وجهة نظر لكل اعضاء المنتدي

1. ياجماعة انا شايف انو في منتدانا منتدي البشاقرة انو جميع المنتديات موجودة جواه ماعدا المنتدي الديني او الاسلامي.
2. اختلاط المواضيع اي بمعني انو موضوع ديني بمنتدي رياضي او موضوع ثقافي بمنتدي قصة وهكذا.
3. الردود ياجماعة مفروض اننا نشجع بعضنا علي كتابة المواضيع الهادفة والفيها منفعة لينا وللناس
المواضيع البتخلينا اننا نفتخر بمنتدانا امام القري التانية يعني في ناس ردودهم فيها نوع من الهزل دا غلط
نحنا موجود عندنا منتدي الفكاهة والمرح مفروض لو في واحد عايز يمزح مع اخوه او صاحبو يدخل في المنتدي دا
ويضحك مع اخوه مافيها شي لانو المنتدي مخصص لكده .
وانا قبل ماانشر اي موضوع مفروض اشوفه بحكي عن شنو وانشره في المنتدي المخصص ليه ودي نقطة
مهمة جدا لازم ننتبه ليها عشان نحافظ علي منتدانا ونضمن انو منتدي نظيف ومنسق .
دي وجهة نظري انا ولكم مني جزيل الشكر
مع خالص احترامي لكم