انتبه :غرفة دردشة بالموقع

نرجو من الاخوة الاعضاء ان ينتبهو لوجود غرفة دردشة او ماسنجر اسفل الموقع في الصفحة الرئيسية ويمكن الاستفادة منها وما عليك الا ان تنظرالي اسفل الصفحة ولتعرف من يتواجد والدخول معه في الدردشة

كدا احسن والله يا ادمن بدل ما نقلب ليكم البوستات كلها ونسات . الافضل نتسامر ونتونس بهناك لكن باقي ليك البيخش زينا دا انصاص الليالى التقول حرامي بيلقى ليهو زول يتونس معاهو ؟؟

ناس الليل ديل الله يدينا خيرهم



والفى راسو بطحة بحسس عليها 0 برضو زووووار الليل







تحياتى سهااااااااااااااااارى

بكتب على صدر الموج أمال أطفال عمال و مزارعية
سهارى


انت ياحبيب دا شعر مصطفي سيد احمد ولا ا نا نظري بقي كعب؟ ولا انت قلبت؟

Boka Bashagra كتب:بكتب على صدر الموج أمال أطفال عمال و مزارعية
سهارى


انت ياحبيب دا شعر مصطفي سيد احمد ولا ا نا نظري بقي كعب؟ ولا انت قلبت؟

اولا لك الشكر والعرفان على المرور الخفيف
ثانيا لك الوقوف والسناء وانت تستمع للراحل
المقيم الاستاذ مصطفى سيد احمد اللهم أجعل قبره
روضة من رياض الجنة 0انه رقما لا يمكن[]
ان تتجاوزه فى دوحة الغناء السودانى انت اليوم
عزفت على الوتر الحساس وسوف يكون لى كتابات
عن هذا المبدع الرائع وعن كل الشعراء الذين
تعاونوا معه0
ثالثا (بكتب على صدر ألموج أمال أطفال عمال ومزارعية)
هى غناء مصطفى سيد احمد ومن اشعار الشاعر القامة الكبير
والمتحدث بلسان الغبش والغلابة الكادحين فرعون زمانو في الشعر
شاعرنا (محمد الحسن سالم حميد) لك من اشعار هذا الشاعر هدية
صغيرة وكلى عشم ان تعجبك وان تفصح لنا عن اسمك ليكون التعامل
معك اكثر وضوح ودعم لكل اغنية تغناء بها ود سيد احمد


أملأ قلبك


أملأ قلبك بالوطن ... بالصُّغارْ
قومة العمال دَغَش ... بالنّضارْ
المزارعية الغُبُش .. بالجنود الوين تخش في سبيلك كالنهارْ
بالمداد الما بيغُش .. بي وتر جاء من الجحيمْ
أملأ قلبك بالنسيمْ
ملِّي بالطير الرطنْ
طيبة والعالم قديم ... ينسى كالريح ... المحنْ
خلِّي بالَك مستقيم دغري وإن مال الزمنْ
راحل الليل البهيم والبصيرات ما عِمَنْ
الظروف الليلي أبن ... طيبة لا خوف لا حزنْ
باكر التِّقْيات تنورق وتنملي الضرعات لبنْ
طيبة يا صمت الحنين كلما طفاهو همْ
لا في آهة ولا أنين لا بيروع ليح ودمْ
من مرارات السنين من عصارات الألْم
بيمرق الشوق الدفين بي كعنكيل العشمْ
احكي ليك يا طيبة حكوة
ذات زمان من ضيق وقسوة
وكل يوم من بارحو اسوأ
والمراحات قاطي قطْ
فجأة في قلب السماء ... غيمة غيمتين .. غيم ربطْ
كتمة حتى الطين عِرِقْ
والشجر قرب يَبِقْ
إلا يا طيبة الخَلِقْ ... من بدل تفرح تَنِقْ
الشِّكايات ... السخط .. لا السُّحب دارت تَصُبْ
لا الهبوب داير تَهُبْ
نسمة نسمة آ رب هبوبكْ
من شمالك من جنوبكْ
الهبوب يا رب هبوبكْ
من شروقك من غروبكْ
من تحت من فوق هبوبكْ
كتمة كتمة معاها ضيقة
نسمة يا رب الخليقة
سكت الأطفال دقيقة
نبكي خش آ حول في حول ...
ظاهر الحال ماهو مخفي ....... وقولنا فيك ما فيهو قول
نسمة كل راس ساعة تكفي ....... نسمة واحدة لألف زول
ينطلي الجو بالَحمَارْ
فجأة من حر لي غبارْ
الطشاشات الدّوارْ
السبابات النِّقارْ
نقة الضيق تنطلقْ
قلنا فاقت باتت أزحمْ ...
الغبار من كتمة أرحمْ ...
أرحم الحر البيلحم ... لا ده لا ده ولا فرق
طيبة تمي الحكوة قولي
الصّبرُ خلقوهو هولي
الزمن يقسى ويَرِقْ .. وانتي يا كتمات تطولي
اليطول بال الخلق .. طَرِّقْ الغنوات يا زولي
عدّ فات الريح شَرِقْ من بعد ما جاب سحاب
من بعد قشّ التراب ... مشط القش والشجر
رجّع الطير للوكرْ
ها البرق شال البرق .. الرعد ريحة الدعاش
ابشروا بالخير نقطت أي والله المطر

مع خالص شكرى وتقديرى سهاااااااااارى

التحية لك اخي عثمان والله شكلو الكلام معاك حيكون ممتع فهذا اول لقاء علي المنتدي واول تلاقي علي مستوي الذوق والوطن والشعر والغناء والذكريات الحلوة فلك مني الف تحية ولشاعرنا حميد مليون وللراحل مصطفي سيد احمد الرحمة والمغفرة ولك في الختام تقديري
اسمي مكتوب في اخر الرد
ولكن ساكرر
انا بخاري حبيب الله تزاملنا في اللعب لنادي الزمالك الرياضي
الم اقل لك هناك مشتركات كثيرة؟

Boka Bashagra كتب:التحية لك اخي عثمان اول لقاء علي المنتدي واول تلاقي علي مستوي الذوق والوطن والشعر والغناء والذكريات الحلوة فلك مني الف تحية ولشاعرنا حميد مليون وللراحل مصطفي سيد احمد الرحمة والمغفرة


تزاملنا في اللعب لنادي الزمالك الرياضي
الم اقل لك هناك مشتركات كثيرة؟

الاخ العزيز بخارى مليون سلام ولك الف تحية وتعظيم للزمن الجميل الذى مضى
اخى اخبارك واسعدنى ان اتواصل معك اخ وزميل فى زمن رائع كنا فيه اسرة واحدة ما اروعها وما اجملها من ايام خالدة فى ازهاننا
فرقة الزمالك الماسية دفعة فى كل شى (المدرسة -لعب الورق فى بيت ود عكارة - فى كرة القدم -جلسات سمر - ونسهر معا
ايام لا تنسى محفورة فى الزاكرة 0
عزيزى / ايضا نلتقى فى الزوق مع القامة والرائع الراحل المقيم / مصطفى سيد احمد ما أروعك اخى بخارى ولى زكريات مع
بدايات الاستماع للمبدع مصطفى سيد احمد كنت استمع له كثيرا ولى عدد من اشرطة الكاست وكانو اخوانى 0
(فضل الله جماع -والشيخ دريس عمر -عبد المتعال - امين حدباى -وعدد من الاصدقاء لا تسعفنى الزاكرة يضحكون فى وكيف
استمع لهذا الغناء الغير مفهوم ومبهم ويطلبوا منى اخراج الشريط وتبديله وبعد فترة من الزمن اصبحوا مدمنين لسماع مصطفى سيد احمد
وبالاخص الاخ فضل الله جماع وعبد المتعال قدورة والبقية صاروا من انصار الراحل المقيم مصطفى له الرحمة والمقفرة0
انها زكريات جميلة ورائعة بروعة لقاك اليوم فى هذا المنتدى لك التحية والسناء اخى وزميلى / بخارى ولى معك عوده بالتاكيد وحتى
ذلك لك عاطر التحاية والتقدير 00000
من اشعار ازهرى محمد على

أبداكى من وين ..

أبداكى من وين .. وفينى منك لسة حاجات

من مخاوف ومن شجن

أبداكى من وين .. وظنى إنك

فكرة إعلان الحياة

وإنتهاءات العوارض والمحن

نفسى ألقاكى وأكون

أنا كلى من بعضك

أو .. بعضى من كلك بدن

وداير أبقاكى وأوحد دورة الدم

المقسمة بينى .. بينك .. والسحن



أبداكى منى .. ولاّ منِّك

أبتديكى محل .. محل

من ياتو منفذ أدخلك

وكل المنافذ فيكى سدّاها النحل

من ياتو شارع أوصلك

وكل الدروب معطونة لى آخر الوحل

.. أستبيح كل الحواجز .. وأدخلك

من كلامك بدخلك

من بين مسامك بدخلك

من أى قاسم مشترك

وشبهة تشابه .. ادخلك

ونتلاقى نهرين من تسامى .. وإشتها

وأبداكى من حيث أنتهت عندك خواتم الإنتها

أبداكى .. وأخلع خيام عمرى المضى

وألقاكى مبسوطة اليدين

مفتوحة أبواب الرضا

أبداكى من لحظة أنستِكْ نار

وأخدت من قبسك .. هُدى

وأنا ضُمـّة زاهد

فى الدروب الما بتجيك

.. ولا بترجِّع ليا من تالاك صدى

أبداكى من وين ؟

عندى ليك الكثير مع خالص الشكر سهااااااااااارى