بشاقرة نفر
المواضيع الأخيرة
» منأشدة للاحياء المنتدى
الأحد أغسطس 16, 2015 2:23 am من طرف ود النيل

» المنتدى مهمل
الأحد أغسطس 16, 2015 1:44 am من طرف ود النيل

» صباحات ...... غادة فؤاد السمان
الإثنين أبريل 07, 2014 4:32 pm من طرف غادا فؤاد السمّان

» ليش بسكر الجوال تخاف من الهواء البارد حول الف ريال - قصيدة
الثلاثاء فبراير 26, 2013 12:46 am من طرف محمد احمد عويضة

» الصديق أبو إدريس الرجل الذي فقدناه
الجمعة نوفمبر 23, 2012 10:52 am من طرف ايهاب عبدالفتاح محمد

» من المحسى للاهل بالبشاقرة شرق
الجمعة نوفمبر 23, 2012 9:33 am من طرف ايهاب عبدالفتاح محمد

» بشائر الفضل الإلهى فى العقيدة
الأحد فبراير 12, 2012 10:02 am من طرف انورفؤاد

» فقيد البشاقرة
الخميس سبتمبر 29, 2011 3:25 am من طرف ود الفعج

» عــــــــــــــــــــــــــــدنا
السبت أغسطس 06, 2011 2:25 pm من طرف Admin

بحـث
 
 

نتائج البحث
 


Rechercher بحث متقدم

التبادل الاعلاني
سبتمبر 2017
الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
252627282930 

اليومية اليومية

المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 400 بتاريخ الثلاثاء يونيو 19, 2012 6:41 am

راكوبة ابريش

صفحة 2 من اصل 6 الصفحة السابقة  1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي اذهب الى الأسفل

رد: راكوبة ابريش

مُساهمة  فقدابى في الإثنين أكتوبر 12, 2009 3:29 pm

مرحبتين حباب الدبلوماسى حفيد بلال ابقى يا جوه ورجع لينا صوت اذان المرحوم جدنا عباس ودحسن
يلا قبل ما اجينا ابو القاسم نرجع لى ضيوفنا بت السعوديه والبطحانيه
المخلايا:كيس من القماش باحجام متفاوته
القرقريبه : قطعه من السعف فى شكل المسطره لصناعة ( عواسة ) الكسره والان دخلت كروت الشحن
المرحاكه :قطعة حجر اوصخره بطول اصغرمن المتر لطحن الذره ة والاشياء الخرى ( طاحونة زمان )
النتاك : فتحه تحت جدار الحوش لتصريف مياه الامطار
السويبه : قطعه مبنيه من الطين او الفخار بشكل وحجم البرميل لحفظ الذره لفتره بسيطه
المطموره : حفره دائريه داخل الارض لحفظ الذره لفترات طويله وتحفر باعماق مختلفه
الباقى بتركو للحبايب ونشوف مخاليهم شن فيها ؟؟؟؟؟؟؟؟؟؟؟؟؟؟
ود الدقناوى والله راكوبتك تنسى الزول هموم الغربه واحزانها ( زمن ناس مزاجها رايق لاهم ولا غم )

فقدابى

فقدابى
فضي
فضي

عدد الرسائل : 268
العمر : 49
تاريخ التسجيل : 31/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  قاسم ابراهيم في الإثنين أكتوبر 12, 2009 4:07 pm

يا ود الدقناوى جبنا ليكم القصب بى وراتابو
وحقيقة الراكوبة محتاج ليها جبنة
يابنية سوى الجبنة يابني في ضل الضحاوية
داجبنتنا تسويها حالف ما بخليها
يا اللوري عليك الرسول بوري
الان يدندن بها عبد العزيز وحاج جلب وشارك فيها بالتلفون الاستاذ بدر الدين على البشري مع مداخلات العود
ونحي اخينا وحبينا بوكا وهو في الجماهرية الليبة
وبشاقرتنا اجمل واحلى
avatar
قاسم ابراهيم
فضي
فضي

عدد الرسائل : 361
العمر : 44
الموقع : الرياض العليا شارع الثلاثين
العمل/الترفيه : الرياض
المزاج : الحمد لله رائق
تاريخ التسجيل : 16/05/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  قاسم ابراهيم في الإثنين أكتوبر 12, 2009 5:45 pm

نواصل في راكوبتنا يلا ياجماعة نشوف ناس عمر ودعلى في الحرازات وفي العصير
وكان عمر طيب الله ثراه مغرم ومبدع في اغاني الحقيبة وكذلك اغاني السيرة والتراث والاغاني الشعبية
وكان يغنى باغنية المرحوم مالك ود ابريش رحل الحبيب
رحل الحبيب بدرى خلا الدموع تجري
قول ليه طال هجرى بالحكمو الاله يجرى
في طابئعو ما بندم لابس عقولنا ختم
شوف جور غرامو هجم
في الجوف سلاحو رزم
في البشاقرة ود ابريش خلتن قلوبنا ترش
فراقة دار الغش
مالــــــــــــــــــــــــــــــــــــــــــــــــــــــــــــــــــكنا ود ابريـــــــــــــــــــــــــــــــــــش
والله فعلا فراقة دار الغش
وكان هنالك برامج صور شعبية للطيب محمد الطيب حلقة خاصة مع عمر ودعلي
يلا يالعبيد الطيب شوف لينا الحلقة ونزلها في المنتدى
وقد كانت شعار برامج صور شعبية
ياقـــــــــــــــــــــــــــــــــــمــر شلولة هوي
ارح لاهلنا هوى
عشه وبتولة هوى
ارح لاهلنا هوي
ياوليد الحلة هوى
ارح لاهلنا هوي
ياوليد عزيزة هوى
ارح لاهلنا هوي
ياوليد حبوبة هوى
ارح لاهلنا هوى
وندخل في راكوبتنا

نحن جدودنا اصل من علم بينين
نحن قلوبنا من فولاز حديد ما بلين
نحن اللى عروضنا لئام وجبارين
بعرفنا الصبر ياالملكة صابرين ( اللهم ارحم الملكة بت يوسف بت احمد دفع الله )
نحن الموت نريدوا وفيهو نادر عودنا
وخزنتنا القبيل خلوها لينا جدودنا
وما بنتبع الباطلة ولا بنفى عروضنا
حلوة دفونا
بنولع نارنا ونجيب وقودنا
ونحن صغيرنا حياتو ماهمية
في زمن الحروب الواحد يوازن المئه(100)
نحن ارواحنا تفدا ناس سعاد وصفية
ونحن لى وطنا عهودا ديمة وفية
نحنا ولاد البشاقرة نقعد نقوم على كيفنا
في لقى فعدم دائما مخرف صيفنا
نحن ابخُرص بنملاه وبنكرم ضيفنا ( ابخُرص هو القدح الكبير )
نحن الفى رقوب اعدانا مجرب سيفنا
وكانت المشاركات من حاج جلب وعبد العزيز حسونة وابوحمدى بالتلفون العمدة خليفة ود الحاجة

اها ياجماعة لنا عودة مع من عاصرو تلك الفترة

وبكرة بشاقرتنا تكبر وتبقى احلى وانضر
avatar
قاسم ابراهيم
فضي
فضي

عدد الرسائل : 361
العمر : 44
الموقع : الرياض العليا شارع الثلاثين
العمل/الترفيه : الرياض
المزاج : الحمد لله رائق
تاريخ التسجيل : 16/05/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  النحلة في الإثنين أكتوبر 12, 2009 6:22 pm

يا أخ قاسم ويا فقدابي ويا ود الدقناوي لو كانت دي راكوبتكم وين المتطلبات الكتيرة الطلبتوها ومليتو بيها الصفحات انا ما شايفة فيها اي حاجة غير سرير وسجادة وجدران من السعف بس شكلو جوها حلو

حيرتونا
avatar
النحلة
فضي
فضي

عدد الرسائل : 202
العمر : 37
الموقع : المدينة المنورة
المزاج : في قمة السعادة
تاريخ التسجيل : 12/08/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  اسماعيل مصطفى بابكر في الثلاثاء أكتوبر 13, 2009 1:55 pm

التحية لــــــــــــــــــــــــــــــــــــــــــــــي جميم الشباب
والراكوبة ناقصة الجبنة
زي ماقال الخال
طرحنا الحبال وردمنا لي وديانا
ونزكرة باالصباح والمساء وتنسانا
الجبنة المزركش بالنجوم فنجانا
باكر سيدا بعد القلي ويطرانا
دمتم
avatar
اسماعيل مصطفى بابكر

عدد الرسائل : 76
العمر : 29
تاريخ التسجيل : 02/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  ابو روان في الثلاثاء أكتوبر 13, 2009 2:12 pm

شكرا ليكم كتير يا شباب
والله رجعتونا للزمن الجميل
مع مودتي

ابو روان
برونز
برونز

عدد الرسائل : 119
تاريخ التسجيل : 23/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  عبد الحميد التوم في الأربعاء أكتوبر 14, 2009 2:03 am

مساهمة مني في سياج راكوبة أبريش وعلي هذا الجو الجميل دعونا نجتر الماضي ونسولف بجزء من بكائية الشول. وأوعدكم بانزالها كاملة
قريباً.
والشول مناداة كنا نتسلي بها علي النيل في لحظة التلذذ باللعب في الماء , كنا نناجي بصوت عالي الشاطئ الاخر من النيل ونقول (الشول أضبح
ليك بقرة ولا تور الشول أضبح ليك بقرة ولا تور) ثلاثة مرات فيرجع الصدي من الضفة الاخري مجيباً تور,,, تور ,,, تور.
ولكن بعدما تغيرت الاحوال وفعل الهدام فعلته ذهب الشول وساب الضفاف والطين, الشول رحل مع السمحين والزينين, الشول حالف ستين يمين ما يبين.
الشول يا أخوانا خاطرة سرت علي البال وإجترار لحنين الذكريات والوقوف علي أطلال الماضي والتباكي علي الايام الخوالي.
الشول رمز لكل قديم إندثر وحنين للماضي ولناس من زمن جميل رحل.
الشول فقدنا المؤثر لاعلام البلد وفقدنا الجلل في النيل الجفل.
الشول التباكي علي أطلال الغرام والهوي العذري.
الشول نعينا الاليم للناس البقت ما ياها ,,, إتقفلت طاقات ,,, وإتبنت حيطان,,, والدمعة بقت قريبة,,, رحلوا ناس,,, وعادوا ناس،،،
السافر قال بجي ما جا،،، والجا ما ياهو,,,

قول يا ستار وين الناس زمن الناس تحرس الدار.
حليل الحبوبة والتراي والمترار.
حليل الطيبوب والطنوب حليل الدوباية والمسدار.
حليل الدرت والفليلة والقرقار
والقنقر والتقة والحقنة ملانة عدار.
حليل السقا واللقاي والتيبار.
حلييل السكة والترتار.

حليل ود اللبيح والمحجان والعليف .
سيد الخلوة والديناب والسيف.
سيد الباركة والسارحة يجيك حفيان يكرم الضيف.
بت حمودي الزاهدة العابدة المليانة صدق مو زيف.
بيت الامانة أم درباً ماشي صيف وخريف.
تسقي العطيش موص كسرة دوكة مو رغيف .
تعد الزاد طحين ودريش وللمسكين تكيل ما تقيف.
يــــــــا الحزن الابي ماا يقيف حليل أبريـــــــش.

ولنا عودة باذن الله تعالي.

عبد الحميد التوم.


المترار : ألة لغزل القطن.
التراي : قطعة خيشة رطبة للف السعف أو جريد النخل.
اللقاي : إناء يوضع تحت الزير ينقع فيه الماء.
الدرت : موسم الزراعة المطرية مع نهايته.
التقا : دائرة في منتصف الارض الزراعية محوشة بالتراب يوضع فيها قناديل الذرة لهرسه أو دقها.
الحقنة : أول الترس أو البلاد ودائماً حصادها غزير وسميت حقنة من حقن الموية ودائماً مسنودة عالي.
العدار : مرحلة من مراحل عدم نضوج الذرة والعدار يكون دايماً غذاء للسعية .
القنقر : قناديل الذرة.
وداللبيح : جدنا عبد الرحمن إسماعيل قسم السيد يرحمه الله وكان يقطن بمنطقة عد أبوخريس شرق البشاقرة.
بت حمودي : جدتنا الله يرحمها إشتهرت بالكرم وعون الضعيف كانت تقابل ناس الفزع قبل دخول القرية بمسافة كبيرة وفي معيتها جرادل
العكارة والماء وإشتهرت ايضا بحفظ الامانات للناس ويترك في عهدتها بضائع مثل شمال الصوف والسلب والسعون والقرب
والروب لبيعها بالنيابة عن أصحابها.
المحجان : ألة طويلة من العود محنوفة من الامام لالتقاط العليف وهو ثمر الشجر غذاء للبهائم.
الديناب : بيت صغير من الطين دائري الشكل.
الموص : العكارة الرقيقة إزابة الكسرة في الماء.
الدوكة : كانت لعواسة الكسرة مفلطحة تصنع من الفخار.

عبد الحميد التوم

عدد الرسائل : 36
العمر : 61
تاريخ التسجيل : 29/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  البادرابى في الأربعاء أكتوبر 14, 2009 4:06 am

ذكرتنا 00000حفرة الله معانا وشجرة بت الحاج وقوز سعده وحبوبتى الشمه قلنا ليها عطشانين قالت اشربو من مويه المطر دى ونحن فى قوز سعده والمويه بى ضقلوبها تفجها ساى وتشرب ونحن اتغدينا بى ام بايحوت -قالت يا اولاد امشو ريحتكم طير طير 0000

وحبوبتنا بت المنا بت حسن والحكاوى المغيرة الحروف وكانت دائما توهم فى الاسماء والعبارات والدقناوى وحكايات يحوى العقارب وكان زارع الجرم (بضم الجيم) فى زريببته 0

وكان حاج الخليل وحاج القاسم وكان وكان رحمهم الله جميعا بقدر ما قدمو
avatar
البادرابى
فضي
فضي

عدد الرسائل : 180
تاريخ التسجيل : 23/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  قاسم ابراهيم في الأربعاء أكتوبر 14, 2009 4:33 am

رائع يا ود التوم وكمل الشول
يا حليل اجادن وياحليل النيل الذى رحل عنا
وياحليل زمان وسنين زمان يا يوما لو تذكرى
طبعا حضرنا جزء قليل من هذا الزمن يعني 1/4 1/4
ولكن قصصهم ماجودة معنا وهي قصص كلها حنية وكرم وعفو

ولنا عودة
avatar
قاسم ابراهيم
فضي
فضي

عدد الرسائل : 361
العمر : 44
الموقع : الرياض العليا شارع الثلاثين
العمل/الترفيه : الرياض
المزاج : الحمد لله رائق
تاريخ التسجيل : 16/05/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  huzyfa في الأربعاء أكتوبر 14, 2009 4:34 am

الشكرلكل مرتادي ركوبة ابريش لما تناولوه فيها من من اجترار لزكريات مضت ولكن مازال صداها يملا المكان
وتحية خاصة لصاحب الراكوبة فقدابي الذي عمل باعترافية عالية من متابعة للمداخلات والرد عليها ولضيوفة الفاعلين ابو القاسم والبادرابي .
ومزيييييييييييييييييييييييييييييييييييييييييييييييييييييييييييييييييييد من الابداع
ومزيييييييييييييييييييييييييييييييييييييييييييييييييييييييييييييييييييييد من التميذ
والتحية للاخ عبد الحميد التوم وهو يتحفنا ببكائة الشول الرايعة بروعتة لما فيها من صور تفوق الخيال
واليكم هذة المشاركة الخجولة باضافة بعض كلمات الزمن الجميل التي لم ترد في الراكوبة
الضانقيل و الانداية و الصارقيل والمساير و الصاج و القدوم و التكل والنملية والبرطوش و الاستبالة و السهلة و البو والتيوه والكدندارة والفروة والدردقو والغباشة واللداية والكُنُش والتيبار والنواسة والدلجة والشتم والعمبلوك والغُلغُل :والغوغاية و الكجَّامة والسفروق والدقنوس والربيد
كسرة :
سؤال للأخت بت السعودية والأخت البطحانية
هل من المكن للمصطلحات السودانية الجديدة , بمختلف مسمياتها أن تصبح من التراث ؟
اذا كانت الاجابة بلا فسوف تقفا عند هذا الحد من العمر ولا تزيدا.
وبما ان الاجابة ليست بلا فلا داعي للتريقة.
وتقبلو مداخلتي...
avatar
huzyfa
فضي
فضي

عدد الرسائل : 232
تاريخ التسجيل : 04/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  عبدالحى الضو في الأربعاء أكتوبر 14, 2009 12:09 pm

والله راكوبة عامرة ولامة وانشالله نتلاقى فيها
لكن فى الاونة الاخيرة تحولت الراكوبة الى مظلة وبقت تصنع من المواسير المربعة والمدورة
والزنك العادى والامريكى ولا نسمع كلمة راكوبة فى منازلنا لانها لا وجود لها فى زمننا هذا
لكن نجد انها لابد من المظلة فى المنزل للجبنة والمقيل فيها بس اتغيرت المواد ولاسم لكن
الراكوبة والمظلة اسماء ومعانى تؤدى الى نفس الغرض
فالراكوبة تختلف عن المظلة فى انها باردة فى كل الاحوال بعكس المظلة التى تحتاج الى مراوح او مكيفات
والركوبة تمتاز بى ارضيتها الرملية ولما ادوها رشة كدة وتشم ريحة الدعاش وريحة الغش اوووووووووووووووووووك
لكن محيرانى حاجة لاعب الكورة لما اقولو لية راكوبة او لحارس
فهل هذا يعنى ان الراكوبة مفتحة من جميع الاتجاهات ام ماذا
avatar
عبدالحى الضو
ذهبي
ذهبي

عدد الرسائل : 563
العمر : 37
الموقع : Blu Nile State
العمل/الترفيه : lead.Sales Supervisor
تاريخ التسجيل : 11/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  البطحانيه في الأربعاء أكتوبر 14, 2009 12:10 pm

يا ود الدقناوي ماقصرت في الصورة اللي عرضتها
والله عمري ما أتخيلت إنو الراكوبه شكلها كده
بس ياريت لو تكمل جميلك في باقي الحاجات اللي قولتوها

تحياتي
avatar
البطحانيه
برونز
برونز

عدد الرسائل : 104
العمر : 27
الموقع : جدة
العمل/الترفيه : طالبه
المزاج : روقان ع الآخر....!
تاريخ التسجيل : 12/08/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  قاسم ابراهيم في الأربعاء أكتوبر 14, 2009 2:02 pm

اها ياجماعة نأخذ من رياضتنا شوية ورابطة البشاقرة شرق التى كان تتحدى الاتحادات الحالية وندخل على بعض المباريات
مباراة الزهرة والدينمو ناس الزهرة معسكرين في بيت خليفة عباس تجد الرئس عباس عثمان والمرحوم ابوالنجا وخوجلي ودحمد مضوى رحمهم الله رحمة واسعة وعبد الله ود بابكر واحمد موسى وعثمان برينسي محمود الجيلاني وحاج صلاح ...الخ وعدد من الاعبين الجنقو ومدثر البناء وعبد الباقي مناقل وصلاح ونبيل وحاتم عمر وجمال ابراهيم وصلاح حامد وشمس الدين عبد الرحمن والمرحوم قسم السيد محمد الرشيد على وعادل على رئس رابطة الهلال بالشرقية ورئس الرابطة الرياضية بالدمام وازهري عزالدين وعابدين والحارس الاسطورة محمد جن جننكم جن وامير شكيت وكذلك حاج طه وحمزة الطيب وفتح الرحمن الطيب والجيلى العوض رحمه واحمد صديق والهندى المبارك الذي انتقل الى النص ومعه الشريف لوبا .........الخ
ناس الدينمو معسكرين في بيت ود ابرجة اتم الله عافيته فتجد رحمة الله واحمد ود العبيد والدينمو كان بقيادة كل من امين احمد ود النمير ويحي محمد نور والمرحوم يحي ابراهيم .
وبعد صلاة العصر على طول تكون في الميدان وكان ما جيت بدرى ماتحصل ليك مكان والحكم طه بشير وحمود ابو صلعة ويمر عليك المرحوم احمدشكيت ويكورك سلى سلى سلى مايكمل عليك ويحوم حول الميدان حتى تنتهى المبارة وهويبيع التسالى وتجد الجيلاني يشجع ود ابرجة الدينمو انغدا محمد جن جننكم جن عندما يتصدى لبعض الكور من الثعلب امين والمرحوم يحي ويشكل الثنائي الهجومى صلاح حامد وشمس الدين قوة هجومية ضاربة
وتجد ابونا احمد العبيد الزهرة نقيطة والكنب(النصر) خستك الدوري والشاطى نل بكسر النونالدينمو نقتطين وتجد المرحوم مشجع الدينمو حسون يبضرب بالقرن منذ تحركه من البيت حتى نهاية المبارة وكانت المداعبات والمبارة والنقاشات تنتهي في ميدان والناس تتمنى الا ينتهي ذلك اليوم ولمتين يجي الاسبوع الثاني وكذلك قائد المشجعين في نادى الزهرة الجيلاني عباس الصادق وهو يشجع اللاعبين ومعه مجموعة من محبي الزهرة
كتبت هذه على عجالة واكيد نسيت عدد كبير من هذا الجيل لكن عندى جلسة مع محمود الجيلاني وحاج صلاح وخليفة ود الحاجة وجمال ابراهيموامين احمد العبيد وبرسم وحمزة الطيب بالتلفون نوضح المزيد
avatar
قاسم ابراهيم
فضي
فضي

عدد الرسائل : 361
العمر : 44
الموقع : الرياض العليا شارع الثلاثين
العمل/الترفيه : الرياض
المزاج : الحمد لله رائق
تاريخ التسجيل : 16/05/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  فقدابى في الأربعاء أكتوبر 14, 2009 2:09 pm

ابو روان/ ياخى بطل كسل وجيب لينا صحن لقيمات من الخاله بت حماد ( الله يديها العافيه ) وتعال لينا وتعال .
عبدالحميد التوم / رجل صاحب خبره فى هذا المجال واحساس مرهف وحنين فياض -- فى انتظار المزيييييد .
البادرابى / حمزة وصل الى الامام .
قاسم / عزم واجتهاد ( وفقك الله ) .
حذيفه( ابو منتهى ) افتقدناك كثير فى الفترة السابقه وحاشا ان تكون مشاركاتك خجوله بس فى حاجتين ما عرفتهن
( البو -- الدقنوس ) فى انتظار ك بعد معرفة اراء البطحانيه وبت السعوديه .
عبد الحى الضو /نعم كل شى تحول وتغير واللذه فى الرجوع للماضى ولو عبر هذا الاسفير . فى انتظار اسهاماتك .
البطحانيه / ارجو ان تدامى على المشاركه ويا ريت يا ود الدقناوى تلبى هذه الطلبات وتجيب لينا صورةالسحاره والسعن والكدنكه وكل هذه الاشياء 0

خالص تقديرى لى كل المداخلات

فقدابى

فقدابى
فضي
فضي

عدد الرسائل : 268
العمر : 49
تاريخ التسجيل : 31/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  قاسم ابراهيم في الأربعاء أكتوبر 14, 2009 4:56 pm

اها ياجماعة الليلة نشرح بعض مكونات راكوبتنا
1- المخلاية :- تصنع من القماش وتوضع على الضان والمعز لمنع الرضاعة
2- القرقريبة :- تصنع منالسعف لعواسة الكسر الطرقة
3- الحق بضم الحاء :- انا لوضع البخور السوداني
4- المرحاكة :- انا حجري يستعمل لطحن العيش
5- النتاك :- فتحه صغيرة لخروج الماء من الحوش
6-المطمورة :- حفرة دائرية لتخزين العيش في موسم الحصاد يعني صوامع اليوم
7- القاطوع :- غرفة صغيرة داخل غرفة يوضع الاغراض الثمينة
8- الخرج بضم الخا :- يصنع من البلاستيك او الخيش لحمل الغاراض او الجلد للماء
9- القربة بكسر القاف :- تصنع من جلد الاغنام تستعمل للماء وهز الروب
10- اللدايات:- يوضع عليهم الصاج للعواسة
11- الوقاية بكسر الواو :- تصنع من السعف والسكس لوضع الجبنة او قطعة من القماش توضع على الراس لحمل القروان (الصفيحة)
12- القرقاب :- قطعة من القناش تلف على خصر الحبوبة
13- الطاقة :- فتحة صغيرة في الغرفة لجلب الهواء وقت القيلولة ( مكيفات اليوم )
14-المُجداع :- الة خشبية حدباء للصيد
15-السحارة:- تصنع من الخشب لوضع الاغراض الخاصة ودائما ماتوضع في القاطوع
غدا نواصل
avatar
قاسم ابراهيم
فضي
فضي

عدد الرسائل : 361
العمر : 44
الموقع : الرياض العليا شارع الثلاثين
العمل/الترفيه : الرياض
المزاج : الحمد لله رائق
تاريخ التسجيل : 16/05/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  النحلة في الأربعاء أكتوبر 14, 2009 7:05 pm

اشكر كل من قام بشرح لكل الكلمات التراثية وبارك الله فيكم
يا حذيفة انا ما بتريق على تراث بلدي وان كانت بعض المواضيع فيها بعض الدعابة نحنا اي نعم تربينا خارج البلد بس ماانسلخنا منو انتو اللي نسيتو بل تناسيتو ودخلتكم ثقافة عمياء ثقافة التشدق والتكلف في الكلام واعوجاج اللسان وانقسمتم الى مدن وقرى حضر وغجر وكل واحد ما معترف بالثاني نحنا حريصين اكثر منكم على المعرفة ونحنا السودانيين اكثر شعب بيخجل من تراث بلده ولو اعتزينا بهذا التراث لتطورنا لكننا ما زلنا في الحضيض وتطورنا وثقافتنا ماهي إلا مصطلحات مصنعة مبتكرة على حسب كل فئة فعن أي مصطلحات جديدة انت تتكلم
والسلام ختام
avatar
النحلة
فضي
فضي

عدد الرسائل : 202
العمر : 37
الموقع : المدينة المنورة
المزاج : في قمة السعادة
تاريخ التسجيل : 12/08/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  البادرابى في الخميس أكتوبر 15, 2009 12:32 am

نحن ناس العاجبه والمحسية وبت البشرى والشمه وكنانه والمزايدة ودار الخلود وسعدونه وفضايل وبت شمه

نحن ناس احمد ودفع الله وتوكر وابرجا وابريش والبشرى وحاج الخليل وحاج القاسم وسراج النور والدقناوى وباشرى --

نحن اولاد معدوم وخدوم وكلتوم وست النفور ودار النعيم وشموم مشارق --

معلومات قديمة رياضية ---

رئيس نادى الدينمو 000حمد مضوى --سكرتير الدرديرى ابراهيم --امين المال عمر احمد عبد الله

رئيس نادى الزهره عباس عثمان سكرتير صلاح حسن

والبقية تاتى
avatar
البادرابى
فضي
فضي

عدد الرسائل : 180
تاريخ التسجيل : 23/04/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد:

مُساهمة  huzyfa في الخميس أكتوبر 15, 2009 1:05 am

شكرا البادرابي علي المعلومة الجديدة , ولكن نعشم في الكثير من زكريات رابطة البشاقرة باعتبارك واحد من نجوم الرابطة.
ويابت السعودية اقول ليك
اولا:
عندما قلت لك بتتريقي انما اقصد انك تعرفين هذة الكلمات ولكن بتتبلهي علينا ساي.
ثانيا:
في ناس كتير اتربو خارج البلد ولكن ما لدرجة ينسو هذة المصطلحات ونحن ناس (لالوب بلدنا ولا تمر الناس) بل انتي من اصحاب الفكر الغربي الوافد وعبارات البرستيج العالي .
ثالتا:
الذي يخجل من تراث بلدة ويتنكر الية ليس جدير بالحياة فية , فلا تعممي وتقولي كل السودانيين لتكون العبارة اكثر دقة(فليس كل السودانيين يخجلون من التراث السوداني(.
رابعا:
هذة المصطلحات التراثية هي لحقبة معينة وسوف تاتي حقبة جديدة من الزمن تظهر فية مصطلحات جديدة بتطور المجتمع.
يعني سوف ياتي يوم يقوم فية ابن ابن ابن ابن صهيب ابو القاسم بكتابة لستة من العبارات التالية:-
الديجتال
الستلايت
الموبايل
الهارد دسك
الفلاش
الايميل
الفيس بوك
الماسنجر.
ثم ياتي في اليوم التالي ليفسرها الي بت بت بت بت بت السعودية.
وتقبلو مروري
كسرة:
يافقدابي معليش انشغلنا شوية كدة.
avatar
huzyfa
فضي
فضي

عدد الرسائل : 232
تاريخ التسجيل : 04/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  عبد الحميد التوم في الخميس أكتوبر 15, 2009 1:50 am

اللمة والمحنة فقدنا دروبا.

مشتاقين للونسة والقعدة في الراكوبة.

لضل الشاتي والدفا والورق واللوبا.

واحشانا السهلة والحيشان والدرابة والطوبة.


عبد الحميد التوم.

عبد الحميد التوم

عدد الرسائل : 36
العمر : 61
تاريخ التسجيل : 29/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  noska_17 في الخميس أكتوبر 15, 2009 4:23 am

قاسم ابراهيم كتب:
ياقـــــــــــــــــــــــــــــــــــمــر شلولة هوي
ارح لاهلنا هوى
عشه وبتولة هوى
ارح لاهلنا هوي
ياوليد الحلة هوى
ارح لاهلنا هوي
ياوليد عزيزة هوى
ارح لاهلنا هوي
ياوليد حبوبة هوى
ارح لاهلنا هوى
يا حلييلنا منها ام نعيما زائل بجد زكرتونا حاجاه كانت غائبة عن البال والخاطر
شكرا ع الموضوع الجميل.....واكتر عجبتنى اغنية قمر شلولة ...ولما يغنيها عبدالباقى تكون تحفة
ع العموم مشكورين والله على هذا الجمال وحاحاول اشوف فى القاموس دا كان فلحتا فيهوا..
احترامى
avatar
noska_17

عدد الرسائل : 24
العمر : 33
تاريخ التسجيل : 16/02/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  عبدالحى الضو في الخميس أكتوبر 15, 2009 5:40 am

avatar
عبدالحى الضو
ذهبي
ذهبي

عدد الرسائل : 563
العمر : 37
الموقع : Blu Nile State
العمل/الترفيه : lead.Sales Supervisor
تاريخ التسجيل : 11/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  عبدالحى الضو في الخميس أكتوبر 15, 2009 5:45 am



العكة للسمن
avatar
عبدالحى الضو
ذهبي
ذهبي

عدد الرسائل : 563
العمر : 37
الموقع : Blu Nile State
العمل/الترفيه : lead.Sales Supervisor
تاريخ التسجيل : 11/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد:

مُساهمة  huzyfa في الخميس أكتوبر 15, 2009 5:53 am

يا كاربينوالسعن سعن بت نورالدايم بس الله يرحمها.
avatar
huzyfa
فضي
فضي

عدد الرسائل : 232
تاريخ التسجيل : 04/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  عبدالحى الضو في الخميس أكتوبر 15, 2009 6:22 am

اجيبو من وين سعن بت نورالدائم يا قرش
والله طلعن جنس سعون من المشمع والقماش
مواد الحياة تتغير من زمن لزمن مثل الراكوبة التى تحولت لمظلة
avatar
عبدالحى الضو
ذهبي
ذهبي

عدد الرسائل : 563
العمر : 37
الموقع : Blu Nile State
العمل/الترفيه : lead.Sales Supervisor
تاريخ التسجيل : 11/06/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: راكوبة ابريش

مُساهمة  قاسم ابراهيم في الخميس أكتوبر 15, 2009 7:33 am

عبدالحى الضو كتب:

العكة للسمن
ياكاربينو شنو سعن وجنبو مناديل ورق
تقبل مروري
avatar
قاسم ابراهيم
فضي
فضي

عدد الرسائل : 361
العمر : 44
الموقع : الرياض العليا شارع الثلاثين
العمل/الترفيه : الرياض
المزاج : الحمد لله رائق
تاريخ التسجيل : 16/05/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

صفحة 2 من اصل 6 الصفحة السابقة  1, 2, 3, 4, 5, 6  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى