ياناس البشاقرة بتعرفوا الناس ديل...؟

في كتار في البشاقرة القابهم طغت علي اسماءهم الحقيقية وبعض الناس مابتعرف الواحد الا باللقب ,والشئ البميز البشاقرة في الحتة دي فيها الاسماء والالقاب الغريبة والما موجودة في اي مكان تاني ولبعضها قصة اومناسبة.
كدي تعالوا نشوف بنعرف اوبنتذكراصحاب الالقاب والاسماء دي ..؟
وهاكم بعض الامثلة كنماذج فقط وانتو كملو الباقي مع التعليق...
ابوالنجا ..ابرجة ..الدوامي ..
احمر.. دابي الليل..اللخدر..ود خدر..بت بامسيكة ..توكر..كرنية....الجبينة ..ربشة..
التتي..كلص..جانبور..الجنزر..الجرتلي ..
حلاوتو..الضب..السنجك...جنينة ...
قالي..حفظ.....بقري..ودابرق.
شطة...البليب..ابقرجة...عضيم..ضرورة..
سكوك...ابكديرات...النائم...بط..
جنقال..كلح....ودمرجي..ودالجعلي..كوجاك...حنين..
القرعي..التلاب..السمري
هجام...جلطة...حمدتو..جرسة..جن...الغزالة...الطمبة...معيتيقة
..عتوقة..امجودة..الميخا..الخودة..فجونة...وداحمرعين.
.شكوكو..جنة...كوتة...حبة..ودالدوم..بهلول..الضحوية بري..الدواء..حمير..الواح..جكسا..
شيكيت..اللكع..ضريس..الكشمبة..ارينب..كجة..برسم.
.امبلي..الرويجل..الخديوي ..الري قيق...الخ
والقاب واسماء كتيرة ماممكن حصرها هنا وقبل كل شئ تعالوا نترحم علي الاموات من احبابنا الذكرناهم , ونرجو من الجميع المساهمة باضافة لقب اواسم غريب اوالتعليق واجترار الذكريات .وانا متاكد الالقاب دي بتذكر الناس قصص حلوة ومفيدة متعلقة بي زمن الطفولة والمدرسة والكورة وحاجات كتيرة .الموضوع ليس فقط للتسلية ولكن للتعارف وتواصل الاجيال وربما مناسبة للبوح بذكريات وكلام يعج في صدورنا من زمن .ونتمي ان يكون التعليق غير مسئ اوجارح لاي شخص من اهلنا ,وكمان افضل لوكان الكلام عن الذكريات الحلوة تحديداً ايام
المدرسة والكورة

يا(boka) الموضوع دا قلبت فيه الهوبة عدييييييييييييييييييييييييييييييييييييييل

طبعا يا بخاري فى زول انا عارفك لو ما اتاكدت انه تفصلك منه الصحراء الكبري وجبل عوينات ما كنت قدرت ختيت اسمه فى اللسته بتاعتك دي .وهاك دى شوية اضافات ,الكير, اب عقال, ضريس, سترا ,الشنه.

ياشاب يا رئع القاب لها معني ودلالات ولم تاتي من فراغ واتمني كل من يعرف معني اللقب ان يشرحه هنا والالقاب كتيرة جدا

وين القاب

ابوالرير- معجنة - لوبا - كبور- الدعيب - الدود -الجنقو - وزة - الدكر - سوريق - كبيلو - الدريسة -ابيد -ود العقاب -الجع -الفيلة - الكبيك - ماصوتا - النعير- الدمج - بريش - كشب - فطيرة - الدودو - حويرة - الطرشق- شقي - مارشان - الديسة - الدفرو - صلوح - الليرة -

يا بوكا والله فجونة قال للحول الجاي ما يخليك
وبعد ليبيا الا تشوف ليك بلد تانية تمش عليها
مع خالص تحياتي لك وللاخ فجوووووووووووونه.

التحية للاخوة المتداخلين:
الرومانسي ( شكرن) علي الاشادة
ابوروان طبعاً مستحيل اتذكر كل الالقاب لانو كلو زول في البشاقرة عندو لقب
والقصد نفتح شهيتكم وانت تكملو
والله ياابوروان الكير قدر ماحكيت راسي وحاولت اتذكر اللقب دا غابني لكن ضريس موجود اقرا كويس
السيد المشرف :
المداخلات زي مداخلتك دي ولابلاش لانك ذكرت القاب جديدة دا المطلوب
لكن برضو كررت القاب .
ولدنا huzyfaعلي طريقة مزمل ابوالقاسم لمهند الطاهر:
مشكور علي المرورونسيت قرش.
و الزول الجبان الفتني مع خالي دا خليتو لي الله.
والزول دا كان زعل مشكلة.

التحيه ابعثها للاخ بوكا لما زكره من شخصيات بقامة هذا البلد هذه الالقاب كانت وما يزال لها وقع فى حياتنا وزكرياتنا ومرتع صبانا وعشان نرجع اكتر مع هذه الشخصيات اضيف اليهم هذه الاماكن والمواقع :قيف ود عمر0السلب0بابيه0المارحة0الساقية0املص نعالك0العدارة0اللعوتة0البقر0 الليد0000 الخ فقدابى

هل تعرف انك على الهوا وهل تعرف ان ما تكتبه في الشبكة العنكبوتية ان لم ينفع فانه يضر قل لي كيف يضر؟ الم ياخذ من وقتك والذي انت في حاجة اليه كتابتك في هذا الموضوع قد اخذت منك وقت كان من الافضل ان تستثمرة في افضل الاشياء ايش يعني الغاب ما الفائدة منها غير انها مغيبة لاسماء اجمل منها اتمني ان تسمو بناء الي افضل وارحب من هذاء ولك عتباي حتى ترضى.

ABCD كتب:هل تعرف انك على الهوا وهل تعرف ان ما تكتبه في الشبكة العنكبوتية ان لم ينفع فانه يضر قل لي كيف يضر؟ الم ياخذ من وقتك والذي انت في حاجة اليه كتابتك في هذا الموضوع قد اخذت منك وقت كان من الافضل ان تستثمرة في افضل الاشياء ايش يعني الغاب ما الفائدة منها غير انها مغيبة لاسماء اجمل منها اتمني ان تسمو بناء الي افضل وارحب من هذاء ولك عتباي حتى ترضى.

يجب اتعرف انك غير مرغوب فيك وحتى لو غيرت النك نيم (اسمك )فنحنوا مستغنيين عن مشاركاتك ومساهماتك وطالما
تكلمت عن الزمن واهدار الزمن يجب ان لا تهدر وضيع زمنك ووقتك الثمين من الافضل لك ان تستثمره 0
هل فهمت هذا يا هذا 0وكيف قاب عليك عقلك يا عوووووووووك

يا بخه فريق البياره ماخليت فيه زول لكن نسيت ناس الدحيش والترير شليته سرقرق البن العيش ورجعتنا للايام الحلوه وشكرا للفقدابي علي اسما ء الاماكن التي لايعرفها جيل اليوم جيل البلي استيشن

شكراً لكل الذين مروا:
حاضر ياسيدي abcd انت تأمر سنحترم وقتك الثمين ولن نتحدث في منتدي البشاقرة وعلي الهواء وفي الانترنت في مثل هذا الكلام الفارغ والخزعبلات ولك العذر والعتبي وسنهزم ذكرياتنا الحلوة ونركلها بعيداً لترضي عنا....
تعرف ياabcd قربت اقتنع بي نصيحتك لكن اكتشفت انك مابتعرف الفرق بين الغاب والقاب .ولهذا فقط فائدة, ولكن من المؤسف ان تكون في مادة الاملاء..
حاجة اخيرة:
لو كنت تعرف ياهذا ماتعنيه هذه الالقاب لجميع الاخوة الاعضاء لاحترمت خصوصية هذا المنتدي وتعلمت اين وكيف تتداخل ولاحترمت وقتك قبل وقتنا.

يا ABCD
1-انت بعد تورينا هويتك ممكن نرد عليك رد طويل.
2- وزي ماقلت نحن علي الهوا انت الداسيك شنو.
3- اخيرا اذا داير نرد ليك رد صاح اطلع معانا الهوا.(لانوكلامك دا بتاع مشاكل).
علي الاقل كان ممكن تحترم الراي والرا ي الاخر وتناقش بموضوعية.
لكن تدخل شمال كدة وتقول كلامك دا دا الشي الغير مقبول.
وسلامي لك (بعد ان تتحول من حالة الخفاء الي حالة الظهور).

بالله انظر الى ما كتبت واسال نفسك هل كنت طبيعي وانت ترد على وجهة نظري؟هنا يكمن الفرق بيني وبينك ساتقبل وجهة نظرك بصدر رحب والذي عليك ان تنشر المفيد او ان تتوقف او ان تتقبل النقد فانت في عالم مفتوح ولا تستطيع ان توقف الآخرين عن المشاركة والادلاء بآرائهم . ولي عودة انشاء الله

اولا لو كان لك وجة نظر اصلا لرديت عليها رد طبيعي وبما انها وجة نظر غير طبيعية كان الرد عليها غير طبيعي.
واذا كنت تتقبل النقد بصدر رحب كما تقول لما وصفتني باني في حالة غير طبيعية عندما رددت عليك , ثم كيف تطلب منا المشاركة بالمفيد (وانا اعلم بالمفيد ) او التوقف عن المشاركة وانت تقول اننا في عالم مفتوح لايمكن لاحد ان يمنع اخر عن المشاركة وفي ذلك تناقد واضح وعدم موضوعية.
لك سلامي مع وقف التنفيذ حتي تظهر.