بشاقرة نفر


انضم إلى المنتدى ، فالأمر سريع وسهل

بشاقرة نفر
بشاقرة نفر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
المواضيع الأخيرة
» منأشدة للاحياء المنتدى
مساكين المغتربين ,,,,,,,,مراحل حياة المغتربين‎ Emptyالأحد أغسطس 16, 2015 2:23 am من طرف ود النيل

» المنتدى مهمل
مساكين المغتربين ,,,,,,,,مراحل حياة المغتربين‎ Emptyالأحد أغسطس 16, 2015 1:44 am من طرف ود النيل

» صباحات ...... غادة فؤاد السمان
مساكين المغتربين ,,,,,,,,مراحل حياة المغتربين‎ Emptyالإثنين أبريل 07, 2014 4:32 pm من طرف غادا فؤاد السمّان

» ليش بسكر الجوال تخاف من الهواء البارد حول الف ريال - قصيدة
مساكين المغتربين ,,,,,,,,مراحل حياة المغتربين‎ Emptyالثلاثاء فبراير 26, 2013 12:46 am من طرف محمد احمد عويضة

» الصديق أبو إدريس الرجل الذي فقدناه
مساكين المغتربين ,,,,,,,,مراحل حياة المغتربين‎ Emptyالجمعة نوفمبر 23, 2012 10:52 am من طرف ايهاب عبدالفتاح محمد

» من المحسى للاهل بالبشاقرة شرق
مساكين المغتربين ,,,,,,,,مراحل حياة المغتربين‎ Emptyالجمعة نوفمبر 23, 2012 9:33 am من طرف ايهاب عبدالفتاح محمد

» بشائر الفضل الإلهى فى العقيدة
مساكين المغتربين ,,,,,,,,مراحل حياة المغتربين‎ Emptyالأحد فبراير 12, 2012 10:02 am من طرف انورفؤاد

» فقيد البشاقرة
مساكين المغتربين ,,,,,,,,مراحل حياة المغتربين‎ Emptyالخميس سبتمبر 29, 2011 3:25 am من طرف ود الفعج

» عــــــــــــــــــــــــــــدنا
مساكين المغتربين ,,,,,,,,مراحل حياة المغتربين‎ Emptyالسبت أغسطس 06, 2011 2:25 pm من طرف Admin

بحـث
 
 

نتائج البحث
 


Rechercher بحث متقدم

التبادل الاعلاني
مارس 2024
الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
25262728293031

اليومية اليومية

المتواجدون الآن ؟
ككل هناك 14 عُضو متصل حالياً :: 0 عضو مُسجل, 0 عُضو مُختفي و 14 زائر

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 400 بتاريخ الثلاثاء يونيو 19, 2012 6:41 am

مساكين المغتربين ,,,,,,,,مراحل حياة المغتربين‎

+5
حسب الرسول مبارك
ابوعاقلة حسن حمزة العالى
عبدالحى الضو
قاسم ابراهيم
البادرابى
9 مشترك

اذهب الى الأسفل

مساكين المغتربين ,,,,,,,,مراحل حياة المغتربين‎ Empty مساكين المغتربين ,,,,,,,,مراحل حياة المغتربين‎

مُساهمة  البادرابى السبت أكتوبر 17, 2009 8:24 am

سنوات التيه
الاغتراب... والمغتربون عالم تاني... المغترب يشيل شنطتو ويشرّق... قاصد ديار الزيت... يمشي هناك عشان ياخد لو سنتين تلاتة ويعرس ويشتري بيت وعربية... ويجي راجع يقعد عند اهلو... لكن يلقى نفسو ورط في الغربة... والزمن يجري بهنا وبهناك... مغتربين الخليج... ولقوانين دول القّطرة والعقال... يلقى نفسو لا هو خليجي ولا هو سوداني... يلقى نفسو حاجة كدا ما معروفة شنو... هناك لاهو مواطن عشان يقعد ويتوهّط سمح... وهنا يلقى نفسو مواطن مع وقف التنفيذ... ضايع... بين الاتنين يضيع هو... مغتربين السعودية حاجة تانية... حاجة تجنن الما يجن... خليط من الشعور بالدونية وشعور بالفوقية في وقت واحد... شعور بالدونية للبلاقيهو من الغربة... وبالفوقية لانو كان لما يرجع هنا بيتعامل كانو حاجة تانية وزول فريد في نوعو... يحيط به الناس من كل جانب... واول ما يفلس ويعلّم الله يبدو يسالوهو انت راجع متين؟... عشان يمشي يخم ويجي تاني... هذا المخلوق المغترب في حياته يمر باربع مراحل رئيسية هي المرحلة القردية... ثم المرحلة الحمارية... ثم المرحلة القُرادية... هذا المراحل لها التأثير في تكوينو الوجداني وسلوكو....


....
المرحلة القردية
تبدأ هذه المرحلة اول ما يبدا المغترب في اجراءات السفر... يبدا يحس انه اصبح جزءا من فصيلة المغتربين... ويتصرف على هذا الاساس... واول ما يقول بسم الله ويخت كراعو في قفص اغترابو... يبدا يحاكي من سبقوهو في الاغتراب... .يبدا يفكر يشتري عربية... ثم ستالايت في اوضتو براهو... ثم المتزوج يفكر يجيب مرتو بهناك ويقعد يجهز في البيت من العفش زي الجماعة القبالو بالضبط... من غرف نوم وعرف جلوس وسراير وموكيت وملايات امريكية وايطالية ولو في ملايات امم متحدة يشتريها زي الكبار والقدرو من المغتربين... ثم يبدأ في التوالد... التوالد هناك يتم في موسم معلوم ومعروف حسب خبرتي يتم اغلبه في فترة الشتاء اما فترة الصيف فهي للاجازات والعُمرة لمن لم يستطيع للاجازة سبيلا حكمة ربنا قعدت في منطقة حضرت فيها موسم توالد في اسبوع واحد كان هناك خمسة ولادات ضكور... والخمسة أي واحد فيهم ابوهو سماهو محمد ودا كان نتيجة تأثير المرحلة القردية... وقد حباني الله بان اتعرف على احد المغتربين في السعودية عندو تلاتة من الابناء يحملون اسم محمد... محمد سادة.. ثم محمد المامون..ثم محمد الامين... واقترحت عليه مساعدة مني في حل ازمة الاسامي ان يسمي الولد الجايي محمد وردي... ولو انزنق والحكاية جرت وورت معاهو يسمي البعدو محمد فرفور... العجيبة انو اسمو هو براهو محمد عثمان... المرحلة القردية مرحلة قصيرة الامد... والغربة والشغل وجهاز المغتربين وضرايبو والكفيل ما بيخلو أي مغترب يستمتع بهذه المرحلة... لهذا نجد ان المخلوق المغترب يدخل في المرحلة الحمارية سريع جدا...
المرحلة الحمارية
تتميز هذه المرحلة بالسكون والهدوء و الطاعة العمياء... وهي اطول مرحلة من مراحل تطور المغترب... ويكون المغترب فيها حمار شغل... البيت الشغل وبالعكس... ويكون عارف من تشرق الشمش هو الليلة حيسوي شنو... وقد استفاد بعض الكفلاء من هذه المرحلة ومميزاتها الحمارية... بان يطلبوا من المخلوق المغترب... ان يشتغل أي حاجة في أي وقت... ويقوم هذا المخلوق بالعمل بهمة عالية ونفس راضية ورضى عنها... كما ان بعض الذكيات من نسوان المغتربين استفادت من هذه المرحلة والطاعة بان كانت تطلب من بعلها كل ما تتمناهو وهو ما بيقول لا... يتمنى المغترب السعودي في هذه المرحلة بان ينادوهو بابي فلان... ابو محمد.. ابو عادل... ابو فاطنة... ابو نفيسة... ابو كديسة... كما وانه تبدو عليه ملامح تقالة الدم... . بدءا من الدقن المشغنفة.. وانتهاء بالنكت البايخة التي لو استمعت لواحدة منها تقوم عليهو تعضيهو في نص قنقونو ولما تمشي البيت تقفل عليك اوضة وتقعد تبكي لمن الله يغفر ليك تبكي عشان بياخة النكتة وعشان ربنا ابتلاك ببلوة وهي عظيمة الا على الخاشعين... ايضا قد حباني الله باحد النكتنجية من مغتربي المرحلة الحمارية... يحكي النكتة ويضحك فيها هو لحدي ما دموعو تجري... حتى لو حكاها عشرين مرة في الدقيقة... وكنت لما اشوفو جايي علي اسال الله سبحانه وتعالى ان يلزمني الصبر الجميل والسلوان... وان يجعل استماعي الى نكته في ميزان حسناتي... ويتميز مغترب المرحلة الحمارية بدقة وسرعة تحويل قيمة الريال الى العملة السودانية مرورا بالدولار... تتم هذه العمليات بسرعة جدا في راسو... ويديك نتيجة تحويل أي مبلغ بكل دقة وامانة حتى الكسور ما يخليها... ايضا مغترب المرحلة الحمارية يكون شغوف جدا ومعجب جدا بكفيلو... يقعد وسط الناس ولو بيتكلمو في الكورة ينط هو ويقول يا زول ها والله الكفيل كفيلي انا... وبس... ثم يحكي عن احترامو ليهو وكيف بيتعامل معاهو مع انك تكون واثقا تمام الثقة انو نضمو دا كلو اماني... واضغاث احلام... ثم تبدأ بوادر انتهاء المرحلة الحمارية تلوح في الافق وتظهر بوادر المرحلة القرادية... بان يبدأ المغترب يفكر في البديل في حالة الاستغناء عنه... والبديل داخل بلد الاغتراب.. وتظهر عليه القرادية جلية عندما يستغنى عنه فعلا...
المرحلة القُرادية
وهي مرحلة قد تطول وتقصر حسب عمر المغترب... المصّر ان يكون قُرادة للنهاية... وهي تتميز بان يقوم المغترب بالتشبث بالشغل والبقاء اطول فترة في بلد الاغتراب... يرفدوهو من شغل يشعبط في شغل تاني... يسفروهو يكون شال معاهو فيزا ويرجع تاني.. يكشوهو يرجع عُمرة او حج ويكسر ركبة هناك... لاحظت ان هذه المرحلة ليست حكرا على السوداني... ايضا هناك القراد المصري والقراد الهندي والقراد الباكستاني... ما يميز القراد السوداني انه يتكاثر ويتوالد في العائل وهو ياخد فترة طويله متشعبط في الهدف... عكس القراد المصري الذي يكون فترة تطفله قصيرة لكنها مجزية ومضرة حد الضرر ما يقيف لو حد...
المرحلة الكلبية الاستثنائية او (مرحلة كلب الحر(
وهي استثنائية لانها تتم خارج بلد الاغتراب وداخل السودان... المخلوق المغترب يقرر ان يرجع الي السودان... مصدقا نضم الحكومة في التلفزيون بان المغتربين يرجعوا والبلد محتاجة لخبراتهم وان السودان احسن بلد ممكن الواحد يستثمر اموالو فيهو... ثم تبدأ رحلة الجري... لو عندو بيت قاعد يبني فيهو يقعد يتجارا عليهو وقتو كلو ورا لواري الطوب والاسمنت... وبعد كدا يقعد يتجارا.. ثم يبدا الجري في السهلة عشان يعرف البلد والناس بتسوي في شنو؟... ويشتغل شنو؟ يجري كما يجري كلب الحر يجري عشان يشوف مدارس وجامعات لي وليداتو... ثم يستمرئ الجري قد يكون اشد عدوا من كلب الحر زاتو... ثم ... ثم بعد فترة يمشي الحج للمرة الاخيرة ثم يعمل عمليه بروستاتا... ثم يتوفاهو الله الى رحمته


--------------------------------------------------------------------------------
البادرابى
البادرابى
فضي
فضي

عدد الرسائل : 180
تاريخ التسجيل : 23/04/2008

الرجوع الى أعلى الصفحة اذهب الى الأسفل

مساكين المغتربين ,,,,,,,,مراحل حياة المغتربين‎ Empty رد: مساكين المغتربين ,,,,,,,,مراحل حياة المغتربين‎

مُساهمة  قاسم ابراهيم السبت أكتوبر 17, 2009 11:42 am

الله اديك الصحة والعافية يابدرابي فعلا تطرقت لموضوع مهم وهو موضوع الاغتراب فالمغتربين السودانين بصفه عامة ومغتربي البشاقرةبصفة خاصة ليس لديهم هدف فكل همه ان يغترب وبس .
اشترى فيزا اوجابا ليه اخوه او جاتو من شركة يبداء اتسلف من هناء وهناك ليكمل الاجراءات وبعد ذللك يحمل حقبته ويغادر الوطن مغتربا ومن هنا ومنهناك يطلع الاقامة وبعد تبداء مرحلة البحث عن عمل تجيب ليه عمل 1200 يقول شوية وهونائم في البيت وانا دائر اكثر وهكذا ومع مرورالزمن تمر السنة وهولم يعمل فيها سوى 2 او 3 فقط ويبداء مرحلة تجديد الاقامة والساقية لسه مدورة
فالمغترب يكمل فلوسة اوريالته في اشياء يمكن ان تكون باقل تكلفة وهي الاتصالات فاسوداني يتحدث في التلفون حوالى الساعة وهو يردد كيفكم كويسن يمكن 20 مرة في حين ان المصرى يتصل كيف العيال كويسين وكيف الوالد والولدة وحولت لكم الفلوس في البنك ما تأخذ دقيقة او بالاكثر دقيقتين
فيجب ان نحدد الهدف من اغترابنا فمنا من يغترب من اجل الزواج ومنهم من يغترب من اجل بناء البيت او المنزل ومنهم من يغترب لشراء سيارة يترزق بها ومنهم من يغترب اليهم جميعا
غريب وحيد في غربتو
حيران يكفكف دمعتو
طال بيه الحنين
فاض بيه الشجن


ولنا عودة
ط
قاسم ابراهيم
قاسم ابراهيم
فضي
فضي

عدد الرسائل : 361
العمر : 50
الموقع : الرياض العليا شارع الثلاثين
العمل/الترفيه : الرياض
المزاج : الحمد لله رائق
تاريخ التسجيل : 16/05/2009

الرجوع الى أعلى الصفحة اذهب الى الأسفل

مساكين المغتربين ,,,,,,,,مراحل حياة المغتربين‎ Empty رد: مساكين المغتربين ,,,,,,,,مراحل حياة المغتربين‎

مُساهمة  البادرابى السبت أكتوبر 17, 2009 12:14 pm

مشكور على الاضافة الجميله طلعو الجوه انا عندى حاجات تكره المغتربين فى الغربة السؤال كان رجعو يشتغلو شنو زى الانت عارفهم بقو ورتاب ان قعد فى الشجرة خربها وان نزل الارض وسخها
البادرابى
البادرابى
فضي
فضي

عدد الرسائل : 180
تاريخ التسجيل : 23/04/2008

الرجوع الى أعلى الصفحة اذهب الى الأسفل

مساكين المغتربين ,,,,,,,,مراحل حياة المغتربين‎ Empty رد: مساكين المغتربين ,,,,,,,,مراحل حياة المغتربين‎

مُساهمة  عبدالحى الضو السبت أكتوبر 17, 2009 12:46 pm

والله الاغتراب مصيبة لكن الناس تعمل شنو فى ناس فى السودان ما بتوفقو فى شغل عشان كدة الناس بتهاجر
لتحسين اوضاعها حتى الذى يحتاج الية البلد نجدة يهاجر عشان بحصل على امتيازات احسن من هنا
ومن هنا نتمنى من الذين يهاجرون لتحسين اوضاعهم ان يحسنو ايضاً طباع اولادهم وتربيتهم احسن تربية
وان يعلموهم كلمات بلدنا حتى لا ينسوها او ياتونا بثقافة غيرهم. لا مانع من تعلم ثقافات الغير اذا لم تنسينا ثقافتنا
كما نتمنى من الذين يهاجرون من غير اولادهم ان لا يكثرو فى الغياب لى سنة او سنتين فذالك يأثر سلباً فى تربية
الاولاد وان لانترك التربية للام فقط فطبع الاُم حنون لدرجة انة يمكن ان يطيح بتربية الابن او البنت بقدر ما يحتاجون
الى امهم فمحتاجون الى ابيهم ايضاً ولم نسمع قط بان والد علم ابنائة بالتلفونات
ان امكن من كل المغتربين ان يرسلو الى زوجاتهم لكى يعيشوا معهم فى هذة الغربة التى لا يعرفوها الى متى
ومن لا يقدر على ذالك ان يفكر مليئاً فى العودة الى الوطن وان يعمل حتى ولو طُلبة ولا حرج فى ذالك
الابناء يستحقون ان نكون معهم وليس ان تكون معهم الفلوس التى ترسلونها
ايجابيات الاغتراب
بسيطة وتتمثل فى تحسين ظروف المعيشة
سلبيات الاغتراب
كثيرة وتتمثل فى الابتعاد عن الاهل والاحباب
وكثيراً لا نحضر المناسبات السعيدة لى اهلنا واصحابنا وحتى الاحزان لا نحضرها
والغريبة فى الامر ان المغترب لا يؤانس والدية فى ايامهم الاخيرة حتى يموتو
ثم بعد ذالك يطلب من الكفيل ان يعطية اجازة للعزاء
وبعد داك جائى لشنو ما عارف والله . لو الواحد ما حضر والده او امة او اخوهو او صاحبة او. او.او قبل ان يموتو مافى داعى للحياة اصلاً
معليش يا اخوانا المغتربين مجرد وجة نـظــــــــــــــــــــــــر
عبدالحى الضو
عبدالحى الضو
ذهبي
ذهبي

عدد الرسائل : 563
العمر : 44
الموقع : Blu Nile State
العمل/الترفيه : lead.Sales Supervisor
تاريخ التسجيل : 11/06/2008

الرجوع الى أعلى الصفحة اذهب الى الأسفل

مساكين المغتربين ,,,,,,,,مراحل حياة المغتربين‎ Empty رد: مساكين المغتربين ,,,,,,,,مراحل حياة المغتربين‎

مُساهمة  ابوعاقلة حسن حمزة العالى السبت أكتوبر 17, 2009 1:22 pm

اللهم صل على حبيب الله
الغربة كـــــــــــــــــــربة كما قيل وهذه حقيقة لمسناها عندما تركنا اهلينا وفلذات اكبادنا لمهب الريح
وكماقلت يابادرابى صحيح نرجوا الدعوات الصالحات بالعودة للوطن ,,,,,,,,,,,,,,,,,,,,,,,,,,,,,

ابوعاقلة حسن حمزة العالى

عدد الرسائل : 25
العمر : 63
تاريخ التسجيل : 14/10/2009

الرجوع الى أعلى الصفحة اذهب الى الأسفل

مساكين المغتربين ,,,,,,,,مراحل حياة المغتربين‎ Empty رد: مساكين المغتربين ,,,,,,,,مراحل حياة المغتربين‎

مُساهمة  البادرابى السبت أكتوبر 17, 2009 1:26 pm

مشكور اخى عبد الحى على الاضافة الايدو فى النار مازى الايدو فى الموية ولنا عودة
البادرابى
البادرابى
فضي
فضي

عدد الرسائل : 180
تاريخ التسجيل : 23/04/2008

الرجوع الى أعلى الصفحة اذهب الى الأسفل

مساكين المغتربين ,,,,,,,,مراحل حياة المغتربين‎ Empty رد: مساكين المغتربين ,,,,,,,,مراحل حياة المغتربين‎

مُساهمة  البادرابى السبت أكتوبر 17, 2009 1:28 pm

ابوعاقلة حسن حمزة العالى كتب:اللهم صل على حبيب الله
الغربة كـــــــــــــــــــربة كما قيل وهذه حقيقة لمسناها عندما تركنا اهلينا وفلذات اكبادنا لمهب الريح
وكماقلت يابادرابى صحيح نرجوا الدعوات الصالحات بالعودة للوطن ,,,,,,,,,,,,,,,,,,,,,,,,,,,,,


مشكور ابوعاقلة الراجل الخفى واين انت حتى فى الغربه وانت غريب اظهر يامولانا وادعو لنا
البادرابى
البادرابى
فضي
فضي

عدد الرسائل : 180
تاريخ التسجيل : 23/04/2008

الرجوع الى أعلى الصفحة اذهب الى الأسفل

مساكين المغتربين ,,,,,,,,مراحل حياة المغتربين‎ Empty رد: مساكين المغتربين ,,,,,,,,مراحل حياة المغتربين‎

مُساهمة  حسب الرسول مبارك السبت أكتوبر 17, 2009 1:41 pm

يا البادرابي وين سافرو ففي الاسفار خمسه فوائد بعدين الغربه الظاهر زي وريبه المك البرا داير اخش والجوه دائو انفك السودان كلو دائر يغترب
حسب الرسول مبارك
حسب الرسول مبارك
فضي
فضي

عدد الرسائل : 330
العمر : 48
العمل/الترفيه : محام
تاريخ التسجيل : 08/06/2008

الرجوع الى أعلى الصفحة اذهب الى الأسفل

مساكين المغتربين ,,,,,,,,مراحل حياة المغتربين‎ Empty رد: مساكين المغتربين ,,,,,,,,مراحل حياة المغتربين‎

مُساهمة  فقدابى السبت أكتوبر 17, 2009 3:29 pm

التحيه لك اخى البادرابى والى كل الذين تداخلو معك
انا فى الحقيقه ارى غير ذلك تمام . وما ذكر فيه نكران جميل للمغترب الذى كان وما زال له يد الطول فى اهله واسرته بل حتى الدوله فى فتره ما كان المغترب هو المصدر الوحيد للعمله الحره والتى تؤخذ منه طوعا او كراهيه فحال المغترب هو حال مشروع الجزيره الان كل السودان كان يقوم على اكتاف الجزيره ولم نسمع باحد من الجزيره يقول ( بقم ) بينما الان ناس دارفور دايرين حقهم فى البترول ناس الجنوب دايرين الانفصال ناس الشرق اعينهم على الدهب وناس الشمال تعويضات مروى .والجزيره؟؟؟؟؟؟؟؟؟؟؟؟؟؟؟؟؟؟؟؟؟ اما المغترب الذى كان ينتظر متى يرجع الان الناس بدات تنعنش وتنسى الفات .
المهم نرجع لى صاحبنا المغترب الذى لم يترك ولم ينسى الاهل والاخوان والخاله والعمه والجيران .بالله عليكم ايها المغتربون من منكم يفكر فى نفسه فقط ؟ ياخوانا ليه ما تطول غربتنا والله الواحد لو على اسرته الصغيره فقط انا متاكد كان زمان رجع لى بلدو
الراحل جون قرنق كان من ضمن ارائه ان يصرف معاش جارى للمغترب الذى يرجع نهائ لان الضريبه التى يدفعها للحكومه اكبر من التى تستقطع من موظف الدوله لكى تعود له معاش فى نهاية خدمته .
اما موضوع ( قرد -حمار - كلب - قراده ) هذه قمة الاستهتار . بالامكان ان نجد له اوصاف غير هذه على الاقل انه بشر ميزه الله عن باقى مخلوقاته
لى عوده ان شاء الله

فقدابى

فقدابى
فضي
فضي

عدد الرسائل : 268
العمر : 56
تاريخ التسجيل : 31/05/2008

الرجوع الى أعلى الصفحة اذهب الى الأسفل

مساكين المغتربين ,,,,,,,,مراحل حياة المغتربين‎ Empty رد: مساكين المغتربين ,,,,,,,,مراحل حياة المغتربين‎

مُساهمة  قاسم ابراهيم السبت أكتوبر 17, 2009 5:39 pm

نشارك مرة ثانية باغنية للعملاق محمد وردى

فتش في ترابك/المكاشفي محمد بخيت

فتش فى ترابك ..
قَلِبوُ ذرة ذره..
تلقانا بنحبك أكتر كل مرة
نحن أولاد كفاحك رغم وجودنا بره..
رغم الخطوة تاهت.. رغم الغربة مُرة
ننشد فى سبيلك عرفانا وجميلك ..
ونرحل فى هتافك يا عِشْقْ إستمرّ..
فتش فى ترابك ..
قَلِبوُ ذرة ذره..

بى عينيك نعاين عبر الضَلْمَة باكر
بكرة الجايى باين فى عودة مسافر
أمن قلبو عندك....طاف الريح مهاجر
أنفاسك تنومو لما الحزن جاسر
وأجراسك تقومو ..يصحى معاك يساهر
يصحى الحلم دايماً شعب ضراعو وافر ...
فى الأرض التزغرد فى أفق الحناجر...
والشمس البتطلع فى أعلى المنابر
وزى فى كل مرة أحلى وأغلى ثورة
يا وطن الأمانى وشعب إرادتو حرة...
فتش فى ترابك ..
قَلِبوُ ذرة ذره..

ياما الضفة تشهد يوم غنيت مكانا
يوم الغابة شافت فى عينيك زمانا
لما الكلمة تطلع منك برتكانه..
زيك نحن نعشق شرط تكون معانا
فى توب البنية وفى لمسات حنانا..
فى كل الأماكن وين ماتروح خطانا
هو العيد نشيدك 0..واللا الفجر عيدك
نحن الفى بعيدك أقرب من وريدك
فى ايدينا جمرة...
طول الوكت حرى ..
ياوطن الأمانى وشعبو إرادتو حرة..
فتش فى ترابك ..
قَلِبوُ ذرة ذره..

زرعو خصام جنوبنا ..بى سبب الديانة ..
الأديان سماحة وروح الدين أمانة..
طول تاريخنا عايشين فى السودان ضرانا
فينا لسانو عربى وفينا لسان رطانه..
مختلفين ثقافة ومختلفين ديانه
من كل التباين وحدنا إنتمانا
ومتفقين فى حبك يا عالى المكانة.
قاسم ابراهيم
قاسم ابراهيم
فضي
فضي

عدد الرسائل : 361
العمر : 50
الموقع : الرياض العليا شارع الثلاثين
العمل/الترفيه : الرياض
المزاج : الحمد لله رائق
تاريخ التسجيل : 16/05/2009

الرجوع الى أعلى الصفحة اذهب الى الأسفل

مساكين المغتربين ,,,,,,,,مراحل حياة المغتربين‎ Empty رد: مساكين المغتربين ,,,,,,,,مراحل حياة المغتربين‎

مُساهمة  النحلة السبت أكتوبر 17, 2009 8:40 pm


قال الله تعالى: {هوَ الَّذي جعلَ لكم الأَرضَ ذَلُولاً فامشوا في مناكِبِها وكُلُوا من رِزْقِهِ وإليه النشور
يا أخ بادرابي ما هذه النظرة السوداوية إلى الحياة -تاتي الرياح بما لا تشتهي السفن-يمكن الذي قدره لك رب العالمين افضل من الذي تتمناه يمكن طلعك من فتنة وما يقدره الله دائماً رحمة للعالمين وطالما الإنسان معافى فليحمد الله على كل حال وبعدين سواء في بلد الغربة أو في السودان هناك حياة وموت تعب ومشقة شغل وتفكير
فحمد الله واشكره حتى لا تزول النعم ونحن مسيرين ولسنا مخيرين فما قدره الله سوف يكون شيئنا ام ابينا ولو كنت في بلاد المسلمين احمد الله أنك لم تكن في بلاد المشركين
وصية لكي تتغير نظرتك للحياة
أقرأ كتاب لا تحزن للدكتور عائض القرني
dont be sad
النحلة
النحلة
فضي
فضي

عدد الرسائل : 202
العمر : 43
الموقع : المدينة المنورة
المزاج : في قمة السعادة
تاريخ التسجيل : 12/08/2009

الرجوع الى أعلى الصفحة اذهب الى الأسفل

مساكين المغتربين ,,,,,,,,مراحل حياة المغتربين‎ Empty رد: مساكين المغتربين ,,,,,,,,مراحل حياة المغتربين‎

مُساهمة  البادرابى الأحد أكتوبر 18, 2009 1:15 am

فقدابى لك التحية -----نسال عدة اسئله فلا بد من الاجوبه الصريحة كم تقدر عدد السنين او متوسط اغتراب الشخص بالغربه وبالاخص ابناء منطقتنا ( 20-----30 سنه) الذى ان اوضحة كل واحد يضرب بيته مره ومرتين بوهيه ويمشى السودان فى اجازه يجد ان بيته يريد تجديد والسنه البعدها برضو نفس الشى 000نحن بصراحة مامعروف نحن فوق او تحت 000ثق تمام ان ماقيل فهو جزء كبير من الحقيقة 000النساء ينامو والرجال يكضبو جنس كضب000000000000000000ولك التحية


عدل سابقا من قبل البادرابى في الأحد أكتوبر 18, 2009 8:09 am عدل 1 مرات
البادرابى
البادرابى
فضي
فضي

عدد الرسائل : 180
تاريخ التسجيل : 23/04/2008

الرجوع الى أعلى الصفحة اذهب الى الأسفل

مساكين المغتربين ,,,,,,,,مراحل حياة المغتربين‎ Empty رد:

مُساهمة  huzyfa الأحد أكتوبر 18, 2009 4:58 am

التحية لكل المتداخلين.
وياالبادرابي بي كلامك دا بتكتل ليك مغترب.
وتقبل مروري...
huzyfa
huzyfa
فضي
فضي

عدد الرسائل : 232
تاريخ التسجيل : 04/05/2008

الرجوع الى أعلى الصفحة اذهب الى الأسفل

مساكين المغتربين ,,,,,,,,مراحل حياة المغتربين‎ Empty رد: مساكين المغتربين ,,,,,,,,مراحل حياة المغتربين‎

مُساهمة  آفكو الأحد أكتوبر 18, 2009 5:02 am

huzyfa كتب:التحية لكل المتداخلين.
وياالبادرابي بي كلامك دا بتكتل ليك مغترب.
وتقبل مروري...
نحن مغتربين متحجرين داخليا بس ريبورت متحرك خلاص الاحاسيس تجمدت
تقبلو مروري

آفكو

عدد الرسائل : 3
العمر : 57
تاريخ التسجيل : 14/10/2009

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى