بشاقرة نفر


انضم إلى المنتدى ، فالأمر سريع وسهل

بشاقرة نفر
بشاقرة نفر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
المواضيع الأخيرة
» منأشدة للاحياء المنتدى
اغنية تشبه البشاقرة Emptyالأحد أغسطس 16, 2015 2:23 am من طرف ود النيل

» المنتدى مهمل
اغنية تشبه البشاقرة Emptyالأحد أغسطس 16, 2015 1:44 am من طرف ود النيل

» صباحات ...... غادة فؤاد السمان
اغنية تشبه البشاقرة Emptyالإثنين أبريل 07, 2014 4:32 pm من طرف غادا فؤاد السمّان

» ليش بسكر الجوال تخاف من الهواء البارد حول الف ريال - قصيدة
اغنية تشبه البشاقرة Emptyالثلاثاء فبراير 26, 2013 12:46 am من طرف محمد احمد عويضة

» الصديق أبو إدريس الرجل الذي فقدناه
اغنية تشبه البشاقرة Emptyالجمعة نوفمبر 23, 2012 10:52 am من طرف ايهاب عبدالفتاح محمد

» من المحسى للاهل بالبشاقرة شرق
اغنية تشبه البشاقرة Emptyالجمعة نوفمبر 23, 2012 9:33 am من طرف ايهاب عبدالفتاح محمد

» بشائر الفضل الإلهى فى العقيدة
اغنية تشبه البشاقرة Emptyالأحد فبراير 12, 2012 10:02 am من طرف انورفؤاد

» فقيد البشاقرة
اغنية تشبه البشاقرة Emptyالخميس سبتمبر 29, 2011 3:25 am من طرف ود الفعج

» عــــــــــــــــــــــــــــدنا
اغنية تشبه البشاقرة Emptyالسبت أغسطس 06, 2011 2:25 pm من طرف Admin

بحـث
 
 

نتائج البحث
 


Rechercher بحث متقدم

التبادل الاعلاني
مارس 2024
الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
25262728293031

اليومية اليومية

المتواجدون الآن ؟
ككل هناك 17 عُضو متصل حالياً :: 0 عضو مُسجل, 0 عُضو مُختفي و 17 زائر :: 1 روبوت الفهرسة في محركات البحث

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 400 بتاريخ الثلاثاء يونيو 19, 2012 6:41 am

اغنية تشبه البشاقرة

+3
عبدالحى الضو
ابو روان
Boka
7 مشترك

اذهب الى الأسفل

اغنية تشبه البشاقرة Empty اغنية تشبه البشاقرة

مُساهمة  Boka الأربعاء ديسمبر 10, 2008 3:39 pm

اهديكم ونفسي هذه الاغنية الجميلة والمميزة واطلب منكم قراءاتها بهدؤ ونت تقراء تخيل نفسك قاعد تحت (الحرازة) منتظر البانطون اسرح تفكر فيها وغوص بها ستجد فيها الامل والحب الجمال والقيم والاخلاق والنصح وكلام الكبار وعشق الارض والوطن وحب الصغار والمعاني السامية والخاصة بكل شخص ستجد فيها والترتير وبابية والبحر والرملة والحفر والبهائم وكل شئ باختصار ستجد ان هذه الاغنية مفصلة علي البشاقرة وتخاطب احساسك بالبلد فهي تشبه البشاقرة .اقراءها واستمع اليها ان امكن واكتب لنا احساسك بها
الاغنية من كلمات الشاعر محمد طه القدال وهو من قرية حليوة بالجزيرة(تشبه البشاقرة) وتغنيها مجموعة عقد الجلاد
اسمها للبحث عنها ( الطمبارة والغناي )
......................
نحن اهل الفرحه جينا
لاالمدامع وقفتنا ولاالحكايات الحزينه
لما درب الرايحه جابنا جابنا في هادى المدينه
ياولدى الدروب شقاقا بحر التيه
ليك درب ولا دربين مساك الدروب ضهاب
ليك قلب ولا بالين وسواى القلوب كضاب
ليك ضهر ولاسرجين ركاب السروج وقاع
شق ياولدى بحر التيه بتتدردر وتتودر
ولامن يوم علي تايتنا ديك ترسي
نعزك بالقبيل داخرنو ليك
الشوق بحر ياولدى بحراً تيه
قت ليك العليك ادرابو لا تنغش ولا ترضابو لاتنغش
في الزمن الزمين والكي يسوهو خلاف عشان الني
عليك الدور وتصريف الليالي بدور تشيل ما شلنا من الهم
ولا من دمعه ترمي الدمعه فوق دربك
روح يابا .. وابق قفاك لاتعاين ولاتعاين علي موطاك
ولا تندم علي خطوا تملي مشيتو لى قدام
وابقي العاتي زى سنطتنا زى صبرا نلوك فوق مرو زى الزاد
لاشيتاً نزل في الجوف ولابرجع ولا بنزاد
واركز للبجيبها الريح تقيف انت ويشيلها الريح
وابقي العاتي والدرب الوراك مسدود و شيل شيلتك
بقيت للنص لاحلما بجيب البر ولا حدود
وانبليتا اختا الرمله ما تقع البكان الهش
هي الممطوره مابتبالي من الرش
النعمه بتعرف عاطيها والجمره بتحرق واطيها
بالكيله عطانا و ما لقينا فوق جمر خطانا وما لقينا
يوم الوعد ياحليوه فيك الدنيا ما كانت شروق
الا الارض متكشفه متبلمه نعمنو من خير الخريف
لافحالها شال منطرحه خضرا وفرحه دوب تتشابي لي عين الشمس
من بت حليوه النفس بيضا كذا الحليب
والروح مشحتفه في البلود الفيها ريحتك
للبعود من فزعة الغربة البساسق فوكا
مو راجع ولا بالحيل قريب
الروح مشحتفه في الحبيب القلب بكر الدنيا ما شافت جديدو
ولا الحزن دقالو باب
وشفتي كيف يوم الوعد كيفنو مترامي الغمام
والقمري زغرد للبلوم النسمه هبت مرتين
يا حليوه يوم دقيت بارضك فاس خصيب والتانيه في
يوم الوعد والايد تسالم في الايدين
والام تقالد فوق جناها تشمو زين
وحليوه صاحيه حليوة ضاحيه كذا النسيم
والدنيا غيم وحليوة جد جد ياولد قول للبلد
قايل غناوي الحزن ليش شايل مساديرك مجامر دمع ليش
ليش يا بلد والناس تريد والدنيا كل ما نريد تزيد
تملا الايدين تفرح تهش
لو صحيح غنينا بالدمعه الحميمه ولو دموع الفرحه ما لاقت غنانا
بكره نرجع تاني للكلمه الرحيمه شان هنانا شان منانا
شان عيون اطفالنا ما تضوق الهزيمه
Boka
Boka
فضي
فضي

عدد الرسائل : 239
العمر : 48
الموقع : http://boka-bashagra.blogspot.com
تاريخ التسجيل : 19/05/2008

http://boka-bashagra.blogspot.com

الرجوع الى أعلى الصفحة اذهب الى الأسفل

اغنية تشبه البشاقرة Empty رد: اغنية تشبه البشاقرة

مُساهمة  ابو روان الخميس ديسمبر 11, 2008 2:57 pm

لله درك يا ود الامام وانت تتحفنا بواحدة من درر مبدعنا المعطون بحب تراب بلدي القدال
سمعته للمره الاولي وانا فى بواكير الصبا فى المرحله الثانوية فى مسدار ابو السره لليانكي
ومن يومها وانا مشدود لكل حرف يخطه .
والاغنية زي ما قلت تحس وتشم فيها ريحة البشاقره الحنينة وتهيج لواعج الذكري
للمكون وصابر زينا
والروح مشحتفه في البلود الفيها ريحتك
للبعود من فزعة الغربة البساسق فوكا
مو راجع ولا بالحيل قريب
اه منك يا زمن النزوح مالك علينا يا قدال وامل الرجوع الوحيد البيضخ الدم فى شرايننا
والقدال ياهو القال
من فرحى البي قلعت الخوف وكستنى بسالة
قت ليها النية متين نتلم والحال بطالة
قالت لى غنية وإنت معاى مستورة حالة
بت سودانية محبوبتى ولفتاتا غزالة
مع محبتي وودي

