مساطيل جدا

رباطاب قاعدين في
المقابر .. جاء واحد قال ليهم السلام عليكم
قالوا ليه عليكم السلام .. قال ليهم خير مالكم .. قالوا ليه عندنا واحد مات .. قال ليهم مات هنا ولا خبر .. قالوا ليه خبر .. قال ليهم سمح بتحفروا ليه ..
قالوا ليه دايرين ندفن التلغراف .
******************************
رباطابي قاعد في مطعم وكلما حضر زبون يطلب حاجة صاحب المطعم عندو حلة واحدة يفتحها ويغرف منها وتكرر المشهد عدة مرات ونفس الحلة عايز فول عايز كباب عايز عدس عايز كبدة وبرضو نفس الحلة اخونا الرباطابي مشي لصاحب المطعم وقال يااخونا حلتك دي فيها ادراج ولاشنو .
***********************

قالو واحد سافر لابوحمد واول ما نزل من القطر لقى شافع رباطاب بيببع في ليمون قام قال ليهو يا ولد ليمونك ده فيهو موية قام الشافع رد عليهو بسرعة - نان قالوك ساقنوا بالتيمم

في اتنين جعليين مشوا العمرة وطبعا عمرة وزوغة ، ونزلوا عند واحد قريبهم شغال في السعودية و اكرمهم كرم شديد جدا ، المهم بعد فترة كشوهم ورجعوهم السودان ،و لما جاء قريبهم بتاع السعودية لقضاء الاجازة في السودان عملوا ليهو عزومة وبالطبع نوعية الاكل ما كانت بمستوي الاكل بتاع السعودية ، فأحسوا بحرج شديد وبعد العزومة واحد من الجعليين الاتنين قال ليهو ماقدرنا نكرمك زي ما اكرمتنا في السعودية ،لكن علي الطلاق عشان نكرمك كويس بكرة الصباح تخش السوق وتعمل ليك شكلة مع اي شايقي من طرف وتزيح لينا منها.
*************************
انشاءالله تكون عجبتكم
نزار_شمبات