عـــــــاجــــــل :الغــــــــــاء الدوري الســـــوداني الممتــــــاز

شكرا لك اخي عاشق الموج الازرق والله حقيقة احترنا واصبحنا لا ندري ماذا يريد هذا المتفلسف والذى يهوي دوما السباحة ضد التيار من الهلال الكيان وهل مجرد خلافته الشخصية مع رئيس الهلال تبيح له هذا الاستهداف السافر لسيد البلد ؟. الكل يعلم ان للهلال قضية عادلة وعندما عاد الهلال للمنافسه بعد اعلان الانسحاب كان ذلك تنفيذا لاتفاق ثلاثي مع الوزارة والاتحاد فلماذا نكص هذا المتعنتر عن تنفيذ بنود هذا الاتفاق ؟ والى متي سيظل يكابر ويعاند ويناطح الصخر ؟
ومتي سيكف عن التلويح بعصا الفيفا والتي يظنها السلاح الفعال فى يده ؟
انا يا بخاري مقدر جدا فرحة ناس النيل بالنقاط التلاته يمكن تنجيهم بعدين من شبح الهبوط لكن اخوتنا ناس العرضة جنوب ديل كيف كانوا حا يستمتعوا بشيل الكاس وسيد البلد غايب
بلدا ما فيها تمساح يقدل فيها الورل مع محبتي .

اخي ابوروان اهديك نقطة زرقاء غالية
مشكور علي التعليق ومبروك للهلال التعادل الثمين الذي وضعه في راس المجموعة
في ظروف قاسية يعلمها الجميع ونرجو التوفيق لسيد البلد من الخرطوم حتي طوكيو
اما بخصوص مشكلة القرن الرياضية فقد حدثت تطورات لا استطيع حصرها لضيق
وقتي ولكن اهمها تجميد المحكمة الادارية لقرار الوزير الخاص بالغاء الممتاز
واخر ماصدر هو اعلان الهلال انسحابه من مبارة القمة غداً وهو ماكنا نخشاه
ولكن نرجو ان يكون الامر تكتيكاً من الارباب لزوم المباغتة.
وارجو من مجلس الهلال احترام القانون رغم ظلم الاتحاد الفاضح للهلال
في قضيته العادلة(سولي داريو).
وارجو ان لانمح الوصيف الممتاز حتي لا يفضحنا في دوري الابطال مستقبلاً

الاخ بوكا لك التحية
رغم اتفاقنا على حب سيد البلد والزعيم الاصلى رافع رأس السودان عاليا فى كل مكان ذهب اليه .... الا اننا ينبقى الا يعمينا هذا الحب عن التفريق بين الهلال الكيان والافراد امثال رئيس الهلال صلاح ادريس الزى مانفك يدمر الهلال فى سبيل بطولات شخصية وعنتريات لم تقتل زبابة
وبالعودة للقضية التى قد تدمر الكورة السودانية تماما نجد انه كانت للهلال قضية واضحة وعادلة فى عدم دستورية البند رقم 14 من لائحة الدورى الممتاز وكان يمكن للهلال ان يلعب مباراة النيل حتى لو اشرك سولى وداريو كان ومن ثم يواصل صراعه القانونى مع الاتحاد او ان ينسحب تماما من الدورى الان رئيس الهلال العاشق للاضواء والسلطة والعنجهية الفارغة رفض حتى مجرد كتابة التماس بتاجيل المبارة لحين معالجة موضوع البطاقات الامر الزى كان سيجبر اللجنة المنظمة على اعادة برمجة المبارة دون انتظار تدخل الوزير .
بعد تدخل الوزير واصداره لقراره رقم 8 ماذا كان رد فعل طرفى المشكلة رئيس الهلال ورئيس الاتحاد ؟
- مجلس الهلال اصدر بيان رحب فيه بقرار الوزير واعلن قبوله التام به
- الاتحاد العام ايضا اصدر بيان رحب فيه بالقرار واعلن تنفيذه الفورى .... نواصل

الاخ ابوذر لك التحية وانت تتوشح الازرق كما النيل (الازرق ) الذي يحتضن بشاقرتنا الحبية .
ياسيدي نحن متفقين تماماً لم ولن يعمينا حبنا للازرق عن مصلحته, برغم النجاحات التي حققها الارباب الا ان مانخالفه فيه اكثرمما يجمعنا به . اما قضية التجنيس فهو علي حق وادارها بذكاء وينبغي عليه اكمال المشوار ادارياً وليس رياضياً بس يخلي (الجعلية)وينسي خالص قصة الانسحاب دي لانها ستضر بالهلال,و بعد ارسال الفيفا والكاف يطالبان فيه بالغاء قرارات الوزير قبل 10 اغسطس وينذران تجميد نشاط السودان داخلي وخارجي لـ(3 )سنوات.علي الهلال تهدئية المعركة حتي لا يتسبب الهلال في الاضرار بالرياضة في السودان عموما كما ان الهلال غاب قوسين او ادني من تحقيق حلم بطولة الابطال التي طالما انتظرناها.

الأخوة عشاق الموج الازرق ، نحن( ناس العرضة جنوب ديل) نحترم كثيراً زعيم الكرة السودانية الهلال وفي مشاركاته الخارجية يظهر اسم السودان ويغيب اسم الهلال ونشجعه بكل حواسنا ونريده دوماً منتصراً حتى لا يتطاول علينا أخواننا من الدول العربية الأخرى ويظل الانتصار مفخرة لنا ولا نفرقه عن فريق المريخ ، ولكننا داخلياً نرد على أرض الملعب ولا نعرف طولة اللسان والتنظير الكثير كما زعيمنا الوالي يتجنب التصريحات ويعمل في صمت مثل جماهير المريخ ، عكس زعيمكم الذي لا يرى نفسه الا في جعليته وهو أحسن شخص يمثل جماهير الهلال لأن الطيور على أشكالها تقع ، (كيف كانوا حا يستمتعوا بشيل الكاس وسيد البلد غايب ) نحن لا نعشم في شيل الكأس ولكن يكفينا هزيمة سيد البلد الموجود بكل نجومه .
(بلدا ما فيها تمساح يقدل فيها الورل) رأيك شنو في الورل الغلب التمساح مش من عجايب الدنيا , مع محبتي .

العزيز سكوك سلامي
اول شئ مبروك الفوز المستحق للمريخ
حقيقة نحب نهنئيكم علي تحقيق الحلم الذي طال انتظاره (من 2001 حتي 2008 )والله حقو تفرحوا اكتر من كدا (ونحن زاتنا فرحنا معاكم)لاننا اشتقنا للاحساس دا.وبعدين والله خذلتني ياسكوك كنت قايلك مع الاسياد, لكن برضو ماخيبت ظني شديد طلعت واعي ووطني ودي نادرة عندكم. وبرضوعجبتني بصراحتك بعدم التطلع لنيل بطولة الممتازوكمان وصفت الوصيف بالورل وسيدا البلد بالتمساح (دي ناسكم كان سمعوك بدقوك) .اما في موضوع الارباب والوالي صدقت.

العزيز بخاري
هاردلك ولكل عشاق صاحب المقام الرفيع للهزيمة العابرة والله كانت مطلوبة بجد عشان تعيد شئ من التوازن المفقود لخارطة الكرة السودانية لانها كانت فى طريقها لان تصبح احادية القطبية لانعدام الندية .والحبيب سكوك انا غايتو ما لاقاني مريخابي بيشجع الهلال اللهم الا يكون طلع بره السودان واشتغل ليهو وسط مصريين زي حالاتك ومافى غير الهلال بيقدريناطح ليهو اهليهم وزمالكهم ويصرعهم بالتلاتات عشان كدا بتشجعوا الهلال - مكره اخاك لا بطل - مع محبتي ليك ولكل احبابي المريخاب غايتو الواحد قدرو غالبية اصحابو يكونوا مريخاب !!!

الأخ بخاري : تحياتي وأشواقي ، وتحياتي للأخ أبو روان ، وبالنسبة للوصف بالورل والتمساح هذا وصف الأخ أبو روان واقتبست الكلمات منه للرد عليه فقط لأن ثقتنا في مريخنا كبيرة ولا يفرق معه الوصف سواء الزعيم أو الورل ، المهم أننا نستمتع بأداء لا عبينا الذين يتمتعون بأخلاق رياضية عالية عكس كابتن فريقكم الذي أعلنها متلفزة على الهواء بأنه لا يتمتع بأخلاق رياضية ولا يحترم رؤية مدربه ، وكمان انتو خلوا أخلاقكم رياضية . ونحن على اقتناع بأن الكرة غالب ومغلوب ومستحيل أن يظل الفريق بطلاً على الدوام وإلا فلا داعي للتنافس . لذلك تقبلوا الهزيمة بصدر رحب واعترفوا بعلو كعب المريخ عليكم ولو لهذه المرة على الأقل لتكونوا أصحاب أخلاق رياضية . وتقبلوا تقديري واحترامي