روضة
بقت تشرب من الحمداب
تشوفي رهاب بعد نجمي
وأشوفو قريب قرب نضمي
أشوف العالم التحتاني هيلاهوب

هد عمايد الفوقاني جو الجب ..
رمي العارض وقف ناهض
وفي السابو الدمار أفراد
عريق الحب نبض قابض
مثل فيض الحروف أسمي
وغناوينا القبيل رقراق
علينا تصب برد قارص
واجر نمي .. وأداوي لهاتي بالقنوات
عقب يبرد حشاك يمي

وطني ولا ملى بطني
سكاتي ولا الكلام النى
بليلتي ولا ضبايح طي
قليلتي ولا كتر سمي

سلام يمي
سلام لا هكمي ولا دكمي
*****************************

ماطال في بحرك في مي محمد الحسن سالم حميد

ماطال في بحرك في مي
وتمرك مفدع بالجريد
شدرك أمد حس السمي

طينك معتق بالطمى
نبنيك اكيد نبنيك جديد
نبنيك ايوا سوا سوا
منو وجديد نبنيك جديد

يا إيد ابوي على إيد أخوي
على إيدنا أنا
عى إيد وايد نجدع بعيد

في لجة من راس ميضنة
حكومة الفقر الدمار
الفخفخت والصهينة
واللي نقاص ايامنا كاس
اليالطيف سوس البحر
نرجم قفاهو حجر حجر
من ها الرصيف
الما قدر قدام
سريحة الموج يقيف
الما انستر
الأرزقية وناس مو يا
نسقيها كاس اسقتنا يا
نوريها كيف عشق الحياة
سنانا فوق حجر القصاص
سنانا ناس ضرب البحر
جوانا احر من الرصاص
ياضو حبيبين القسا
طول ما انت غرقان في الأسى
تبت يديك ما ترمي ساس
ماتبني مجدك من جديد
تفتح شبابيك الخلاص
تدخل نسيمات النشيد
بيت القصيد يستقبلا و مستقبلا
والحاضر الماضي التليد
يابلدي يافردة جناحي التاني
وكت الناس تطير لي عالما
وا فجعة الزول البجيك
مايلقى فيك غير الهجير
ناسا تواشني مسالمة
كل البشاشات القبيل
يلقاه ميتة مسممة
والجاتا جاتا من الارض
ما جاتا من تالا السما
مااعتى غبنك ياولد
واعدل قضيتك وأعظما
لاترجّع السيف الجفير
والدنيا فايرة مصادمة
من غير تجيب تار البلد
ريح العوارض تهزما
وتطرد مع إبليس الأخير
دعة الضلال من جنتك يا آدما
تاكل من الشدر الحلال
يغشاك نعاس في ضل رمى

تحتاك هضاريب الصعب
كربة ليالى الَمظْلمة
يا نيل قُبل خاطرك يطيب
أرضك تفذّع باللهيب
تكشح تواريب الغضب
صعب المِراس
نوبة وزنوج بجه وحلب
رطانة عربان مواشو
ومولدين تلقانا أو
نلقاك ضوء
ضلمة لياليك العِجاف
رشة نهاراتنا النشاف
آمنا بيك وموحدين
في إيدنا فاس… وقلم رصاص
شتلة وكمنجة ومسطرين
وطبنجة في خط التماس
حرآسة من كيد البكيد
ضد الرصاص والإنتكاس
نبنيك جديد واشد باس
**************************
بلد الله البعيدة خطاب حسن أحمد

جلبت ليك من بلاد الله البعيدة
صنوف من الوجد المُلح
دُرتَ اَلقاك بالسمح

كنت أصطاد في الظهيرة
من مناقير الكنار
بوصلات سكك الأغاني

ومن قرى الليل القصية
أنتشل عطر الأماني
لو ألاقي اللون أدسو

لما يغرس فيني حسو
لي ملاقاتك هدية
وأتفقد الرعشة المعْبَية
في إيدياَ
***********************************
عم عبد الرحيم محمد الحسن سالم حميد

فتاح يا عليم رزاق يا كريم
صلى على عجل همهم همهمه
هم فوق همهما
وحصّن للعباد وهوزز سِبحتو
دنقر للتراب
صَنقع للسما
وكان في الجو في غيم
وكم نجمات بُعاد
وكان الدنيا صيف
لاقالتلو كيف
كيف أصبحتَ كيف
لا نظرة وداد لا لمسة حنان
لا رمشة طريف من قلباً وفي

زي أيام زمان أيام الدِفِي
كانت ماَهاَ في
كانت في المُراح
شدتلو الحمار تحلب في الغنم
لى شاي الصباح
والطير مانضم
مارسل نغم

عم عبد الرحيم إتوكل نزل
في المِشَرع لِقىَ زملان الشَقى
الجاَ من الجِريف
الجا من الجبل .. كيف الحالة كيف
علّ الناس بخير
صِبح هّازرم
نقنق ناقرم
غَاظوه ... ونعل

عم عبد الرحيم ... ما تخبر زعـــــل
تَزعل من منو ... وتزعل في شِـــــنو
والحال من بعض
كل الناس هِنا ... وكل الناس أهل
كل الناس صحاب ... والماهُم قُراب قَربم العمل

الطاق اليطق عِشت أبو الزُمل
بالحال العليك بالفال بالأمل
عم عبد الرحيم كُت فلاح في يوم
في إيدك تنوم وعلى كيفك تقوم
لادفتر حضور لاحصة فطور
تقرع بالقمر وتزرع بالنجوم

لكن الزمن دوار آبيدوم
عم عبد الرحيم ماشي على الشغل
في البال القديم إنعارض تكل
تتشايح جراح … كيف العمل

الدنيا أم صلاح تبدأ من التكل
في حِجة صباح فى حق المُلاح ..
مصروف العيال
فى اللبس الجديد فى القسط القديم

وبيناتن عشم .. في الفرح البعيد
أمونة الصباح قالتلو النعال
والطرقى إنهرن
ما قالتلو جيب
شيلن يال الحبيب
غشهِن النُقُلتىِ
والترزى القريب
بس يا أم الحسن
طقهن آبيفيد
وإنطقن الزمن

لا زمك توب جديد وبى أية تمن
غصباً للظروف والحال الحرن
شان يا أم الرحوم ما تنكسفى يوم
لو جارتنا جن مارقات لى صفاح
أو بيريك نجاح
ده الواجب إذن
وأيه الدنيا غير لمة ناس فى خير
أو ساعة حزن

عم عبد الرحيم يا حُر
ماك حُر
ياريت التمر يا ريت
لو يشيل كل تلات شر
ولا أيام يا زمان كانت ما تمر
كان ما جاك هوان وما لاقاك ضر
كان لاضقت ضيق
ولا أتقرغر صدر
لا شابيت غريق لا طوّح فقر

وكان ما كان وكان كان إكسيكى در
حيكومات تجى وحيكومات تغور
تحكم بالحُجى وبالدجل الكجور
ومرة العسكرى كسار الجبور
ويوم بسم النبي تحكمك القبور

تعرف يا صبى مره تلف تدور
ولا تقول برى أو تحررق بخور
هِن يا الفنجرى يا الجفل الصبور
كل الشفتو مات
باقى على التمور
وأرضك راقدى بور
لا تيراب وصل لا بابور يدور


والماهية أُف
عيشة هاك وكُف
فى هذا الزمن تُف يا دنيا تُف
يا العبد الشقى ما إتعود شكى
لكن الكفاف فوقك منتكى
والسوق فيك يسوق حالك ما بتسر
إلا كمان فى ناس هناك فا يتاك بالصبر
ساكنين بالإيجار لا طين لا تمر
وحدين بالإيجار ما لاقين جحر
سلعتم الضراع والعرق اليخر
عمال المدن
كلاتا لموانئ
الغبش التعانى
بحارة السُفن
حشاشة القصوب
لقاطة القطن
الجالب الحبال
الفطن الفرن
الشغلانتو نار
والجو كيف سُخن
فراقاً شتى بين ناسا عيشا دين
مجرورة وتجر
تكدح بالأجر ومرة بلا أجر
عيشن كمهو وديشن هان قدر

ناساً حالة زين
مصنع مصنعين
طين فى طين وين
ما مرابا مر
بارد همها
لا يعرق جبين لا وشاً يصر

عين والله عين
كلها كمها وعزها هان قدر
فى الجنة أم نعيم فى الجنة أم قدر
يا عبد الرحيم إلا ورا القبر
ويلكد فى الحمار
لا تسرح كتر

فتاح يا عليم وإن كان الفقر
يا عبد الرحيم أشبه بالكفر
ونقرط للحمار
نقريطة الحمار
لا تنسى النعال
الطرقى الخدار اللبس الجديد
تصريح السفر للماشى الصعيد
ماشى الديش نفر
والبال إشتغل
بالأبا ما يعيد .. الحول ما إشتغل

الغبن الشديد السابا ورحل
الضيق المحل
الفرج القريب الجا وما وصل
زى الحال ده يوم لا كان لا حصل
والبال إشتغل .... والبال إشتغل

السكة الحديد يا عمو القطر
يا عبد الرحيم قدامك قطر
وسال الدم مطر
وسالت دمعتين وإنشايح وتر
يا طاحن الخبر
ما بين القضا ومرحاكة القدر

الشهدوا الدموم والدمع الهدر
إيدم فى التراب والعين فى القطر
عارفين الحصل .. عارفين فى حذر

الخبر اليقين بوخ وإنتشر
أطفال القرى وعمال الحضر
أدوهو الطيور ودنو البحر
إنصاعد سحاب وإندافق مطر

عم عبد الرحيم
فى الشارع عصر
لى تالا اليسار
متفادى الكجر
دورية الكجر
عربية الكجر

جفلّت الحمار وطّوح زي حجر
وعم عبد الرحيم إتلافا القطر
فتاح يا عليم سال الدم مطر
جرتق بالتراب
منشور بي كتاب روشتة وجواب
وماهية الشهر

مفتاح اب غراب و اورنيقين سهر
جنب لبدة حمار مقطوعين ضهر
عم عبد الرحيم يا كمين بشر
حصى الموت سلام
ما يغشاك شر


عدل سابقا من قبل سهارى في الإثنين مايو 26, 2008 1:05 pm عدل 3 مرات

سهارى
برونز
برونز

عدد الرسائل: 104
الموقع: ksa-dammam
المزاج: متقلب مع الظروف
تاريخ التسجيل: 14/05/2008

معاينة صفحة البيانات الشخصي للعضو http://www.sudaneseonline.org

الرجوع الى أعلى الصفحة اذهب الى الأسفل

مصطفى سيد احمد الى مالا نهاية

مُساهمة  سهارى في الأحد مايو 25, 2008 5:38 pm

شهيق عاطف خيري

نكر صوتِك صداك
غالطني الزمن فيك
شهرت على الجفاف
وعدِك بطاقتنا الخريفية
رجع فاضي الكلام مليان
معاك اتبرجت غيمه
وشهق جواي صوت جدول
مرقتَ على المطر حفيان
لقيتِك والرزاز مدخل
وناديتِك
أقيفي معاي نشيل كتف الغنى الميّل
ونتخيّل .. حلم دونِك بيتحقق
وقبلِك خيل دماي الواقفة
على شرياني تتشهق
وبرق صوتِك .. صداك .. غنيتي
رشحت حلقك لى إذاعات الشجر
والمنتظر من عودة المدعو المطر
للطنابير والمسادير
واللسة في رحم القصيد والدابو حس
في سوق عكاظ بين مزادات الحروف

غيّبْت رسمِك و احتكرتِك للظروف
للزمان الجاي
واللحظة اللى فاتت .. منى هسة
يا واقفة بين جرح السحاب
وبين شهقة الأرض البكر
ما كان دة ريد
كان إحتمال تغيير قوانين حركتِك
ما بين حديثنا ولحظة الفعل الحقيقي
وإنتباهِك إنتي للشارع البيرشح
في مسام رمل التوقع
وما اتعرف قانون نهايتو
غايتو امشي في الدرب البيطابق
فيهو خطوك صوت حوافرَك
يا فرس كل القبيلة تلجّموا
ويكسر قناعاتها ويفر
يسكن مع البدو في الخلا
وما يرضى غير الريح تجادلو وتقنعو
وإفترضتِك لون أساسي
يمنح اللوحة إزدواجية القراية
ويفتح الضو بين خطوط الريشة

والخط الإضافي الجاي من شبكية الزول البيشاهد
واكتشفنا الرسمِك .. وانا
وبرضو التوارد في الخواطر
ونفس أرقام التذاكر البيها سافرنا
وشهدنا إنفجارك في الأرض
ياسمراء يا واضحة
ما غنيت يوم جيتِك صدفة
قبل ابداك كان غصنك بشّر
يوم ما كان إحساسِك مسرى
عرّج قيمِك فيني ومطّر
لحظة طار عصفور من صدرِك
رتب فينا إحساس بالإلفة
ودوزن عصب الزمن الأشتر
وإتوكلت عليكِ وقلت
المارق منِك .. داخل جرح الوردة
وراسم فوقنا غناوي الطل
المارق منِك
رجًع للغابات العرب العاربة
وللعتمور الزنج الهاربة
وادة الكون مفتاح الحل

المارق منِك شادد عصب الورقة وحرفي
وراصد في اللاوعي سكون
مواعيد صحو وحلمو ولون
شاري يقينِك في ظني
وسارق لحظة إني أفكر
المارق منك ..
مارق منك أو مني شهيق
ماتضاري ورى الدعوات
وما تتلبسى فر ح الفات
بسكن فيك النغم الزايف
ويسرق حاسة شوفنا الواقفة على رجلين جوانا
نحن الهاوية والمطامن من الأرض
آه ... من نحلِك ساعة يرحل
ولمن يكتب فينا الحنظل
ويختم عمرو بفعل الشهد
قال الجدول :
طلوع النخلة مرور الريح واحد
لكن الريح بيعانق حقل
ونحن بنطلع نخلة وننزل
ونكتب في ذاكرة الصفق الأخضر

سجنا الريح في الورق الأبيض
وجهناها ضد التمر الناعِس
يسقط زي قبعة الحارس
زي الكان بيناتنا وفات
قالت غيمة :
بين قوسين (غيمة لئيمة)
أولاد الشارع فهرس لى كل المدن
التهرس جوفك بالأسمنت
قالت ريح :
شوف ناس قنديل
لو ما نوّر
يحرق كوخ وباقي الحلة تَنَوِر
او جبة جوخ او ينزل بوخ
يقول للنسمة الزايفة أقيفي
لو تتفرد ريح .. تتشرد ريح
ريح الخوف لو تتفرد ريح
تبدأ تفرتق ضفاير المدن الكاذبة
تعيد تسريحتِك
يوم سمايتِك شكل قامتِك
كيف تموتي وتحي تاني

يوم قيامتِك هو البيدينا الثبات
يا مجلوبة في قافلة رق
ما بستحمل صدرِك رصاصة ظلم
يا صابت رحم الفال
يا قطعت حبل الحلم
يا كنا نبيعِك يا نسرق
إخترنا النار الضُلها يحرق
طمناك إنو الدنيا بخشها ضو
يجرح جلد العتمة
دم الليل قربان فجرك
يابت يا نيل
لو نامت قمحة على الأبيض
تتشرد زيو
زاد الأبيض في غيو
ومدد رجلو اليسرى
ما كان الكسرة جاتِك من برة
صفرة ومنكسرة
زوجناك ما جاتِك ضرة
زوجناك ما عندك ضرة
وما انشاف ما عونِك

في الحلة يساسق
ويلقى فتات
قال الأبيض للأزرق :
يبقى ضد الإنتباه
وضد تواريخ التمازج
بيني وبينك
ودة البِشُوفَك في مراهقة الخرائط
وفينا من وجع المسافرين
واطة ما لاقت هوية
رد الأزرق للأبيض:
مطر الحبش لو كان نبش جواك سقف
وهد حيلك في الدواخل
وشد عصبك في المداخل
صوت مراكبي
وأيد بتسأل في القمح
وفينا من فرح المسافرين
قصة الشمس القضية
ياأعشاب النيل الأبيض
ماتتضاوي ورا الدعوات
أقرا تاريِخك وأقيف

أسأل جبين الفجر
القي الفجر مطعون في القفا
هل سافرت في دمك المحقون رجا
حبة غضب ماشلنا جمرك وإنطفا
جوانا نارك والمطر
جايين .... جايين بالكتابة
وضربة الناس الُمهَابة
لو هز نخلك باشبزق
مافارق التمر السبيط
وما ساور الطورية شك
إنو الأرض أنثي وبتحمل بالحلال
مين اللي قال إنو المسافة
البينا بين ما بين الشمس طاقة
او مياه النيل بتدخل في عروق السنبلة
المسقية بي عرق الجعانين والمساهرين بالبطاقة
اقرا تاريخك واقيف
اقرا تاريخي واقيف
جواكِ والزمن النضيف

جواك من جواى غضب
سلم مفاتيح السؤال
جيل الشمس موكب حريق
واقف علي باب الدخول
بيناتو بينات الوصول
لحظة شهيق
******************************
عينيك مدن صلاح حاج سعيد

عينيك مدن منسية في كتب التواريخ والزمن
عينيك وطن مشدود علي وتر التباريح والشجن
ممدود علي حرف الكتابة
مكتول عنا ومكدود صبابة
وفيه حط النيل سكن
عينيك سفر مكتوب اعيش في غربتو
وأعشق عذابو وحرقتو وليلو الطويل
واتخيلك ياحلوة زي نسمة سحر
جيتي ومعاك حلمي المطول
منتظر وعدو الجميل
عشقك زمان جواى رحل
وإتناه في الأعماق أمل
ضمَّخ رؤاى إحساس نبيل
اذهل طيوف خاطري القبيل
جاشت ملامح روعتو
ضج السكون في وحشتو
والكان أمل في عيونى لاح
ذوب مدارات فرحة الوهج النضير
والمزدهر بالإرتياح

فجاة انحصر قبضة رياح
وسكت الكلام ياحلوة في الكون المباح
وغاب الصباح بعدك رحل
والكان أمل في غيم سماك
ايقنت إنو عدم بلاك
وإنك قدر
إنو البيحلم بى علاك
بختار ظروف أحلاها مر
عينيك لو تصدق معاى الامنية
عينيك لو اعرف ختام الاغنية
بدء الكلام والنتهي
والمستطاب والمشتهي
كل المباهج في المواويل والغنى
والعاشقين قلبى وأنا
هزتنا في عينيك تصاوير المنى
يا أمنيات من كم سنة
يا اغنيات كل الأماسى المستحيلة وممكنة
يا المستحيل عينيك تهون

والمستحيل قلبك يخون
مالغدر ماطبع الوفا
والصدق ماشرط إنتفي
وأنا حالى في بعدك كفى
هو المغني والحب والشجن
والوحشة والشوق للوطن
والعمر قبلك ضاع سدىً
والعمر بعدك أيه يكون
لو يبقى بحساب الزمن
********************************

سطوة محاسنك صلاح حاج سعيد

كان نفسى أقولك من زمان
بالكاتمو في سرى
ومكتَّمْ في حشاى .... مدسوس سنين
كان نفسى اقولك من زمان
بالشايلو في عيني معزة
وفي القلب ريدا بخاف الغربة
والشوق والحنين
زاملنى زى خاطر الفرح
وكتين يقاسم الهم عزا
وكتين مدامعى تكون جزا
تفتح مباهج الليل ظنون
كان نفسى اقولك من زمان
سطوة محاسنك عندي ماكسرة جفون
وكت العيون تعبرنى زى خاطر المسا
سطوة محاسنك ما الرخام الفى الحرير
وكت الثغير يفجعنى بى حرفاً قسى
سطوة محاسنك عندى وكتين كبريائك
ينهزم لى طيبتى بى لفظة حنان
وكتين مشاعرك تنسجم في عمرى
تفتح قلبى بى رعشة أمان
سطوة محاسنك عندى وكتين شوقى
يصبح فى هواك
ليل عزة مابتعرف هوان
كان نفسى اقولك من زمان
عينيك وحاتك شوقى لى زولاً ولوف
من بعدو ساب عينى سهن
وانا الكنت داير من زمان
أشرح حكايتى معاك الف
احكي وازيد القول ولف
واتمنى لو قلبك عرف
كان من زمان
من قبل مافى قلبى يتحكر
زمان الحرقة في جرح الأسى
من قبل ماحرف الحقيقة الحلوة يتبدل عسى
ويصبح أمانى كسيرة في خاطر الحنان
كان نفسى اقولك من زمان

********************************
أسئلة ليست للإجابة يحي فضل الله

مامعنى أن نحيا
ولا ندرى بأن العشق
قد يبقى سجيناً فى الخلايا ؟
ما معنى ان نشهد موات الاغنيات ؟
ما معنى هذا الصمت
الذى لا ينتهى ؟
وبرغم حوجتنا الصراخ
هل يختفى الظل الذى لا ينتمى
الا لمعرفتى وجهلى ؟
وهل نودع بعضنا ونذهب
فى سراب الذكريات ؟
كيف تبدو الذكريات ؟
كيف يبدو طعم ايام الشجن ؟
من يعلم ذكرياتى كل
اشكال التداعى
والرحيل المر دوماً
حين يصطدم المدى بالمآسى
والمخاوف واحتضار الامنيات ؟
تعب هو البرق الذى
لا يضئ اقبية الخفايا
لا ينتمى للسحب والعشب الذى
لا يرتوى الا لطعمك
يا عصيراً من خليط الدهشة الاولى
واحتراف الاغنيات
***********************************

عمنا الحاج ود عجبنا الفرجونى

عمنا الحاج ود عجبنا
فى الفريق ياهو الركيزة
هو البشيل حمل الرباعه
وعندو كلمه على الجماعة
فى الفريق باقيلنا تايه
وكل طيب ليهو غاية
للضعيف تلقاهو ساند
ويقهر الكعب المعاند
وللضيوف ديوانو فاتح
ديل يقوموا ... وديل ينزلوا
يا ولد ... جيبو الرتاين
وجيهو الديوان
وافرشو الفرشه الكبيره
الاباريق والتباريق
واضبحو الحمل المروعل
عمنا الحاج ود عجبنا
من سنين ايام جهلتو
ديمه فى دعوات صلاتو
بسأل المولى السلامة

وسترة الحال والكرامة
عمنا الحاج ود عجبنا
فى ليلة من ذات الليالى
في زمن حظر التجول
جاهو ضيف فوق راس حداشر
رحّبْ الحاج بيهو جداً
فرشولو ونزلوهو وكاسو للعشا ما إتلقاهو
مالرغيف ممحوق مِقَصِر
والبلد في حال مِعَسِر
عمنا الحاج فى مبادؤو
واجب الضيف زي فريضة
وهسة ضاقت بي العريضة
ضيفو كيف يترك عشاه
ومن دى ذايد إختشاهو
وجاتو فكرة !!
يمشي للفرن المجاور
ولى لجان العيش يشاور
بس عشا الضيف يا جماعه
ضيفي نازل ليه ساعة

شاكلوهو ونهّروهو
ودفّروهو
وجاتو دورية الطواري
وأمسا بايت في الحراسة
وناسو جنو
للصباح ماعرفو حاجة
وين ده رَوَحْ
وجاهم الخبر المؤكد
ود عجبنا في الحراسة
وماشي محكمة الطواري
ناسو .. أولادو .. وبناتو
عرفو حالو وبدري فاتو
راحو محكمة الطواري
فيها في نص الخلائق
شافو حالاً ماهو لايق
عمنا الحاج بي جلالو
فوقو حس الصوت يِوَلْوِلْ
فوق قفاهو وفوق زنودو
وفوق رجولو

ومرة فوق فِججا حشايم
أصلو ما قايل بهون
حتى كان نزلت هجايم
الا لكن الليالي
يوم بترخص كل غالي
حاكمو الولد المنصّبْ
كتفو بالدبور مقصّب
إنت ياحاج يا مخالف
زول مِخَرِفْ وعقلو تالف
إنت يازول ماك داري
زلة الناس في الطواري
غرِمُوهُو وأجلدوهو
ونفذو الحكم البهينو
شان يفتح تاني عينو
تسمع السوط ليهو خاوية
وفوق قفا الحاج صيحتو داوية
كل جلدة جبل مذلة
في ضمير الحاج مزله
كل كرباج الف عِلة

وفجأة رفع الحاج عيونو
شاف بنات ولدو وبناتو
كلهن واقفات يعاينن
دمعتن في العين ترقرق
وجعتن في الجوف تحرق
والحزن ليهن مفرق
ده النجوم الفي سماهن
ده الزمان الكان حِماهن
كل صوت نازل عليه
من شعاع الضو عماهن
عمك الحاج دمعو زرَّف
وسيلو فوق اشنابو سرف
وتم حكمو وراح بيوتو
نفسو مكسوره وذليلة
وكيف ملاقاة الحليلة
وصحوة الروح العليلة
وفي البيوت الجوه غادي
عمك الحاج ما إعتيادي
فوقو متلمين جماعتو

والسكيلي ضرب حزايني
قالو ناداهو المنادي
وفارق الذلة المهينة
يقطع الدنيا وسنينا
فوق فراش حاج ودعجبنا
تَسمع الزول البوصي
أقفلو الحوش ياجماعة
وطفو أنوار الرتاين
داك حرس حظر التجول
من بعيد ليكم بعاين
يازمن حظر التجول
********************************
قمر الزمان صلاح حاج سعيد

كتبت ليك
لابيني بينك ريده .. لا قصة غرام
إخترت ليك أجمل حروف
وأصدق فواصل نادره في لغة الكلام
لا قصدي ألهو معاك بي كلمات غنا
لا شعري ليك مرجيحة من شعر الغمام
وكتبت ليك
والله يا قمر الزمان
شان جيتي بي زمن المحنه
وشفت في عينيك حْس أهلي القدام
وكتبت ليك
وأنا جاي من زمن الشقا
المرسوم على وش الثواني مظلله
تتمدد الساعات سنين
تتفتح الأحزان غريبه ومذهله
ومشتاق أفتش نسمه في الزمن العذاب
وأيامي من كُتر الأسى
وكتُر العزوف والإغتراب
صارت حروف مترهله
لا فيها نبضة روح تموت

لا فيها شكة زول يفوت
لحظات أسيفه ومُهْمَلَه
وكتبت ليك
ووقفت ليك لامن لقيتك
جايا في قلب الطريق
ولمحت فيك راحة المشاوير البعيده
ولفحة النسمه الحنينه
الجايا من جوف المضيق
حسيت عجائب الدنيا إتلمت
بقت جاياني من عصراً سحيق
عينيك حس أطفال بنادو القمره
للغائب يعود
وجبينك الضواي
حُجا الحبوبه
في الزمن السعيد
وأنا في قساوه الموحش
الزمن المكهرب بالحريق
أنا حيلتي أيه
قولي لي يا قمر الزمان
غير إتكي وأحلم معاك
وأحضن أماسي الصحوه
والأمل البريق
********************************
ياجمة حشا المغبون محمد الحسن سالم حميد

ياجمة حشا المغبون
في الزمن الهلاك منجا
تكون حانت مواعيدك
يكون وكت المطر قد جا
شرق ضو البلد عيدك
وطابت نسمتو العرجا
نكون ياطيبه تمينا وبدينا
ولينا .. غنينا الغنا الراجا
وبدت كاس الموده تلف
عشق من حلفا لي راجا
الف في الف حبابك الف
ايه يا عنزنا العرجا
يا لبانا في الزمن المراحو نشف
يا جبانا للخوانا
والعوج البدور ويلف
دميرتنا البتروي جرف
بصيرتنا وعرش بيتنا
تميراتنا اللي كانو وقف
أصابعين الرجال رصاص

شعر راس البنيه سقف
شرايين النضال رصاص
عضم ضهر القضية سقف
تكون دارة الزمان عمرت
نكون لمينا في الفاتو
تكون فاقت ملاحمنا
تضاريسنا القبيل غمرت
دُغش ساقت بوابيرنا
وندت شتلات بعد ضمرت
ضُراعيك يا الولد كبرت
مراعيك يا البلد كترت
خدار .. خدرت
غزار غزرت
غزازا زين برغم الصيف وصناتو
ورغم البين وأناتو
عصافير الجلد قدرت
تباصر نسمه منتحره
تضاير الغابة والصحرا
من الغمه وضلاماً شين
ومنك ياقريد ننفك
تكون حلت عقدة الدين

عُقب سرة البلد سارت
على النغمه العديل والزين
بعد ها الحال بلا مرسال
يجو العمال يجو الكداح
يجو الناس البخبرو شليل وشقيش راح
وقمريتين جناح يندلى فوق الصاح
من الغفله ورياح الليل
وللدنيا الجديدة جناح
صباح ينسله شدة حيل
بلدنا بلدنا ما بتقيف بين بين
ويا الطيب البتملأ العين مدى ونباح
في حز القلب غنوه وآه
حنان بلدو وحنين منفاه
يابت العز ياست الجاه
يا هسعنا وبكرانا يا ماضينا يا بعدين
نكون كُنا وبقينا متين
وكيف تقدح مواعيدك
مواعيدنا نساورك وين
******************************

إستلاب يحيى فضل الله

خبريني
والمساء الشاحب الخطوات
يحترف التعب
ورحيل أغنية توشوش
في خبايا الإنتظار
تضيع مني
كي أُجاذب كل أطراف الزمان
أهدهد الكلمات
لا أقوى على شئ من الذكرى
وهذا العقل متعب
رجوع الدرب لا يفضى إليك
ولا إلى اللغة الصريحه
كي أجدد ماتبقى من رحيقك
في مسام الروح والجسد إشتعال
وهذا النبض أتعب
وتلك الخطوة إبتعدت
عن الصحو المكمل للحقيقة
أغلقت بالخبث أبواب الوضوح
زيَفت صوت المغني

عهرت لغة النشيد
ضيّعت حُلم الصبايا
في طوابير الرغيف
وغيبت حُلم الطفولة
أنهكت حُزن الشيوخ
همًّشت منك القضايا
في إحتمالك للتواصل
والمرابون إستباحوا
هذه الأرض الحلوب
فيا جميلة خبريني
كيف بدلنا الكذوب
في إنتظارك بالكذوب
ثم إنَاَ لم نعد ندري
بأنَاَ مذ حملناك جنينا
قد نسينا أن نضع فيه الملامح
كي تجدد ما فعلنا بانعتاقك
لو سُئلنا كيف ضيعنا
إنبهارك بلخصوبة
وارتضينا أن نسلم للعساكر
من ثِمارك ما يطيب


عدل سابقا من قبل سهارى في الأحد مايو 25, 2008 10:05 pm عدل 2 مرات

سهارى
برونز
برونز

عدد الرسائل: 104
الموقع: ksa-dammam
المزاج: متقلب مع الظروف
تاريخ التسجيل: 14/05/2008

معاينة صفحة البيانات الشخصي للعضو http://www.sudaneseonline.org

الرجوع الى أعلى الصفحة اذهب الى الأسفل

مصطفى سيد احمد الى مالا نهاية

مُساهمة  سهارى في الأحد مايو 25, 2008 5:45 pm

غناء العزلة ضد العزلة الصادق الرضي

الُحزن لا يتخير الدمع ثيابا
كي يسمى بالقواميس بكاء
هو شئ يتعرى من فتات الروح
يعبر من نوافير الدم الكبرى
ويهرب من حدود المادة السوداء
شئُُ ليس يفنى في محيط اللون
او يبدو هلاماً في مساحات العدم
الحُزن فينا كائنُُ يمشي على ساقين
دائرةُُ تطَوف في فراغ الكون
تمحو من شعاع الصمت
ذاكرة السكون المطمئنة
كيف ترفَضُّ الجدائل فِضة في الضوء
ترفِضُّ الفقاقيع
ما بين إمرأة الرزاز
إشارة للريح في المطر الصبي
إضاءة في الماء
خيطا من حبيبات الندى
سحراَ .. صلاةً .. هيكلاً .. قوسَ قزح
ذلك سر الكون
أن تبصر في كل حسن آية لله
أنوارا من الملكوت والسحر الإلهي الرهيب

ذلك سر العدل
أن تنفجر الأشياء تُفصحُ عن قداستها
ترى في الشئ ما كان إحتمالا
ثم تنفتح الكنوز
الأرض كانت توجد القمح لأطفال لها
فقراء لا يتوسدون سوى التراب
قل للذين يوزعون الظلم باسم الله في الطرقات
الله في نار الدموع
وفي صفوف الخبر
والعربات والأسواق
والغرف الدمار
البحر ياصوت النساء الأمهات
القحط ياصمت الرجال الأمهات
الله حيّ لا يموت
كيف استوي ماكان بالأمس هواءاً نتناً
ريحاً بغيضاً
بما كان هواءاً طيباً
ريحاً يؤسس معطيات الشارع الكبرى
عبيراَ ضد تلك الرائحة
ما أشبة الليلة بالبارحة
كل ما كنا نغنيه على

شارع النيل تغَيّب
وانطوى في الموج منسيا
حطاماً في المرافئ
او طعاما للطحالب
ثم إنزلاق الصوت في القاع
وفي صمت المسافات القصية
أختر مكانك واحترق حيث إنتهيت
أنت منسوب الدم الآن وأنت الإشتعال
النار مجمرة الغضب
أنت إذاً ضياء اللحظة الآتي
أنا وأنت ونحن الناس والشارع
والعواميد التي تمتد بالأسفلت
صوتي
صوتك المشروخ في صدأ المقاعد
وانهيار البرلمان
لم أقل إن الفضيحة قد تراءت
تحت أكمام الجلاليب
تعرت من تلافيف العمامه
وامتداد اللحية الزيف
لماذا لم تقل ؟
إن العمارات إستطالت
افرقت أطفالك الجوعى على وسخ الرصيف

أنت تعرف أنهم يقفون ضدك
ضدنا ... ضدي
وأعرف أنني سأظل ضد السلطة .. اللاوعي
نحن الآن في عمق القضية
لست من نور لتغفر
أنت من طين لتبنى
فابنى لى بيتاً
لنا .. لك
للصغار القادمين
أن يك للعدل في الأرض وجود
فليكن دمنا هو القياس
إن تكن السماء مقابلا للأرض
فلتكن الدماء مقابلا للعدل
قال الله كونو ثم كنا
هل تحققنا تماماً من وجود الذات في أرواحنا
ضوء السكون وإنطلاق الكائنات
نحن نخرج من حصار العزلة الكبرى
لنكتب عن غناء العزلة الكبرى
لكننا نصاب بضربة الحزن
أو أن خروجنا في داخل الصمت
وفي صمت السؤال
********************************
طيبة محمد الحسن سالم حميد

كل ما تباعد بينا عوارض
كل ماهواك ياطيبة مكني
تلد الغربة القُرب الواحد
وبيك أسمي الشوق وأكني
لما أفوتك من دون خاطر
او دون خاطر منى تفوتي
بلقى حبايب في كل حته
وكل بيوت الفقرا بيوتي
لا غيرت وراك الحتة
ولا بدلت ملامح صوتي
لا غافلني وهادن فني
غامل المدن الما عرفتني
تبن الشوق الصبرو ومصبر
للأرياف الكم وفتني
وللأطفال الناشفة ضلوعها
ونازفة بغني
أهدي دموعها وأطمن روعها
بي بسمة بكرة الماها تمني
وما مصنوعة

أغني لشعبي ومين يمنعني
أغني لقلبي إذا لوعني
مخير دربي الما رجعني
إذا طلعني نخلة القرب
ولا الغربة الكدرومية
تنزل غنوتي بي قمرية
او وقعني مكنة القرب في بطن الجب
بطلع يوسف بالأغنية
أغني الناس الما بتسمعني
المني بعيدة المبعدة عني
الإيدي في إيدها
وإيدا في حضني
في دنيا جديدة اليوم راح تدني
النادي نشيدها وكنت المعنى
وأريت غنواتي في ناس شغالة
تكون سندالة وعود طورية
ضراع رجالة
كتاب أطفالها وجملة فالها الما مكرية
بقة فالا وسدت مالا

في ليلة الدخلة على اسمى قضية
حبيبة قلبي ياسودانية
يااسمي معاني
في زول بيعاني
ياود ضكران
يابت دغرية
وانا ان سامعاني
فضلت أغاني غبش فقرية
وروح غانياتي
هويتك منك يا جابداني
براحة إيديا كما الأشواق
وياجابداني برفق عليا
وما بتحير بين الفوق
وبين الناس التحتانيه
الا مغير ولا عقوق
ولا عديم الإنسانيه
ومنك وين ياكاشفة عينيا
بنور الإلفة ضيا الحنيه
وحلم العالم ناس تتسالم

والبنى آدم صافي النيه
والأطفال الناشفه ضلوعها
أطمن روعها
وجاتنا تغني غناوي البكره
الكم مسموعة
حسيس طمبارة مع نقارة
صفقة حاره وداره تغني
فيا حلتنا عليك ترابك
وإنت شبابك زينة الجنة
احلى عروس البلد اللتنا
وإلا الغبش الرابه تهني
و الا هدير المدن التصحى
وتمحى ظلام الحاصل عني
********************************
رجعلك قليبي المهضلم محمد طه القدال

رجعلك قليبي المهضلم
يراجع صنوف الغناوي العصية
يراجع معاك الكلام القبيل إستباك
الكلام المبهرج وخاوي
الكلام المزيف
ولافيه غير إحتلام وإنفصام
تموت الحروف يوم تقوم القصائد
مقام الطبول والبخور
بشوفك جرايد شواكر حوامد
ولا هامي فيها
عليها المصائب تمام التمام
مغائص بتفرم حشاها
وغبائن بتنفخ بطون البسفو التراب
وحايح لهيب البتلفح تلهلب وتكوي الجلود
أتف القصائد
إذا ما القصائد دايرة ليك البُكا
البصاحب .. رضا .. السردار
واتف القصائد إذا ما لقصائد
بتنزل مُريدة وتسبح بحمد الذي
إبتلاك وهدَاني الودار
طِريتك وأنا الكنت قايل

خيالك معشعش جواي
سكنتك وما لاقي فِجة
أخير ليك اقول البحرق حشايا
أخيرلك أفضفض جراب الخبايا
أقول الكلام الفكفك سوارك
يوقف جدارك ويرفع عضايا
تضيع الرموز التبكى الكلام
أقول السكاكر ابتني ورمتني وكفانا
أقول العساكر تباري الكباري
وتفتش قلوب الجهال الشلوخهم هوية
واغني الزيود والكنانة
كضب ..
أقول البنات البفتحن صدورهن
يقالدن رشاشك ويخلن حبيبهن
كضب ..
عريب الجزيرة الببيعوا الزيوت
ما شروكه وفكة واخته اكتزام
عقال الجزيرة المرسول لضهورهم
قريب ود رباعة
مودك بطونهم مراتب قطن
جلودهم حرير بنات مونت كارلو الجواهل

جوافل ضنب عم سام
مراحن يعشي ويغشي
خضارك مرطب يندي الضهاري
ترابك مقوسب يقوم دخن لو زرعت الحجارة
بلادك ولادك كروها السحالي
تسفر سعيتك تغنب تباري
الجداد العقالي
تجوع يا البشدر خريفك
سواقي البطانة
ويمطر رزازك عزازا حصايا
وقموحك سنابل مشاط كردفاني وخمج
أبيت الكلام المغتغت وفاضي
وخمج
ولادك قصادك شعاع التحايا
يضووا الشقوق التلم الدوابي
يوروا الدروب للقلوبهم عمايا
عرقهم حبالك
وصوتهم مشانق
تلم الدقون الكبيرة

وتحدر فقر سمنتها الليالي الضليمة
بتهدر حرائق وتحمي البياكلوا المطايب
تسمن بطون الجياع العرايا
وشوشهم سمر حر أباطك
صفوفهم مرامك وحقك حلمهم
رغيفة وكرامة وسلامة
مصانع بتخرب قبل تبدا فيها
مزارع بتيبس ونيلك ممدد جنازة
وعقيدك وسيدك بيكتب ويمحي
وتبق المحايا
************************************
بت العرب النوبية محمد الحسن سالم حميد

الشوق من حاصف لاقاصف
اتلم تهز ليك يانواري
يا درقة وسيف
يا حضنا كيف
من شر الصيف والشتا ضاراي
يا شعلة عز بقت جواي
عدت بى ضلام بحراً عاصف
يا بنت العرب النوبية
يا بت النوبة العربية
بشملة نخوة بجاوية
أو شجر الصحوة الزنجية
دسينى من الزمن الفارغ
من ريح المتعة الوقتية
من شر الساحق والماحق
بين دبش المدن المدعية
والليل إتحكر بيناتنا
كحّل بديشو عويناتنا
يا شمس الناس المسبية
الجوع .. العطش .. الغد واحد
الفقر الضارب زى سوسة
الخوف والحالة المنحوسة

يا بحر الحاصل لاك ناشف
لا قلمى الفى إيدى عصا موسى
الناس عوصات تحرس ترجى
ترجعبو سلاح وأنوار زينة
بمبان تواليت آفات وسكى
للناس الدمنا بنزينا
فقراً تسترزق من دينها
يا بت الناس الصالحين
الذمم المشرية الطالحة
شتان بين دينك ودينا
يانورة شليلك ما فات
بى عدلو شليلك جاييك
يانورة شليلك جاييك
جاييك اتزود من غلبك
وافقد خطا قيمه ما جات
الناس المقمر تنصحني
تتكاجر أنوار نجماتا
القمر الطيب يفضحنى
تنبحنى شجونك وآهاتا
كجنا سجونك لولاك كم
عشق بتيرب واطاتا
منعوك الزمن الخلاك

سلّمت الوطن الهمباتة
على كيفك بتحكم
يا سوس تكنك مابتعلم
بحال البتألم ساكت
يا حال الساكت وبتألم
بتفتق جرحك يوم تبرا
تتلم وقيدك يتحطم
وين عادك هارب من بكرة
وخطو التاريخ البتقدم
رغماً من عنت الأيام
والزمن الجهجاه الفاجع
بالنفس النازل والطالع
وكل واحد من شعبى مضارع
سميت ومشيت وما متراجع
غيبتك يا عشق وتيه
يابلداً كم سمحه وجيه
لو لقت الناس البتدورة
ترتالا تكوس لها في الجية


فى طريق الليل مظفر النواب

فى طريق الليل ضاع الحادث الثانى
وضاعت زهرة الصبار
لا تسل عنى لماذا جنتى فى النار
فالهوى أسرار
والذي يقضى على جمر الغضاء أسرار
بالذي يخفى الهوى بالصبر
يا با لله كيف النار تخفى النار
يا غريب الدار إنها أقدار
كل ما فى الكون مقدارله
وأيام له الا الهوى
ما يومه يوم ولا مقداره مقدار
لم نجد فينا قطار العمر
يدنو من بقايا الدرب
من ضوء على شئ وقد ضج الأسى أسرار
كنت تدعونا فأسرعنا
وجدنا هذه الدنيا محطات بلا ركاب
ثم سافرنا على أيامنا أغراب
لم يودعنا بها إلا الصدى
أو نخلة تبكى على الأحباب

فى طريق الليل مظفر النواب

يا غريباً يطرق الأبواب
نحن من باب الشجى والزخرف الرمزى
والألغاز والمغزى
وماغنى على أزمانه زرياب
كلنا قد تاب يوماً ثم الفى نفسه قد تاب عما تاب
كل ما في الكون أصحاب وأيام له
إلا الهوى
ما يومه يوم ولا أصحابه أصحاب
كم طرقنا بابك السرى فى وجد وفى خوف
لم تجبنا فإبتعدا فرسخاً هجراً
فألفيناك سكرانا جدابات
فلم تغفر ولم نغفر كلانا مدع كذاب
كل غى تاب إنما غى وغىٌ فيك قد غاب
وراء النرجس المكتوب للعذاب
لا تسل من عادة أن تكثر الأقوال
فى من ذاق خمر الخمر فى المحراب
لم يقع فى الشك إلا أنه من لسعة
الأوساخ تنمو خمرة الأعناب
نبه العشاق مدنف أودى بلا هجر
ولا وصل بباب الطاق

فى طريق الليل مظفر النواب

مرهق من خرقة الدنيا على أكتافه
لم تستر الأجساد والأشراق والأشواق
مُوغِل فى السر مُندسٌ بنار الوجد
فى الأعماق ما أبعد الأعماق
لم يفق يوماً ولم يأبه بمن قد فاق
مرهف مشتاق كله أشواق
أثملته الخمر صحواً فانبرى يبكى
وأطفال الزمان الغر لجوا حوله
سخرية فى عالم الأسواق
قل لا هل الحى هل فى الدور من عشق
لهذا المبتلى ترياق
نأمةٌ فى العشق تكفى .. نقطة تكفى
فلا تكتر عليك الحبر والأوراق
كل ما فى الكون تنقيط له إلا الهوى
فأحني فالتنقيط نهوى وأسال العشاق


عدل سابقا من قبل سهارى في الأحد مايو 25, 2008 7:51 pm عدل 1 مرات

سهارى
برونز
برونز

عدد الرسائل: 104
الموقع: ksa-dammam
المزاج: متقلب مع الظروف
تاريخ التسجيل: 14/05/2008

معاينة صفحة البيانات الشخصي للعضو http://www.sudaneseonline.org

الرجوع الى أعلى الصفحة اذهب الى الأسفل

مصطفى سيد احمد الى مالا نهاية

مُساهمة  سهارى في الأحد مايو 25, 2008 5:48 pm

نفسى فى داخلك أعاين بشرى الفاضل

نفسى فى داخِلك أعاين
أروى روحى وأشوف منابعك
صحراء فى عينىّ تتواثب جناين .
ماخده صوتِك من جداول
وماخده صورتِك من كهارب
مولداً ميدانو حافل
كل ما يصبّح تجيهو الناس جحافل
يا سلام
لما تعبرى فى الشوارع
شوفى كيف الناس تصارع
ناس تطّفر وناس تدفر
فى البشابى على نجومِك
وفى البخت كايس تخومِك
وكل زول من عند سُلافِك
لا لا قال دايرلو كاس
مرة طربان شلت صورتِك
شان أغنى وقلت آه يا ليل وآه
إنت أول
وإنت ثانى
وإنت تالت
وإنت رابع

نافرة زى صيد الخلا
وصافية زى نبع المنابع
وقلتى لى غنَّاى خلاص
لما في العيني تفتح
المطر غسل الهجير
وبيوتنا ضالاها الطراوة
لما في الكون شقاوة العديل يبقالنا مايل
ما ني حيران الا لكن كيف أحبك
أقوي بكل الوسائل حب جديد
وعميق وهائل
حلوة عينيك زى صحابى
عنيدة كيف ؟
تشبه شريحتين من شبابى
غريبة ذي شردة سؤال من جوابى
زى عنب طّل معتق فى الخوابى
وسمحة زى ما تقول ضيوفاً دقوا بابى
فرحى بيهم سال ملأ حتى الكبابى
******************************

ليه غبت يا القمرا قاسم أبوزيد

ليه غبت يا القمرا
نركب جياد الليل
ينشرّا بينا صباح
سفر العتامير ليل
نرجاك فى المطرا
أرجع تعال يا شليل
درع الأميرة سِرق
سوه حدوة خيل
بحر العطاشك نِشف
نشرب بواقى السيل
صد لى ملامحك يا حراز
ريح العوارض غرّبت
فرتق ضفايرك فى الرزاز
جبة العصافير قرّبت
********************************
حليوة ليلة المولد محمد طه القدال

أه بقول غنوات بقول غنوات
فى البلد البسير جنياتها لى قدام
ولى الولد البتل ضرعاتو فى العرضة
ويطير فى الدارة صقرية
ولو السمحة تلت إيدا ومدت جيد
تقوم شايلاهو هاشمية
ويشيل شبال ختفه ريد وفرحة عيد
وريد روح وحمرة عين وإيدية
ويا الولد البشيل مدقاقو
قولة خير على القمره
يقابل الجاية متحزم
ويدارك الجاية متلزم
كلام فاسك على أرضك
يبقى عديلة يا بيضا
ويبقى زفاف تزغرد ليه قمرية
وقبال حول تغيم غيمة قبلية
ترش الدارة والحدبة الصعيد الحلة
ويا فرحة بتطارد الصفقة فى النسمة الصعيدية
ويا جهرة نهار الليلة بدرية

تصبح جنياتنا فى الحدبة الصعيد الحلة
يا سمحاتنا هو لبلب
يا قمحاتنا هو لبلب
ويا اللوز الفتق فى الوادى هو لبلب
ويا البحر الطمح مدادى هو لبلب
ويا حجواتنا ويا صلواتنا هو لبلب
سألتك بالذى ركز الأرِض معبد
وسوى الناس عليها مقام
سألتك بى حشا الأُمات ودمعاتا
سألتك بى كبيداتن وعويناتن
شليل وين راح
تكون ضل الخريف فاتنا
شليل وين راح شليل وين فات
وزى برق السماك الجابها دغشية
وزى زغرودة البطن الكبارية
مرق من شامة القمره مهيقن بي وداعة الله
ومقدم بالعديل يبراك
تعالوا تعالوا أبشروا آجنيات
شليل ما راح شليل ما فات

شليل عند المسورو حِرق
بقالوا حصاد
شليل فوق التقانت قام خدار وبلاد
شليل مسدار شليل مشوار
شليل أرضنا آحبنيات
شليل قايم نصالص الليل
يتمتم ليلو وردية
حرازنا شليل شليلنا دليب
شليلنا دليل على البلدات على درب التبلدية
شليل ما راح شليل ما فات
شليلنا ونحنا همباته ومهاجرية
مزارع بات على عشقين
تراب بلدو وسماح فوق بت مزارعية
********************************
البت الحديقة خطاب حسن أحمد

ما تجى البت الحديقة
فارده أنسام فى طريقها
شاتلة الوان
حاتجى البحدث بريقها
ضجة الضو فى المكان
حاتجى المن بدرى جات
من ضلامات السكات
شايلة قمرين فى عيونا
وفاتحة ليلين بى جنونا
وضاوية ساحات إنتمت لى فجر فات
وينتمى لعصور جديده
حاتجى البت البريدا
ضاحكة منقسمة وعنيدة
آملة مزدهرة شديداً
وناقشة فى الزول أغنيات
حتجى المن بدرى جات
ناسفة أزمان السبات
واصفة للناس الطريقة
وللعصافير الجهات
**********************************
كيف أنساك محمد مريخا


كيف أنساك
وإنت الجرح النازف
منو خريف العّته
خريف المحل الما بدارك
ونجم الطالع شيّل وختا
رحل الديرة وهج وديرة
فرع الحنة النوّر حته
جرحك نيلة وسيرة طويلة
وشافي البلسم أبا يتخته
سبر العاشق كتر الليمة
ولم الشمل الروح شتا
سبر الروح الكلمة الزينة
ونفسا طيب مالى الحتة
غلب الراوى تملى حكاوى
وغلبا زيك مااتعودت
آهة حزينة وأنة دفينة
تخفف عنى لماما حتى
كيف أنساك وليل الشارع

رمّ ستايرو وقفل الحته
وبرج الدالى أنشر بدالى
حوش ليك أيامى الستة
يوم الليلة يمر بى صبرو
أحلام باكر كيف تتأتى
يا مغلوبة وغالبة زمانك
كيف أنساك محال البته
************************************

ألقاك وين قاسم أبو زيد

ألقاك وين ألقاك وين
ألقاك وين كان الفرح
قفّل مسامات الضياع
غناك قيثار الزمن
أرشيف عشق وأصوات نغم
وتر التراخى موشحات
ألقاك وين ؟
من غبتى
ما شرقت شمس
والدهشة ساساقت الدروب لي وين تمش
نار النضال لو تنهبش
توقد سنون المتعبين
تعقد زفاف آخر ضمير إتباع مقنن بالقرش
ألقاك وين كان التعب ما خت إيدو
على جبين تربال يخم رمل الشقا
المليان غُلب
دقست قوافلو مع السراب
رابط جليد الهم سعن

محزوم خشيمو من الصبر راجى السحاب
القاك وين نلقاك وين
أنا وإنت والنيل والأرض
والبور مشتت متنسى
ونجّامة التعب الكعب
ماكان عول ريدى
ريدى الصبح صفاف هدير البر
إيامى توب شحات
هزاه خم وخم
أنا مالقيتك ليه طعم الفراق دمدم
ختيتى فوقى الليل والليل سقانى السم
أنا خاطرى فى المطرة
طعم الدعاش والشم
ما كان عول .. ريدي القاك وين
*********************************

عدى فات صلاح حاج سعيد

عدى فات زمن العيون الألفة
والحضن الملاذ
ورهافة الحس البلون
ضحكة الناس العزاز
بعد الحنان الكان زمان
إستوطن المطر الحراز
روح زمانى وفى رجاك
عانيت قساوة الإنتظار
فى ضل شبابيك السفر
صادقت ليلات المواني
الساكنة فى بحر الأماسى بتنتظر
لو يوم طيوف لحظك تفوت
تعبر خيالاتك تمر
قلق المواعيد الضجر
سهر العيون الإحتراز
وإتعزز النوم الخزار
وإتمدد الشقى فى العمر
مليت تباريح الجراحات
وزمنا قسى وحالا أسيف
ومشيت عن خطاويك القبيل

أضارى من زمنا وراك ملانى خوف
إحتجت أرتاح فى عيون
فيهن ملامحك ذاتا من غير أي زيف
وإشتقت لى ضحكة صباحك
والدعاش عطر رزاز مطر الخريف
وأنا وإنت والدنيا الأمان
والناس وفا
وخوة صفا
ودفء المشاعر الشاتيه صيف
أنا وإنت والدنيا الأمان
زمن الغناوى الطالعة من قلبا رضى
وحسا ندى وزوقا رهيف
أنا وإنت والدنيا الأمان
ما العمر شتان بين أوان زمنا حييتو
وعمر ما بتقدر بتعرف
بكرة يصبح حالو كيف
عدى فات
*************************************

الحزن النبيل صلاح حاج سعيد

وبقيت أغنى عليك
غناوى الحسرة والأسف الطويل
وعشان أجيب ليك الفرح
رضيان مشيت للمستحيل
ومعاك فى آخر المدى
فُتينى يا هجعة مواعيدى القبيل
بعتينى لى حضن الأسى
وسبتينى للحزن النبيل
ومشيت معاك كل الخطاوى الممكنة
البقدر عليها وبعرفها
أوفيت وما قصرت فى حقك
ولا كان عرفة غيرك أصادفها
وقدر هواك يجيبنى ليك
جمع قلوبنا وولفها
وكتين بقيتى معاى فى أعماقى
فى أعماق مشاعرى المرهفة
لا منك إبتدت الظروف
لا بيك إنتهت الأمانى المترفة
ندمان أنا
أبداً وحاتك

عمرى ما شلت الندم
ما أصلو حال الدنيا
تسرق منية فى لحظة عشم
وأنا عندى ليك كان الفرح
رغم إحتمالى أساك
يا جرح الألم
كان خوفى منك
جاى من لهفة خطاك
على المواعيد الوهم
اهو نحن فى الآخر سوا
باعنا الهوى
ماشين على سكة عدم
وبقيت أغنى عليك
غناوى الحسرة والأسف الطويل
***************************************

مت فى قلبى د. عبد القيوم - مطفى سيد أحمد


مت فى قلبى ولم أبكى عليك
فمعين الدمع قد نضب قديماً
قبل أن أدنو إليك
إن عقلى يتعجب
كيف قلبى فيك يُخدع
وتقول لى
صرت قلباً من حجر
أنا قد مُزقتُ قلبى
وتناثرت بعيداً
مثل أوراق الشجر
وتجرعت كؤوسك
وتوسدت الغير
مت فى قلبى فدفنتك
خارج القلب الحجر
تربتى أطهر من أن يدفن فيها من غدر
هكذا الغدر أمرْ
عدت من دفنك وحدى أتألم
وأدارى قلبى المكسور غدراً أتبسم


وأغنى للربيع الفض بالإشراق والآمال مفعم
ذبحت كفاك قلبى
وتقول لى صرت قلباً من حجر
أنت ظلم .. أنت جور
أنا إحساس وحب وشعور
أنا فى العالم فرحة .. أنا فى الظلمة نور
*****************************************
حبالنا الجوه ما تخنت يحى فضل الله

طعنا الضل .. طعنا الضل
وفى الأحلام طعنا الفيل
قواف غضبة كانت طرحت تلات مرات
دحين جربت عضة زول ملان مغصه
حبالنا لجوه ما تخنت
حبل السما الممدود
حبالنا الصوت وكت يرجع
يجيب الخاطر المردود
تعالوا نشوف
غنيواتنا البقت فى الدينا ما بتشوف
تعالى نشوف
حروف البكا الجواها ما فى حروف
تعالى نشوف .. تعالى نطوف
على المدن البقت أشباح
على الجوع القعد مرتاح
على الكلمة البقت فى الجوف
تفتش سكة الأفراح
تعالى نشوف منو البقدر يخاصم طفلة
صبحت هازلة فوق مد الأسى الحرَّاق

ويا غنوتنا ما تفوتى
يا كلماتنا ما تموتى
فتشى فوق ضمير الكلمة
وعن وتراً رحل فراق
وعن بلدا رحل فراق
وعن ولدا رحل فراق
عن علماً ما بنفع
غنانا الفينا ما بشفع
حديثنا الجوه ما بنفع
تعالى نشوف
تعالى نطوف
تعالى نعلم الشفع
تعالى نعلم اليفع
************************************

إذا عادت الأيام للماضى عوض مالك

إذا عادت بنا الأيام يوماً إلى للماضى أيها الأحباب
كتبت على سواد العمر شعرا لا يدانيه
غناء الطير وهمس الماء ووشوشة الضياء فيه
ركبت زوارقى أبحرت فى شعر لها مجدول
جعلت مشاعرى جندول
إذا عادت بنا الأيام يوماً إيها الأحباب
ولو فى زورق يمضى على الصحراء عبر سراب
أنا ملاحه الفرحان يطرق مغلق الأبواب
أدق ليس يعنينى لأنى قادم من حاضر اللحظات
للماضى
ولى شوق يبدد صمت هذا الزورق الهادى
فيدفعه إلى الوادى
إلى أفق أنيق النجم صداح البساتين
وأشدو حين تأتينى فتاة لثغة العصفور
أنفاس الرياحين بكفيها
ولى فى عمق هدبيها حكايات وأشعار
ولى فى شعرها المعطار أخبار
إذا سالت على وديانها الخضراء أمطار
إذا عادت بنا الأيام للماضى
************************************
سحابات الهموم عمر الطيب الدوش

سحابات الهموم يا ليل بكن
بين السكات والقول
وباقات النجوم الجن
يعزن فى المطر
فاتن عزاك رجعن
وشوق رؤياك
زمان مشدود على أكتاف خيول هجعن
وصوت ذكراك مكان يجرى .. يلاقى السيل
وسر مدفون بصدر النيل
ولولا الذكرى ما فى أسف
ولا كان التجنى وقف
وصوت ذكراك رزاز صفق
على خطوات بنات سجعن
وشوق رؤياك
حنين لى رحلة فى المجهول
ولولا الذكرى ما فى وصول
ولولا الذكرى ما فى أصول
ولولا الذكرى ما فى شجن
***********************************
يا خطوتك يحى فضل الله

لا زمن حبك حقيقة
لا تعب زمنك فرح
لا دغش وترك صدح
لا بعد ليلك صبح
يا خطوتك
يا خطوة الوجع الجرح
لا الفيها منك إبتدا
لا البيها منك إنتهى
يا خطوتك
ياخطوة ضاعت
بين صراخك والصدا
بين المشاوير والنوى
بينك وبين كل المشاعر
الفينا غرقت فى الغنا
يا خطوتك
داست على الحرف اليبس فوق الشفاه
داست على البوح والكلام
داست عليك
على إنتظارك والملام

داست عليك
وعلى الدروب الماشة منك
وجايا ليك
لا تعب فيها الحرف
لا فتر فيها الولف
يا خطوتك بين إبتعادك وإنتظارى
بين مشاوير طفلة ضاعت
يا عيونك وإفتكارى
يا عيونك وإفتكارى
يا عيونك وإفتكارى
************************************
أظنك عرفتى جمال حسن سعيد

أظنك عرفتى عواصفك مهبى
أبارى فى خيالك يسوقنى ويودى
ونهرك يعدى ويجهل مصبى
هواجسى البتزرع وظنى البربى
بديتك خواطر بتصحى وتساور
وطيوفك تزاور وروحك تحاور
تجبينى فى زمانك موشح اساور
اقول بس نسيتك
وجرحك يتاور
اظنك عرفتى عذا ب المغنى
وطبلو المجدع شظايا التمنى
حروفو البتفزع فى لحظة تجنى
خطاه البتهرع متين تطمئنى
مسرج خيالك حصانى القبيل
معربد غبارو وخلى الصهيل
مسافر مسافر وفاقد دليل
اظنك عرفتى هموم الرحيل
************************************
لا بالحزن الفينا حنرضى تاج السر الطيب

لا بالحزن الفينا حنرضى
ولامن خوف سامرنا انفض
وما بتطفيك الريح ياومضة
رغم الصبر المر حاضننو
رغم الحزن الطال عايشنو
ما اصلو البحر .. المد .. الجذر
الفرح الحزن بيطلع منو
تعالى نغنى تعالى نعيش احساس الفرحة
شان من عمرى وشان من عمرك
سنين الزمن البجرى ويمضى
ما تغشانا تشيل فى لمحة
رنين الضحكة الحلوة السمحة
لما نغنى القمرى بيسجع
لما نغنى الغيم بتجمع
والآمال الغابت تطلع
بس وحياتكم عيدو المطلع
********************************


عدل سابقا من قبل سهارى في الأحد مايو 25, 2008 7:59 pm عدل 1 مرات

سهارى
برونز
برونز

عدد الرسائل: 104
الموقع: ksa-dammam
المزاج: متقلب مع الظروف
تاريخ التسجيل: 14/05/2008

معاينة صفحة البيانات الشخصي للعضو http://www.sudaneseonline.org

الرجوع الى أعلى الصفحة اذهب الى الأسفل

مصطفى سيد احمد الى مالا نهاية

مُساهمة  سهارى في الأحد مايو 25, 2008 5:50 pm

رسمت فى وجيها مصطفى سيد أحمد

رسمت فى وجيها بسيمة ضو
بتغالط فى الزمن القاسى
بتعاتب فى الغنوة الصعبة
وفى لحن حزين ووتر موجوع
يحكى إحساسى
تسأل عن شدو الأفراح
أمكن لجراحنا يكون آسى
ما بشبع روحنا فرح زايف
لو كان بتناسى وتتناسى
يا بت يا نيل
العاشقك عاشق كل الفيك
غنايك فى كل ظروفك
فى الفرح البدفق وعد وفال
والحزن الودر ضى شوفك
فى سجون القهرك فى خوفك
فى النبض الصامد فى البركان
السامعو يدمدم فى جوفك
جرّحنا عتابك يا باكية
وعايزانا نغنى غنى الأفراح
ما الغنوة الناشفة لبن ضرعك

والفرح الفيك خلانا وراح
ولقينا فرحنا وإنت حزينة
يكون أشتر ويزيدنا جراح
خلينا من الفرح الزائف
بتعود أفراحنا تلقي براح
*******************************

السمحة المقبول سيد أحمد المقبول

السمحة قالوا مُرحلة
بعدك الفريق أصبح خلا
جانى الخبر جانى البلا
والسمحة قالوا مرحلة
قول يا لسان فى الراحلة
صوغ المعانى وجمِلا
نافر وما عارف العلى
حالى العلى حال الخلا
يا عينى جافيتى المنام
وخدودى دمعك بللا
وين بعدك ألقى عطوف يلم
أفكارى بعد البهدلة
روح يا نسيم روح قابلا
تلقاها نايمة وغافلا
داعب لخصلات شعرها
الثم ضفايرا مسدله
وأرفع كتيفا الهادلا
وكلل خدودا وقبلا
قول ليها من بعدك خلاص

شفنا الفريق أصبح خلا
يا ربى لحظات الوداع
أمثالى كيف يتحملا
الليلة بوصيك بالحبيب
عندك أمانة تحملا
وتديم على الخير والهنا
وكل يوم تضاعفلو الحلا
قلبى الحنين من قام صغير
طول عمرو لا جفا لا سلا
************************************
المسافه صلاح حاج سعيد

لسه بيناتنا المسافه والعيون
واللهفه والخوف والسكون
رنة الحزن البخافا
تعدى بالفرحه وتفوت
وابكى بالحسره واموت
الامانى الفى السفر
قبل الزمن كايسه الموانى
يوم تجيبنى عليك
بصدق انو مره الحظ طرانى
واحتوانى معاك شجن
عذبنى قبلك
ولسه منك جاى تانى
تمشى وين الخطوه عنك
ما الزمن بالحب بلاك وابتلانى
لى عيونك يا مداين
يا مداين الفرحه والحب والجساره
عندى ليك مليون بشاره
والف خير والكلمه شاره
وانتى لما الحب يهوم

فى عيونى وعيونك
يبقى حالم بالأمارة
الفرح منك يجينى
ويعترينى الخوف عليك
خطوه منك خطوه ليك
راجى منك بس اشاره
كلمه تدينى البشاره
والله بيناتنا المسافه
************************************

تأمل يحي فضل الله

مانى غرقان في التمني ولاني سابح
فى الامانى
زارنى خاطراً
بله شوقى واحتوانى
النخل اتلاقى طل
ردد النيل الاغانى
النجوم لامع بريقا
الزهور النايمه فاحت
وعطرت كل الجزائر بى رحيقا
الندى الراقد صفق جناحاتو لهوانا غنت
دقوا مزيكه الحوارى
رقصوا البنوت اعرضوا
النخل زايد فى عرضو وفى علاهو
البيوت غرقن وراهو
وبرضو زايد فى علاهو
يحكى للدنيا الجديده
سر ثباتو وسر بهاهو
ضى عيونك يابنيه
يضوى من بلداً بعيده

ترسلك لينا الغمامه
ويكتمل للروح نشيده
في الدروب الليك تودى
ينسرج الخيل العنيده
الحزن من نور عيونك
سكه للفرح الجديده
انا راكب يا مراكب
لا الرياح توقف خطايا
لا الجبال تحجب رؤايا
ست شموس الكون منايا
ليك مسافر بكثير
الزاد مسافر بغنايا
نوصل الشمس البعيده
نبقى عيدة
نزرع الحب البيوقد
للنهايه
************************************
نشوة ريد قاسم أبو زيد

نشوة ريــد احســـاس اكــــليل
وردة وصلك .. جنة اصلك
نجم الليل الوصل جميل
نحن مشينا الخطوه الاولى
انتى معاى مشوارنا بيقصر
بكره بنحكى الشوق للذكرى
نار الريد الغابت تظهر
الاطفال يافاطمه بيغنوا
الافراح لابد من ترجع
الاحلام الدونك فــاتت
لو واصلنا صباحا بيطلع
**************************************
طولى النجمه صلاح حاج سعيد

قولى الكلمه لصمت الليل
وطولى النجمه
امشى معانا الدرب طويل
وطولى النجمه
وادى الفرح امتد مساحه
نادى الامل الجوه عيونا
شوق الشوق اتجدد تانى
باقى احلامنا جدار من كونا
نار الالفة البينا سنين
صحت فينا احلام يوم باكر
غيم الامل الشارد يوصل
وانتى معانا فى عمق الخاطر
ايد مبسوطة تقابل الحنه
نغم الليل الشال شبال
نخلة تغازل فى عيون طفلة
طفلة وحفلة ورقصة فال
**********************************
سافر قاسم أبو زيد


سافر
مطارات الوداع ضجت قدامك
وراك بيضاً وسماك غناى
مساحات الاسى الفى عيونا
تتفجر مدينة وناى
بطاقات دعوه الرجعه
تساب عينين من الفرحه
ودموع للحاضرين فجت
زغاريد غطت الدنيا
وعاد فرح الرجوع منيه
هواك الريح من السنبله الغناى
كثير بنعاتب الحاضر
ولااسفاً على الماضى
صدق الرؤية من قلبك
بين الشوق وانسانك
نغم فنان يعيش راضى
مداك اتعدى حد الشوف
دخلت على الشعر انسان

هواك اتخت جوه الجوف
وانتحر النهار هسه
نغنيك لى مدن شاخت
خلاص ياغربه ماترسى
تغنيك القرى الراحت
معاك احلامى لى هسه
غنيناك وبنغنى
وبنتحدى الزمن فنان
**************************************

لوحة وطن قاسم أبو زيد

طفله حلوه
وشايلا لونا ترسم
الوطن الشباب
كل خطوة في اللوحة باين
من دموع الطفله يحكى
القلوب تبقى الاراضى
النفوس تبقى السحاب
تزرع الوطن اليباب
راسمه فى اللوحه القمارى
فيها وش النيل حزين
الضفاف كان لونا احمر
الجباة عرقها بيضارى
حمرة النيل واصفرارى
راسمه جوه اللوحه طفله
الفرح فى رموشه صفق
ادت الامواج بسيمه
غير النيل انحداره
لابسه من السعده قرباب
شايله فى الايدى
الطوارى
مارقه قمحه من اليباب
شله من اطفال مدارس
فى نظام ماشين سوا
رددوا الخير بالوتر
الزمن فى اللوحه بشر
الجروف فتحت مداها
الغيوم شايله المطر
الترابلة هناك كبار
شتتو العيش للمواسم
العيون شايلات مطر
من بعيد فى اللوحه عاين
الايادى على السنابل
ودعوا الليل والفتر
خدرو الوطن اليباب
***********************************
ادينى احساس بالامل مدني يوسف النخلي

ادينى احساس بالامل
فى كل رحلة شوق تطول
وادى الخطاوى الراجعه
ليك فى سكتك عشم
عشق حلم الوصول
ما الدنيا كلها انتظار
والارتحال قدر الوصول
الموجه تحلم بالضفاف
والغيمه تحلم بالهطول
راحل معاى ضى الامانى
وذكرى للايام هناك
لحظات بتزخر بالمعانى
وكيف انسى تذكارت هواك
نتحمل الغربه ونعانى
ونصبر عشان نكسب رضاك
ونغنى لو زاد الحنين
ياريتو كان سفراً معاك
ياريتو كان سفراً معاك
ادينى احساس بالامل
******************************************
جواز سفر

والله نحن مع الطيور الما بتعرف ليها خرطه
ولا فى ايدا جواز سفر
نمشى فى كل المداين نبنى عشنـا بالغناوى
وننثر الافراح درر
الربيع يسكن جوارنــا والسنابل تمـلا دارنا
والرياحين والمطر
والله نحن مع الطيور المابتعرف ليها خرطــه
الحبيبه تغنى لينا
لا هموم تسكن دروبنا ولا يـلاقينـا الخطـر
وين يلاقينا الخطر
لوبقينا مع الطيور المابتعرف ليها خـرطـه
لما باكر ياحليوه لما
اولادنا السمر
يبقوا افراحنـا البنمسـح بيها احـزان الزمن
نمشـى فـى كل ااـدروب الواسعــه ديــك
والـرواكيب الصغيـره تبقـى اكبـر من مدن
ايدى فى ايدك نغنى
والله نحن مع الطيور المابتعرف ليها خرطـه
ولا في أيدا جواز سفر
*********************************
نورا محمد الحسن سالم حميد

وكتين يضيع عرق الجباه الشم
شمار في مرقه
آه .. يانوره آه
من دربك التور نفس خيل الصبر فتر
خطاوى الشوق وراك آه يا نورا آه
ساعة الشموس الغر تهضلم
تلحق الصبح فى المغارب
يستر الضو الكهارب
تستر المدن الضبابية السرابية ..الكآبة
حائط التيه والطشاشات فوق
قفيك يا أم عوارض
يا ام عوارض مو دعاشه ماها شبوره وتقيف
جايي ليك يانورا غيمه
تملأ ماعونك خريف .. يملأ عينيك ويفضل
يروى جواك العطاشا .. مو دعاشه ...
يا نفس فجر القصائد .. يا بلادى
دا القطع قلب الروادى باللواج الجاى وغادى
ماهو صوتك .. لاها صورتك
دى البترشق نادى فوق صدر الجرايد
إنت يا حضن الصحارى
شفع العرب الفقارى

نورا

البغنوا الشايلا إيدهم ويجروا كايسين القطارى
لا سراب الصحراء مويه لا حجار سلوم موائد
حالكم البصرخ وإنادى يا وطن عز الشدائد
يا هدى الناس الحيارى
يا ندى الفجر الببلل نور عوينات الفقارى
جاي ليك يا نورا آفه
آفه للسوس البينخر عود عشيماً زاخرو فيك
أصلى لمن أدور أجيك
بجيك ،، لابتعجزنى المسافه
لا بقيف بيناتنا عارض
لا الظروف تمسك بإيدي
ولا من الأيام مخافه
يا نفس فجر القصائد
ما ضهب فى بعدى عنك
أصلى متغرب عشانك راضى
بالجايينى منك
ما شكيت شح الليالى
ما بكيت نح شلتو حالى
رغم إنو الحال بيفضح
إلا كت فى الحاره بصرخ
يا وطن عز الشدايد
يا وطن عز الشدايد
********************************
الدنيا ليل عبد العال السيد

الدنيا ليل
غربة ومطر
وطرب حزين
وجع تقاسيم الوتر
شرب الزمن فرح السنين
والباقى هداهو السفــر
يا روح غناي
الغربة ملت من شقاي وغربتى
وبقيت براي حاضن أساي ووحدتى
لا غنوه .. لاموال يبدد حسرتى
الوحشة ملت من أساي ووحدي
غير الدموع يا مُلهمــه
الغربة مره ومؤلمة
قولوا للنيل ضفه .. ضفه
والعشيات لما تصفا
والنسيمات البتاخد
من عفاف ريدتنا عِفه
إنو شوقى .. يفيض بحر
شوقي شوق إنسان مضيع
ضيعُو الليل والسهر

شوقي شوق إنسان معذب
عذابوا لافحاتك الليل والسهر
لا ينابيع ريدي جفّت
لا ولا أشواقى خفت
كل يوم في غربه زايده
وبيها كل الدنيا عرفت
الدنيا .. ليل
غربة ومطر
*******************************************

غرقت في ضوء النهار عبد العزيز العميري

مكتوبه فى الممشى العريض
شيلة خطوتك للبنيه
مرسومة بالخط العنيد
في ذمة الحاضر وصية
شاهدة التواريخ
والسير والإنتظار
أدوني من قبلك مناديل الوصول
وفردت أجنحة العشم
فى ساحة الوطن البتول
وضحكت ما هماني شئ
وبكيت ولا همانى شئ
عندك وقفت من المشى
وغرقت فى ضو النهار
وكانوا بتمنوك
لو ترتاحى لحظة على الدرب
حبوك حُب
قدر الحروف الحايمة
فى بطن الكتب
قدر الخيال ما مدّ
إيدو على السحب
كل خاطر كان بريدك
إلاّ ريدك كان رسول

الدهشة فى كل الديار
وأنا زي عوايد الشعر فارس
شّد خيل الكلمة ليك
مصلوب على ضهر البداية
القالوا آخرها بين إيديك
وسرحت يامهون تهون
كان أجيك
كان أصل يوم لى حضورك
كت بريدك ومشتهيك
وإنكسر فينى الترجى
ونلت من سفرى الخسار
بس داير أقولك يا أصيلة
لو تعب فينى التمنى
وانهتك وتر المغني
لو تسدي علينا طاقات البشاير
بنهزم يوم التجنى
وأجيك ولا همانى شئ
عندك وقفت من المشى
وغرقت فى ضو النهار
*******************************

على بابك عبد القادر الكتيابي

على بابك نهارات الصبر
واقفات
بداية الدنيا هن
واقفات
وكم ولهان .. وكم طائر
بعد نتف جناحو وراك
لملم حر ندامتو .. وفات
قطع شامة هواك من قلبو
إلا هواك نبت تانى
وعلي بابك
وقف تانى الغمايم
شاقي حضن الليل
مسافر فيها وحدانى
وبدون جنحين
يغنيك الهنا المافي
ويغنيلك رهافة حسو
يغنى على جليد آمال
ويحلم بالشتا الدافئ
وقدر ما يمشى فى سور الزمن
خطوات
يلاقي خطى السنين
واقفات
يلاقي هواك نبت تانى
وعلي بابك وقف تانى
وملأ الساحات
على بابك
نهارات الصبر واقفات
بداية الدنيا هن واقفات
*******************************

عباد الشمس قاسم أبو زيد

عباد الشمس شافك .. مشاك
ساقك جبيره
وجد تيار الظلام غطاك
غياب البهجة ما هزاك
هواك هزّ العهود بالصد
تذوب يوم الشمس ضوّت
عباد الشمس يوم جاك
سألنا الغيم عنادك ردّ
أسى فى بُعدك حروف جفّت
جدار الماضى دمعة خد
غفل طرفك صرخ
ياليل .. ياليل .. ياليل
سرق عشقك صباحاتى
شتيل إحساسنا ما فرهد
رحل صوت المغنى حزين
ولسه الصوت صراع زمنى
مواعيد عشقى ما بتنهد
**************************************

من بعد ما عزّ المزار عبد العال السيد

من بعد ما عزّ المزار
والليل سها وملت نجوموا الإنتظار
والشوق شرب حزن المواويل
وإنجرح خاطر النهار
وبقيت أعاين فى الوجوه
وأسأل عليك وسط الزحام قبّال أتوه
يمكن ألاقى البشبهك
ما الليل براح والشوق تعالى بيندهك
شايلاهو وين النيل معاك .. عصفورة
جنحاتها النجوم وأنا بى وراك
بسأل عليك مدن ,.. مدن
وأعصر سلافة الليل حزن
بسأل عليك فى المنفى فى مرفأ السفن
يمكن طيوفك أُخريات الليل تمر
تملأ البراحات للحزين طول العمر
ما نحن بينّا الأمنيات والتضحية
بينّا المعزات والعزابات فى الحياه
بينّا الهوى إحساساً على قلب إنكوى
وكلام قديم قلناهو آخر الليل سوا
إنو راح نتلاقى لو طال النوى
لكن كلامنا الكان وكان .. خايف
يكون شالوا الهوا
*********************************
صابرين محمد طه القدال

صابرين
ياحزن الغنا صابرين من بعد الضنا
على وعد المنى صابرين
برجاك ياوعد الحبيبة
وبلقاك فى الفرحة القريبة
وبشراك يا أم الثناء صابرين
لا ليل ولا حزن طائل
لاصد ولادمع سائل
لا هم جاك يا أم نفايل
والنيل فاض وإنحنى
نيلين وحلمك انا
فرعين شايلين جنى صابرين
عشرات حبابك .. سلامات
أسلم شبابك .. سلامات
شايل سحابك .. سلامات
والقبلى شابك .. سلامات
خيرك سنابل .. وهواك هنا
قلبين عاشقين ترابك
سلامات

شوق الشوق

شوك الشوق للشوق ياخى
ضارب غصن النسيج الحى
منقاش احزانى مشرد وادى الفرح اتمدد حى
يارعاة العرب الرحل مالاقاكم فى المطرانة
فى كاويق الجرف الاحمل بين ساساق الغيمة عليكم
فى رقراق الخيمة معاكم مااديتو شويهى بحرجل
شوك الشوق للشوق ياحى ضارب غصن النسيج الحى
يامنقاش احزانى مشرد وادى الفرح اتمدد ضى
يارطانه الليل ان ليل لا قلكم فى ونساتكم
فى قعداتكم بين كاساتكم فى خلواتكم بين صلواتكم
زولاً زول الله ان محن اما بسأل
العباد لى غلب اخواتو الفَّرح عوان الحلة
عرق العرق البضوى سباتو نار الشجر الاخضر ضو
نار الخضر جاتو والعربات جات تسال منو
والغابات تنشد جياتو
اديناهم عرقوا ... وعلقوا صورته ... تلعب فى كفاتو
رسم طوريتو ولون ابرولو ومس طمبور إلى نغماتو
الف شليل يانورا يفوتوا عشان
مايجيك شليلك زاتو
**************************************


عدل سابقا من قبل سهارى في الأحد مايو 25, 2008 8:26 pm عدل 1 مرات

سهارى
برونز
برونز

عدد الرسائل: 104
الموقع: ksa-dammam
المزاج: متقلب مع الظروف
تاريخ التسجيل: 14/05/2008

معاينة صفحة البيانات الشخصي للعضو http://www.sudaneseonline.org

الرجوع الى أعلى الصفحة اذهب الى الأسفل

مصطفى سيد احمد الى مالا نهاية

مُساهمة  سهارى في الأحد مايو 25, 2008 5:53 pm

العمرٌ مدني يوسف النخلي

مابان عليك سفر العمر لسه الربيع يادابو زار
لسه الضفاف المترعة بتفيض ندى وبتدفق ثمار
وانا جوه قلبى المشتهيك نزفت جراحات الودار
يانخله طالت بالفرح بتراقص انوار المسـاء
مابان عليك اثر القطاف ولاجاتك ايام القسا
ما أروعك انتي الشباب بحمرة الريد اكتســـى
وانا جوه قلبى المشتهيك نزفت جراحات الودار
جوه العيون اطفال فرح لمـــــه زفـــاف
جوه العيون تشرق دموع برحــل جفـــاف
وحنان غمر عاشقين رهاف
وانا جوه قلبى المشتهيك
نزفت جراحات الودار
*************************************
بين مريم الاخرى والمجدليه محمد ابراهيم شمو

هاهى الارض
تغطت بالتعب
البحار اتخذت
شكل الفراغ
وانا مقياس رسم
للتواصل والرحيل
وانا الان الترقب
وانتظار المستحيل
انجبتنى
مريم الاخرى
قطارا وحقيبه
ارضعتنى
مريم الاخرى
قوافى
ثم اهدتنى المنافى
هكذا قد خبرونى
ثم قالوا لى
ترجل
ثم انت
انت ياكل المحاور
والدوائر
ياحكايات الصبا
تحفظين السر
والمجد الذى
مابين نهديك اختبا
ليس يعنيك الذى
قد ضاع من عمر ى هبا
وانا
لست ادرى
ما الذى يدفعنى دفعاً
اليك
مالذى يجعلنى
ابدو حزينا حين ارتاد التسكع
فى مرايا وجنتيك
لاعليك
فعلى هذي السفوح المطمئنة
نحن قاتلنا سنينا
واقتتلنا
نحن سجلنا التآلف
فى انفعالات الاجنه
واحتوانا البحر
والمد البيقاوم
والشراع
ياهذه البنت التى تمتد فى دنياي
سهلاً وربوعاً وبقاع
ما الذى قد صب فى عينيك
شيئاً من تراجديا الصراع
والمدى
يمتد وجداً عابراً هذى المدينه
خبرينى
هل انا ابدو حزينا ؟؟
هل انا القاتل
والمقتول حينا ؟؟
والرهينه
هل انا البحر الذى
لايأمن الأن السفينه ؟؟
خبئينى بين جدران المسام
قبلينى مره في كل عام
فأنا اشتاق
ان اولد
فى عينيك طفلاً
من جديد
ارتدى اللون البنفسج
اعتلى شكل الهوية
ضيعتنى
مريم الاخرى سنينا
فى انتظار المجدليه
آه
لو تأتين آه
من عميق الموج
من صلب المياه
كالرحيل
كالترقب
وانتظار المستحيل
كالترقب وانتظار المستحيل .
*********************************
الشجن الاليم صلاح حاج سعيد

عارفنى منك ..
لا الزمن يقدر يحول قلبى عنك
لا المسافه .. ولا الخيال
يشغلنى منك

وتحرمنى منك ...
والمواعيد لا بتجيب منك تودى
لا الشجن قادر يشيلني عليك اعدى
لا التحايا ...
ولا المشاعر الحيه فى جوه الحنايا
لا رساله تجينى منك
لا خبر طمنى عنك
وانت سايق فينى ظنك
رغم انك
انت عارف
انو منك
لا الزمن يقدر يحول قلبى عنك
لا المسافة ولا الخيال يشغلنى منك
ببقى بعدك فى الاسى
وتبقى انت الظالم القاسى النسى
وغصب عنى اريح ظنونى
واقول عليك
انت المسامح
وفوق شجونى
اعيش زمان بالفرقه جارح
وفى احتمالى وبالى انك
وانت سايق فينى ظنك
رغم انك
انت عارف
انو منك
لا الزمن يقدر يحول قلبى عنك
لا المسافة ولا الخيال يشغلنى منك

ياهوى الالم النعيم
خليك على الوعد القديم
خلينى فى الشجن الاليم
وابقى فى كل المداين ..
سكتى وسفرى الجحيم
تبقى ايه الدنيا من بعدك تكون
وابقى ايه بعدك اكون
مافى احتمالى وبالى انك
وانت سايق فينى ظنك
رغم انك
انت عارف
انو منك
لا الزمن يقدر يحول قلبى عنك
لا المسافة ولا الخيال
يشغلنى منك
عارفنى منك
**********************************
يا مطر عز الحريق محمد الحسن سالم حميد

من الواسوق أبت تطلع
من الأبرول أبت تطلع
من المدفع طلع خازوق
خوازيق البلد زادت
يامطر عز الحريق
يامصابيح الطريق
يالمراكبيه بالبتجبد
من فك الموج الغريق
جينا ليك والشوق دفرنا
يا نشوق روحنا ودمرنا
يالمحطات الحنينة
القصرت مشوار سفرنا
ياما شايلك فينى حايم
لا الليالى المخمليه
لا العمارات السوامق
لا اللاسامى الاجنبية
بتمحى من عينى ملامحك
وانتى جايي المغربية
داقسة دايشة المغربية
وشك المكبوت مكندك
سامسونايتك زمزمية
كون شبر
طورية ..
منجل ..
سبحة ..

فانوسا مدردح
قلتى بيهن لى زمانك
يازمان الحاجة عندك
يازمان الاهة حدك
لاتطأ الوردة الصبية
لا تطأ الوردة الصبية
************************************

الزمن الفلانى نجاة عثمان

لمن يجى الزمن الفلانى
سمانا بتقطر مطر
درى و تمازج
برتكانى

نسطر اسمك يا حبيبنا
فى رموش غيم ارجوانى
ندمن الضحك المعافى
نحيا فى الفرح المورد
ياسمينى واقحوانى

ياحبيبنا
جوا عينيك عايشه ناس
بتسجل الايام اغانى
والطريق ما ببقى ساهل
ليك بالمعنى المكانى

لما يتحقق زمانى
بمسح الحزن المعشعش
فى عيونك اسمرانى
ياحبيبنا
بتحيا فى حلم الترابله
وفى العلاقات
المعانى

وفى البقاسى شقى المسافه
وعايشه فى داخله ويعانى
لما يتحقق زمانى
بشرق الفجر الحقيقه
والصباح الابيضانى
*********************************

رعشة الشوق محجوب الحاج [ابوالسيد]

مرة بقصد احكى عنـك
وقولى من طابعه الاشارة
شوفو ديك القمرة بانت
والنجوم حاطت مدارا
غيبوا اتلاشوا فى عيونا
وغوصوا فى اعماق بحارا
وابقوا اعرفو من صفاها
كيف صبحت اسير هواها
ورأسى فى ابعاد قرارا
الا لو مرات سرحت
قمت لمحت وقرونى
وعرفوا كل البينا عامر
اصله باين فى عيونى
اعرف انه بحسن نيه
باحت الاعين شويه
افشو سرى وغافلونى
واتعرف ريدك متاعب
وانو فكرى واقتناعى
والسعاده الضاله كونى
ويسألك ياذاتى عنك
البراءة الفى عيونك
الرزانه الفى انفعالك
والضجيج الفى سكونك
انت ابعد من خيالى
ورعشة الشوق فى سؤالى
بتحكى عن ابداع محاسنك
وعفة الطبع البصونك
******************************

سمحة وسمرية محمد طه القدال
سمحة وسمرية ومحبوبتى
ولفتاتا غزالة
خضرة ومسقية وجنب النيل
مشتوله الناله
بهواك يابنيه
كتبته قصيد .. وبقوله مقاله
يالنفحتى فى معانى غناى
تدليها مجالا .. زهرة وبريه
بشوق الارض عيونا كحالا
تريانة ندية بعرق الناس
والناس فى بالا
ياخوفا على عقل وثابت
ما ها الولواله
من فرص البى
قلعت الخوف
وكستنى بساله
قلتيها النيه .. متين نتلم
والحال بطاله
قالتلى غنيه وانت معاى
مستورة حاله
بت سودانيه .. ومحبوبتى
ولفتاتا غزالة
*************************************
سر مكتوم سيف الدين محمد صالح

يا سر مكتوم فى جوف اصداف
فتشت عليك بــى قليب نزاف
لا خبير يهدى لا دليل وصاف
ياسر مكتوم فى جوف اصداف
راجياها الريح وكتين ماتطل
على موجه تمرجح زهرة فل
وتشيلا تروح والدنيا تنوح
على قمراً مات فى مطر الليل
يتم نجمات بكاها السيل
عمر مرسوم في كف أقدار
ياسر مكتوم فى جوف اصداف
الريح القاسيه عنيده تمام
طفت القنديل الكان مقدوح
من دمع الليل
رمت القنديل الكان نديان
فى جرف النيل
رسمت احزان وسؤال حيران
فى عيون ايتام
يا عمر مرسوم فى كف اقدار
ياخطاى الطال بيها المشوار
ياليل مشتاق لى دفقة نور
ياظلمه تبكى سنا البلور
ياموجه تعاند فى التيار
ياخطاى الطال بيها المشوار
ياظلمه تبكى سنا البلور
ياموجه تعاند فى التيار
ياخطاى الطال بيها المشوار
**********************************

ضليت قاسم ابوزيد
ضليت ..
هرب منى الامل .. جنيت
جافانى الشروق حنيت
وكنتى معايا .. فى لمة دليب شاشاى
فى ايقاع وحشا المردوم
وفى جيد الزمن سوميت
مرقت .. على محطات السفر غربه
وما لقيتك .. امل شارد
مع انك معاى فى زحمة المشوار
وحتى يقينى عاد من تانى ..
صحاك من حنين ذاتى
نجم الفرحه ياعايد
تعالى معايا .. من زفة نفس مسدار
وما جرتق فرح كانت
ولا طعم الشقا الروح
خطاى هانت ؟
وانتى معانى شايلاك القوافى معزه
فى عمق فرح دوبيت
وكت ضليت .. قعدت براى .. وحسيتك
بتطلعى من نفس طوريه ضاما الطين
ومن دمعة وجع طول
ندى العرق البنادى حنين
**************************************
ما بين زمنا متمنيهو محمد المهدى عبد الوهاب

مـــابين زمنا متمنيهو
وزمنا منك زادنـــى اسيـــه
طفت الدنيا عشان القاك
وانسى الحزن الطارد ليا
وكان البحر الما خلانى
اعيش برانى
وكان اخوان فى الانسانيه
قعدت معاها واتفاكرنا
وكم لفينا وكم ساهرنا
وكم مازحنا ليالى الصيف
وكم غنينا للحريه
وكم دارينا الحزن الاكبر
بين الصيف وجمال المنظر
وكنت بتطلعى من عينيهم
وكتن يفرحوا او يندهشوا
او يفترشوا سواعد بعض
او يتكلموا عن الارض
وسلام العالم
وكنت غريب الوجه معذب
ما احلاهم
شالوا معاى الهم بالجمله
وهتفوا البحر البحر البحر
وجوه المركب فضلوا يغنوا
شويه شويه وسكت المركب
كل الناس اتنين اتنين
فرح بتكلم بى لغتين
كنت برايا
وجانى حنين الكون اتكوم
غور غور جوه فى صدرى
واتمنيت لوكنت معايا
واتمنيت لو كنت معايا .
***********************************

سحابات الهموم عمر الطيب الدوش

سحابات الهموم ياليل
بكن بين السكات والقول
وباقات النجوم الجن
يعزن فى المطر ..
فاتن عزاك .. رجعن
وشوق رؤياك
زمان مشدود ..

على اكتاف خيول ..
.. هجعن
وصوت ذكراك ..
مكان يجرى ..
يلاقى السيل ..
وسر مكتوم بصدر النيل

ولو لا الذكرى ما فى اسف
ولا كان التجنى وقف
وصوت ذكراك ..

رزاز صفق ..
على خطوات بنات سجعن
وشوق رؤياك
حنين لى رحلة
فى المجهول
لو لا الذكرى
مافى وصول
ولو لا الذكرى
مافى شجن
********************************
لمحتك عبد القادر الكتيابي

لمحتك
قلت برآمن
بديت احلم
الملم قدرتى الباقيه
واشد ساعد على المجداف
تلوح لى مدن عينيك
وترفع لى منارة
بسمتك ساريه
وبديت احلم
وكل ما الريح تطارد الموج
ازيد اصرار
واحلف بيك اغير سكة التيار
واقول يا انتى يا اغرق
الوح لى مدن عينيك
تلوح لى
اخاف الضفه ترجع
بيك قبل الحق
اخاف غيم المنى الشايل
تسوقوا الريح ويتفرق
اخاف واخاف
واشد ساعد على المجداف
واجيك بى قدرتى الباقيه
حطام انسان موسم
بى شقى الدنيا
ومقسم قلبه فى الاحزان
اجيك فنان اشد اوتارى واحكيلك
حكاية انسان وهب
لى سكتك نفسو
ورسم صورتك على حسو
وربط ساعد على المجداف
وقال يا انت يا اغرق
اخاف واخاف
والاقيك يا امانى سراب
مراكبى عليك بتدفق
اخاف واخاف
**********************************
ماجدولين فتح الله ابراهيم

ماجدولين
يا ضى بيطرز عتمة العمر الحزين
يا سامقة وشامخة
وراضعة من ضرع الصباح
وطالعة من وجع السنين

ماجدولين

ياسرة الزمن الفتى
يا الخصيب سندس دواخلك
جندلى الحزن اللبس حلكة جدايلك
وحصل العرق البشق هامة الارض
لا رشف زمزم خصوبتك
لا فلق صخرة مناعتك
لا هو طايلك ماجدولين
ذى كل الفوارس وذى ملايين النوارس
صرعى فى سطوة حبايلك
بس فى قاع الروح بختك
وفى غياهب ذاتى شايلك

ماجدولين

يا نجمة بتنقط ألق
وتسيل على خد الظلام
والدنيا يبن عتمة وغسق

ماجدولين

قبل منك كنت موبوء بى وجع
لا غمد مرة وهجع
ولا سكت خلانى اقول
وقبل منك كان غرز ضرع الكلام
وجفت شرايين الفصول

ماجدولين
********************************


عدل سابقا من قبل سهارى في الأحد مايو 25, 2008 10:09 pm عدل 2 مرات

سهارى
برونز
برونز

عدد الرسائل: 104
الموقع: ksa-dammam
المزاج: متقلب مع الظروف
تاريخ التسجيل: 14/05/2008

معاينة صفحة البيانات الشخصي للعضو http://www.sudaneseonline.org

الرجوع الى أعلى الصفحة اذهب الى الأسفل

مصطفى سيد احمد الى مالا نهاية

مُساهمة  سهارى في الأحد مايو 25, 2008 6:06 pm

ضو شبابيك البيوت يحي فضل الله

يا ضو شبابيك البيوت
بين التوهج والخفوت
بسرح معاك واسألك
قبال ما يخنقنا الرماد
ويعلم العقل الحياد
قبال لهب حلمك يفوت
وجذوتك تبهت تموت
بسرح معاك واسألك
يا ضو شبابيك البيوت
بسرح معاك واستفسرك
عن ظلمة تمتد وتطول
واتلخبطت فيها الفصول
عن كلمة ضاعت فى الفراغ
بين البيذيف والبقول
عن سر يباس البذرة
فى طين الحقول
عن كل احلام الصغار
الما لقت غير الذبول
****************
افتش ليك مدنى يوسف النخلى

أملنا الباقى يسرح بى
واهاجر لى زمن تانى
وتبقى الدنيا فى عيني

هدأة موجة فى بحر الأسى المدود
هجعة خطوة فى سكة فرح مفقود
رجعة غنوة فى درب الضنى المهدود

وافتش ليك
افتش ليك حنانى معاك
أمانى تصارع المجهول
عشانك لا مسافة تطول
ولا بتغيب معاك خيول

وقلبى عليك وعلى
الوعد الحزين مصلوب
وارجع ليك افتش
واجوب الدنيا وارجع ليك
أجيك فارسا يشد
صمت المتاهة الطال
مواعدك بى حكاوى الشوق
وبى شمساً وراها منال
وبى فرحاً يغرد فى سماك الفال
يجيب البهجة للاطفال

**********************

حكايتى مع الحنين مدنى يوسف النخلى

بهاجر ليك
وراجع ليك
وما قايل يجيني زمن
حكايتى مع الحنين بتطَول
بهاجر ليك عشان القاك
مع طلوع الصباح
وارتاح فى ضوء
السنين الياما شلنا من أساها جراح
وذى سواح بفتش ليك
مهما تشيل شراعى رياح
وما قايل يجيبنى زمن
حكايتى مع الحنين بتطَول
ولما اجيك دموع الفرحة
فى عينيك تبلل طرفك المشتاق
تنسينى الوداع واحزانو
فى الزمن الصبح فراق
اصلو الما عرف عينيك
ما بعرف الحنين حراق
وما قايل يجيبنى زمن
حكايتى مع الحنين بتطَول
منو القدر على الغربة
يهاجر من حنان عينيك
وغيرنا منو البشيلو الهم
وخوفهم برضو كلو عليك
وحاتك هانت الايام
تسلم للفرح عينيك
******************
خوفى منك مدنى يوسف النخلى

خوفى منك
ومن اكاذيب الامانى
ومن ضفاف بالموجه ضحت
ومن بحر ضاق بالموانى
خوفى منك
يوم تسوقنى الآه عنك
وين نصيبا زى عيونك
لا نجوما يضوى دونك
لا المدن ياها المدن
خوفى منك
لما تبقى الضفه منفى
والمتاريس فى المنفى
والجواز يبقى الاقامة
والزغاريد والشجن
ده الحنين
فى حنينك صحى جواى الكتابة
شهوة تحلم بين رنينك
واكتشاف نص الاجابة
خوفى منك .. خوفى منك
*****************
أخطبوط الحزن يحي فضل الله

أخطبوط الحزن يقبع فى دواخلنا
وينهل من بقايانا يمزقنا بأزرعه
ويخنق فى زوايانا
زهور الفل

يا أخطبوط الحزن قل
للنورس العائد فى التابوت محمولا
بانك فى حنايانا
مجنزر لاتغادر
وصوتك فينا بركانا
يدخلنا بلون الصخر

وطعم النار
يشجينا يشجينا .. يعذبنا
يعشعش فى خلايانا
ياكوخا بحجم الافق
مملوءاً بالاطفال والعمال
وفى عينيك كرسيا وصولجانا
بنتعاطاك وكت نتعب
أقراصاً .. وأغنيةً والحاناً
تهدئنا .. وتشعلنا
وتسرقنا مزايانا
أدمناك إنسانا
مرابط فى مجارى الدم
بيمسح فى ملامح الغم
بيقاسمنا شكايانا
*****************
رغم ريح الصد قاسم ابوزيد

رغم ريح الصد عتيه
سابحه فى موج التباهى
تبنى قصرك فى الزبد
وحلمى ضايع فى التباهى
زى مساحات البلد
فى العوينات السواهى
ضفه فاتحة مداها إلفه
والطيور فردت جناحها
شاديه بروعه غناها
الوطن فى عيونك إنت
دنيا غرقت فى السماحه
باقيه للافراح مساحة
واحة شموسنا ترحل
عن مداينك ديمه
تسأل ساحة
ساحة الغيمة رشت
رغم ريح الصد عتيه
إنت لحظة ود ندية
*****************
صباحاتك يوسف النعمه

صباحاتك مشت للدنيا محمية
ومحصنة بى عشق ناسا
بغنو الفرحة مرثية
لانو الحسرة والاحزان
معشعشة فينا زندية
هواك الشايلو فى كتفك
عشان آمال وحنية
كسر ضهرك
وشالو الغول
ونام الليل صباحية
صباحاتك مشت
للكون فرايحية
منسمة بى عرق طيبين
موسمة بى صدق ونية
صباحاتك كلام معسول
وكبة غيمة ليلية
صباحاتك صبر أيوب
تقول اخوان عددهم
فارق الميه
كتار زى
حزننا الطول
صباحاتك خمائلية
******************
الجالوص عاطف خيرى

معتوقة ومعتقة ومنعتقة
نوافير إنتشا حشمة
وحمار العين
تضحك كلما وقعت مصيبة
تمشئ على العجين ما تلخبطو
وترطن إذا جاها الحنين
يابت بيوت الهجعة كيف
وغبار شوارعك ماشئ وين
زقاق يفتش لزقاق
كتمة وضلمه وإنعتاق
أنا فيك لامونى المساجين
سكاتك منازل حلال الحرام
سكاتك على حين اهش الحمام
سكاتك عليك لما تصحى المسام
سكاتك عليهم سكوت والسلام
صوتك وكت قطع البحر
قبال مراكب العمدة
ضهر النيل عرق
والشمس فوق جبل الغيوم
شرت جلاليب النعاس
ناشف غرب مبلول شرق
والمطرة زى شفع العيد
تدخل غرف كل البيوت
حكمة الجوع
الشرح للارضة
كيف تقرأ المرق
وقبال يقع فوقك سقف
يتنحنح الجالوص
أمرق على مهلك
مروق الحنه من ضفر العروس
واصعد على مهلك
صعود البذرة
والروح والشموس
مبنية مدن الخوف
من طينة آخر الليل
وأنا فى سقالة الشوف
قدح البصيرة تقيل
فاتح زريبة الجوف
تمرق تخش الخيل
على كيفا كيف
معروف ضهر المظنه يشيل
وأنا ظنى ظنيتو
للنيل غريق فى النيل
والليل ولا فى بالو الويل
ساكت يغنو على القمر
واجعنى فى البحر السكات
سكتنى فى الوجع البحر
يابت صباح الطير
وين البلد ركت
ماعاد هواك
يفتح فى الكتمة شباك النزيف
وين الغيمة شطيف النجوم
ريف الجسد صدرك سبلوقة
اللبن الحريف
داسين فيك نضر
الانبياء فاتو
وأنبياء بين بين
قاعدين فى ضل النار
وفى غفلة جو الكفار
طارت حمامة الغار
لا قونى ناشف ومر
ماذنب جلد الطار
لو غنو بيهو شتر
ماتخافى الله معاك
كل الملائكه سمر
*********************
بدايات المباهج سيف الدين محمد صالح

يابدايات المباهج
ويانهايات التآسي
فى خزى الفجر المهاجر
ماخلاص انا بح حسى
فى رجا الغيم المعاند
من زمان ماجفه غرسى
الشموس غشت المدائن
بس أنا المنطفية شمسى لى لقاك
أنا كنت بنضم جسدى
من حب المطر سبحه
أغالب قسوة الاحزان
واحس حجر الهجير نغمة
أنا القضيت عمرى صبر
علشان القاك بالفرحة
اكون ليك فارس الاحلام
واجيك منصور من السرحة
البمشى ماقالوا بيوصل ونحن كلما وصلنا بنرحل
لو دا حال الدنيا فى دربك يبقى كم فى عمرنا فضل
مازمان حاولنا ننسى وجينا عليك تانى نسأل
ياعمر مرسوم خطاه من نبض القلب

يابكرة

مساماتك بتتشقق
عشان تشرق صباحاتك
صباحاتك بتتعانق
مع الفكرة
وتأخذ من جراحاتك
نبض إحساسنا لى بكرة
يابكرة .. يابكرة
يابكرة الغصن الناشف
يابكرة الفرح يوماتى
بيكاتل حزن أطفال
بتتشابا عشان تعرف
شنو فى ايدينا لى بكرة
شنو الداخرنو للسكة
عشان تشرق صباحاتك
عشان تقصر مسافاتك
عشان تبرق غماماتك
عشان تخضر مساحاتك
عشان بكرة وبعد بكرة
********************
علمى عيونى السفر الصادق الرضى


علمى عيونى السفر
ما البسافر فى عيونك
سكتو بتبقى سلامة
ينسى احزانو وبعرف
الدنيا جمبك ابتسامة
ظللى الناس بى حنانك
وابقى ليهم ضل غمامة
الشقى اللازمنى مدة
يوم يفوت والفرحة تبدأ
ما بقول فارقنى عدى
عشان بخاف ترحل عيونك
وتنهزم فينى الامانى
وبي أساه وبى شقاه تانى اتوشح زمانى
أصلو غير عينيك وحاتك
ما فى للافراح معانى
جينا ليك شوق فى عيونا
وفى عيونك شوق إناغم
الشجون باكر بترحل
والزمن يصفا ويسالم
والحلم يصبح حقيقة
وتنسجم فى الحب ظرفو
والحنين تزهر غصونو
والعشم دانيات قطوفو
شوفى كيف يوم بكرة عامر
هاتى ايدك شان نشوفو
******************
صدقينى هاشم صديق


أسأل عن ملامحك مالها
وغريبة تبقى الكلام
وتسألينى عن غمام صدقينى
نحن حاجتين من شبه
جرحين عن الريح والزمن
اسمين على رمل الشوارع
قلبين على الغالى الوطن
فى غيابك لا قربت وشاً موالف
ولا قربت عيون صادقة
بينى بين شمسك فيافى
وبينى بين نبعك جبال
الوحشة واسوار الحديقة
كنت مهموم بيك
ومحمول فى وتر شوقك قصيدة
ابعد الهم بالكتابة
وارضى الفقراء الغلابة
وادفن الشوق فى الموسيقى
أطرح الرمل السكن جواى
وادينى الاحساس قلبى واقف
وعقلى خائف وعصبى راجف
وسن ضلال بحر الزمان
كان ورداً روح ومضى
جف وانصلب عطرو
الزمن اوقد شجرو نشفا وانتنن
بالهم فروعو خدرن الجزر البتناغم جواهو
وماضى مشتاق للسحاب
أجلى الصيف من صدرى
الأسف الرضع خضر الدروب
اغسلينى من الهواجس


عدل سابقا من قبل سهارى في الأحد مايو 25, 2008 9:05 pm عدل 1 مرات

سهارى
برونز
برونز

عدد الرسائل: 104
الموقع: ksa-dammam
المزاج: متقلب مع الظروف
تاريخ التسجيل: 14/05/2008

معاينة صفحة البيانات الشخصي للعضو http://www.sudaneseonline.org

الرجوع الى أعلى الصفحة اذهب الى الأسفل

مصطفى سيد احمد الى مالا نهاية

مُساهمة  سهارى في الأحد مايو 25, 2008 6:26 pm

يا صباحك د. طلال دفع الله
واصطفيت جرحك براك
وتر انتباهك والنغم
ضفة تزرع فى الشروق
وضفة بتقاوم الالم
شمعة الليل التهد ليل
الكوابيس زمن الودار
شامخة بتعاند فى صدى الليل
الهياج الإحتضار
صاحى انتباهك فى الزمن
لما اصطفاك قدر العصافير الرحيل
وغدر الشباك شوك المتاهات الدوار
تحتك لنسيج الليل الطويل
الأناشيد الماخده من حزم الشعاع
نار البدايات البتول
للسحابات التلوح قوس قزح
بشرة هطول
ولى ضياء القمرة المقرح
ضد قوانين الافول
ليك يا اخر الخيول
فرس الرهان الما كبأ
وهج شموس الاشتعال
وانكسار المستحيل
شقيتو بى سيل الحروف
الطالعة دابا من الصدف
مجرى البحر تيارو والموج الرجوع
اديتو حيل مدو الزمان كان انحسر
غيرت فى الزمن الملامح
طعم الكلام لون الغنا
طبع البذور كيميا التراب طقس المطر
صاحى انتباهك فى المكان
زهو السنابل بالقموح
واجتراحك للسان لغة الجموح
وكتين يتوه بين السكات
وسيف القيود الارتهان
شمس الحقيقة الآه .. بقت
منفى ونزوح
واقتباسك للصبر لغة اليقين
بانقسامك فى الزمن وانصهارك
واقتسام الآه بينك والمحن
وانتصارك لى صباحا بكرة طالع
من مدارات الصهيل .. يا صباحك
لما تنداح ضفة جراحك بالشجن
وتقلد الزمن العديل
يا جراحك …
لما تفرد غيم جناحك
فوق عذابات الوطن
*****************
طوريتك محمد طه القدال

حتى الفصول صابها الجفاف
لا غيمة لا زفة هرع
والسمبر البفرح صفيرو
غشانا وإتقاطر رجع
وشجرنا من لفح السموم
غصنو الرقص رويان وقع
لا شابا لى ريح الدعاش
لا هش لى برقاً لمع
طوريتك فى الطين مرمية
وكوريتك يابسة ومجدوعة
لا غيبتك كانت مرضية
ولا فوتك كانت مبلوعة
اللهب الضوى الليل قنديل
فى عيون النجمة القطبية
والتعب المد ضراع النيل
سجادة فقراء مزاورية
سائلين عنك ويوماتى رحيل
لي مواني المدن النفطية
وشقيش ما تكفى يا ابو الحيل
فى قلوبنا مواجعك متكية
باعتلك شال الحب مرسال
تايهين فى بحرو مراكبيه
وبنكتب على صدر الموج آمال
اطفال عمال ومزارعيه
كيف حال يا ابوى
كيف حال يا خال
بتمسى بيوتنا الكاكية
حزنانه بتبكى مآل الحال
والزمن الشالكم أبدية
***********************
ذي ما يكون قاسم ابو زيد [القاهرة فبراير]


على عمقك مشيت متلفحك خاطر
برغم ذبول نجيماتك … سماك معقول
وشارع الشوق بدونك تم
بحس بالقول على حد السيوف مجدول
ورغم الحاصل المسلول
فوق عمقك قدل جواى
على لقيا وبياض خاطر وزى ما يكون
وعلى عمقك مشيتك متلفحك خاطر
لا الشبورة لا ريحة الدعاش
مشبوبة بى نداك ولا ضو صوت
و لا مرقت شموس منك
ولا دخلت شموس فيني
وما أظنك بتدي شموس
وحيطلع من عيونك ضو
ولا طرد الجفاف خدك
ولا رك الندى المحروق
فراشات من شذاك دخان
شعاعات من بريق لحظك
فهل يرجع زمن جيتك … حضور تانى ؟
على ذكراك أمل ممتد
أنا و أنت وهدير الكون
على لقيا وبياض خاطر وزى ما يكون
وعلى عمقك مشيت متلفحك خاطر
ولاعند المغيب وجدت غصون شجرك
ولارجعت طيور بتنم
ولا زيف العشق مفضوح
ولا العمق القبيل مفتوح
وغنى الفرح البتم القول
صدى الغنوات يرقصنى حول
ولا دقة فرح بتلم
ولا الرقدة ام تعب بتجم
ولا وجه رياض أطفال ولا الموال
مركب من نسيج الجيه
من انغام طبول شوقك
عشان اضحى الفرح مسحور
وايقاع الرقيص مكسور
نسيت الليل البلد بتجم
نطوى الشوق منام
نتوسد الاحلام
على صيحات دبيب هبة نسيم باكر
لا ننا نحنا متواعدين
انا وانت وهدير الكون
من جوة الضجيج مارقين
بصوت واحد
لأننا نحن متواعدين
على لقيا وبياض وخاطر وزي ما يكون
*************************************
عشم باكر مدنى يوسف النخلي

فى عينيك عشم باكر
ما إنت العمر كله والشمس الوشاحة ورود
و زغرودة بتزف للناس خبر زمنا جديد مولود
لقيت غيرك … يضيع أسمى
وأكون حي زي مفقود …!!
وفى عينيك عشم باكر
لاقينى ياعشقي الخرافي
لاقيني قبال الزوال
لاقيني فى كل المرافي
زفات ربيع … وفرح قوافي
وانشر فى حزن السنابل
زي ضياع كل المشاعر
وأمشي قبال الصباح
وزعي الطل للأزاهر
وأبقي ياشوقي الخرافي
لاقيني قبال الزوال
غنوة من ازمان بعيدة
طالعة من صخب الدميرة
وفى المراسى وفى الملمات الخطيرة
************************
ابداك أزهرى محمد على


ابداك من وين
و فيني منك لسه حاجات
من مخاوف ومن شجن

ابداكى من وين
وظني انك فكرة اعلان الحياة
وانتهاءات العوارض والمحن
نفسي القاك وأوحد دايرة الدم
المقسمة بينى بينك والسحن

ابداكى من وين …
ابداكى من وين ..؟
و لا منك ابتديك محل .. محل
من ياتو منفذ بدخلك ؟
كل المنافذ الفيك سداها المحل
من ياتو شارع بوصلك ؟
كل الدروب معطونة لى آخر الوحل
بستبيح كل المنافذ … و ادخلك
بستبيح كل الشوارع … و ادخلك
من بين كلامك … بدخلك
من ابتسامك … بدخلك
من بين مسامك … بدخلك
من بين مسامك … بدخلك
نتلاقى نهرين فى التسامي واشتهاء
ابداكى من حيث انتهت عندك خواتم الانتهاء
من أي قاسم مشترك
او شبه التشابه …بدخلك

ابداكى من وين …؟
*********************
اصل الحكاية مدني يوسف النخلي

لو عليك الريدة هانت
قصة بحكيها وبقولها وأبكي في آخر فصولها ..!
قصة العمر المسافر
من مدن الحسرة نامت
دمعة الشوق في عيونك الحنينة وطيبة كانت
بكي للناس عن ودادها
وما بقول سابتني خانت ..!
قصة بحكيها وبقولها
قالوا في الامثال زمان:
عن حكاية بدون نهاية
إنتي يا أصل الحكاية
في الحقيقة العايشة غاية
لما كانت لي عيونك دنيتي وفرحي وهواية
كنت يا ريدي الخرافي
الحكاية بدون نهاية
والبداية بدون بداية
دمعة الشوق في عيونك الحنينة وطيبة كانت
بحكي للناس عن ودادها
ما بقول سابتني خانت
قصة بحكيها وبقولها
وأبكي في آخر فصولها …..!
*********************

ولما نديلا طليقاً محمد عثمان 1990

ولمانديلا طليقا سأغنى
فرصة الثوار في الزمن المصادم
كان سجنك امتداد للمظالم
كان تعبيرا صريحا للمآسي
وازدهار الجرح في زحف المواسم
يا أوبريتاً شاجنت ترنيم صحوك
انفعالات الملاحم
كنت وعدا باندلاع الفجر
في كل العوالم
كيف تسجنك الحوائط يا صباحا مشرئبا يقاوم

ولمانديلاّ طليقا سأغني

فرحة الإنسان في كل العوالم
أيّها الثائر نحن لم نكن يوما رضينا
أن نراك مرتهنا سجينا الدهر أبداً خاضعين
للمظالم والغزاة الغاصبين
قد رفعنا اليوم فينا راية الإنسان في كل الأغاني
وفتحنا دورة الأزمان للفجر المثالي
وهزمنا بالنضال الحر إرجاف الأعادي
ثم عدنا لا نبالي .. لا نبالي
سطوة السجان أو ظلم الليالي
أيها المصلوب في جرح المآسي البشرية
حيث إنسان الهوية
لابسًا صحو البنفسج وعميقا كانتصار الحق في زمن التوهج
يذرع الآمال مساحات البريّة ويعلي قيمة الإنسان في كل العوالم
************************************

هذا أنا وتعود تسألني شعر: ع . ك

وتعود تسألني
أو تنمو طفلة الأحزان بين منافذ الزمن
أم تحت حوافر المهر الأصيل
تعب أنا
لعشب الأحزان في السفر الطويل
تعب أنا .. ويكاد يسحقني التعب
ولا يفارقني الغضب
غضب خصني لا يهدهد أو يثير
ولا يبارح أو يزول
تعب أنا .. مازلت احلم بالرحيل
وبالرحيل بلا مسافة
بالذي دفنته أجيال مضت
في قاع أودية الخرافة
ونسته في السفر الطويل
سفر الأسنة والقنا
تعب أنا .. تعب أنا
طفل من هذا المثالي الأمير ؟
أمن قاع البحر ، ضو الحوت ، والأعين الياقوت
وتوقع الصحو المثير
طفل من هذا الذي يهمس ؟
فتحضن السهول جبالها
تقتلع المجرات القديمة ارثها وخيالها
تنبض في السطور والأحرف الإكسير
طفل من هذا الذي يرنو إلىّ كآخر بالحلم
تهبط عنده الصور
الخيالات ، المسافات ، الرؤى
يتململ الزمن الأسير
طفل من هذا الذي أحببته ورعيته؟
فرأيته فرحا يقاتل دونكم .. ولا مجبر
سوى الندى يطل ينفذ بين أبخرة الدماء
سوى امتلاك الرغبة الصحراء
بالمطر الحرير
وتوقع الصحو المثير
هذا أنا طفل الملايين الوشح بالعناء
هذا أنا الشامخ التيّاه
ابن مرفوعي الجباه
للفخر صرخة
الكسر جبرة
للثار رمحه
للعشب دمعه
وللندى يداه
********************
فات أوانك العميري

فات أوانك
عدى من وشك صهيل الأغنيات
وياتو في كفك صبح
غير انغماسك في الشتات
يا بشوش المعنى كم صادك بشوش
وصحيت على حلم الفتات
الليلة فجاك في زحام الخلف زول
صّحا القوافي الفيك
من الزمن القبيل
وكتبت في صدر السماء السابع
غموض المسألة اشمعنى ما قادرين تكونوا ؟؟
وكيف تجيبوا الأسئلة
************************
أجيك من وين العميري [لقاهرة فبراير]

أجيك من وين ؟؟
وأنا اللا حاسي لا شايف
بقيت بعدك عدو الخاطر
بقيت خايف
وأنتي مشيتي في الدنيا العريضة سؤال
لا مفصولة من حاضرك
ولا لاقيه الحرف مرسال
سؤال ياحب
هو بس ساكت تعدي من الزمن مظلوم
لا تخلينا نتجاوز ضراكما
ولا تهدأ الجراح وتنوم
سؤال ياحب
حصل حبيت ؟؟
وإذا حبيت بترضى تكون
مع الزمن القبيح مهزوم
سؤال ياحب

****************************
والله أيام يا زمان التجاني حاج موسى

والله أيام يا زمان ببكي و أتحسر عليك
وما بقول العشناه كان
وارمي حبة لومي فيك
والله أيام زمان
لسه راجيك يا زمان
بحبة الذكرى المعايّ
عايشه في وجداني جوه ولسه بتدغدغ حشاي
وامكن الحبيته مرّة
يلقى في كلمات غناي
نمنيه بتصحي المشاعر
وامكن الطول سهادو تغشى ليلاتو البشائر
وامكن الفرح الزمان لسه اصداهو بترن
غنوة حاضناها الضفائر
والله أيام يا زمان
جايز الأيام تحن وتصحي فيك نبل المشاعر
يمكن المجروح يئن وتغشى ليلاتو البشائر
امكن الفرح الزمان لسه اصداهو بترن
غنوة حاضناها الضفائر
والله أيام يا زمان
************************
لحظات نديّة مدني يوسف النخلي1985

في خاطري لحظاتنا الندية
وآنت ساعة المغربية
قعدتك جنبي وعيونك سارحة في الدنيا البهية
خوفنا من سفراً بودي للمسافات القصية
وقصة الزول المفارق قلبو عشرة على البنية
كنت جد ناوي الرحيل إلا شايل ذكرى منك
خفت في الغربة البعيدة
المسافات يبعدنك
والعيون الشايلة سيرتك … بكرة يبكن ويفقدنك
والأماسي الحالمة ترحل
والمشاوير يتعبنك
شفت كيف لمّا الشمس مدّت نوافير الشعاع
والضفاف بعدت كتير والريح ملت جوف الشراع
وكيف هناك … بدت الضفاف
تتلاشى في أفق الضياع
وأنت ساعة المغربية
خايفة من كلمة وداع

*************************
يا ليالي مصطفى سيد احمد

ليالي كنت اقضيها هنا
في وجه بدر السنا
يا ليالي… هل ذكرتني من أنا ؟؟
هل طواك الدهر في جوف السنين
هل خطانا فيك حلم قد مضى ؟
أم جفون مغمضات بالرضى
عربدت فيك زمان قد مضى
ونعاني اليوم زّفات الحنين
اين صحبي ..؟؟
أين سمار المساء
عن بعيد بات في حضن الأسى
كم حكيناك الدهر إذ قسي
ورفيق حفظ الشوق الدفين
لست ادري أي أمر
اسكت العصفور عني
أترى مات الشعور ؟
في جمع الكون
حتى في حشاشات الطيور
أمخبئ بين السحاب
لست ادري أي أمر
اسكت العصفور عني

************************
صديقي الأول مصطفى سيد احمد

يا صديقي الأول
بان في ود سلفاب لغز لا يتأول
جمال وكمال
كنت ناعم بال قلت
أروح أتجول
اكتل اللحظات في الشباب اتغزل
فجاة والادراك فيّ خاف .. أتعطل
لما أدوني إنذار ... شفتو فز و وقل
شاف عليّ ذهول وجهوا هش وهلل
قال صباح الخير ... قلت أحلى واجمل
قال تشرّف لو في الديار تتفضل
قلت ليه شاكرين ...
يا كريم المنسل
جمال وكمال
أرخى طرفو وفات والمزاج أتبدّل
خلّى طرفي يجول والرباط يتحلحل
حكمة يا إبراهيم كل جمال ومكمّل
شق سهمو وفات صاب قليبي الأعزل
الوريد مبروع فوق كتيفو مهدّل
والصدير عوام ذي سحابا رحّل
القديم مدبور والضمير يتوسل
علّ ردفو يطيع والصدير يتمهّل
ليلي بوبا وطال حاكى ليلو المسدل
وأصحى نومي حزاز في .. خيالو اغزل
وصفو حوري جنان ما تقول ده فلان
والحديث يتسلسل
***********************

وهج الشعاع مدني يوسف النخلي

زي ما بموت وهج الشعاع
تمتد سحابات الغروب الفاني تشرق روعتو
وزي قدر المسافر لي مدن مجهولة لمّا تضيع خطاوي
البهجة في هم سكتو
حبك صبح أشتات ظلال واطلال خيال
ما ضاقت الأفراح مباهج قصتو
وارحل عشان أنساك أسيب الذكرى في وجع الدروب
وامسح دموع شمس الهوى المصلوبة في صمت الغروب
وامسح دموع قلبي التعب
كان في هواك اقدر أتوب
يا ريتني زي وهج الشعاع
ما كان عشم قلبي الحزين مترجّي من عينيك صدود
كان عندي في سفر الأمل دربا يودي عليك ويعود
والليلة يا حبي اللي راح بروعة إشراق الوعود
مدّ الغروب الفاني أيدو
ماتت أحلام الورود
ياريتني زي وهج الشعاع
تمتد سحابات الشروق تشرق دمعتو
*********************
حسنك بديع خليفة الصادق

حسنك بديع معدوم مثالك
حيّر عقولنا وصف جمالك
يا بهجة يا فرح الحزين
آمنت زيك ما بكون
خطوك نغم يوحي الأغاني
تتهادى زي الناس مكانك
عليك قليل كلمة جميل
وصفك تحار فيهو المعاني
حسنك بديع
اجمل عيون فيك شفتها
عيون المها ما بتشبها
منّي الكلام يضيع دوام
قدامها والقاهو انتهى
حسنك بديع
أمرك مطاع أبداً يا زينة
انت الجمال والناس علينا
اسمك سنا ... ولفظك غنا
كم بيهو يا سمحة انتشينا
حسنك بديع
معدوم مثالك
****************************
دابو أبتدأ العمر الجميل محجوب شريف

دابو ابتدأ العمر الجميل
وتعبت من شدّ الرحال وتعبت من تعب الرحيل
يا اجمل الكلمات احبك
يا ملاذ القلب من حزنا طويل
جيتني لمّا خلاص بكيت
على نفسي مرة ومرتين .. وقعدت في الركن الحزين
داسي الخطأ وصفر اليدين
بس كنت وين العمر كله ...كنت وين
وأنا في انتظارك من متين
من سنين وسنين طويلة على الدوام
وأهو أنتِ .. في جوايّ ملامح
صاحية في عز المنام
فتشت عنك في الصحابة
وفي الغنا ورد السلام
وفي شرايين القصيدة .. سألت عنك
وفي المحيطات البعيدة.. سألت عنك
وفي سبيل ألقاك كم ويا ما بكن خطاي
وأهو أنتِ قدامي ومعاي
تصحي وتنومي تحت عيوني
وتسري في اعصابي .. وتسرحي في دماي
ودابو ابتدأ العمر الجميل
وتعبت من شد الرحال
**************************
بين سجن وبيت أشباح مصطفى سيد أحمد

بين سجن وبيت أشباح وعطالة ودم مبـــاح
ومذلّة تودّي الغربـة والغربة جراحها جراح
والحل في بلدك ذاتهـا تتحدى سلاح بســلاح
تهزم خفاش العتّمــة ويعم سودانا صبــاح
الخمج الماحق سوقنـا من بعض وفاء المحتـال
والعبرة الرابطة حلوقنا من فيض كاس الدجّـال
الوهم الداير يسوقنــا اصبح مفضوح الحــال
ما فضل إلا مروقنــا وبسلاحنا نعدل المــال
يا غضبة نيلنا الجامح وكتين يكسح طوفـــان
يا سيل الشعب الجامح في ثورة بعد عصيــان
ياضراع الولد الجـاّرح وسلاحك في المليـــان
الكـيّ للألم الناتـــج والعبرة لكل غبيــــان

*******************************
تاني ...تاني الصادق الياس 1987

تاني راجعين مرة تاني للقديم الاتنسى
مالو عاد الشوق علينا
بعد ما روّح مشى
مالو جرح الحب ده عاود؟؟
بعد ما فارقنا عاد
قلنا درب الراحة جاتنا …
ليه تفارق من غير ميعاد ؟!
يازمان مالك علينا ؟!
القديم خليتو عاد
نحن ما فكرنا نمشى للروّح نعيدو
إلا عاد القسمة قالت ما فى زول بيختار بإيدو
يوم رجعنا لقينا فينا الفؤاد ما خلّى ريدو
هلي … يا ريدتنا أهلاً
ما بتنوب كان جيتى عايدة فجرى الآهات حبابا
قمريها…و امشي زايدة
العمر من غيرك انتهى اصلو عاد ما فيه فايده

**************************
المترار بدوي ابراهيم

تر يا ياولد .. ما الذكرى مترار للبعيد
افرد جناحك في الفضاء .. وغني للبلد
تر يا ولد .. من كل خيط نجمة سحر
تنتشر تباشير الصباح ..ونشوة صبية مع المراح في نهار خريفي
شالت مخاليها وأغانيها .. ومسادير البطانة
تر يا ولد .. لي يوم جميل جديد
ختّوهو في ايدك امانة
تر ياولد .. وأنسج شبابيك البيوت
علي حزة الضوء البتدخل وما بتفوت
نِم ياجني .. وانشر غناك عطرا سنا
بكرة بطل صباحات المني .. وحلتنا بكرة نحننا
تر يا ولد .. غنّي للبلد
غني للفرح البيرجع على صحوة الصبح الجميل
اترع الكاسات محبة .. غنّي للألق البيطلع
من مواعيد الأصيل
غني الحمائم والهديل
ولي الصهيل المن خيولنا الماشة في السكة القبيل
الماشة في السكة العديل

****************************
متخبيّة بشرى الفاضل

متخبيّة والناس شايفنك .. باباي ونخيل
متخبيّة والناس .. عارفنك قرآن وانجيل
وشقانا معاك انك طاويك الليل
لكن واردنك وراويانا ..
لا عيون تحزن لا دموع تسيل
يوم بكرة جميل ..
ضوايّ ووسيم
باكر دافر
ابدا لا اتغرب لا مسافر
يم بكرة جميل باكر ضوايّ
وجملتو الليل الما سوّاي
كان حاول يطمس اقمارو
يوم بكرة جميل ابيض ريحو
من قالو النيل يطمح طوفان
وتخاف من موجو تماسيحو
باكر ضوايّ .. باكر ضوايّ
كلماتو اناشيد وقيامة وغناه الحادي الهدّاي
وجميلتو الليل الما سوّاي
كان حاول يخسف اقمارو
يوم بكرة جميل .. يوم بكرة جميل
**************************
أقراك صاح عاطف خيري

أقراك مرة صاح
عكس احتشادك في الحضور
هل غاب معاك وعي الطريق
ام بيكي زكّاني الزمن
ماشيك وعارفك يا حريق
في يوم غماماتك بجن
فرهد غيابك اغنيات
وظلّلت اراضي اللقيا بور
وبلقاكي يا كل الطيور
مسجونة والحرية سور
وبلقاكي بيناتنا الثبات
وبيناتنا شمس البكرة في لحظة مخاض
خليني أقراك مرة صاح
طوّل الوجع رشّح مواطن العافية فيك
خلاني ارجع ابتديك
وأقراكي من كل الجهات
مابين أقابلك ومشتهيك
كان حلمك الاول ترف
وكنتي الصبية الغايبة في زحمة حجا
وكلمة شرف
وكنتي الزوايا الميتة في متحف خزف
وكنتي الوصايا العشرة واللون الشحيح
سمّيت مساحاتك حكر
كل البيحلمو بالشمس
فجّرت من واقعك عبث
سكنت فيك ضد السكون
كل الي فات ممكن يكون
وطارت ضفيرتك ليل غنا
وجدلة صبر .. وطولة نفس
مابين أقابلك وجيت عليك
كان عندي ليك
بس نحنا والجرح الثري
وخيبة أمل أم الشهيد
في الكلمة والوجه الجديد
وكان احتقان نبض الزمن
نومة طفل فوق الدمن
ياصاحية بي الحاصل علي
يانايمة عن فقري البلد
سمّيت مرافيك الوطن
صبحت مناحاتك نشيد

****************************

عنّك احكي بابكر الدسوقي

عنّك احكي وليك بقول للناس حكاية
رجعة الأمل المسافر
رجعة المساء في عيونك
عنّك التأريخ بيقول:
عينيك صحت للبقاوم في مشاوير العمر
والحديث الببدأ منك لي نهايتو بنتظر
وعدك حذر
وابتساماتك مشاتل
لحنك المجروح حكاية السمحة .. والحب .. والقدر
ياني مكتوب ليك وصية
دمي من دمك بقية
حزني شايل من عيونك إهتمامات الأسية
لما رحلت من عيونك دمعة المجد القديم
وشب قلبي الجوّه قلبك
جيت فوارس
جيت خيول
لما رحلت من سماء صفوك هموم
جيت مهاجر ليك طبول
عنّك احكي
وليك بقول للناس حكاية
وصاحت جذوة الترحال
نضح بالثوب
***********************
رحال د.طلال

مسام صبرك
فيا رحال
فتح زمن الخرافة عليك
بكى الاوتار
وغلب قمرك شقى الاحزان
من شجو الكلام المر
فتلت حبال شمس غابت
وغنيت آه
على وجع الوتر تبريح
غنى الأشجان
سالت الريح !!
علام الضل صبح مغلول ..؟
يضارع صبرو فى الأغصان ..
سألت الريح
ياضل الفضل مشلول
علام الخوف .. علام الخوف
فياريتك تفردى رضاك ..
على افاق معاك تحلم ..
ضلامها يزول
وترجع روعة الأزمان
على ولداً بريدك أنت يا الطوفان
علي بلداً وراك في الليل صبح غرقان
سألت الريح !!
فيا شمس الغد الفاتح لي أحضانك
حضن أشواق
ترك كحمامة في صدرك
****************************


عدل سابقا من قبل سهارى في الأحد مايو 25, 2008 9:20 pm عدل 1 مرات

سهارى
برونز
برونز

عدد الرسائل: 104
الموقع: ksa-dammam
المزاج: متقلب مع الظروف
تاريخ التسجيل: 14/05/2008

معاينة صفحة البيانات الشخصي للعضو http://www.sudaneseonline.org

الرجوع الى أعلى الصفحة اذهب الى الأسفل

مصطفى سيد احمد الى مالا نهاية

مُساهمة  سهارى في الأحد مايو 25, 2008 6:39 pm

شيخ تلب محمد طه القدال

يا شيخ تلب
حزينة وجوفك دم دم هزيل
حزنت وقلب الحازنك خلى
تعد الشفتيهو قديم …
وتملأ أحزانك قلبك ملي
وكل ما هبهب قاصدك نسيم ..
يلهب جلدك كضباً طلي
فطمت جناك وحضنك رحيم
وحنك تب ما صابو البليم
سمعت غناك وصوتك رخيم
شديد أوتارك زايد حلي
عرفت الحاسدك
عرفت الغم الصارلك نديم ..
وشفت الكون بي شوفاً جلي
لقيت الكاتلك كافر زنيم ..
وإنت وحيدك قلبك ولي
يا شيخ تلب.. أنزل كبكب وأرمي الحترب ..
في الميضنة
في الباردة تعب .. للحارة تسب (عجمان وعرب) ..
في الميضنة
دي الدنيا تهب شيرين ونضب ..للقبر حرق ..
في الميضنة
البس خضرب .. وادخل قصرب ..
وألحس .. وأشرب .. في الميضنة
لا تخشي ضرب لي سيدك حب لي يوسف جُب ..
في الميضنة
دقناً وشنب درويشنا يسوق تايوتا تكب ..
في الميضنة
يا شيخ تلب وين الزهلب الكانوا تلوك
ديل صبحو غرب أم أضحو جنب
في الميضنة
كبس الهم عليَ والحال قبض يا السيد
غبنا في كج وتادو جمبي معيد
مو جنا تجيب سلسل جنازرو تقيد
بلا غيبوبة البلد النصيح ومصيف
قمنا ثلاثة .. ود النوب وديك وعتيد
قلنا نكمل الفرض العلينا نشيد
جينا عليك يا المحبوبة شوقنا بأيد
بقينا ضهابي متل زولاً ضرير وقليل
ود تنوب دة بر كورو العليهو يشفق
بقي يتباطا في خطبة مشيهو يلفق
إن جاهو العلوق صيحة نفاقو تنفق
أصبح جدوة كل ما شافلو سلقة يصفق
وديك الجن رفيق همي وغناي وفني
سوي طريقو في نخبة وصبح متهني
ما هماهو باسط في سكرة يني
كل ما شافلو زفة جديدة فوقها يغني
يا عتيد الرماد نط الحيط بي الزانة
تقضي الخانة تلقي جنابو سيد الخانة
فارش دارو لي أسيادو بيت كرخانة
غافل ضبحة الفجر وجري السلخانة
ياحميد أقيف شوف الخلوق محنانة
كفكف دمعتك والعبرة فوت خنقانة
عسلك سال فوقو النحل ونانة
يود منطاق .. غرف جازاك .. دبابير …دانــة.

*****************************
وضاحة أزهري محمد على

الصباح الباهي لونك
وضاحة يافجر المشارق
غابة الأبنوس عيونك
يابنية من خبز الفنادق
شيدتي في جواي صوامع للفرح
وفتحت في دنياي مسارح للمرح
وبقيتي لى سكة وعيون
لاقدرت أطولك شان اجيك
لاقدرت من غيرك أكون
وأنا بيك مالينى الكلام
حركت بيك عصب السكون
جلبت ليك الغيم رحط
طرزت ليك النيل زفاف
حرقت ليك الشوق بخور
وفرشت ليك الريد لحاف
لا السكة بيك بتنتهي
ولامعاك مليت طواف
ياريتني لو اقدر أكونك
وضاحة يافجر المشارق
الصباح الباهي لونك
يابنية من خبز الفنادك
غابة الأبنوس عيونك


*************************

في عيونك أبو ذر الغفاري
.,
في عيونك ضجة الشوق والهواجس
ريحة الموج البنحلم
فوقا بى جية النوارس

ياما شان زفة خريفك
كل عاشق أدى فرضة
مافي شمساً طالعه طلت
الإ تضحكى ليها برضو

والغمام الفيكى راحل
فى الصنوبر يلقى أرضو
والصباح إمتد يا ما
كل ما جاوبتى نبضوا

فى عيونك ضجة الشوق والهواجس
نشتهيك ياما نحلم
نحكى ليك عن المسافة
وعن سفن بالشوق بترسم
فى بحيراتك ضفافها

عن ملامح غنوة طلت
فى عويناتك هتافها
وعن حقيقة نهاتى بها
فى أساطير الخرافة

فى عيونك ضجة الشوق والهواجس
ياصباحات الموانئ
حتى لو دربك ترنح
فى مشواير الأغانى
والجرح إرتد بينا
لى زمان الآهة تانى

يا نا لا بنتحاشى صدك
لا بتموت فينا الأغانى
يا غنانا المشتهنو
يانى موعود بزمانه
بى مواقيته البرنو
بإرتعاش صرخة وجودك

يوم يطل ميلادى منو
لما إتوسد صباحك
يا تو ليل يفصلنى عنو
********************
**********************
يا ضلنا يحيى فضل الله

يا ضلنا المرسوم
على رمل المسافة
وشاكى من طول الطريق

قول للبنية الخايفة
من نار الحروف
تحرق بويتات الفريق

قول ليها ما تتخوفى
دى النسمة بتجيب الأمل
والأمل بيصبح رفيق

والأصلو فى الجوف إندفن
لا بتنسى .. لا بنمحى
لا بنتهى منو الحريق

والفينا من آهات اليمة
فى حكاوينا القديمة
لا بيرحل عن عيونا
لا بتخشاه الهزيمة

والقبيل راجنو نحنا
يوم تبشر بيهو غيمة
لما تمطر يوم علينا

الفرح يملأ المدينة
والبيوتات الحزينة

*************************

حاجة فيك هاشم صديق

حاجة فيك
تقطع نفس خيل القصائد
تشده أجراس المعابد

توهتنى .. تعبتنى .. جننتنى

جننت حرف الكلام
وبرضو أدتنى السلام

حاجة فى شرف المدائن
فى غرف كل السفائن
جوه فى عمق المناجم والعيون

حاجة زى ما تكون
محلق فى العواصف
فجأة تهبط فى السكون

حاجة زى نقر الأصابع للوتر
لما ترتاح للموسيقى
حاجة زى أخبار
تناغم من جريدة

حاجة زى وتر الموانئ
لما يصدح لسفينة
حاجة فيك لا بتبتدي
لا بتنتهى

خلتنى أرجع للقلم
وأتحدى بالحرف الألم
وأضحك مع الزمن العريض

وأنسف متاريس الطريق
وأعرف متين أبقى المطر
وأفهم متين أصبح حريق

حاجة فيك

************************
عجاج البحر حسن بيومى

يراقصنى عجاج البحر
ترعد داخلى الأمطار
يكلمنى تراب الأرض
يشدد قلبى الأوتار

أغنيكم ... أغنيكم

أغنى جذوة النار التى فيكم
وألعن ذلك البرد المدثر
روحكم برماد موتاكم

أغنيكم ... أغنيكم

وأبنى فى عيون الشمس
مملكتى تناديكم
نسوراً تعشق الترحال
فى الآفاق تبغى الكون حرية

فإن شئتم

تعالوا الآن نرقص رقصة البدء

ونعلم أن نمد الكف
نحو الشمس بالدفء

تعالوا أيها الجوعى
تعالوا أيها الفقراء
****************************
****************************
وجيدة قريب اله محمد عبد الله

بعيد عنى
خطاك ما لامست وجه الطريق
ومشيتى ...... ومشيتى
لا فوق غيمة
لا ظنى ... بعيد عنى
كأنك من وراء صفحة زجاج مبلول
وراك الريح وقدامك
مدى السكة وندا المجهول
أنادى ليك ... وأنادى ليك
وجيدة ..... وجيدة
لا إتلفتي لا لوحتى بى إيديك
أنادى ليك
يجاوبنى المدى الفاتح مدارج الهم
بتبقى وجيدة طعنة سيف
موسدة فى شق السما المرسوم
وسادة دم
وتبقى إيدينا فى إيديك
وفى شعرك وفى المنديل
وفى إيديك بعيد عنى
**********************
نشوة ريد قاسم أبو زيد

نشوة ريد
إحساس إكليل
وردة وصلك جنة أصلك
نجم الليل الوصل جميل

نحنا مشينا الخطوة الأولى
وإنت معاى مشوارنا بيقصر
بكرة بنحكى الشوق للذكرى

نار الريد الغابت تظهر
الأطفال يا فاطمة بغنو
الأفراح لا بد من ترجع
الأحلام الدونك فاتت
لو واصلنا صباحا بيطلع

نشوة ريد إحساس إكليل
وردة وصلك جنة أصلك
نجم الليل الوصل جميل
****************************
هردت لهاتى محمد الحسن سالم حميد

سنى على النضال إيدي
سوكي بالهتاف فمي
شوارعك لي دويها على
إذا ما آخر العلاج الكي

مراويدك حمر حمي
هردت لهاتي بالغنوات
وقت يبرد حشاك يمي
من التعب البلا صالح

تفيقي .. تروقي .. تنجمي
تسوي مكانسك المطرة
تضوي البيت وتنحمي
تمرقي صبوحة للجيران

قدح فوق إيد وفي إيد المي
يلاقوك شفع الكتاب
ونصاف وظراف بلا النسمي
يغنولك غناوي الساب
وفي بيوضة ما في سراب

جبال كجمي وفيافي الكاب
تمر بالخضرة منقسمي
فيافي الصحي وبيوضة ..
المراسم فيها مفروضة ..
خضارة يراري شوف عيني ..

على الأبواب قماريها .. طواريها
جواريها .. بقت روضة
بقت تشرب من الحمداب
تشوفي رهاب بعد نجمي
وأشوفو قريب قرب نضمي
أشوف العالم التحتاني هيلاهوب

هد عمايد الفوقاني جو الجب ..
رمي العارض وقف ناهض
وفي السابو الدمار أفراد
عريق الحب نبض قابض
مثل فيض الحروف أسمي

سهارى
برونز
برونز

عدد الرسائل: 104
الموقع: ksa-dammam
المزاج: متقلب مع الظروف
تاريخ التسجيل: 14/05/2008

معاينة صفحة البيانات الشخصي للعضو http://www.sudaneseonline.org

الرجوع الى أعلى الصفحة اذهب الى الأسفل

رد: الراحل المقيم الاستاذ/ مصطفى سيد احمد

مُساهمة  Boka في الإثنين يونيو 02, 2008 12:07 pm

مشكور ياسهاري علي الكم الهايل من الاغاني المميزة .
شكلك حتعمل لينا تخمة غنائية,وبعدين بكون افضل
لو سردت لينا تعليقاتك او ذكرياتك مع الاغاني دي
ومايكون الموضوع (كط اند بيست)cut &paste
مع شكري وتقديري
BOKA

Boka
فضي
فضي

عدد الرسائل: 239
العمر: 38
الموقع: http://boka-bashagra.blogspot.com
تاريخ التسجيل: 19/05/2008

معاينة صفحة البيانات الشخصي للعضو http://boka-bashagra.blogspot.com

الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

صلاحيات هذا المنتدى:
لاتستطيع الرد على المواضيع في هذا المنتدى