مشاركه اهل البشاقره

السلام عليكم انا والله مبسوط جداً من إني اجد من اهل البشاقره هذا الترحيب وانا من ابنا قرية الدوينيب جنوب الحصاحيصا والسبب الاساسي الخلاني اكون من المشاركين معاكم في هذا المنتدي هو إحساسي بان هنا لك قاسم مشترك بيننا واللهو إننا من منطقه واحده الجزيره الخضراء علشان كده ما لقيت صعوبه في إني زي مابقولو بالغه المحليه كده( انداح معاكم ) والقي راحتي في الونسه والسمر معاكم فلكم التحيه دوماً يامن حرمتني الظروف من ان اكون واحداً منكم ولكنني واحداً منكم عبر هذا التواصل الجميل وإنشاء الله الواحد إتعرف عليكم عن قرب في الايام المقبله

ونحنا عشان القاسم المشترك البينا نهديك شوال ترحيب(مقاس شوال التبن)
وخليك منداح معانا دايما

البيت ده بيتك يا الحبيب.. أدخل مخير وماك غريب.. إن جيت ليل أو جيت دًغش طوالي أدفر الباب وخُش
دا طبعنا في البشاقرة.
ودي سماحتنا..
ودا طبع كل اهلنا الزنين...
وعقب نتلاقي كان المولي هون....

نحن الكرم ساسو وأساسو وحرفو
أنحنا الغريب بيناتنا ما بتعرفو
دحين يا (المطارد) ليك الشباب تب عرفو
وبى جيتك بلدنا...ناير مخضر جرفو
*****
مرحبا بك وسط أهلك

ياود التوم123 ورينا انت منو عشان نتواصل معاك
فالكلمات الجميلة القلتها في حق المطارد بتقول انك شاعر

تحياتى اخى المطارد واظنك بعد كده سوف تكفى شر المطاردين طالما
انك اصبحت بين اهلك واحبابك
تحياتى اخى حزيفه واظن ود التوم هو عبد الحميد التوم الطاهر
لا ن الضرب ضرب البلغاء والطعن طعن ابو محجن او كما تخيلت
لى كلماته الشعريه التى تدخل القلوب بدون اذن دخول له ولك ولضيفنا
خوالص التحايا

تحياتي ليك يا وليد و لي ود التوم وبالمناسبة دي نتمني من اخونا عبد الحميد
ان ينظم لينا قصيدة بمناسبة هذا المنتدي
فالظاهر الزول دا زول دوبيت ومسادير ساي

بلدى حبيبه...بلد الطيبه والناس النفوسها زكيِّه
بلد الخير وخيرها كتيييييير..زرع وضرع وسعيّه
البشاقره حضاره وجمال ونضاره..وبى أحلى الصفات مطريّة
وحلو الذكرى...الشدرات التلاته والبياره وشارع التريتير و..و..و..وكمان بابيّه
*****
شكرا يا أخوانى حذيفه و وليد وحبيب الله.فرحتى بالمنتدى كبيرة..وفرحة البشاقرة بكم أكبر
ومزيداً من الجهد ومعالجة هموم القرية حتى نلحق من سبقونا...!!