لو قمت من النوم لقيتها فى غرفتك

http://www.gulfup.com/gfiles/12553361461.jpg

الكترابببببببببببببببببببببببببببببببببببببببببببببببببببببببببببببببببببببببببببببببببببببببة

نصف هذة الفلوس بديها الى صندوق عشرة ريال لاعمار الدار.
باقى الفلوس بشوف شباب البشاقرة العاطلين واعلمهم شغل انتفعو بيهو وانفعو بييهو اهلهم وبلدهم

لو لقيت ربع القروش دي مابتلقي
زمن تعرف مشكلة زول
اخير لينا وضعك دا عشان نلقاك
بس المشكلة تقوم تبقي لينا جمال الوالي
نمرة اتنين وتشتري اللاعبين من طرف
ويطلعوا ليك كلهم وارغاب

مشكور اخونا بوكا على المرور وربنا يوعدك بيها

البطحانيه كتب:

والله أنا لو يوم لقيت فلوس زي دي يمكن أجن

أكيد بعمل مشاريع كتيرة .. وأوظف كل الشباب العاطلين عن العمل وكل المحتاجين بس ما أوزعها
وكمان ما أنسى نصيب العائله الكريمة
وبالتأكيد ما أنسى نفسي ..
أوعدنا يارب بالجنه

تحياتي

ماشاء الله يا بطحانية اعملى بيها كبرى بين البشاقرة غرب والبشاقرة شرق وتجميع البطاحين كلهم 00ومشكورة على المرور

معي عبد العزيز حسونة قال اول شي احمد الله
واقول للفقر انا وانت خلاص اتفارقنا غرب خلاص نحن شرقنا ..................
وحاج جلب او حاج صلاح
نحمد الله اولا ونساله ان يصبرنا على تحمل هذه النعمة ننفق فيها في عمل الخير وخاصة مدارسنا ومساجدنا واهلنا الفقراء والمساكين وزوى الحاجات
واديك نسبة 10% يا بادرابي و10% للرحلات واستراحتكم يا النمرود .......!
والله يا بادرابي معاه ضحكة كبيرة من حاج جلب

التحيه لكم جميعا من البادرابى الى بت السعودية
البطحانية زكرت قول الله تعالى (استغفروا ربكم إنه كان غفارا يرسل السماء عليكم مدرار ويمددكم باموال وبنين ويجعل لكم انهارا مالكم لاترجون لله وقارا وقد خلقكم اطوارا ) وعلينا وعليكم إخوتى بالإستغفارز ونسأل الله أن يحقق امنياتكم وأن يجعلكم من المنفقين فى السراء والضراء . وقال صلى الله عليه وسلم من هم بالحسنه ولم يعملها كتبت له حسنه

نجر منها ربطة ربطة ونشتري بيها جراك لمن تكمل مع الاخوة وجدي وابودرق وابوركبة

مشكور يابادرابي علي الدعوات وربنا يتقبل منا ومنكم
.....................
البطحانية سلام ،اظنك ماشة فوق درب عبد الحي ولوكانت
امنياتك بالمقلوب اطنها بتكون احسن ولا شنو ؟ كدي راجعيها
........................
ولدنا حذيفة حمد لله علي السلامة انت قاصد (الجراك) الواحد داك؟
غايتو الله يكون
في عون ناس منتهي

هو في الحقيقة ياالبادرابي لا يمكن ان يقوم شخص من النوم ويلقي جنبو كمينة الطوب دي.ولكن في الواقع يجب ان نستصحب معنا قول الله تعالي : ((وَمَآ أُوتِيتُم مِّن شَيْءٍ فَمَتَاعُ ٱلْحَيَاةِ ٱلدُّنْيَا وَزِينَتُهَا وَمَا عِندَ ٱللَّه ِ خَيْرٌ وَأَبْقَى افلا ٰتَعْقِلُون))
وقال تعالى : ((وَمَا ٱلْحَيَاةُ ٱلدُّنْيَآ إِلاَّ لَعِبٌوَلَهْوٌ وَلَلدَّارُ ٱلآخِرَةُ خَيْرٌ لِّلَّذِين يَتَّقُونَ أَفَلاَ تَعْقِلُونَ))
وبما ان المال زينة الحياة الدنيا كما وضح الحق سبحانة وتعالي الا ان هذا لايساي ما عند الله
يعني حتي لو لقيناها فهي لا تساوي شيئاء لما عند الله في الاخرة من نعم لا تحصي ولا تعد .
اذا الثروة الحقيقية هي تمسكنا بتعاليم ديننا وفي تواصلنا عبر هذا المنتدي.
ولكم احلي تحيـة...
كسرة:
يابوكا حكاية الجراك او (المعسل ) مزحة ليس الا.