ابو روان
برونز
برونز

عدد الرسائل : 119
تاريخ التسجيل : 23/04/2008

الرجوع الى أعلى الصفحة اذهب الى الأسفل

اغنية تشبه البشاقرة Empty رد: اغنية تشبه البشاقرة

مُساهمة  عبدالحى الضو الجمعة ديسمبر 12, 2008 9:38 am

والله يا بوكا دا كلام جميل شديد لكن كلام زول متوجع من الغربة
النصيحة ليك يالله ما جانى اى احساس انا قايل عشان ما مفارقين البلد دى
ناس فى الغربة بكاية
عبدالحى الضو
عبدالحى الضو
ذهبي
ذهبي

عدد الرسائل : 563
العمر : 44
الموقع : Blu Nile State
العمل/الترفيه : lead.Sales Supervisor
تاريخ التسجيل : 11/06/2008

الرجوع الى أعلى الصفحة اذهب الى الأسفل

اغنية تشبه البشاقرة Empty اغنيات تشبه البشاقرة اعجبتني

مُساهمة  Boka الإثنين فبراير 02, 2009 6:03 am

اغنية الجريف واللوبيا للرائع الصادق الياس غناء احمد الجابري
هذه الاغنية عندما استمع اليها تعود بي الي ايام الصبا وذكرياته حيث نتسلل الي البحر عندما تتعطل البيارة تجدنا اسعد الناس بذلك وبعد انتهاء اليوم الدراسي كان اغلبنا يشد الحمار لنقل الموية بـ(الخروج اوالجركانات) واهم شئ الرواقة (السبخة) لمن البحر يكون زائد والموية محمرة كما لا انسي منظر البنات وهن جالسات صفوف صفوف بمحاذاة الشاطئ يغسلن الهدوم ويشرن في القيف (الحصحاصة)نساعد احيانا ًعندما تطلب منا احدي الاخوات ان تلوي (تجفف) معها توب او عمة .وبي هناك كما بابيا( اللوبا) والبقور(الخواضة والطين) والسلب (البطيخ) والجزيرة القيزان (النبق) ليد ود الواو (القديلو وخااالة)ووووالخ ....آه ثم آه من ذلك الزمن الجميل مرتع صبانا وطفولتنا بين هذه المعالم التي تدمع اعيننا كلما طوفنا بتذكارها اردت ان اعود بكم الي ايام الصبا برغم اختلاف الاعمار الا ان اننا جميعنا من اكبر زول بالمنتدي وهو(.....) الي اصغر زول ولدنا (الحمدي) نتلاقي في هذه الاغنية فلكم التحية جميعاً وللبشاقرة الحب والوفاء
اليكم نص الاغنية:
..................
عندى شوق لى نيلنا
والاهل والطيبة
الجريف واللوبيا
وباقى ذكرى حبيبة
غشة الصفصاف
القايمة عاملة الزريبة
هو المغطى القيف
فوقه روعة عجيبة
ياسواقى بلدنا
وينو صوتك مالو
وينو قارع مويتك
غنى باسم حالــــو
وين غسيل النيل
و شر هدومو فى رمالو
وينو ماضى الحله
وين ومين الشالو
كان زمان ندلى
لما كنا صغار
من فريع لى فريع
نقطع الاثمار
كان بحرنا نعومو
ناس كبار و صغار
فينا طيبة القرية
ومافى كان اسرار
وينو صوت الساقية
الكان يشق الليل
وين نخيلنا الرامى
الظلال فى النيل
وين وين دفيقا
الكنا منه مشيل
وين جداول الموية
الجارية زى السيل
يا بحر حلتنا
فى رمالك ذكرى
لابتشيل الموجه
ولا بتفارق الفكـره
الجريـف و اللوبيـا
Boka
Boka
فضي
فضي

عدد الرسائل : 239
العمر : 48
الموقع : http://boka-bashagra.blogspot.com
تاريخ التسجيل : 19/05/2008

http://boka-bashagra.blogspot.com

الرجوع الى أعلى الصفحة اذهب الى الأسفل

اغنية تشبه البشاقرة Empty رد: اغنية تشبه البشاقرة

مُساهمة  Admin الإثنين فبراير 02, 2009 1:01 pm

يا اخي شغلت البحر دي يتعمل رواية عديل كدي يا بخاري استفيد من زمنك وحاول اكتب واكتب واكتب

كدي بيني وبينك ما دمعت وانت نكتب

تحياتي الي نور الدين
Admin
Admin
Admin

عدد الرسائل : 484
تاريخ التسجيل : 20/04/2008

https://bshagra.mam9.com

الرجوع الى أعلى الصفحة اذهب الى الأسفل

اغنية تشبه البشاقرة Empty رد:

مُساهمة  huzyfa الإثنين فبراير 02, 2009 11:18 pm

والله يا بوكا بعد بكاك دا الشافك في البلد دي قريب ماكضب.
huzyfa
huzyfa
فضي
فضي

عدد الرسائل : 232
تاريخ التسجيل : 04/05/2008

الرجوع الى أعلى الصفحة اذهب الى الأسفل

اغنية تشبه البشاقرة Empty رد: اغنية تشبه البشاقرة

مُساهمة  عبدالحى الضو الخميس فبراير 05, 2009 2:27 am

لو استفدت من زمنك دا يا بوكا بتبقى شاعر مرهف الحس
عبدالحى الضو
عبدالحى الضو
ذهبي
ذهبي

عدد الرسائل : 563
العمر : 44
الموقع : Blu Nile State
العمل/الترفيه : lead.Sales Supervisor
تاريخ التسجيل : 11/06/2008

الرجوع الى أعلى الصفحة اذهب الى الأسفل

اغنية تشبه البشاقرة Empty رد: اغنية تشبه البشاقرة

مُساهمة  حسب الرسول مبارك السبت فبراير 07, 2009 2:00 am

يبوكا ما قصرت خليت ابو روان كتب
حسب الرسول مبارك
حسب الرسول مبارك
فضي
فضي

عدد الرسائل : 330
العمر : 48
العمل/الترفيه : محام
تاريخ التسجيل : 08/06/2008

الرجوع الى أعلى الصفحة اذهب الى الأسفل

اغنية تشبه البشاقرة Empty رد: اغنية تشبه البشاقرة

مُساهمة  وليد الطيب قسم السيد الخميس مايو 14, 2009 7:22 am

سبحان الله

الجريف واللوبيا بالفعل بتمثل لى البشاقرة ولقد اتعبت اخونا بدر الدين
وكل ما ييمسك العود بطلبها منو....
وين غسيل النيل
و شر هدومو فى رمالو
وينو ماضى الحله
وين ومين الشالو
كان زمان ندلى
لما كنا صغار
من فريع لى فريع
نقطع الاثمار
كان بحرنا نعومو
ناس كبار و صغار
فينا طيبة القرية
ومافى كان اسرار
وينو صوت الساقية
الكان يشق الليل
وين نخيلنا الرامى
الظلال فى النيل
وين وين دفيقا
الكنا منه مشيل
وين جداول الموية
الجارية زى السيل
يا بحر حلتنا
فى رمالك ذكرى
لابتشيل الموجه
ولا بتفارق الفكـره
الجريـف و اللوبيـا
فعلا سيدى بخارى يا بحر حلتنا فى رمالك ذكرى لابتشيل الموجه ولا بتفارق الفكرة

وليد الطيب قسم السيد

عدد الرسائل : 92
العمر : 49
الموقع : ksa
العمل/الترفيه : قمة التطوير
المزاج : بمبى
تاريخ التسجيل : 24/04/2008

http://www.sudaneseonline.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى