بشاقرة نفر
المواضيع الأخيرة
» منأشدة للاحياء المنتدى
الأحد أغسطس 16, 2015 2:23 am من طرف ود النيل

» المنتدى مهمل
الأحد أغسطس 16, 2015 1:44 am من طرف ود النيل

» صباحات ...... غادة فؤاد السمان
الإثنين أبريل 07, 2014 4:32 pm من طرف غادا فؤاد السمّان

» ليش بسكر الجوال تخاف من الهواء البارد حول الف ريال - قصيدة
الثلاثاء فبراير 26, 2013 12:46 am من طرف محمد احمد عويضة

» الصديق أبو إدريس الرجل الذي فقدناه
الجمعة نوفمبر 23, 2012 10:52 am من طرف ايهاب عبدالفتاح محمد

» من المحسى للاهل بالبشاقرة شرق
الجمعة نوفمبر 23, 2012 9:33 am من طرف ايهاب عبدالفتاح محمد

» بشائر الفضل الإلهى فى العقيدة
الأحد فبراير 12, 2012 10:02 am من طرف انورفؤاد

» فقيد البشاقرة
الخميس سبتمبر 29, 2011 3:25 am من طرف ود الفعج

» عــــــــــــــــــــــــــــدنا
السبت أغسطس 06, 2011 2:25 pm من طرف Admin

بحـث
 
 

نتائج البحث
 


Rechercher بحث متقدم

التبادل الاعلاني
أغسطس 2017
الإثنينالثلاثاءالأربعاءالخميسالجمعةالسبتالأحد
 123456
78910111213
14151617181920
21222324252627
28293031   

اليومية اليومية

المتواجدون الآن ؟
ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر :: 1 روبوت الفهرسة في محركات البحث

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 400 بتاريخ الثلاثاء يونيو 19, 2012 6:41 am

مكتبة الشاعر خليل فرح

استعرض الموضوع السابق استعرض الموضوع التالي اذهب الى الأسفل

مكتبة الشاعر خليل فرح

مُساهمة  ابوعبيدة محمد على البشير في الإثنين فبراير 15, 2010 12:19 pm

مكتبة خليل فرح

جناين الشاطى

بين جناين الشاطىء وبين قصور الروم
حي زهرة روما وأبكي يا مغروم
دره سالبه عقولنا لبسوها طقوم
ملكة باسطة قلوبنا تبين عليها تقوم
في الطريق ان مرت بالخلوق مزحوم
كالهلال الهل الناس عليها تحوم
شوف عناقد ديسها تقول عنب في كروم
شوف وريدا الماثل زي زجاجة روم
القوام اللادن والحشا المبروم
والصدير الطامح زي خليج الروم
خلي جات متبوعة الصافية كالدينار
في القوام مربوعة شوفا عالية منار
موضة آخر موضة هيفا غير زنار
روضة داخل روضة غني فيها كنار
شوف جبينا الهل ضو فوقه فنار
منه هل الشارع منه بق ونار
طالعة ما بتقابل زي لهيب النار
تحرق البتهابل والبعيد في نار


ما بال طرفى

ما بال طرفي عنه النوم قد أبقا
واسترسل الدمع حتى أخجل الورقا
في يوم عرس أرانا كل فاتكة
باللحظ بالقد بالخصر الذي نطقا
ونغمة من رخيم الصوت كاد لها
عقولنا ان ترينا الطيش والترقا
قابلننا بعيون زانها حور
والسحر معني علي اطرافها نطقا
واصطف جمعهم المأنوس وانفردت
منهن جؤزرة تحكي المها الحدقا
وخلفها سائق يحدو اذا خشيت
منه اللحاق تمد الردف والعنقا
ان رامت البعد عنه قام يجذبها
من الروادف حقف أو كثيب نقا
بقامة مثل غصن البان إذ غسقا
ووجهها القمر الوضاح مبسمه
قد زانه لعس السفلي وما نطقا
وشلخها في انتصاب لا اعوجاج له
كألف فارس بالخدين ملتصقا
والجيد لو لا حلي فيه تكنفه
رأيت فيه حباب الماء مندفقا
كأنما هي بلور تعهده
وصائف الروم لم تنظر به رنقا
يزهو بها الوشي ادلالا برونقها
وإن تجرد كان الحسن متفقا
تلك الفتاة التي هام الفؤاد بها
والطرف من عائدات الشوق قد أرقا
تهافتت نحوها أبصارنا عجبا
بخلقها فأرتنا أحسن الخلقا


أذكر بقعة أم درمان
وأنشر في ربوعها أمان
ذكر يا شبابي زمان
دارنا ودار أبونا زمان
فيها رفات جدودنا كمان
ما بنساك خلقه ضمان
جنة وحور حماك أمان
ذكر يا شبابي زمان
بطرا الأسسوك زمان
كانوا يحلحلوا الغرمان
يساهروا يتفقدوا الصرمان
ذكر يا شبابي زمان
في السودان فتيح معروف
ولسه أب عنجه خوره سروف
ود نوباوي زول معروف
باقى وديك مشارع أبروف
ذكر يا شبابي زمان
كانوا جبال تقال ومكان
نزلوا اتربعوا الأركان
خلوا البقعة كل مكان
آهلة وزارة بالسكان
ذكر يا شبابي زمان
ليه يا كعبة العربان
غاضبة وفين عريسك بان
قبال نسأل الركبان
حبك من حسودك بان
ذكر يا شبابي زمان



نحن ونحن الشرف الباذخ
دابي الكر شباب النيل
قوم وم كفاك يا نايم
شوف شوف حداك يا لايم
مجدك ولي وشرفك ضل
إمتي تزيد زيادة النيل
نحن نطارد العنزة الفاردة
نحن نزود مشارع النيل
نحن برانا نحمي حمانا
نحن نموت ويحيا النيل
ما بنندس ما بنتوصي
نحن نكيل برانا نشيل
نحن الطينة ومطر العينة
نحن الوادي برقه يشيل
نحن الصولة سيوف الدولة
نحن كنانة اسماعيل
بابه العالي وشرفه الغالي
كان لجدودنا ظله ظليل
يا حكامنا جيبوا البينه
ولا انقرعوا كفوا الشينه
ده ود عمي وده ضريب دمي
انت شنو طفيلي دخيل
يا نزلانا أمرقوا الذمة
كيف ينطاق هوان الأمة
شالوا حقوقنا وزردوا حلقونا
ديل عاوزين دمانا تسيل
من تبينا قمنا ربينا
ما اتفاسلنا قط في قليل
ما فيش تاني مصري سوداني
نحن الكل ولاد النيل

ما له اعياه النضال بدني
روحي ليه مشتهيه ود مدني
ليت حظي سمح واسعدني
طوفه فد يوم بي ربوع مدني
كنت أزوره ابويا ود مدني
واشكي ليه الحضري والمدني
آه علي حشاشتي ودجني
وحنيني ولوعتي وشجنى
دار ابويا ومتعتي وعجني
يا سعادتي وثروتي ومجني
حين سألنا حاوي الوصب
من خمايل قرية القصب
قالوا جات سيرتك علي النصب
ونحن بين الروضة والقصب
صنفه بعرها قالن إن تصب
تربط الأحلام مع الخصب
كان حبيبنا وحاشا ما نصبي
ومن زمان فارقنا وهو صبي
تاني ما سمعنا انقطع خبره
يا حليلم طشوا ما اتخبروا
واحدة فيهن قالت انجبروا
فقر ابونا
وخدمة النبرو
الكنانة أكرمت نزلي
واغدقت من خيره كل زلي
إن حييت أو مت في الازل
ده مقدر طبعه في الازل
غايته بختم نفثتي الخطرت
بي تحية من حشاي شطرت
للتدور والطايره والما طار



طير الوِّدى
خليل فرح
:::::::::::::

يا طير الودى نزَّاح تسابق الشـارده
بتجوب الفضا وتثكـل ثكيل الفارده
نيـاتكْ سُـلام ما حاره عينك بارده
ميـَّال للطبيعة والهبيبـه البــارده
أنيس الرياض ما بتخفى عنك شارده
ويكيف غريدك ذى دمـوع الحارده
جفَّاك من حبايبك وما بتشبقك عارده
والنيل بيك تآنس والصحارى الجارده
قول لى ما وراءك يا عصام بالواحده
عاطفتك كريمة وبالخبير ما جاحـده
لا زال النخيل فى توتى مادى الشاحده
وشمبات لسَّه ترفل فى نعيمه وجاحده
كنانة آمون مشغولة قايـده وشـايده
من ولدانه بى تلك القصور الشـايده
هديك الفلايك وديك (لوتس) و(عايده)
وداك عاشق مدلل وديك حبيبه معانده
ناس الأم حُنان وان منى منعوا الرايده
مـا حسوا لى أنا وما ظنوا فىَّ الفايده
زينتى وشينتى عاد إياها فوقن عايده
والأيا م
avatar
ابوعبيدة محمد على البشير

عدد الرسائل : 17
العمر : 37
الموقع : الممكلة العربية السعودية _الرياض
العمل/الترفيه : شركة العثيم التجارية
المزاج : هادي والحمدلله رب العالمين
تاريخ التسجيل : 07/01/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مكتبة الشاعر خليل فرح

مُساهمة  حسب الرسول مبارك في الثلاثاء فبراير 23, 2010 7:58 am

مشكور يا ابوعبيده
avatar
حسب الرسول مبارك
فضي
فضي

عدد الرسائل : 330
العمر : 42
العمل/الترفيه : محام
تاريخ التسجيل : 08/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد

مُساهمة  المسلمي في الأحد مارس 07, 2010 9:51 am

جميل ما كتب الشاعر يا ابن خالتي
سلمت يداك
الخبر شنو cheers cheers cheers
avatar
المسلمي

عدد الرسائل : 15
العمر : 36
الموقع : السعودية الرياض
العمل/الترفيه : علاقات عامه
تاريخ التسجيل : 12/08/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مكتبة الشاعر خليل فرح

مُساهمة  hossainalshami في السبت سبتمبر 11, 2010 8:03 am

خليل بيك فرح
verygood

hossainalshami

عدد الرسائل : 8
العمر : 54
تاريخ التسجيل : 26/03/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى