مصلى العيد

امتازت البشاقرة بترابط اهلها وتواصلهم خاصة فى موسم الاعياد
وكان العيد فى منتصف السبعينات اجمل بكثير
النوبة بقيادة المرحوم السيد سراج النور
والقرن بقيادة المرحوم حسون
وتسير الزفة من ميدان السهم النارى الى الجامع الكبير
بالنسبة للقرن بقى كل الاطفال حسون نسبة لكل طفل اباة اشترى لة صفارة ومسدس بقى القرن ما مشكلة
اذا يا جماعة الخير لم نضف للعيد شيئا بل خصمنا اشيئا من الزمن الجميل
فليس مطالبين بالنوبة او القرن
بل مطالبين باراحة المصلين فليس من المعقول ان ياتى الفرد ويصلى على التراب فهذا منظر غير حضارى ولا يشبة البشاقرة
فانا ما زلت اذكر منظر جلابية ود الدقناوى وحاتم عثمان وهم ينفضون التراب من على جلاليبهم
لذا اقترح من هذا المنتدى ان نقوم بحملة تبرعات عاجلة لشراء اكبر عدد من الفرشات ويا حبذا فى هذا العيد
وانا اول المتبرعين وبعدى المغتربين طبعا الجيلانى ما بصدقنا عشان حق الجمارك بتاع فرش الجامع ما اندفع
ولا اهمك يا الجيلانى المرة دى صادقين واخص من دون المغتربين ابو روان لانو بصلى معانا عيدين فى السنة ولو السنة فيها
10 اعياد بصليهم معانا لذا ارجو شاكرا الاهتمام بالموضــــــــــــــــــــــــــــــــــــــوع
والمشاركة بالقروش اولا" حتى الردود

هسه يا عصام اخوي منتصف السبعينات دي فيها ليها داعي ؟؟؟ كنت تخلى الحكاية فى الماضى
ساي عايمة كدا .لكن والله فعلا العيد فى البشاقرة كان ليهو رونق وطعم افتدقناهو كتير اشتقنا
للسلام الكتير داك لما تفتر وحيلك ينهد .انا غايتو اصله من ما قمت ما جبت معاي مصلايه من
البيت ولا صليت فى واطه ببساطه تقنع الفى يمينك والفى شمالك يختو المصالى - جمع مصلايه -
بالعرض وتتحكر انت فى النص . اقتراحك فى محلو يا عصام يلزمنا فرش ثابت ونسال الله العيد
الجاي نكون حاضرين معاكم .

خطة ( أ )
يا جماعة الحركة مفروض تكون سريعة نحن هنا فى سنجة حنبداء من بكرة فى جمع التبرعات من جميع االافراد الذين
ينتمون للبشاقرة وهم
عبدالفتاح اسحاق/زياد على / خلف على / اسحاق الضو /عمار الضو / خالد عمر بالاضافة لعصام وانا
على جميع الاعضاء ان يذكرو ابنا البشاقرة فى المناطق الاخرى وجمع التبرعات
والفرش ما غالى يا جماعة ابناء البشاقرة كتار ماشالله
هسه يا المغتربين مفروض تكونو عارفين انتو كم
ويا الدفعلابى مفروض تكون دى مهمتك وورينا همتك
والموضوع فى سنجة محسوم ممكن تسالونى منة
خطة ( ب )
فى حالة تاخر الفرش الجامع بة فرش كتير ممكن نستعين بة اى زول اقنع حسن عبدالرحمن حسن
انا انشالله جاهز ان اتى بالفرش وارجعو الجامع
من يقنع حسن علية ان يتصل بى عبر التلفون او المنتدى
مع خالص حبى للبشاقرة

بحمدالله لقد وصلت السجادات البشاقرة والذى تبرع بها ابن البشاقرة البار الجيلانى التوم
على اعضاء المنتدى ان يشكرو الجيلانى بمزاجهم
اما انا سوف اشكرة على تلبية اول مساهمة لى اولا و سرعة تنفيذ الطلب ثانيا
مشكووووووووووووووووووووووووووووووووووووور يا جيلانى
حيث وصلت عدد 40 قطعة تتسع لى 25 شخص
اى 40×25 = 1000
يعنى 1000 شخص لن تتملى جلاليبهم يا ود الدقناوى هذا العيد
وهذة محمدة للمنتدى بعد مدرسة البنات

بسم الله ولله الحمد. الشكر والتقدير للاخ عصام الضو على هذا العنوان الجميل الذى يلم كل اهل البشاقرة من رجال ونساء واطفال .اخى هذا موضوع مهم جدا وانشاء الله وبعونه يتم طرحه لكل فئة المغتربين من اهل البشاقرة ومحبيها.وسوف يتم الرد عليه باسرع وقت ممكن .والشكر لكل من يذكر اسم البشاقرة.والشكرللاخ عبدالحى الضو وبقول ليك انشاء الله وبعون الله سوف اتولى هذا الموضوع بنفسى _ ولاى استفسار الاتصال على الرقم0913288529 ودتوكر.,والشكر للاخ الجيلانى التوم وربنا يديم الصحة والعافية.

(الخير علي قدوم الواردين)
أجمل بوست وأسرع استجابة وأفضل عمل
الشكر :
للاخوين ود الضو و الجيلاني التوم علي
هذه الخطوة المباركة باذن الله
جعلها الله في ميزان حسناتكما
هكذا دوماً ابناء البشاقرة المخلصين

مشكور يا ود الحاجه على سرعة الاستجابة لطلب اخونا وحبيبنا ود الضو
وهذا هو عهدنا بك دوما سريع النهمه فى امور الخير . موضوع مصلى
العيد دا نحن بنطلع منو غايته نخليهو بينك وبين سيد الاقتراح
- بين كابتن الامل والامين العام - انت قطعت النص والباقى
على الامين العام وهو لها باذن الله
وربنا يجعلها فى ميزان الحسنات
مع اكيد حبي وتقديري

جعله الله في ميزان حسناتكم

فى ميزان حسناتكم باذن الله حفظ الله ابناء المنطقة البررة وقر بهم اعين اهلهم وذويهم نعم الترابط والتاخى هنيئا لكم