فقـــــــــــداب

فقداب يا أم الحضور وحضن العقاب0
بلد السماحة والبساطة والترحاب0
نبع الخير طلع المواسم الفينا صاب0
من فضايلك إتربينا وعرفناالصواب0
طريت أبواتنا الغبش العاشو شقاوة وصعاب0
زادم حافي جافي نومن وسادة وكرّاب0
ضحوا وجاهدوا صاروا للتاريخ كتاب0
بدور أشم في توب أبوي عرق الشقا في حنانو زاب0
بدور أتمتع أخاويه لواجب الاهل والصحاب0
أبوي يا الدرع المتين دخري الحواب0
طريت الجرايه والمخلايا والتيراب0
الَََِرزقالة وأبوعشرين التقنت والسراب0
انداد الصبا ولعبنا بهُودنة والطاب0
يا حليل ود السوق ديوانو كان للقرية باب0
سيد الراي والفهم لربو حاب0
فارس الحوبة اللدر شبيه البررة الصحاب0
حارس الاصول والفضيلة للمطالب جاب0
يدو ممدودة بالعطية فضلو كاب0
مطمورتو تكيل وتنفض في البتاب0
شيخ وشيبة ومن فعايلو وجهدو شاب0
أبكي شيخ القبيلة النجم الافل وغاب0
مأثر خلاها روح والدنيا بعدك خراب0
_____________________
من خلال هذا المنتدي أرسل سلامي وشوقي الحار للاهل بالفقداب وأقول ليهم
أبقوا عشرة علي العقاب0

بقول لى ود التوم اخوى : ابوك صحيح ولد وجاب الاخوان الما نسو العشرة والاحباب ما دام نحن موجودين ما تخاف عليهو العقاب

والله يا فقدابي ود التوم بعد القصيدة القالا فوكم دي كان ما كرمتو
تكونو قصرتو في حقو.
وتقبل ســــــــــــــــــــــــــــــــــــــــــــــــــــــــــــــــــــــــــــــلامي.............

الاخ حزيفة تحياتى لك ولكل الاهل وناس البلد عامة بالنسبة لى تكريم الاخ ود التوم سوف نكرمه حق تكريم كما كرمنا من قبله (جكسا0حسن حمدان0عمر المصرى0محمدالزبير 0محمدعمر000000الخ)طبعا التكريم فيهو(ح +ح) وبى صراحة حواشة+حرمه فقدابى

يافقدابي والله نحن ال(ح) الاولي موافقين عليها بدون اي تحفظ لكن ال(ح) الثانية دي كان علي رايي
الا تعملو كبري بين التكينة والبشاقرة + ظلت من الكبري للفقداب.
لكن بيني وبينك الراي من نايحة خصوصية راي ود التوم انشاءالله تدو دستة.
بس نحنا بنتكلم من ناحية قومية وكدة.
******ولك تحياتي والي نسيبكم الجديد.****