افتح واقرأ وقول رايك

السلام عليكم ورحمة الله تعالى وبركاته


صباح \مساء الخير


الموضوع ال ح افتحه دا امكن ما حصل فكرتو فيه وامكن فكرتو فيه لكن ما خفتو من

ال حيحصل بعد كدا , وامكن برضو اكون انا مكبر الحكايه يعني بالجد انا ما عارف .


طيب...................



لو يوم طلعت الشارع عشان تشم شوية هوا , لكن رجعت من برا وانت مكتوم


اوعى بس تقول(ياليتني ما طلعت)


ولو يوم شافع صغير يادوب اتعلم يلبس ملابسه سألك عن موضوع كبير انت يادوب


قريت عنه من يومين

اوعى بس تشحط عيونك وتفتح بوزك وتقول(الولد مثقف)



ولو سمعت لهجات كتيره وعجبتك واستعملتها


اوعى بس تنسى كلامنا ولهجتنا و ونستنا وتقول( تغيير)



ولو يوم كترت عليك العادات والتقاليد


اوعى تنسى عاداتنا وتقول (كدا تحضر)





احتمال تكونو الى الان ما فهمتو قصدي , ما علينا اوريكم.

؟

؟


؟

؟

؟



نحن يا ناس دخلنا عهد الانفتاح والعالم بأغلبه ح ينكب هنا عندنا



وعشان كدا نحن لازم نتمسك اولا بديننا الاسلامي وتعاليمه .



ثانيا عاداتنا تقاليدنا تراثنا الجميل لأنه الما عنده قديم ما عنده جديد.


ولازم نحافظ على السودانيات في داخلنا ,لازم لازم.


لازم نبقى عشره على المرؤه وعلى حب الخير , على التعاطف وعلى التناغم