مرور عام علي انشاء المنتدي

قال تعالى وجعلناكم شعوبا وقبائل لتعارفو إن اكرمكم عند الله اتقامكم).
والله والله والله هذا اليوم يستحق فى تقديرى أن يحتفى به ...
حقيقة هذا المنتدى غير فينا وفى انفسنا الكثير من الاشياء .. والهمنا الكثير والكثير وغرس فى نفوسنا حب الوطن واعاده الينا والى وجداننا رغم انف المشاكل., والمشاغل..
فتعالوا اخوتى الى كلمة سواء .. فى وجه زمن النسيان والتشتت والانكسار والانذلال من اجل وطنا الكبير السودان ووطنا البشاقرة.
لنجدد اولاَ الدم فى عروق هذا المنتدى عبر المواضيع الهادفة وذات المعنى
ولكم ودى.

اول شئ كل عام ناس والمنتدي واهل البشاقرة بخير وفي تقدم
تاني شي نخصص التحية للاخ العبيد الطيب (المؤسس)بهذه المناسبة
وبعد دا نعتذر عن الغياب
وكمان بنرحب بالاخوة الاعضاء الجدد
ونقول للاخ فاتح حمد لله علي السلامة ومبروك التخرج
رغم انو ماعندنا تفاصيل .ونتمني لك حياة عملية سريعاً
بعدين يالفاتح اخوي كلمة (تزاوجو)جات من وين في الآية ؟
دا شكلو العقل الباطن
مع ودي للجميع

تسلم يا غالى يا بخارى واكيد طبعا ده العقل الباطن ... بعدين الموضوع بقى كل اعراس وتهانى
ومافى زول بقول الله يجيركم.
المهم مشتاقيين وبنغنى
الليلة ما جانى *** سافر ليبيا خلانى

كل سنه والبشاقرة بخير وكل عام وانتو طيبيييييييييييين
والله مناسبه سعيده الرجعت لينا بوكا والفاتح بعد غيبه واتمنى ان يتواصل معنا بقية الاخوه والاخوات
الاخ المدير / كتر الله خيرك على هذا العمل واتمنى المزيد من التقدم كما ارجو ان ترسل لكل الاعضاء رسائل وتحدد ساعه معينه لكى يسجلو اكبر عدد متواجد بهذا المنتدى والتشاور حول المنتدى 0التقيم 0المصاعب 0والحلول
مع خالص ودى

فقدابى

كل سنه ومنتدانا بخير
والجميع بخير
وتامين ولامين في ظل هذا المنتدي
ولكم التحيه
(الي جميع الاعضاء الرجاء التواصل دايما علي رفعت هذا المنتدي)

يا ناس انتو

وين انتو


ما بنتو

الثلاثاء قربت

وما اتفقنا علي حاجة

كل سنة ونحنا كلنا طيبين
بمناسبة إكمال المنتدي عامة الاول وحا أبدا لكم اولآ
بتنزيل إستايل فوق المنتدي او بمنعني ثاني
وضع صورة في واجة المنتدي إن شاء الله
وسوف يكون ذالك يوم غدآ الاثنين الموافق 19 ابريل 2009
ودمتم في امان الله








طـــــــــــرب

اخير من الغياب

ها نحن نسجل حضورا ومنتدانا يحتفل بمرور عام على انشائه
متمنين انا نراه كما نود . والشكر اجزله لصاحب الفكرة
الاخ العبيد الطيب ولكل اخواني الاعضاء على امل ان
تتواصل المساهمات والحضور الفعال .
مع محبتي

كل عام والجميع بألف خير
نتمنى ان تعود علينا اعوام هذا المنتدى بالخير واليمن والبركات
والتحية والتجلى (( والقومة)) للا ستاذ العبيد الطيب الزول الطيب , وهو غنى عن (الشكر) بكسر الشين والكاف والرا .
لدى ملحوظة صغيرة اتمنى من الاستاذ عبيد ان يعطيها بعض من اهتمامه وهى مسألة الاشراف فالعبيد رجل (( مسؤول ومشغول)) وهنالك بعض المشاركات التى (لاتحتاج) الى رقابة ولكن شئاَ من التنظيم والتنسيق فالمنتدى الآن هو واجهه للبشاقرة ومن غير المعقول ان تكون واجهتنا ((مشرتبة)) و(مبشتنه) وهذه تعبيرات مجازية فى سبيل التطلع إلى منتدى مثالى يحمل رسالة متطورة وفكر نير.
التحية لك منير عبد الرحمن والف مليون مرحب
والذكرة تنفع المؤمنيين

العزيز بخارى
السلام والاشواق والتحايا ليك
حقيقة قد قراءت ما كتبت من اول لحظة وكنت انتظر حتى يقراء هذا الموضوع اكبر عدد من رواد المنتدى فما تناولته بكلماتك القليلة هو فى الحقيقة يمثل عين الحقيقة وعين المقصود وإن كنا فى البداية غير واقعين فى تناولنا للقضايا والمستجدات ( البشاقراوية) وهكذا اصتدمنا بالواقع وكُشفت لنا الحقيقة وهى أن هذا المنتدى ليست مؤتمراً من مؤتمرات اثينا وليست هو ميدان الجمهورية وليست وليست...الخ.
فلنلتفت إلى المواضيغ الهادفة بقدر الحقيقة وليكن ملتقى للتعارف والتوادد والتلاقح الفكرى .

ونقول للعبيد برافــــــــــــــــو على الخلفية الجديدة

كيف يا شباب اسفين للغياب الطال بسبب ظروف العمل ومن شبكة الاتصال احياناٌ
ومن السفر لمناطق ليس بها حتى خطوط اتصال جميعها ظروف تكالبت لحرماننا من
التواصل مع الاخوة والاصدقاء
( كل سنة ومنتدانا اجمل )

بسم الله والحمد لله .اخوتى سمار المنتدى كل سنة وانتم طيبين والف مبروك للقائمين بالمنتدى وبقول للاخ العبيد ربنا يوفقك ولك الشكر على هذا العمل الجميل. وعقبال مليون سنة. ودتوكر