بشاقرة نفر
المواضيع الأخيرة
» منأشدة للاحياء المنتدى
الأحد أغسطس 16, 2015 2:23 am من طرف ود النيل

» المنتدى مهمل
الأحد أغسطس 16, 2015 1:44 am من طرف ود النيل

» صباحات ...... غادة فؤاد السمان
الإثنين أبريل 07, 2014 4:32 pm من طرف غادا فؤاد السمّان

» ليش بسكر الجوال تخاف من الهواء البارد حول الف ريال - قصيدة
الثلاثاء فبراير 26, 2013 12:46 am من طرف محمد احمد عويضة

» الصديق أبو إدريس الرجل الذي فقدناه
الجمعة نوفمبر 23, 2012 10:52 am من طرف ايهاب عبدالفتاح محمد

» من المحسى للاهل بالبشاقرة شرق
الجمعة نوفمبر 23, 2012 9:33 am من طرف ايهاب عبدالفتاح محمد

» بشائر الفضل الإلهى فى العقيدة
الأحد فبراير 12, 2012 10:02 am من طرف انورفؤاد

» فقيد البشاقرة
الخميس سبتمبر 29, 2011 3:25 am من طرف ود الفعج

» عــــــــــــــــــــــــــــدنا
السبت أغسطس 06, 2011 2:25 pm من طرف Admin

بحـث
 
 

نتائج البحث
 


Rechercher بحث متقدم

التبادل الاعلاني
أكتوبر 2018
الإثنينالثلاثاءالأربعاءالخميسالجمعةالسبتالأحد
1234567
891011121314
15161718192021
22232425262728
293031    

اليومية اليومية

المتواجدون الآن ؟
ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 400 بتاريخ الثلاثاء يونيو 19, 2012 6:41 am

أنا لا وارغو ولا افياني

اذهب الى الأسفل

أنا لا وارغو ولا افياني

مُساهمة  الزعيم في الإثنين يناير 12, 2009 6:39 am


من تيم الشوف الضيق ضقت
إتأملت الحال المايل
وشفت الناس في خصام وقبايل
فكيت تسجيلي بايدي وعقلي
وأتسجلت في تيم الشعب الثوري الغالي
وأنا أصلي مصحصح وود تفتيحة
ولاعب فقري
مرقت سريع من ضيق الحارة
للميدان الواسع دوغري
أنا لا وارغو
ولا إفياني
لا ود طمبل لا مساوي
إتسجلت بحق طعمية
شراب مقدود ..وكدارة هدية .. وكيس تمباك
وإتفننت أكون رأس حربة
وإتجننت عديل في المحور
وإتقطعت أكون مساك
إتراقبت كتير بالصف
وإتكعبلت كتير من خلف
ولأني خميس ود كوة العاتي
أقع وأقوم كمكان سداري
تقول عجلاتي


وقعت كتير لكني وقفت
حاورت دفرت بعزم الشعب
وصلت المرمي
كم سددت ..كم سجلت.. كم دافعت
كم مررت .. كم قومت نفس عراضة
مع اني مراقب ديمة بلاعب
لاصق فيني كأنو قرادة
ومرات ممسوك بي زول عتالي
جابوهو عشاني خصوص من مالي
شعارو الغالي لا باص لا بصة
يتابع يراقب تقول مرسال من جهة مختصة
لكني طرحتو .. جمعتو .. قسمتو
جدعتو بعيد في برة الخط
إتمدد يقنت زي ضكر البط


ولأنو الكورة والدنيا الصعبة
بحر ممدود لا حد لا شط
إتعذبت في درب الواقع
أكتر وأكتر
التحكيم الفاشل ياما
شهر في وشي الكرت الاصفر
ومرة الاحمر
وجرايد النقة كانت أخطر
ألف إشاعة وكم شماعة
سموم وحراب .. دمار وخراب
كم سووني بعت وخنت
أو ساومت وإتقاعست
بعت قضية قبضت رهاب
وإتهافت عديل لي والي
أو دقيت في السر لي باب
وإتوسلت عيون أرباب
مع إني خميس ود كوة العاتي
ود تفتيحة .. مصحصح وفقري
مرقت عديل من باب الحارة الضيق ضايق
للميدان الواسع دوغري
فكيت تسجيلي بإيدي وعقلي
وإتسجلت في تيم الشعب
الثوري الغالي
avatar
الزعيم

عدد الرسائل : 34
العمر : 29
تاريخ التسجيل : 10/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أنا لا وارغو ولا افياني

مُساهمة  حسب الرسول مبارك في الإثنين يناير 12, 2009 6:54 am

يالزعيم قصيده جميله ان شاء الله تكون حقت ونقول منتدي الشعرا والكتاب
avatar
حسب الرسول مبارك
فضي
فضي

عدد الرسائل : 330
العمر : 43
العمل/الترفيه : محام
تاريخ التسجيل : 08/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: أنا لا وارغو ولا افياني

مُساهمة  الفاتح الطيب في الثلاثاء يناير 13, 2009 1:46 am

ادهشتنا يازعيم بس انت منو؟
عموما هاك الجدعة دى


انا لاوارغو ولا افيانى
لكنى اكيد زول سودانى
انا ما اتجنست
عشان المال
ولا شان الشهرة وقيلة وقال
جنسيتى حقيقة وجدانى
انا فخرى00
المنجل وطورية
والقومة الدغش الفجرية
وشعارى العزة الحرية
وأموت شان خاطر اوطانى
بضحك مبسوط00
مرفوع الراس الحس الصوت
ما خايف الشر00
متحدى الموت00
فى الجد والجد00
انا زول تانى00
وكلام الناس ما همانى00
لو كان فى وارغو وافيانى
avatar
الفاتح الطيب
برونز
برونز

عدد الرسائل : 150
العمر : 32
الموقع : toohatooh@yahoo.com
المزاج : عادى جداً
تاريخ التسجيل : 07/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى