بشاقرة نفر
المواضيع الأخيرة
» منأشدة للاحياء المنتدى
الأحد أغسطس 16, 2015 2:23 am من طرف ود النيل

» المنتدى مهمل
الأحد أغسطس 16, 2015 1:44 am من طرف ود النيل

» صباحات ...... غادة فؤاد السمان
الإثنين أبريل 07, 2014 4:32 pm من طرف غادا فؤاد السمّان

» ليش بسكر الجوال تخاف من الهواء البارد حول الف ريال - قصيدة
الثلاثاء فبراير 26, 2013 12:46 am من طرف محمد احمد عويضة

» الصديق أبو إدريس الرجل الذي فقدناه
الجمعة نوفمبر 23, 2012 10:52 am من طرف ايهاب عبدالفتاح محمد

» من المحسى للاهل بالبشاقرة شرق
الجمعة نوفمبر 23, 2012 9:33 am من طرف ايهاب عبدالفتاح محمد

» بشائر الفضل الإلهى فى العقيدة
الأحد فبراير 12, 2012 10:02 am من طرف انورفؤاد

» فقيد البشاقرة
الخميس سبتمبر 29, 2011 3:25 am من طرف ود الفعج

» عــــــــــــــــــــــــــــدنا
السبت أغسطس 06, 2011 2:25 pm من طرف Admin

بحـث
 
 

نتائج البحث
 


Rechercher بحث متقدم

التبادل الاعلاني
ديسمبر 2017
الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
25262728293031

اليومية اليومية

المتواجدون الآن ؟
ككل هناك 0 عُضو متصل حالياً 0 عضو مُسجل, 0 عُضو مُختفي و 0 زائر :: 1 روبوت الفهرسة في محركات البحث

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 400 بتاريخ الثلاثاء يونيو 19, 2012 6:41 am

شـــــــاي المــــغــرب

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

شـــــــاي المــــغــرب

مُساهمة  Admin في الإثنين أغسطس 18, 2008 1:10 pm

شاي المغرب اصبح مثل حصة الرياضيات في المدرسة ولكن الفرق بينهما ان مادة الرياضيات تدرس في اول الصباح وشاي المغرب يشرب اول المغرب وما يجمع بين الاثنين ان مادة الرياضيات تعدل مزاج الذين يعشقون هذه المادة ولكن من( يكجنونها )تصيبهم بغمة ولكن يبقي شاي المغرب برنامج ثابت في بيوت البشاقرة بعد المغرب وان كان الانسان يشرب في اليوم اكثر من كوب شاي لكن طقوس شاي المغرب تختلف عن كل شاي .
واجمل مافي شراب شاي المغرب انه اصبح له بعد اجتماعي عجيب اذا يتوافد الكثير من الاصدقاء والاصحاب الي بيت احد منهم لشرب شاي المغرب ونجد ان كل امراة تحاول ان تثبت انها خير من يجيد عمل شاي المغرب حتي اصبحت اسر كثيرة جدا مشهورة بعمل شاي المغرب اذا يتمني الكثير منا شرب شاي المغرب في بيت محدد وهنا لا اسمي ولكن اعرف كثيرا من الاخوة انه يستمتع بشرب شاي المغرب في بيت محدد .
لا اعرف من ابتدع شاي المغرب ولكن اصبح روتين يومي في كل البيوت واجمل انواع هذه هو الشاي( ابو قنانة ) ومن المؤسف ها النوع بدا يختفي بعد ظهور شاي لبن البدرة حيث لا تحث بنكهته ولا طعمه ويشرب دون اي تكييف وحتي صار يشرب في وقت في الاسواق .


نواصل
avatar
Admin
Admin

عدد الرسائل : 484
تاريخ التسجيل : 20/04/2008

معاينة صفحة البيانات الشخصي للعضو http://bshagra.mam9.com

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  الرومانسي في الخميس أغسطس 21, 2008 8:02 am

لك التحية الاخ admin وانت تعطر هذا المنتدى بمواضيعك الشقية و التي تمتاز بسهولة التناول ودسامة المضمون ....... واريد ان اضيف ان شاي المغرب هو روتين قومي (ان صح التعبير ) ولعل ذلك يظهر جليا في اغنية حديثة للمطربة نانسي عجاج ومن كلمات الاستاذ طارق الامين بعنوان بلدا هيلنا والتي تقول احدى ابياتها
في العصرية شفع مارقة لي العابا
والشاي في المغارب ذكرياته صبابا
.....................
لكن بيني وبينك الشاي (ابوقنانة ) دا دايما بيكون (عز الطلب) .
avatar
الرومانسي

عدد الرسائل : 70
تاريخ التسجيل : 21/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  Boka في الجمعة أغسطس 22, 2008 2:13 pm

التحية لعموم اهل البشاقرة وهم يتميزون بعاداتنا السمحة ويتواصلون اجتماعياً في شكل راقي يحكي روعة اهلنا وتلاقيهم في جلسات اسرية واخري تجمع اصدقاء كـ(منتديات ثقافية ودينية) .
لكن ياادمن شاي ابوقناية دا نحن ماحضرناه (عشان العمر وكدا) ممكن تعرفوه انت و سكوك وابوروان ووليد الطيب و(اندادكم).
وكمان اضيف للرومانسي ان هناك اغاني كتيرة لابوعركي كاغنية الشاي البقول فيها (حبيبي الليلة جانا وشرب الشاي معانا ....) وكمان عندو اغنية ياقلب(مرة شاي عصرية في طرف الغمامة)وعندو برضواغنية(تسوي ليكم بايدينا شاي جالبالكم ضئ القمرة ومخبية في جيوب النيل متي ماتدوروا بترويكم ومامكن تخليكم ....) يكون ابوعركي دا من البشاقرة ونحن ماعارفين؟
وهناك رائعة عقد الجلاد :الشاي باللبن براده لابس تاج صينيته الدهب ترقش كبابي زجاج
ويبقي الشاي من اهم سمات ثقافة البشاقرة التي نتمني ان تستمر رغم ظروف الحياة.
avatar
Boka
فضي
فضي

عدد الرسائل : 239
العمر : 42
الموقع : http://boka-bashagra.blogspot.com
تاريخ التسجيل : 19/05/2008

معاينة صفحة البيانات الشخصي للعضو http://boka-bashagra.blogspot.com

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  Admin في الأحد أغسطس 24, 2008 1:24 pm

بخاري بيني وبينك تتكيف تشرب الشاي وين

انا بصراحة بتكيف اشرب الشاي عند ناس (الطيوب ) الطيب حسن احمد دفع الله
avatar
Admin
Admin

عدد الرسائل : 484
تاريخ التسجيل : 20/04/2008

معاينة صفحة البيانات الشخصي للعضو http://bshagra.mam9.com

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  Admin في الإثنين ديسمبر 15, 2008 12:06 pm

يا كاربينو حذيقة بشرب الشاي وين

لكن انت قالوا بتتحاوم في فريق ورا
avatar
Admin
Admin

عدد الرسائل : 484
تاريخ التسجيل : 20/04/2008

معاينة صفحة البيانات الشخصي للعضو http://bshagra.mam9.com

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  Boka في الثلاثاء ديسمبر 16, 2008 3:24 am

Admin كتب:بخاري بيني وبينك تتكيف تشرب الشاي وين

انا بصراحة بتكيف اشرب الشاي عند ناس (الطيوب ) الطيب حسن احمد دفع الله
التحية مجدد للبشاقرة واهلها وكمان لشاي اللبن
انا بحب اشرب الشاي مع الوالدة (بت ابو النجا)
لكن لو عزمتنا ياادمن عند ناس الطيوب ح نلبي الدعوة
وبيني وبينك اجمل حاجة يعزموك شاي مغرب

_________________
عندى شوق لى نيلنا والاهل والحلة
bokhari habib Alla abbas
avatar
Boka
فضي
فضي

عدد الرسائل : 239
العمر : 42
الموقع : http://boka-bashagra.blogspot.com
تاريخ التسجيل : 19/05/2008

معاينة صفحة البيانات الشخصي للعضو http://boka-bashagra.blogspot.com

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  وليد الطيب قسم السيد في الثلاثاء ديسمبر 16, 2008 11:15 am

تحياتى وحبى وشوقى للجميع

تعرف انا قبل ثلاثه ايام شارب شاى عند ناس حداد

وحات ابوك من يوم اتولدت ما شربت مثلو ولغاية لحظتى دى بتزوق فى طعمو

من على البعد يعطيك العافيه يا لجلاد

وليد الطيب قسم السيد

عدد الرسائل : 92
العمر : 43
الموقع : ksa
العمل/الترفيه : قمة التطوير
المزاج : بمبى
تاريخ التسجيل : 24/04/2008

معاينة صفحة البيانات الشخصي للعضو http://www.sudaneseonline.com

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  Boka في الثلاثاء ديسمبر 16, 2008 12:43 pm

تحياتي بحجم الوطن لك اخي وليد
وانت تنعم بدفء البشاقرة والاهل
غايتو لو قبلنا علي شكير النسابة
اظن الموضوع بجر كتير ولاشنو
ياطالباب المنبر؟

_________________
عندى شوق لى نيلنا والاهل والحلة
bokhari habib Alla abbas
avatar
Boka
فضي
فضي

عدد الرسائل : 239
العمر : 42
الموقع : http://boka-bashagra.blogspot.com
تاريخ التسجيل : 19/05/2008

معاينة صفحة البيانات الشخصي للعضو http://boka-bashagra.blogspot.com

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  حسب الرسول مبارك في الأربعاء ديسمبر 17, 2008 7:51 am

انا غايتو بحب شاي الرواعيه لكن المحيرني ناس السوق الشعبي شاي المغرب بدور من العصر دي ايحلوها كيف ؟
لكن يابخه لدوليد جدو الفكي الطاهر والزول نسيبك بنضمو لطالباب المنتدي ظهر عصام الضو ومصعب عبد المعطي وين ما تفتح موضوع بتلقي طالبابي
avatar
حسب الرسول مبارك
فضي
فضي

عدد الرسائل : 330
العمر : 42
العمل/الترفيه : محام
تاريخ التسجيل : 08/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  شريف محمد الحسن العيدجابى في السبت فبراير 07, 2009 3:44 am

لينا الله وعيشة السوق(العاصمة) حرمتنا من الحلة وشفع الحلة وشاى المغرب وكورة العصر وفطور الجمعة والكسرة البقينا نشتريها بالكيس زمان يا ود ريا امى الله يرحمها كانت بتعوس جردلين وبالحطب جانا الدافوق والدافورى حليل زمان وناس زمان وايام زمان حليل الكان
avatar
شريف محمد الحسن العيدجابى

عدد الرسائل : 58
العمر : 47
العمل/الترفيه : تلفزيون السودان
تاريخ التسجيل : 16/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد:

مُساهمة  huzyfa في الأحد فبراير 08, 2009 12:14 am

نتفق كلنا مع الاخ بوكا انو الموضوع لو جاب لية شكير نسابة بجر كتير , لانو يا وليد نسابتك لو جابو ليك شاي بارد مسيخ بتشربو وبشكرم كمان ولا شو.
avatar
huzyfa
فضي
فضي

عدد الرسائل : 232
تاريخ التسجيل : 04/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  التريتير في الأحد فبراير 08, 2009 11:48 am

ودي حصلت فعلا عندما كان احد الاصدقاء فى زيارة لناس راقييين كدا ولكن كان في وقت الظهيرة يعني شاي الظهر ومعروف انه حايكون سادة فالمهم صاحبنا متعود دائما يجيبوا ليه الشاي مطعم فى بيتهم ولكن عند الجماعة ديل السيرمس يلمع والسكر فى سكريه راقية ومعها معالق صغيرة وا حلاته،،،زولنا على طول قام كبّ الشاي بدون اي يضيف السكر وعندما رشف الرشفة الاولى حسّ بطعمه مسيخ جدا وخوفا للاحراج وعشان ما يعرفوا الجماعة انه زول بلدي ساكت قام قرطع ليك الكباية ديك كلها لمن مصارينه اتقطعت
avatar
التريتير

عدد الرسائل : 65
العمر : 45
تاريخ التسجيل : 08/01/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  مصعب معطى في الإثنين فبراير 09, 2009 12:44 am

التريتير كتب:ودي حصلت فعلا عندما كان احد الاصدقاء فى زيارة لناس راقييين كدا ولكن كان في وقت الظهيرة يعني شاي الظهر ومعروف انه حايكون سادة فالمهم صاحبنا متعود دائما يجيبوا ليه الشاي مطعم فى بيتهم ولكن عند الجماعة ديل السيرمس يلمع والسكر فى سكريه راقية ومعها معالق صغيرة وا حلاته،،،زولنا على طول قام كبّ الشاي بدون اي يضيف السكر وعندما رشف الرشفة الاولى حسّ بطعمه مسيخ جدا وخوفا للاحراج وعشان ما يعرفوا الجماعة انه زول بلدي ساكت قام قرطع ليك الكباية ديك كلها لمن مصارينه اتقطعت
طبعا الجماعة لمن سالوهو لى شرب الشاى مسيخ قال ليهم والله انا قلت امكن طعامكم اصلو كدة
avatar
مصعب معطى
فضي
فضي

عدد الرسائل : 210
العمر : 31
تاريخ التسجيل : 19/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  عبدالحى الضو في الثلاثاء فبراير 10, 2009 2:11 pm

غايتو انا معزوم لى شاى من ما بدينا تمارين الرملة وقدر ما اجى امشى يا اعتز الشخص المعنى يا اكان فى موضوع حال
دون ذالك
لكن خائف الشاى دا بعد المعاناة دى اطلع مسيخ يا التريتير اها رائك شنو امشى لية والا اجلى الموضوع
avatar
عبدالحى الضو
ذهبي
ذهبي

عدد الرسائل : 563
العمر : 38
الموقع : Blu Nile State
العمل/الترفيه : lead.Sales Supervisor
تاريخ التسجيل : 11/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  مصعب معطى في الثلاثاء فبراير 10, 2009 11:12 pm

ياكاربينو انت الشاى دا قاعد تزوغ منو براك صح
avatar
مصعب معطى
فضي
فضي

عدد الرسائل : 210
العمر : 31
تاريخ التسجيل : 19/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  عبدالحى الضو في الثلاثاء فبراير 10, 2009 11:17 pm

طيب الجابوهو فى الرملة فى سرامس ومعاهو بسكويت دا شاى الزول بقدر ازوغ منو
avatar
عبدالحى الضو
ذهبي
ذهبي

عدد الرسائل : 563
العمر : 38
الموقع : Blu Nile State
العمل/الترفيه : lead.Sales Supervisor
تاريخ التسجيل : 11/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  Admin في الأربعاء فبراير 11, 2009 1:25 pm

فيكم زول جرب شاي الرواعية

مكوناته

حلة سوداء لمن تشم رائحة القنانة
تلاتة لدايات
صرة فيها سكر
صرة فيها شاي حب
اللبن موجود
كبريت

اعداده

لبن صافي من ضرع االام
يضاف اليه شاي حب دون ماء
avatar
Admin
Admin

عدد الرسائل : 484
تاريخ التسجيل : 20/04/2008

معاينة صفحة البيانات الشخصي للعضو http://bshagra.mam9.com

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  Admin في الأربعاء فبراير 11, 2009 1:36 pm

عبدالحى الضو كتب:طيب الجابوهو فى الرملة فى سرامس ومعاهو بسكويت دا شاى الزول بقدر ازوغ منو


انت عارف يا عبد الحي شاي الرملة دا الجماعة ديل انا عندي بكا في المقتريت اعاين ليهم يجوا يشيلوا معاي الفاتحة عملوا نايمين في الخط وتاني يوم سمعت بي شاي الرملة
avatar
Admin
Admin

عدد الرسائل : 484
تاريخ التسجيل : 20/04/2008

معاينة صفحة البيانات الشخصي للعضو http://bshagra.mam9.com

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  عبدالحى الضو في الجمعة أكتوبر 23, 2009 1:36 pm

الشاى بتاعى يا ادمن للحول ما بخليهو
avatar
عبدالحى الضو
ذهبي
ذهبي

عدد الرسائل : 563
العمر : 38
الموقع : Blu Nile State
العمل/الترفيه : lead.Sales Supervisor
تاريخ التسجيل : 11/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  قاسم ابراهيم في الجمعة أكتوبر 23, 2009 3:19 pm

عبدالحى الضو كتب:
الشاى بتاعى يا ادمن للحول ما بخليهو
الموضوع دا بحتو من وين غبرتونا بغبارو
شاى المغربية اهم من ميه
يا كاربينو السوكرتا كيف

اتزودى بزوادة الخير
avatar
قاسم ابراهيم
فضي
فضي

عدد الرسائل : 361
العمر : 44
الموقع : الرياض العليا شارع الثلاثين
العمل/الترفيه : الرياض
المزاج : الحمد لله رائق
تاريخ التسجيل : 16/05/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  Admin في الثلاثاء أكتوبر 27, 2009 2:21 pm

عبدالحى الضو كتب:
الشاى بتاعى يا ادمن للحول ما بخليهو

انا في رجاك
avatar
Admin
Admin

عدد الرسائل : 484
تاريخ التسجيل : 20/04/2008

معاينة صفحة البيانات الشخصي للعضو http://bshagra.mam9.com

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  عبدالحى الضو في الثلاثاء أكتوبر 27, 2009 3:31 pm

بنجيك تب ومعانا ناس الراكوبة
وفى العايز قهوة والعايز شاى
والعايز فرنساوى
وفى العايز صحنين ود الدقناوى
اها جاهز يابا
avatar
عبدالحى الضو
ذهبي
ذهبي

عدد الرسائل : 563
العمر : 38
الموقع : Blu Nile State
العمل/الترفيه : lead.Sales Supervisor
تاريخ التسجيل : 11/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  قاسم ابراهيم في الثلاثاء أكتوبر 27, 2009 4:36 pm

غايتو يا ادمن انا عايز شاي متلج
ومرتضي اخوى عايز قهوة متلجة
طبعا دى جديدة عليكم
دا اسلو منو النحلة وبطحانية
avatar
قاسم ابراهيم
فضي
فضي

عدد الرسائل : 361
العمر : 44
الموقع : الرياض العليا شارع الثلاثين
العمل/الترفيه : الرياض
المزاج : الحمد لله رائق
تاريخ التسجيل : 16/05/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  ابوعاقلة حسن حمزة العالى في الثلاثاء أكتوبر 27, 2009 9:39 pm

شوقتــــــــــونا لشاهـى المغربيه الغربــــــــــة نستنا ليوه الظاهر قريب بنعود ليهـــــــــــــو

ابوعاقلة حسن حمزة العالى

عدد الرسائل : 25
العمر : 57
تاريخ التسجيل : 14/10/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: شـــــــاي المــــغــرب

مُساهمة  بشاقراوية في الأربعاء أكتوبر 28, 2009 5:54 am

شاي المغرب عادة سودانية قديمه جدا ..واهم ما يميزها هي التجمع
البحصل للاسرة عليها...اهم شي يكون شاي مقنن ببسكويت ولا لقيمات
وزمان كان مع شعيريه او سكسكانية .
مضرب المثل عندنا فاطمة محمد طيب(فطين بنت الافندي)رحمة الله عليها
بقول ليك اصلوا شاي فطين ودا دلالة واضحة انو الشاي حقها كان قمة الابداع
ومن هذا الصرح ..ندعو لها بان يتغمدها الله بواسع رحمته
وان يسكنها فسيح جناته ...لقد تركت بصمة لايمكن ان تمحى في قلوبنا
جميعا وفي تاريخ البشاقرة ..

بشاقراوية

عدد الرسائل : 12
العمر : 37
تاريخ التسجيل : 19/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى