احلام زلوط الهلالي

حدي اشعر بالسعادة......... امشي واختار البعاد
هكذا القم بها اسد المريخ الجسور سفاري السهم الناري صحفي الوصيف اللطيف...
قام الارباب(القسام) مشى لي فكي قال ليهو عندي لاعب داير اسجلو...........
الفكي قاليهو ياقسم اقصد ياصلاح تقوم تجيب لي تلالة حاجات:
اها الارباب قاليهو التلات حاجات ديل شنو ياسيدنا الفكي:
الفكي قال ليهو (اول حاجة تجيب لي سبيبة من شعر لاعب ماسورة)
الارباب قاليهو دي مقدور عليها (بالرغم انو حفياني فات لكن مامشكلة دى سوزا في اصلو عوجة مافي )..
اها االفكي الحاجة التانية شنو؟
الفكي قال ليهو تجيب لي حفنة نجيلة من كدارة محترف سعرو مليون دولار اواكتر...؟
قام صاحبنا صنقع ودنقر ودر وغبى وقال يالفكي دا الا تنتظر علي شوية لحدي مايجي (وارغو) بتاع الجماعة ديل اقوم اشحد الوالى يجيب لي النجيلة دي........
اها الفكي الحاجة التالتة شنو ؟
قاليهو الحاجة التالتة تجيب (درابة) من استاد فيهو طابقين ....
طبعا الارباب احتار اكتر وقال للفكي الاستاد الفي طابقين في السودان استاد واحد هو استاد المريخ لكن ياخ
استاد المريخ دا مافيهو (دراب) ياشيخانا مامكن اجيب ليك من زريبة العيش حقتنا دي ساي..........
وبعد مجموعة من الايمان المغلظة والقسم العظيم رضى الفكي وقال لي الارباب والله لو ماخايف تنسحب بعد ما اديتني العربون انا كنت مابوافق لكن خلاص شيل الحاجات دي وختاه تحت مخدتك وتعال كلمني الصباح باللاعب البتشوف سجلتو في الحلم....................
قام صاحبنا الارباب جا الصباح للفكي وقاليهو ....................
ياشيخنا الفكي والله انا حلمت اني سجلت (سفاري ).............
طبعا عارفين الفكي قاليهو شنو..................

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!؟؟؟
عجبى............