فريق المنتدي يجري تمارين مكثفة

يا ود الدقناوي والله ابوروان دة كلمة عندو بيات شتوي شوية علية .
ياخي دا بقي زي مزنب هالي.

والله ابور روان بقى الا امر علية الحول بطلع فى رسايلو ذى الزكاة
ادمن يا التريتير عندو مركوب شين شنة شديدة قاعدين نجدعو منو لما اكدرنا

والله يا جماعة ما كدا , لا بيات شتوي ولا هجران للمنتدي
لكن عندي هنا من يوم اشكالية كوابل البحر الابيض ديك
الانترنت ما ضاق عافية. الواحد عنده الرغبه يشارك يوماتي
لكن ما باليد حيلة .
تحياتنا يا ود الضو لناس سنجه الحبيبة

يا ابوروان ماء جايي السودان قريب قبل ما البحر يغطي الرمله وتتزكر فريق الامل الجيلاني التوم حاتم عثمان بدر الدين علي عصام الضو

ارجو من الجهاز الفنى تكثيف الاعداد للاعبــبن على الرمال قرب بحر البشاقرة لمزيد من الجرعات البدنية .

نحن يا حسبو بقينا نشتاق نشوف البحر مغطي الرمله وليس العكس
لى زمن ما شفت الرفاعي وهو فى عنفوان قوته وسطوته والله رغم
انه بيهدد اهلى لكن لما تشوف حاله وهو ترعه صغيرونه تكاد تنقطع
تحس بالاسي والحزن

و الله يا العبيد اجمل حاجة فى المنتدى التوثيق الذى تم فى التمرين الاخير واجمل حاجة الصورة بس الحاجة الوحيدة العابة الصورة المركوب . طبعا عصام الضوء قال لى والله ياء ود النيل لو ما بعاف كوت اكلت المركوب . طبعا انا بحاول بضرب عصام عشان كدا قال الكلام دا .
ملحوظة :-
امس لعبنا عشرة حريق اناء وحسام حسن والنو وحزيفة ادريس وشخصى الضعيف وكلنا شيلنا عشرة حريق والله الا حزيفة ادريس زول فصيح جنس فصاحة والله اكون فى عونه وطبعا مغلى غليان شديد وانا دايما بمرضو
وشكرا :,,,,

لقد جادت عليَّ الأقدار بأن أتصفح موقعكم العامر والذي تنم فكرته على فيض إبداعي وسيل من الأفكار النيرة التي دعت المصمم على بث ونشر هذه المبادرة والنقلة النوعية لأهلنا بالبشاقرة والتي ذاع صيتها وعم خبرها الريف والحضر وإقليمياً ودولياً.
لا تندهشوا كثيراً فأنا واحد من مجموعة تتمنى أن أن تزور البشاقرة نهاراً جهارا لتستمتع بالهواء العليل ورمال النيل والتسامر مع هاشم بخيت النيل( لكن يكون لابس كدارة مش مركوب) وهو صديقي وزميلي في العمل وقد دعاني لمعرفة منتداكم الرائع هذا.
عموماً أتمني أن تمتد بيننا أواصر الصداقة والتعاون الفكري بطريقة Win to Win حتى أستفيد من تجاربكم الثرة وأعرض عليكم تجربتي المتواضعة علها تفيد الأخرين.
أرجو أن تعتبروا هذه المشاركة هي عربون صداقة بيني وبينكم لمعرفة أعمق وتواصل جاد مثمر.
ولكم التحية والتجلة
سيف الدولة بشير عبدالله
الأمانة العامة للمجلس القومي للتدريب
الخرطوم
E_mai: saifeldawla2000@yahoo.com

الاف الترحاب يا اخونا سيف الدولة ونتمنى ان تبقى عضو فى منتدى البشاقرة
وليس عن طريق ابو مركوب
يا ود النيل صاحبك الكجاجة ماسكاهو من عيد الاضحى
الما مشى المطار منو

الزول الجاب ود النيل الي المنتدي سيتعب معاهو تعب شديد

وود النيل اكان الدرب سلك معاهو

الا تفوتو ليهو المنتدي

التحيه للاخ قائد الركب ( ادمن )
التحيه للاخوه اعضاء الفريق
الصورة جميلة لكن عليها بعض الملاحظات 0
1 /غير كاملة 2 / الاضاءة غير واضحة 3 / ماعرفت الا عبدالعظيم وحذيفة و واحد كدا ليهو اضنين التقول من ناس البشرى
يا عبد الحى انا من هسع سجلنى معاكم لكن لازم تجيبو لى رايه ( رجل خط )
فقدابى

شنو ياناس بعد مانغيب نحن تلتقطو الصور ياادمن والله بالغتو
والفنايل جيب لينا واحده مقاسنا

يا فقدابي معقول كابتن حسبو الصغير ما عرفتو ولاعصام الضو
ثانيا عبد العظيم غي موجود دا النو

بعد جهد جهيد استطعن ارجاع الصورة الي حجمها الطبيعي وبعد يا فقدابي ممكن نوريك الناس ديل منو

فريق المنتدى يجري تمارين مكثفة
هذا العنوان قديم جدا واخذ رواجا كبيرا ولكن انا لما دخلت عليه تخيلت ان هناك حاتكون في مباراة بين الفريق وفريق اخر او المشاركة فى دوري معين
لذا عاوزني نختبر قدراتكم دي وتلعبوا لينا مع فريق منافس واوع من الحمام الميت ولا تعملوا لينا دورة تكون باسم المنتدى وتدعوا فيها جميع فرق البشاقرة وما جاورها وبذلك يتكون هنالك دعاية مجانية للمنتدى

ياالتريتير الرواج اللقاه اسمك دا مافي موضوع لقاه .
لكن والله فكرتك جامدة باقامة دورة في الحلة بتنظيم من اعضاء المنتدي بمشاركة فريق المنتدي.
ونوعدك بالجلوس مع بعض الاعضاء للتفاكر حول الموضوع.

والله يا ترتر حصل ولعبنا مع فريق الهدف وانتهت المبارة بالتعادل بدون اهداف
اقتراحك جميل لكن فى رائى الخاص ان تقام الدورة بين اعضاء المنتدى فى السودان واعضاء المنتدى
المغتربين بعدين انا اخترت كدة لانو فريق المنتدى ناسو كبار وكدة ولا يمكن ان نلعب مع فرق بتتمرن
يومى وجميع الفرق لاعبيها صغار السن الله لا قدر لو انكسر واحد من هذة الِفرق واكون كسرو العبيد
يقولو هسه اللعب الولد الصغير دا مع الناس الكبار ديل شنو
فهو اقتراح ليس إلا مفتوح للجميع ليدلو بدلوهم
الإجازة تجى وناس ود الدقناوى وفقدابى وابو روان وانت يا ترتر
إجو ونلاقيكم

غايتو الكاسات والكور الجابا الدفعلابى دى بتنفع للدورة
لكن لو لقينا مباراة بين ناس المنتدى فى السودان هنا والمغتربين بعد ما يطلقتو بكون احسن

يا مصعب شكيتك على منو تشيل وتجيب لينا فى المحن نحن فاهمنها
لكن التريتير اليومين ديل ما لاقي لية موضوع قاعد اجرجر فينا
فى ماجة وكلمة اتلقتو دى ما بريجنا فيها والا عشان انا قلت كدة
اقوم إصرف النظر عن اتلقتو
قال ما بعرف ماجة