بشاقرة نفر
المواضيع الأخيرة
» منأشدة للاحياء المنتدى
الأحد أغسطس 16, 2015 2:23 am من طرف ود النيل

» المنتدى مهمل
الأحد أغسطس 16, 2015 1:44 am من طرف ود النيل

» صباحات ...... غادة فؤاد السمان
الإثنين أبريل 07, 2014 4:32 pm من طرف غادا فؤاد السمّان

» ليش بسكر الجوال تخاف من الهواء البارد حول الف ريال - قصيدة
الثلاثاء فبراير 26, 2013 12:46 am من طرف محمد احمد عويضة

» الصديق أبو إدريس الرجل الذي فقدناه
الجمعة نوفمبر 23, 2012 10:52 am من طرف ايهاب عبدالفتاح محمد

» من المحسى للاهل بالبشاقرة شرق
الجمعة نوفمبر 23, 2012 9:33 am من طرف ايهاب عبدالفتاح محمد

» بشائر الفضل الإلهى فى العقيدة
الأحد فبراير 12, 2012 10:02 am من طرف انورفؤاد

» فقيد البشاقرة
الخميس سبتمبر 29, 2011 3:25 am من طرف ود الفعج

» عــــــــــــــــــــــــــــدنا
السبت أغسطس 06, 2011 2:25 pm من طرف Admin

بحـث
 
 

نتائج البحث
 


Rechercher بحث متقدم

التبادل الاعلاني
أغسطس 2018
الإثنينالثلاثاءالأربعاءالخميسالجمعةالسبتالأحد
  12345
6789101112
13141516171819
20212223242526
2728293031  

اليومية اليومية

المتواجدون الآن ؟
ككل هناك 0 عُضو متصل حالياً 0 عضو مُسجل, 0 عُضو مُختفي و 0 زائر :: 1 روبوت الفهرسة في محركات البحث

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 400 بتاريخ الثلاثاء يونيو 19, 2012 6:41 am

قصيدة بشاقراويه

اذهب الى الأسفل

قصيدة بشاقراويه

مُساهمة  الفاتح الطيب في الإثنين ديسمبر 15, 2008 1:41 am

عز الفجر
ألقمره كانت عندنا
فترانه بتقاسى الرقاد
حزنانه عايشه مع الصبر
كايسه المحنه مع العباد
بتشتم الليل العنيد
وبتلعن القهر الجبر
وتعاند السهر السهاد
وانا صوتى مل من الغناء
واطياف حبيبتى المدمنه
وفترت من زرع المنى
زى زرع ابوى من كم سنه
وراجى الخريف ياريت ينور من هنا
وانا ذاتي زى الما انا
حياتى كلها فى المطر
واشواقى من لون الخطر
واغنامى من كتر البكاء
حزنانه قلبها انفطر
مين عود الغنم الحزن
غير صمتى00واوجاع السفر
عكازى مل الانتظار
ومركوبى ماشاف النهار
ومخلايتى والتعب الحطب
وسكيني مابترضى الهزار
والسنبر اب قدوم رجع
قال لى ابوك يادوب زرع
وانا من بكاى حتى الصدى
اتحاشا السمع
والحله كلها تشتكى
من صوتى فى عز الفجر
شايل عصاتى ومتكى
قدمت افواج الصباح
وغشيتو شارع المدرسه
انا ماقريت00 زى الغنم
لكن هى جد متونسه
وانا وحدتي ورثه من عم جدتي
واحزانى عادت مِعزتى
وطباعى مازى البشر
معروف زمان بى حدتى
لملمت نعلاتى الغبش
وسألت روحي من البرد00
شن لما قسوتو والدغش
والحله لسه ماصحت
وعيونى من طول السهر
ضاعت ملامحها وانتهت
وحمارى فتح مندهش
سروالى والحبل الحمل
كوز مويه واطراف ترتعش
وفريقنا من ميتين نفر
ماصلى زول غير ابكر
وعمى اللمين دكانو فاتح بالسنين
اليله نايم مستكين
والخلوة كتاحة الرماد
مافيها من مدح الرسول
كتر من الصلوات وزاد
00عز الفجر00 الحله شكلها زى غريب
وبيوتا متفارقات بعاد
بانت متين شجرة سعاد
وبيوت حسن ظاهرات جداد
وغنم العبيد ماربطن
وبقرة على وبكاء بت عماد
ومرقت والرهبه الخيال
بيت ناس عمر مسكون جوان
لفيت بشارع ناس فلان
انا مابخاف لكنى مامصلى العشاء
والبومة فيهو معشعشه
وانا كرهتى إبليس اللعين
الحله شكلها جد غريب
لا ضجة لاصوت الدبيب
انا كارهو حمام الصباح
والقومه تقديمة المراح
بس لازم امشي أقابلها
واصرارى كان سبب البلاء
وانا ماش على شارع البحر
راجعت فكرى بديت اعيد
انا مالى هسه بقيت اريد00
ولعنت كم قلبي البليد00
ومشيت على البحر العنيد00
هدم جروفنا وبهدلا
وباقيلو ناس عمى الر شيد
من شافنى أتصبب مطر
وانا عارف أسرار البحر
كم مره جبتو معاى سكر
وانا عارف إننا فى الهوى
عاشقين عبير بت بابكر
خجلان سكت00
والضفه مكسوره اشتكت00
وعيون من ماشفتو فيه
زعلت بكت000
وغطست بليت العروق
ومرقت فى الاحلام اسوق
بردان وملهوف بترجف
ياريتنى مانسى الوصف
اول درب قبلى الحرازات والجرف
000المدرسه00
حافظ طريقها ومشيتا
وبريق سنونا وضحكتا
ودرب نعالها وطرحتا
وانشاالله بس ماتغيرو
فكرنا زين00
ان والمنى الشوق والحنين
وكتين تجى لازماقول00
القمره ضماها الافول
وشمسنا طلعت بالفرح
000ولمحتها 00
ماظاهرة تشبه قوس قزح
وقلبى رفرف وانشرح
حلفت ايدى بالحرام 00
ماتترجف ساعة السلام
وحزرت عينى من الكلام
ومليت جوارحى الالتزام
جرجرت عكازى اتكيت
سكينى بتلاكز زعل
وطاقتى طارت بالامل
وهى ماشة جات متسرعه
حاولت اوقف ارجعه
ضرب الجرس وخطواتا زادت مسرعه
وواصوات خطاها السامعه
ومع اناشيد العلم00
وقفت مكسور ياوطن00
مفجوع وعذبنى الالم
فاتت هى واتلاشى الحلم
ورجعت للبحر العجوز وانا منكمش
ابكى وامش00
وربابتى من كتر الغنى00
مكسورة منتظره النهار
غير الغنا الفتر المشى
من ريدا ماباقيلى شي
والحله كلها تشتكى
من صوتى وكتين اتكئ ا
الفاتح الطيب حسونة
2005-11-18
avatar
الفاتح الطيب
برونز
برونز

عدد الرسائل : 150
العمر : 32
الموقع : toohatooh@yahoo.com
المزاج : عادى جداً
تاريخ التسجيل : 07/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة بشاقراويه

مُساهمة  Admin في الإثنين ديسمبر 15, 2008 8:03 am

يكفي انك رائع


وكفي
avatar
Admin
Admin

عدد الرسائل : 484
تاريخ التسجيل : 20/04/2008

معاينة صفحة البيانات الشخصي للعضو http://bshagra.mam9.com

الرجوع الى أعلى الصفحة اذهب الى الأسفل

رد: قصيدة بشاقراويه

مُساهمة  ود الدقناوي في الإثنين ديسمبر 15, 2008 9:07 am

التحية لك اخي الفاتح وانت تتحفنا بهذه القصيدة الرائعة ، فإذا هذه القصيدة من نظمك الخاص فانت بجد إضافة حقيقية لرواد الشعر في السودان وشعرك ينحو منحى الشاعر القدال ، فأتمنى لك التوفيق وهنئاً لنا ولاهلك بالبشاقرة فإلى الامام دوماً .
بالتوفيق

مع خالص تقديري
avatar
ود الدقناوي
فضي
فضي

عدد الرسائل : 350
العمر : 47
تاريخ التسجيل : 05/08/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة بشاقراويه

مُساهمة  الفاتح الطيب في الإثنين ديسمبر 15, 2008 10:29 pm

شكراً ود الدقناوى شكراً سفيان
وشكراً (ادماين)000فمنكم نقتبس الادب الجميل 00
ومعكم يحلو السمر00 وياها حال اولاد حلتنا 0
avatar
الفاتح الطيب
برونز
برونز

عدد الرسائل : 150
العمر : 32
الموقع : toohatooh@yahoo.com
المزاج : عادى جداً
تاريخ التسجيل : 07/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة بشاقراويه

مُساهمة  مصعب معطى في الثلاثاء ديسمبر 16, 2008 2:32 am

التحية لك الفاتح الطيب وانت تدشن مشاركتك بهذه القنبلة الشعرية التاريخيه (طبعا ماقنبلة طه سليمان) واعتقد انك حتطفينا عديييييييييييييييييييييييييل كده ولكن كلو يهون فى سبيل ان نكون.
اجد نفسى مجبرا اكثر من غيرى للرد على هذه القصيدة ونيابة عن ناظمها اقول بانها فعلا من كلمات القادم بقوة الفاتح الطيب , ويكفى انه امس الاول قد بث له التلفزيون القومى فيديو كليب اطفالى كان هو كاتب اغنيته وادته مجموعة من المغنين من الطفال .
مهما يكن من امر اعتقد ان الفاتح بدا الان فى جنى ثمار صبره ولم يستعجل الانطلاقة ,ولطالما كان لايلتفت الى المحبطين الذين كانو لايرون فى مايقوم به سوى انه (فايق وماعندو شغلة) باعتبار اننى اكثر شخص لازمته منذ المرحلة الابتدائية وحتى مرحلة التخرج ,لكن فعلا العارف عزو مستريح.
واعتقد ان هذه ستكون البداية فقط والقادم اكيد خطير.
على كل امسكو الخشب.
avatar
مصعب معطى
فضي
فضي

عدد الرسائل : 210
العمر : 32
تاريخ التسجيل : 19/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة بشاقراويه

مُساهمة  ود الدقناوي في الثلاثاء ديسمبر 16, 2008 3:01 am

التحيه لك أخي مصعب والتحية لشاعرنا الفز الفاتح ونتمنى له التوفيق وذي ما قلت يا مصعب هناك محبطين للأسف في مجتمعنا السوداني وكثير من شبابنا لهم مواهب بسبب هولاء المحبطيين فشلوا فأتمنى من الأخ الفاتح أن لا يلتفت اليهم .
عندي اقتراح بسيط بتمنى من الاخ الفاتح والاخ مصعب باسم المنتدى أن يدوزنوا هذه الخواطر ويعملوا لينا كورال جميل من فلذات اكبادنا اطفال البشاقرة بدلا من ان يدوها اطفال لا نعرفهم اصلاً منها إحياءً للنشاط الثقافي بالبشاقرة وانتشاراً لاعمال الفاتح( لعل الفكرة تنجح ونسمع بإسم الفاتح وفرقته وهو على الفضائيات )

مع خالص تحياتي


عدل سابقا من قبل ود الدقناوي في الثلاثاء ديسمبر 16, 2008 6:57 am عدل 1 مرات
avatar
ود الدقناوي
فضي
فضي

عدد الرسائل : 350
العمر : 47
تاريخ التسجيل : 05/08/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة بشاقراويه

مُساهمة  Boka في الثلاثاء ديسمبر 16, 2008 3:48 am

لله درك اخي الفاتح الطيب (الدوش) ماهذا الابداع يافتي
وماهذه الاغنية الشجية اسمح لي بان اضفت الدوش لاسمك
وكما تعلم هو الشاعر الرقم عمر الطيب الدوش تشابه في
الاسماء والاقوال .
اتمني منك اخي فاتح ان تجعل البشاقرة محور افكارك دوماً.
نتمني ان نسمعك وان تصدح بكلماتك مع كبار ادباء بلادي
مع ودي واعتزازي
بخاري حبيب الله

_________________
عندى شوق لى نيلنا والاهل والحلة
bokhari habib Alla abbas
avatar
Boka
فضي
فضي

عدد الرسائل : 239
العمر : 42
الموقع : http://boka-bashagra.blogspot.com
تاريخ التسجيل : 19/05/2008

معاينة صفحة البيانات الشخصي للعضو http://boka-bashagra.blogspot.com

الرجوع الى أعلى الصفحة اذهب الى الأسفل

رد: قصيدة بشاقراويه

مُساهمة  مصعب معطى في الأربعاء ديسمبر 17, 2008 12:53 am

التحية لك الاخ العزيز ودالدقناوى واحيطك علما بانه قد كان هنالك كورال فعلا باسم البشاقرة قام بتكوينه الاخ ابو عبيدة شيخ ادريس وكان قد بدا بداية قوية لكن لا ادرى لماذا توقف الان .
ويالفاتح رايك يشنو فى الاقتراح دا
avatar
مصعب معطى
فضي
فضي

عدد الرسائل : 210
العمر : 32
تاريخ التسجيل : 19/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة بشاقراويه

مُساهمة  ود الدقناوي في الأربعاء ديسمبر 17, 2008 1:03 am

لك التحية أخي مصعب
بتمنى أن تكرروا المحاولة مره أخرى وتجتمعوا أنت والفاتح والأخ ابوعبيدة وتتناقشو في هذا الموضوع وتقوموا بعمل معاينة لاختيار العناصر المشاركة . أمكن ابوعبيدة يكون واجه ما واجه اخيه الفاتح بس الموضوع يحتاج لمن يحفز . واليد الواحدة ما بتصفق.

مع التحية
avatar
ود الدقناوي
فضي
فضي

عدد الرسائل : 350
العمر : 47
تاريخ التسجيل : 05/08/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة بشاقراويه

مُساهمة  مصعب معطى في الأربعاء ديسمبر 17, 2008 1:14 am

لك التحية ود الدقناوى مثنى وثلاث ورباع وتاكد انو اقتراحك حيكون موضع التنفيذ وليس النظر بس ياريت الفى الصورة دا لو ولدك يكون صوتو كويس ,ولا رايك شنو Laughing Laughing Laughing Laughing
avatar
مصعب معطى
فضي
فضي

عدد الرسائل : 210
العمر : 32
تاريخ التسجيل : 19/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة بشاقراويه

مُساهمة  ود الدقناوي في الأربعاء ديسمبر 17, 2008 2:14 am

أكيد هو ابني محمد وابوعبيدة هو عمه لازم تكون اذنه موسيقية ، معليش لو ما البعد لكان مشاركاً

لك التحية وتحياتي لابوعبيدة من على البعد وياريت يشاركنا في هذا المنتدى
avatar
ود الدقناوي
فضي
فضي

عدد الرسائل : 350
العمر : 47
تاريخ التسجيل : 05/08/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة بشاقراويه

مُساهمة  عبدالحى الضو في الأحد ديسمبر 21, 2008 2:47 pm

العندو محبة ما خلى الحبة والما عندو محبة ما عندو الحبة
شكرا الفاتح
avatar
عبدالحى الضو
ذهبي
ذهبي

عدد الرسائل : 563
العمر : 38
الموقع : Blu Nile State
العمل/الترفيه : lead.Sales Supervisor
تاريخ التسجيل : 11/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة بشاقراويه

مُساهمة  محمد عبد المحمود -العيدج في الأربعاء ديسمبر 24, 2008 10:20 pm

التحية لك اخي الفاتح

انت لس رائعا فقط

بل الاروع .......



ودمت اخي منارة باسقة تضئ الديــــــــــاجر
avatar
محمد عبد المحمود -العيدج

عدد الرسائل : 7
العمر : 38
الموقع : UAE
تاريخ التسجيل : 23/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة بشاقراويه

مُساهمة  الرومانسي في الثلاثاء يناير 06, 2009 4:44 am

لك التحية الاخ العزبز (جبرا) وانت تعطر المنتدى بهذه القصيدة الرائعة بكل ماتحمل هذه الكلمة من معنى...........
لكن ادفع نص عمري واعرف بت بابكر دي منو.........
ماتقولي حبوبتي وكدة ....في حبوبة اسمها عبير...
والى ان نلتقي........
avatar
الرومانسي

عدد الرسائل : 70
تاريخ التسجيل : 21/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: قصيدة بشاقراويه

مُساهمة  خالد نافع في الثلاثاء يناير 06, 2009 4:57 am

لك التحية الأخ الحبيب الفاتح ..
والله كل ما أقرا ليك موضوع في المنتدي بكتشف شئ جديد من الثقافة ،
ولاسيما الثقافة التي أحبها دائماً (أعني الشعر ) فأنت لاتحتاج إلي وصفنا لك بالإبداع ،
ولكن حروفك التي تكتبها هي التي تصف إبداعاتك ، فأنت الأروع دائماً ودامت إبداعاتك ،
فلك التحية االإحترام .
avatar
خالد نافع

عدد الرسائل : 29
العمر : 32
تاريخ التسجيل : 30/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى