احساسى بيك. انك هنا

محمد عمر الأربعاء أبريل 08, 2009 10:39 am

احساسى بيك.. انك هنا..

بين المسام متوسدة

العشق القبيل ..

يا سوسنة ..

احساس صغير ..

جادع ملامحو على رؤاك

عارفك تقية ومؤمنة..

اتنسمك الحان ..عبير..

اصوات..

موسيقى ..

ودندنة..

اسكن ملامحك ..

ومامهم لو صبحت

اماسيا بدون هنا..

ولو اضحت الايام

رتيبة.. ومحزنة..

ولو الصباحات البهية

الشاقة جنح الليل..

وضاوية بدون عنا..

تحلف تعاند .. فى الوصول.

يا رائعة ما نسيتك انا..

وانا راهنت بيك ..

يا ملهمة..

رجعة صدى..

الشوق المسافر

فى المدن البعيدة ..

ومبهمة..

ودا رهان موثق

فى الفؤاد ..

ح تظل عهودو مؤمنة..

قعدت احسب فى السنين..

ناسى الفراغات

البتنده كل زول..

زى زفة فى راس السنة..

وانسى افراح الاحبة ..

فى كل بيت ..

فى لمتم .. فى ضحكتم..

مليانة ريد ومحاننة..

احساس قليل ..

لو اوصفو..

وقسوة الايام على ..

لو كان صفو..

اهديك قوافى ملونة..

الإثنين	الثلاثاء	الأربعاء	الخميس	الجمعة	السبت	الأحد
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31